老爺鮑魚雞煲

營業中

休息中

一於就去位於荃灣嘅老爺鮑魚雞煲嗰度食個晚餐，一坐低就叫咗個麻辣雞煲仲要係大辣，之後叫咗冬瓜、毛肚、羊肉片、肥牛同埋鯇魚片，而嘢飲就叫咗珍珠奶、茶鳳梨茉莉、青島、嘉士伯、可樂。感覺全部都一般食個氣氛。

叫左特色雞煲，叫左一隻雞，最後黎左無半隻，全部雞翼，頸，腳，想搵d肉都無，食到谷鬼氣，態度差，當面對質，仲要唔認數各位唔好哂錢，珍惜自己既金錢同時間，避免黎呢間野

行山前唸定之後咩好，係open rice 見到依間鮑魚雞煲好似好好多like. 之後行完山便去食。 自稱選用清遠雞 - 但從來未食過清遠雞係咁難食，超”鞋”super dry, 雞腳完全咬唔到，仲要有四隻咁多! 嘥晒! 好似冰鮮雞咗好耐咁！半條青色嘅配料都冇，鮑魚還可以。個汁和其他打邊爐配料也平平冇奇！失望！ 仲要3百幾蚊，員工態度還可以。衛生麻麻問佢攞辣椒絲，個員工很驚訝地回答：冇喎！得辣椒油！最後，真的很久沒有食這樣難食的雞！

Lunch time 去食，入到去睇下張menu, 侍應話「無鮑魚雞煲，因為鮑魚無入貨」。鮑魚雞煲做招牌無鮑魚。最後叫左半隻雞麻辣雞煲。上到檯，賣相都可接受。但d 雞既量就少得好交關，又多骨，雞背雞尾無雞腳無雞翼，舊舊都無肉咁滯。疫情生意唔好，慳成本都唔係咁做生意，差不多$300食骨頭，又多碎骨。性價比好低。。。無下次！

讚1. 雞煲調味幾好，鹹香開胃，出乎諗料地好，鮑魚都唔錯，起碼唔會太老身2. 侍應好爽手，一叫就有服務，非常出色彈1. 雞煲既雞肉質感唔太得，斬得太多碎骨，入口肉好似好少咁，同埋最大鑊係配料，實在係唔合格，羊肉完全係雪片咁，乜味都無

放工之後跟銷售同事到荃灣食雞煲，他們喜歡邊吃雞煲邊傾生意，少不了喝冰凍啤酒贈興一下。《嘉士伯 》$28老爺鮑魚雞煲是同事推介的，店舖細小，地方企理乾淨，冷氣強又有電視睇，最啱就係雞煲打邊爐。《雞絲粉皮》清涼的小吃，特別有風味的醬汁撈粉皮吃，配合嫩滑雞絲，好味道！《串燒 燒白鱔》$38吃雞煲前先吃串燒伴啤酒一流，白鱔剛剛燒起皮脆肉滑又多汁，如果乾身一點更好吃。《袐製鮑魚雞煲》 $308雞煲可以選原味或者麻辣，國內的同事特別喜歡辣，所以選了麻辣，即叫即製，熱騰騰的雞煲由店員端上來，那一股強烈的麻辣香氣，迎面撲過來，真的有刺激五感效果！清遠雞的雞肉特別嫩滑多汁而且濃郁的雞味，肉質柔軟，口感特別新鮮。鮮鮑魚四隻，入口結實有彈性。還有鮮雞腳呢，配合麻辣汁特別惹味。時菜一份，到最後可以吸收湯汁的精華，吃點蔬菜更健康。《黑牛柏葉》$52喜歡吃黑牛柏葉較為原汁原味，放到湯頭滾幾秒，入口最爽最好吃。《炸魚皮》$35打邊爐又點少得炸魚皮呢！這裡的炸魚皮又薄又脆夠新鮮。

今晚同朋友到了這裡，食了一個好出色嘅雞煲，這裡其實都好多人都叫這個鮑魚雞煲，有半隻青遠雞，同四隻鮑魚，首先這裡絕對夠冷氣，食呢個雞煲，第一樣就係要夠冷氣，一上枱就已經差不多可以從雞煲上嘅麻辣氣味，真係口水都吞多幾啖，每件雞都十分入味，而且十分軟滑，味道夠晒香濃！而跟雞煲嘅鮑魚亦十分爽口彈牙，夠晒煙韌可口，而且味道十分惹味！食完雞煲我們再追加了手打墨魚滑，同埋雲吞，加湯後轉打邊爐，湯底味道濃郁，手打墨魚滑十分彈牙爽口，而雲吞內亦有彈牙鮮蝦肉，十分足料，再追加埋牛丸，出奇地好味，彈牙之餘牛肉味濃郁！最後加埋個烏冬，放入湯底，吸收了今晚嘅精華，烏冬煙韌彈牙，夠晒味道！還有這裡山楂陽梅特飲都十分推介，因為今晚整個鮑魚雞煲都好濃味，呢個特飲就可以將之中和一下！

今天早咗收工就同老婆吃飯在荃灣食肆很多, 見到天氣開始有啲涼意。有間吃雞煲舖頭就即管試一試見到餐牌雞煲種類有好多有鴨有雞 ，而且好多烤魚種類 ，我就選擇鮑魚雞煲可以揀原味中 辣 ，少辣或者大辣。 雞煲裏面有幾隻鮑魚同埋有半隻雞加一份生菜， 啲鮑魚都非常彈牙而啲雞煲我選擇原味雞肉好嫩同埋啲雞腳好入味 。食咗有暖粒粒嘅感覺 ，吃完雞煲繼續可以吃邊爐我就叫咗一份肥牛同埋烏冬 ，啲牛肉 唔會太肥而且60蚊嚟講份量都算大碟。 所以如果喜歡吃雞煲同打邊爐這裏都係一個好選擇地方，下次再來我會試下吃烤魚。

難得今日何以早D收工一於約埋好友齊齊去開飯，最緊要就腳又方便，近近地去左呢頭食嘢話晒有咁多美食選擇，最後都係去食番餐雞煲火鍋，就來左呢間雞煲店品嚐一下餐牌除左有特色雞煲，仲有正宗巴蜀烤魚提供，人多真係可以一次過品嚐兩種風味，我地先點左人氣美食秘製鮑魚雞煲，而且係烹調方面有幾款口味可以食到真正嘅風味，食到雞煲外仲有涼拌小吃同串燒提供，一於點埋佢最緊要食得開心先來有涼拌夫妻肺片， 食過都知係牛嘅其他部位再用滷水烹調，未入口已聞至嗰陣香辣味，當然要有埋辣油連辣椒咁食先夠刺激，食落爽滑味濃厚，接住有串燒大漢羊肉串同燒白鱔,又估唔羊肉串燒得香嫩入口啖啖肉汁再食埋爽口鮮甜嘅白鱔又特別滿足，輪到主角雞煲當然有埋四隻鮮嫩鮑魚配埋秘製醬汁煮多一陣等咁食先滋味，而且嗰陣香味特別撲鼻，先食件雞肉入口肉質嫩滑而且雞係用左清遠雞唔怪得肉味濃，吸埋醬汁香味真係越食越惹味，接住食埋鮮甜彈牙飽魚一定滿足到食慾，品嘗完一輪美食再來係火鍋時間唔少得肥牛呢D必吃美食，再點幾款火鍋配料咁食先至一餐完美火鍋。

在荃灣鱟地坊附近有一間巴蜀烤魚， 每次經過都給那種香味吸引著，最近知道他們在隔鄰店做埋鮑魚雞煲。今晚天氣涼了一點即刻去試試。除了招牌鮑魚雞煲外原來還有鴨煲， 椰子雞煲或者花膠雞煲，不過我們也是點了招牌菜。鮑魚雞煲一份有四隻鮑魚，半隻雞，還有一份生菜，味道可選原味，香辣，麻辣 ,更有泡椒味選。我們點選了小麻辣m對我來說已經麻得一陣陣。鮑魚已經片起，不費半點功夫已經可以進食， 半隻雞非常之肥美厚身，雞件已經盡級麻辣味， 接近享用完這個麻辣雞煲後，店員會為我們加湯就可以食火鍋了。因為雞煲的材料已經非常豐富，所以我們只點了雲吞和烏冬。 烏冬的質素非常之好，盡給麻辣湯料味，雲吞雖然細細粒，但是餡料豐富又有蝦，這樣就弄了一碗美味餛飩麻辣烏冬。特別一提這裏的飲品全是社企租用他們的廚房弄的。我試了酸梅湯，濃郁但又不太甜，非常之適合吃雞煲時飲用呢！

雞煲女友之愛，加上飽魚，認真不得了，所以便來試試這間飽魚雞煲。餐廳不算大，只適合三兩知己小聚。鮑魚雞煲餐廳也有烤魚吃，但我們當然叫了雞煲一試。鮑魚非常鮮滑，而且非常有咬口，又爽又彈牙，吸收了雞煲的肉汁，非常入味。雞肉也很新鮮，吃不出有半點雪藏味。黑牛柏葉牛柏葉不算多，但勝在夠新鮮，而且很彈牙，值得一試。粉腸粉腸很粉，滾完後又粉又彈牙，配上雞煲的肉汁，很是野味。豬肉丸豬肉丸很彈牙，它是切開一半的，這就更加易熟和入味，餐廳很細心也。生菜生菜出奇地爽和新鮮，但是份量就少了點，如果再多點就完美了。

今日係荃灣整完啲野，見到個鮑魚雞煲，好似幾吸引，於是同朋友入去試下眼見台台都食鮑魚雞煲，睇嚟應該幾出名，所以我哋都唔執輸😂我地叫咗小辣鮑魚雞煲，入面有半隻雞同4隻鮑魚後加左碟肥牛同個白繕串燒 佢地仲送左碟生菜添！個鮑魚雞煲黎到真係好香，聽老闆娘講，啲雞同鮑魚係用鮑魚汁用長時間去炆，所以非常入味！一路煲住一路食，仲越煲越辣，但辣得好過引😂食完個鮑魚雞煲就加湯打邊爐，佢哋加嘅湯係雞湯 底。一開始仲以為係一般嘅雞湯，原來佢哋係用煲雞既雞湯，感覺有heart一啲都唔馬虎，唔會越食越淡味，係越食越濃味 仲有個白繕串燒好入味，不過份量就少左啲，下次真係要叫多幾串先夠食到辣辣地再飲埋佢地既自家製涼茶就夠解渴啦總括黎講，呢到都坐得幾舒服，鮑魚雞煲好食原來呢到仲有烤魚，下次可以再試下先

聽說有間飽魚配雞煲新餐廳，於是便來一試。餐廳空間不算太大，但座位也算寬闊，位於街邊大排擋旁，很有打冷的感覺。涼拌魚片雞煲上枱不算快，我們於是便叫了碟小菜吃住先。女友選了涼拌魚片。魚片比想像中彈牙，而且一點也不 ，小小辣，越吃越野味，讓人停不了口。夫妻肺片夫妻肺片非常大塊，味道比想像中辣，喜歡辣的朋友會很高興，很野味也。飽魚雞煲雞煲是半隻雞，份量不算太多，但算是夠吃，配上肥美的鮑魚，味道即時提昇。鮑魚很入味，很爽很彈牙，吸收了雞煲的味，非常好吃。

今日同屋企人去左荃灣行街，咁夜晚肚餓大家都傾開好耐冇食雞煲所以就想食下雞煲。咁荃灣都有好多雞煲選擇既，但就俾我地發現左呢間老爺鮑魚雞煲。一坐低就點左招牌既原味鮑魚雞煲，雞煲份量都幾大，應該有差唔多半隻雞，仲有幾隻雞腳加4隻鮑魚。鮑魚食落好彈牙，而且亦浸滿湯汁，正👍🏻而主角雞肉方面亦唔差，本身聞落就已經好惹味，咬落就非常嫩滑。另外隨煲亦附上生菜一碟，真係食完已經都飽飽地，但都照樣加湯打下邊爐。再加點肥牛，午餐肉等。食完真係飽到上心口啊😂😂

今日又黎到荃灣揾食，發現有一個地方可以食鮑魚雞煲，我見好似幾特別所以就去試一試。餐廳既面積唔算大，但坐落都唔算迫夾。黎到老爺鮑魚雞煲就梗係點佢地既招牌鮑魚雞煲啦，我地點左原味湯底因爲唔係好食得辣😂鮑魚雞煲份量十足，有4隻鮑魚同大量雞件，仲有雞腳喺入面。鮑魚就非常彈牙，而且已經事先剝殼，食落好方便。而雞肉方面就非常嫩滑，而且入晒味，食到停唔到口。食完大部分雞後就加湯變火鍋，配上午餐肉，竹笙，肥牛等，食到個肚捧住走😂飲品就點左一大枝生津李乾蘋果茶，亦係好推介，因為真係生津解渴，好適合食雞煲火鍋時飲👍🏻