老總廚房

營業中

休息中

轉左餐牌，野食平過之前，尤其是午餐個雞扒同漢堡好好食，雞扒個汁好味，漢堡大大個，超級推介，其他餐望落都好吸引，遲下再試埋呢間野可以帶埋寵物入去，側邊有間玻璃房，天氣熱既時候，狗仔可以嘆住冷氣等主人。staff就話狗仔唔上椅，解釋話如果狗仔大小便會難清理，都理解既。我望埋晚餐menu，個晚餐set dinner 人頭$188，價錢都算合理抵食，有西冷牛排，好似都ok，下次再女友試下。當日平日去食，就唔洗等位，staff就話星期六日去book定位穩陣啲。

大家去要諗清楚，西餐一間，以為自己可以帶狗好巴閉，野食貴，服務差，攞張椅俾狗坐話唔得，但明明好多張椅係出面！最搞笑係隔離張台熟客就可以俾狗坐佢地既椅！最後仲因為一張椅就趕人走！未見過一間咁既服務態度既餐廳！好心預左俾狗去就唔好咁啦大佬！

呢間西餐真係平靚正，位置係錦上路天空之城，門口有得泊車，最近佢哋推出左個dinner set，真係好抵食，188蚊一位，兩百蚊都唔洗就包前菜，主菜，甜品同飲品。平時嗰啲西餐廳，閒閒地食個主菜都180蚊啦。我叫左個西冷牛扒，好有牛味超好食，都好多配菜，大大份，食完個主菜飽到不得了，好滿足啊！餐廳上菜時間都快，食完一樣好快就接住上，員工都好nice，服務都幾好🥳而且，呢度好有氣氛，有唔少打卡位，室內室外影相都超靚啊，周年紀念生日慶祝都好適合。仲有間玻璃屋，可以俾狗隻坐室內，有冷氣嘆住同狗仔一齊食野，無得頂

母親節呢日帶埋狗狗一齊去天空之城食brunch，記得網上文章講過boss kitchen有冷氣房比狗狗，於是就去試下，點知去到時冷氣位已滿，天氣實在太熱，都唔想四圍走，望左望menu就入去，室外位照坐。食物選擇很少，而且有點貴，基本78蚊/以上，叫了熱狗餐和豬扒意粉，質素實在普通到不行，熱狗連某大型傢具店出品的都不如，唯一可取是份量很大，而豬扒意粉用的是扁意粉，完全唔入味，豬扒都是一般水準。Boss kitchen不只食物普通，環境配置也很一般，烈日當空之下，只提供一把座地風扇，眼見現場檯檯都有帶狗，都熱到好辛苦，我諗boss kitchen唯一賣店就係可以比狗入，真係唔好對食物有期望，唔會有下次😑

因為周圍商場都冇開 。搵到呢間，以為係隱世 西式或者意大利餐廳。 原來只係比茶餐廳貴少少嘅所謂西餐廳。餐廳設計非常一般。 食物水準非常一般。 但餐廳侍應，可能係老闆，非常細心。 而且服務態度良好，加分.如果有其他選擇,未必再來. 因為今日只有幾枱客人,環境尚算清淨。如果坐滿嘅話，會非常擠迫。黑松露意粉，非常地道煮法 牛扒過分熟，而且因為佢冇問我哋要幾成熟， All Day breakfast瞓量夠大，但唔好食 亦唔夠精緻。

每逢假日都想訓晏d，所以都會選擇食brunch😋加上而家夏天到喇，天氣反覆無常，一係就曬到出斑，一係就落大雨，所以都係揸車方便d！近排都中意去爾聯果邊食，泊車好方便👍🏻今次試下新既餐廳，試下d set lunch😆個set包餐湯，餐飲同一個主菜。羅宋餐湯，質感比較浠，勝在味道甜甜地，少少酸尾尾，幾開胃。主菜叫左一個冬陰公大蝦扁意粉，個汁辣辣地，幾好味。唯獨d蝦係蝦仁，口感麻麻，不過整體配合得幾好食。另外，個牛扒意粉見好多人叫，我地都叫左黎試。附送小小沙律，啱曬d想食得健康既人。味道不過不失，有黑椒汁配合，唔合太乾。

聽朋友講可以帶犬兒一齐進餐，我知這邊有很多餐廳都可以連🐶🐶坐室外， 呢個天氣坐室外都好舒服 所以去試一試 蕃茄水牛芝士沙律- 還可以，如果加d黑 醋會好食d，或加少少其他醬汁，因為就咁食沙律，全太清 Parma Ham Pizza - 薄餅餅底，好脆，好好味 白酒煮蜆- 好味啊！ 配兩塊多士，好脆，好香，好食😋 黑松露啡菇risotto- 啡菇冇乜味，个飯几好 德國鹹豬手- 炸得好脆, 好香口，唔蘇這間店地方都算多位，服務好 經常換碟及fill水，價錢合理，值得一去！

香港好小餐廳可以同自己既愛犬一齊食野。現在有個好地方。哩度環境舒適。食品亦有驚喜。員工親切。假日好多毛小孩同主人一齊嚟。同樣每個都好有善。大家可以互相交流。講下毛孩既生活點滴。呀囝同我都好鍾意哩度。今次試埋佢既蜆同甜品。上次嚟試唔到。今次預留定。果然好鲜甜。終於忍唔住寫上第1次既食評！

基本上去親天空之城都食呢間，鋪位係側邊，泊車易d又無咁逼。有間專門比有狗人士坐嘅房，次次都坐呢到，冬天有冷氣，夏天有暖氣，好貼心。見到旁邊有人食呢個全日早餐，覺得幾靚就食啦，都係個d野，所以味道都唔會話特別驚喜，但蛋都炒得唔錯，都好滑，唔係乾晒個d。

港式西餐，質素合格以上。推介豬手，香、脆、味道濃淡得宜。小食炸雞翼甜甜辣辣，亦惹味可口。比薩出色，批底薄脆！甜品合格。服務水平良好，特別係對狗狗非常友善。呢個要重點推介👍🏼

假日梗係要陪下屋企人食個靚午餐，屋企人之前食過呢度既晚餐覺得唔錯，於是今日就帶埋我一齊食多次！餐廳環境都幾靚，午餐約$60起，只有6款食物可以選擇，另外亦可以單點要Pizza。首先上菜嘅係粟米湯，上菜既時侯傳黎陣陣粟米香，味道香甜，但唔算特別好飲。碎蛋沙津牛角包，蔬菜上無任何醬汁，食落比較單調。牛角包不錯，入面包住蔬菜同沙津。值得一讚嘅係薯條🍟，好香脆，而且放左一陣都唔會變冧。拿破崙大蝦意粉，醬汁味道極淡，味道單一，大蝦亦都冇鮮味，食曬成份都幾難頂。香煎雞扒配洋蔥飯，又係個醬汁累事，好似冇乜味咁，而雞排一啲都唔香，口感好鬆散，成個餐都唔夠熱，擺落口都唔知食緊咩。成餐飯我最滿意就係凍奶茶，茶香奶滑，唔會好甜，所有比例都岩岩好！而食物方面，可能真係唔係太啱我口味，呢個價錢有其他更好嘅選擇，我未必會再黎。

聽朋友提過香港有個天空之城好耐，今個星期日天氣終於好小小，就帶埋兩小狗出去行下，聽講果度有室外位可帶埋狗狗去。 見到呢度有泰國菜、冰室、日本野，眼花暸亂，最後見到寫住毛小孩冷氣區，就吸引左我地入去。 環境好優美，地位闊大，入到去都好多毛孩係度，變相咁多位狗主有機會係度交流養狗心得 。最驚喜係食物好有質素，餐湯係黑松露湯，好有口感好香。 士多啤梨大蝦沙律，大蝦新鮮彈牙，沙律菜配搭也十分新鮮，有別於外間一式一樣的沙律。西泠扒好厚好大份，肉汁juicy ,相當抵食。All day breakfast , 蛋應該加了牛奶煮，好滑。所有食物都好高質，特別薯餅好香好好味，真係估佢唔到。 狗狗有得陪住主人食野，表示相當開心同滿意。

喺新界西除咗屯門嘅黃金海岸可以離開一下煩囂,放鬆一下之外,竟然比我揾到元朗高埔村嚟個小小世外桃園! 喺Open Rice 搜尋高埔村,想食西餐嘅我一見到 •老總廚房 Boss Kitchen• 嘅我見到佢地嘅餐牌幾吸引,當然就要去試試!😋去到目的地,先講下個環境。⚠️🐶 養狗人士同喜歡狗狗嘅你地係好消息! 老總廚房設置咗一間毛孩可以入嘅用餐地方,大家假日可以帶你地至愛嘅狗狗去,一齊食飯。另外,餐廳設有室內同室外餐桌,大家可以選擇好寫意咁坐出面食又可以喺室內歎住冷氣食! 👍🏻 食物方面，我地三個人叫咗幾道菜📋🔸酥炸洋蔥圈•他他醬🔸嚟道菜一上,第一個反應係:「哇😧」 好大同好多個洋蔥圈!!! 見唔見到第三張相,大部份洋蔥圈都係嗰個大細(隔離嗰隻係一般用開嘅叉) 鍾意炸野嘅大家,嚟個又大件又好食,同他他醬係絕配! 佢仲提供沙律嘅菜比你平均翻,好細心! 真係好大碟,好抵食。🔸意式四色芝士薄餅🔸嚟個芝士薄餅好啱我口味! 鍾意食芝士,鍾意薄仲要係鍾意脆卜卜餅底嘅你,我諗唔到有咩理由會唔鍾意!哈哈! 餐廳亦有提供🌶️辣椒仔辣汁•Tabasco sauce 比我哋,個人好鍾意芝士薄餅加辣汁嘅配搭,未試過

一段時間冇黎boss kitchen... 新建嘅玻璃屋🏡配上星星掛燈好有氣氛... 🎆🌒🌙☄而且係專為毛小孩設嘅專區，嚮香港真係好少地方做得到...全程食得方便又開心 唔怕易響到其他人冷氣又充足❄, 嚮炎熱嘅天氣下🔥🌡☀️, 毛小孩都可以在舒適嘅環境陪主人進餐🍕🍖🍽🍻🥂真係好值得主人帶毛小孩去 🐶🐕🐾兩個人點左1個頭盤+pizza+主菜+2個甜品 🥂🍽🍷蜆 - 係呢度嘅招牌菜, 黎親都必食, 一如既往的好味和鮮味四色芝士pizza - 芝士香濃, 批底夠薄夠脆德國咸豬手 - 皮炸得夠脆, 自家製沙律酸菜夠好味baileys奶凍 - 奶味香濃, 配上朱古力蛋糕口感更豐富, 淋上baileys甜酒簡直係完美嘅配搭香橙法式焦糖燉蛋 - 蛋味香濃, 焦糖香脆, 份量充足

炸魷魚圈唔覺流配答個醬好夾蜆肉一碟入面有一兩隻變左但都幾甜三重芝士pizza重芝士味但我覺脆左d串燒拼盤👍🏻牛柳同肉眼扒 個人覺得後者好味牛柳跟個薯蓉好好味甜品就一般般整體都唔錯服務員都好好當日亦打電話確認時間仲問我要户外定室內亦有車位停泊有加一收費