老虎堂黑糖專売 (已結業)

近年香港吹起黑糖珍珠奶風潮，黑糖珍奶開到成行成市，當中最出名既一定係呢隻過江龍——老虎堂老虎堂係一間網紅店，亦都有大量blogger,youtuber話佢地既黑糖珍珠奶係最好飲，最出色。但無奈出名既店就係會排長龍，剛來香港開店時剛好係夏天，而且剛來港時得一間分店，人龍之長真係嚇死人，加上炎炎夏日排一個幾鐘買杯野飲都咪話唔辛苦，因為排隊所需既時間加上夏天所以一直未試到呢杯傳說中既黑糖珍珠奶。終於時間黎到冬天😂😂老虎堂都係荃灣開左分店，今次點都要試下佢虎虎生風厚鮮奶本人唔係第一次飲黑糖珍珠奶，但老虎堂既絕對稱得上係最好味的。黑糖同奶味都非常濃郁，珍珠煙韌，三者混合一齊飲~正呀！！ 就算冰溶左都唔會令杯野淡口左。但要注意番就係無得揀甜度~無得揀甜度~無得揀甜度~(好重要要講三次)! 對某d人黎講可能會太甜，所以選擇多與少冰時就要留意番啦。呢間係絕對會再回頭飲既黑糖珍珠奶👍🏻