老掌櫃東北菜館 (已搬遷) 新店位置

訂7點要8點半交枱，去到冇想到真係咁多人坐落就麻麻，背對背好逼夾，菜式都幾多，四個人叫了幾過菜，尚算好食，茄子和豬手都好味，叫了半隻片皮鴨四個人光光好食得哂，侍應阿姐都幾多，服務算ok嘅，冇加一服務費價錢合理。

同班好耐無見既基友食飯 有人話呢間正就黎左食一黎到都已經有人等緊 不過我地book左位 就唔洗等我地嗌左半隻扁皮鴨 肉嫩又多汁包埋啲青瓜黎食一流仲叫左個炸既辣雞 同 炸豬肉仲有10隻餃子 同埋 肉骨茶咁既餸5個大男人埋單都唔洗600蚊食到勁飽 會再黎！

呢排好中意食麻辣野..成日係公司附近搵好食嘅麻辣小菜同埋粉麵飯今次食左間同事介紹幾好食嘅「老掌櫃」主打京川滬菜（好似係），但個心沖住想食口水雞嘅心黎，就嗌左一份口水雞，黃金炒四季豆，紅油抄手同埋兩件羊肉煎餅，加左個白飯。（自己數返出黎都覺得2個人食咁多都有啲誇張）Anyway 嗌完就等開餐。等等下見到隔離枱啲片皮鴨好似好正..下次食啲餸終於黎，就試左個豆先。鹹蛋上哂啲豆度，熱辣辣超好食送飯一流 除左上海婆婆嘅紅油炒手係我最愛之外，呢間都登上左我排名第二！ 個汁岩岩好其實我地食左好耐個白飯都未到，結果要同店員講先出返，但食緊個羊肉煎餅（唔記得影），所以都唔太得閒追返（誤）。 個煎盒岩岩整好咁熱，咬落去湯汁超香，小心辣親個咀又一推介講返個口水雞，成晚最期待就係佢，果然冇令我失望，雞肉夠滑，啲雞油滑嘟嘟好正（都好肥）！食兩下就扒哂啲飯。整體黎講，雖然啲位有啲逼，坐得唔太舒服～ 但味道同價錢絕對會encore!

朋友生日飯食北京填鴨 朋友朋友介紹食老掌櫃係大角咀 係旺角同太子行過去到有啲遠 奧運站會好啲又估唔到咁不起眼的地方 門口都幾多人排隊好彩訂咗位 如果唔係唔知要等幾耐鋪位大 但有好多位 所有大家係坐得有啲迫雞絲粉皮 - 見到餐廳貼咗張野話係得奬菜色 我就覺得不過不失東北肉皮凍- 會用幾特別形容 口感似大菜糕咁 加上個汁都OK秋葵 - 也是不過不失吧北京填鴨（半隻）- 鴨皮不夠脆 肉質唔會好硬 包皮就真係幾薄 上到枱仲熱京蔥羊肉 -  皮脆 羊肥瘦適中 羊味羶味好重水煮牛 - 朋友食得津津有味 味道夠濃好味 牛肉好都多 但肉質不夠嫩總結 - 價錢合理 但真係要訂咗位先好去

好味中菜館😋😋雖然佢店名叫東北菜，但其實好多菜系既餸都有！叫左最重要既片皮鴨，打去訂位時已預訂左啦！食第一輪六點，訂左位既人可以優先入座座位係比較小同迫左啲一坐底即刻點左嘢食先，所以等左無耐就已經有得食👍🏻👍🏻叫左酸菜魚，佢係魚塊吾係一條既魚，但味道夠，啲薯粉辣到喊！😂😂即刻叫左杯酸梅汁解辣！仲叫左雞絲粉皮，正常嘢！應該都好難吾好食既豆角燒茄子都好推薦！超惹味😆😆兩個人都係$4xx！份量十足😌抱住個肚走

今次十幾人去食，可以試多幾樣嘢，比去年食差咗，味道無咁正忠。例如蔥爆羊肉味道似干炒牛河😥😥，秘制杭州骨似生炒骨，宮保雞丁太濕……但仍然推介北京填鴨及紅燒完蹄。價錢實在平十四人食都是$2000鬆D，每人$180

第二次光顧，上次黎除左北京填鴨好食啲之外，其他平平無奇。叫左一隻北京填鴨，$308，一半堂食，一半打包，外賣盒加收$2，服務生好體貼，叫我地就埋單前同佢地講，又教我地返去點處理薄皮。不過今次吾知點解食到一半既時候有股膻味，完全食吾落，鴨皮微脆，脂肪稍多，肉質紮實，薄皮偏硬帶濃烈麵粉味，大打折扣。京色炸醬麵 $44，炸醬味道吾突出，寡份量又少，吾夠撈勻成碗麵，麵條太淋冇咬口，生蘿蔔絲太青草味。蒜蓉秋葵 $77，吾值呢個價錢，平凡小菜。

第一次同朋友去食，見食評幾好諗住無死啦第一道片皮鴨係ok既 叫左半隻份量都好足不過鴨肉就有d“梅”可能吾係甘新鮮既鴨第二道但東北亂燉，嘩！名符其實都真係幾亂有d薯仔，豆角，粉絲，排骨甘～味道就真係見人見智太重八角味 可能本人吾識欣賞啦～吾覺得有咩甘好食最後朋友打包食剩即反歸第三道係“犇”麵，吾係太記得叫咩名，味道一般，樓下牛腩麵好食過佢最嬲最嬲既係第四道叫左個拔絲地瓜，見佢話要制左20分鐘，由落單到上述果三道菜黎到食完都未到，以為佢後上啦，9點鐘同佢講可以上，等到9:20未到再吹下啦，話叫左架啦，10分鐘後有條女問我地係咪叫左，我地話係，佢話整緊架啦，9:47仲未有再問啦，個樓面走黎話廚房話無單幫我取消。真係火都黎，等左成個鐘先知個廚房無單，主動走過黎同我取消，仲要單都打埋，一句吾好意思都無，一味瀨落個廚房度，食吾到吾緊要，但吾好要我地白等呀嘛 隔離枱食完成餐飯我地都未有取消完仲同我講幫我整反，我真係怕再等多一個鐘都未必有得食三個樓面都話整緊，點解最後係會無單呢？耐人尋味，耐人尋味～

Enjoy the 酸辣汤 from this place - not in Sichuan style though, think lots of bamboo shoot and wood ear. Not very spicy but goes down well as an appetizer. For me the real gems are the extensive list of cold dishes - I like the vinegar jellyfish, which uses the crunchy “head” portion of the jelly fish. The thousand layer pigs ears is super smooth in texture and the combination of coriander and spicy sauce creates taste. Dumplings are just okay, they are in the northern style but was a little over c

經常經過見到此店門口晚市成日排隊，外賣左佢既招牌片皮鴨同東北餃子。片皮鴨不錯，值得一讚的是包片皮鴨的餅皮是新鮮的、是熱呼呼的。餃子也好吃，要留意，他們家的是東北的皮厚餃子版本喔。不愛厚餃子的朋友可免。

$330兩個人片皮鴨：——無鴨香！——鴨皮唔脆——伴碟青瓜粗幼太參差——皮：超難食！凍到連個邊都乾埋，冇乜麵粉香，不夠薄亦不夠韌（見相，個邊乾嘅）東北餃——完全冇肉嘅香味！——灣仔碼頭雪藏餃都比佢好食得多——連個醋都冇醋香酸梅湯——hea貨炒萵筍——呢個算正常高力豆沙——普通，又係擺耐咗拎出來，一定唔係好食環境：——超嘈，講嘢要大嗌——冷氣：由於好多人好逼，一係超熱，一校凍咗就吹到頭都痛服務：——比起食物算好，侍應都係正常態度，唔會話忙得滯黑面付款：——只能現金/八達通整體真係好差，絕非打手抹黑，唔會再來。Openrice食評依家愈來愈唔可信，到底係食壞咗味蕾定打手氾濫？

今年中秋飯揀左食東北菜~預訂左半隻北京填鴨，個皮好香口，咬落去肉唔肥岩哂我，包埋d醬同配菜食好味~又點左口水雞，雞肉嫩滑，醬汁香香辣辣，送飯一流~另一推介係乾煸四季豆，炒得新鮮熱辣，好惹味，平時唔食四季豆既我都食左好多~值得下次再試~

去之前一個星期已經BOOK咗枱同埋留咗兩隻鴨同拔絲地瓜.去到當日攞枱 未齊人 但係侍應都同我地講要準時交枱. 咁我地都明白既~畢竟出面都好多人等緊位 KEEP住有人黎食.第一次黎 見到咁多人 都有少少期待!不過明白香港有土地問題.. 真係坐到有少少迫...第一樣上既菜. 雞絲粉皮!好食既 個汁都調得啱啱好 不過係份量少咗啲.紅油抄手. 不過不失 唔算好辣~主菜~片皮鴨.一隻有兩碟 我地嗌兩隻就四碟啦咁佢地都好好冇一次過上哂四隻 分開兩碟兩碟咁上.皮都冇話好似平時咁唔夠 岩岩好一碟皮配一碟鴨 唔知係咪計好哂?齋鴨皮都好食既 充滿油香 但係大部份感覺上肉太多太厚 相對變咗好易飽~雖然成碟睇落去都好靚~ 不過肉同皮既比例都幾唔平均HAHA~水煮魚. 呢個...... 極少魚同埋唔辣 好油...不過入面有粉絲食 都加返分 雖然得好少~拔絲蘋果+拔絲地瓜好食!不過無影相~ 侍應姐姐都有喺我地面前浸凍水幫我地整埋再比我地食.第一次食拔絲蘋果 好得意 隻味食落變咗唔係蘋果咁....高力豆沙. 呢個整得麻麻地..不過甜品唔嫌多既~食埋岩岩好啦!總結: 呢個價錢食到片皮鴨 質素都唔差 幾好! 係地點唔係

同朋友講開好想食片皮鴨，上openrice見到呢間好食，就去左試，戈日放工後去到8點幾等左2張台後就入得，算快，但記得等位時或事先訂左片皮鴨先***，唔係入到去冇得食，叫左半隻片皮鴨諗住叫多2碟小菜，朋友話唔洗，話好大碟，會夠飽，我信住佢先啦，上菜黎到有片皮鴨，甜醬，青瓜，香蔥，同包片皮鴨塊餅皮，呢間的片皮鴨係連埋肉切，同傳統切到好薄齋鴨皮的鋪頭唔同，佢係厚切版，視乎個人喜好，我認為齋鴨皮會脆d，而連肉就會有兩重質感，飽d抵食d，塊餅皮厚度適中，唔怕厚，呢樣抵讚，最後2個人食完成碟片皮鴨，同朋友預計一樣，已經飽左，所以係大件抵食又好食嘅，中途見到格離台d野食都好似好好食咁，下次可以encore叫多兩個朋友再試過

這間位於大角咀嘅東北菜嘅平民又好食。我地8個人食左$1200,有10個餸，份量都大份，味道都算正中。每個餸約$70-85鋪頭比較細，大約可以坐40人到，如果多人嘅話建議book位，同埋最好要早幾日因為都好多人book，好多人食！如果要食片皮鴨嘅話就要book位嘅時候講定，我地點在一隻，$300幾/隻。隻鴨會喺你到咗之後，就叫侍應上菜，隻鴨熱辣辣啲皮都算脆，但係啲肉就比較瘦，有少鞋。塊皮就冇乜特別，有幾塊偏厚左少少，1隻鴨會有24塊皮。值得推介嘅係糖醋魚，酸酸甜甜味道啱啱好，條魚熱辣辣，炸好之後淋上嗰啲汁，好正侍應態度良好有耐性，由其甘多人卜位食都keep住吾燥底，上菜都算快！