老虎堂黑糖專売 (已結業)

今日飲老虎堂是慕名而來的，因為啱啱在路德圍食完嘢想揾嘢飲，在咁多間台式茶店，黑糖都係老虎堂最出名，所以幫襯了這間。今晚唔算好多人排隊，只係排第3﹑4個，等咗大約10分鐘便買到呢杯波霸厚鮮奶。我鍾意佢嘅黑糖味，甜度適中，鮮奶好香滑，仲有好多珍珠，每一啖都吸到珍珠入口，好好食，除了解渴，也不失是飯後甜品。

近年香港吹起黑糖珍珠奶風潮，黑糖珍奶開到成行成市，當中最出名既一定係呢隻過江龍——老虎堂老虎堂係一間網紅店，亦都有大量blogger,youtuber話佢地既黑糖珍珠奶係最好飲，最出色。但無奈出名既店就係會排長龍，剛來香港開店時剛好係夏天，而且剛來港時得一間分店，人龍之長真係嚇死人，加上炎炎夏日排一個幾鐘買杯野飲都咪話唔辛苦，因為排隊所需既時間加上夏天所以一直未試到呢杯傳說中既黑糖珍珠奶。終於時間黎到冬天😂😂老虎堂都係荃灣開左分店，今次點都要試下佢虎虎生風厚鮮奶本人唔係第一次飲黑糖珍珠奶，但老虎堂既絕對稱得上係最好味的。黑糖同奶味都非常濃郁，珍珠煙韌，三者混合一齊飲~正呀！！ 就算冰溶左都唔會令杯野淡口左。但要注意番就係無得揀甜度~無得揀甜度~無得揀甜度~(好重要要講三次)! 對某d人黎講可能會太甜，所以選擇多與少冰時就要留意番啦。呢間係絕對會再回頭飲既黑糖珍珠奶👍🏻

當老虎殺到埋身，應該走先岩! 點解要送羊入虎口呢?啊~原來係老虎送野入我地羊口才對!!一個個攞著杯黑糖波霸厚奶去打卡、去影相!為的係去飲佢啲彈彈波霸珍珠~一飲就在口中彈彈彈!但一定要拌混好啲奶奶&黑糖醬&波霸珍珠!因為啲黑糖有好重嘅焦燶味，唔知係米特登?首先我又學下人集郵影下門面影下自己手仔睇到啲相片好多一隻隻飢渴嘅羊羊圍著老虎迫佢快啲...快啲..俾杯黑糖波霸出來!勁誇張!我見到有人買左8杯! 唔怪得咁耐啦!但厚奶真是好多奶!我下次都係選普通奶就算~

今日收工行經荃灣路德圍，見到老虎堂冇咩人排隊，就買左泥飲其實自己都想試好奈嫁喇，只係好多時都好多人排隊就冇買到，今日經過見條龍唔係好長，就立刻去買喇🥰當然係試個招牌黑糖厚鮮奶，佢冇得揀甜度或者冰量，味道方面個人認為佢地調教得岩岩好，珍珠口感彈牙，下次經過如果少人排隊會再買泥飲

老虎堂唔知係因為開得多分店，定係熱潮減緊啲，好似少人左啲排隊，行過荃灣見到冇乜人買，又忍唔住買返杯。今次點虎虎生風，大細珍珠。今次飲雖然黑糖味仍然好濃好香黑糖味，不過啲珍珠比以前飲過既林左好多，冇哂咬口，啲細珍珠直頭好似食唔岀一粒粒咁，唔知係今次係咁，定係呢間分店係比較林。覺食水準下降左飲完有啲失望。☹️

名不虛傳厚鮮奶 特濃黑糖紋極靚【老虎堂黑糖專売】‼️‼️.都hit咗一段時間，但都無減客人對黑糖嘅熱情！每日經過都人山人海好長龍，起碼要排20mins+嘅台灣過江龍茶飲店【老虎堂】，今日係荃灣經過見到吾洗排隊，一於試試！香港開咗吾少分店喇，梗有一間係你附近💁🏻‍♀️.珍珠有分大小2種Size!.黑糖波霸厚鮮奶含奶霜($30)衝撞出嚟嘅老虎紋(黑糖)層次分明，好靚！影相呃like首選😂拎上手仲有少少暖～上下搖晃均勻15下先飲會更正！波霸其實就係大珍珠，都係現煮嘅，所以開頭口感會比較軟身，搖晃均勻之後就會變得Q彈架喇😋😋大珍珠好有口感，好好咬口🤩黑糖味香濃但吾係好甜，配上鮮奶嘅香滑，整體嚟講好好味，會飲上癮😂P.S 甜度同冰度係固定架！

老虎堂熱潮，令到很多人排隊，今天見人龍不算太多，就排排看，不是很多都排了15分鐘以上，再加上等取茶，起碼是30分鐘以上。叫了波霸厚鮮奶，珍珠口感軟q，不錯，陪上厚鮮奶，整個層次都不錯，但不值得排那麼久了。

認真我確保唔能夠為一杯黑糖飲品排30分鐘早前見荃灣 Tiger Sugar 老虎堂 冇乜人排 (Reasonable) 即刻買返杯先 由於未飲過老虎堂 & 太多相似既名所以都係叫杯Basic 既先 Brown Sugar Boba Series -Brown Sugar Boba Milk with Cream Mousse $30黑糖波霸系列 - 波霸厚鮮奶 / 含奶霜掛杯既黑糖 確實成個畫面係好靚 呃LIKE 一流!黑糖波霸 黑糖味濃郁 帶有一點點焦糖味 大量黑糖波霸 有咬口夠煙韌 chewy!味道確實就是想像中的黑糖+奶... 很難可以介紹更加假如你要我排OVER 20分鐘 我一定彩你都傻 =]Stay Tuned! XOXO!

老虎堂之前喺銅鑼灣開第一間，開左咁耐都要排勁多人，然後就喺荃灣開左，又係一開嘅時間排晒長龍，我呢啲醒等佢開咗一段時間先去買，我同同事去，收工時間，唔需要排隊order，勁快啦，等Number都係好快，過程都唔使10分鐘同事嗌左杯虎虎生風，我黑糖厚鮮奶，兩杯樣就一樣嘅，但係佢多杯呢其實就係大細混珠，我果杯大珠，飲落其實都算幾甜，奶味好重，整體都唔錯，如果可以好飲鹿仔果間可以少甜就好，（呢度嘅甜到係定左）珍珠如果再彈牙少少煙靱少少比較好，相對呢一間啲珍珠比較軟身我就麻麻哋～不過會再幫襯嘅，大前提係冇人排嘅時候

老虎堂聽就聽得多，今日第一次試。出奇地荃灣分店無乜人，唔通比喜茶搶佐啲人？嗌佐招牌波霸厚鮮奶。一入口奶味濃，口感厚實，伊點係其他舖頭未必做到。珍珠味道少甜，反而無市面其他舖頭個啲咁煙韌。

今日行過路德圍，見唔算多人排隊就試下呢間嘅珍奶～叫左杯黑糖珍珠鮮奶，珍珠幾煙韌，係飲過嘅珍奶比較煙韌嘅一間，唔錯～👍🏻👍🏻 不過略嫌黑糖唔太甜，呢個比較失望😢😢

Finally tried this insanely popular drink. Honestly I don’t know if I was expecting too much, but I think this is way overhyped. Don’t get me wrong it’s still very good. Smooth, creamy texture, just the right amount of milky and sweet with chewy pearls. Just nothing life changing. Is it worth an hour wait? Maybe not. But if you walked past and the line is short, then I do think it’s worth a try.

香港人去鍾意台灣飲料 特別係珍珠奶茶 一星期飲幾杯 台灣老虎堂登陸香港之後正式係荃灣試業啦 立即到新店可以試到老虎堂的招牌飲品「波霸厚鮮奶」好飲之外 亦被佢外觀吸引老虎堂波霸出名係因為佢自制獨家黑糖 由小火悶熬 所以特別彈牙 比其他店既珍珠有層次感 奶茶中加有一層綿綿既奶霜，再用鮮奶為基礎 所以帶出香滑濃郁既奶香老虎堂最出名虎虎生風厚鮮奶 $30 外型很有特色 黑糖同鮮奶結合 做成老虎紋的效果 店家教大家喝波霸時要上下搖晃15下 味道才會均勻

前兩晚落咗荃灣一帶掃街見到近期新開張嘅老虎堂 之前喺其他分店見到長長嘅人龍真係唔想排 但見到呢間只有小貓三兩隻所以決定一試叫咗佢哋嘅招牌飲品 黑糖厚鮮奶 等左唔使10分鐘 果然不錯 珍珠好有咬口 牛奶香濃 但暫時我覺得最好飲嘅黑糖飲品 竟然仲係珍煮丹！

一行幾人係打算去pinkoi 市集，咁岩經過老虎堂，條龍唔係長喎，咁就買左一凍一熱嘅黑糖珍珠鮮奶啦!甜度係冇得揀嘅，所以我第一時間就試下會唔會太甜。個人認為係偏甜，凍果杯更甜。不過珍珠真係好好咬口，好軟熟，但都係好甜。鮮奶好滑，份量我覺得係ok，可以大杯返少少。