老虎堂黑糖專売 (渣甸街)

營業中

休息中

前排掀起一陣黑糖珠奶旋風～呢間野岩岩開業時起碼要排隊排成個幾鐘以上咁岩有time off就試下碰碰運氣～結果我地都排左半個鐘至9個字！可見其魅力！我地叫左波霸厚鮮奶同虎虎生風厚鮮奶～兩者既分別係前者甜啲～後者啲珍珠有大有細 口感多層次啲但兩個都好好飲！飲完勁飽，估唔到一杯野可以頂到dinner!夜晚淨係食到少少野～讚呀！

今日黎到銅鑼灣,突然見到間飲品店排晒長龍,我抱住香港人既好奇精神,緊係要去一探究竟,原來係過江龍老虎堂,老虎堂係台灣就飲過,反而香港冇飲過,咁既然有緣相遇,緊係點都要會一會佢,排左半粒鐘終於到我了,飲落去,黑糖味好香,奶味好重,同台灣飲一樣

係黑糖珍珠鮮奶系列當中，又點少得呢間♥老虎堂黑糖專売♥！珍珠厚鮮奶 $30一場黎到，緊係要試下佢地既招牌飲品啦，就係呢杯珍珠厚鮮奶啦～嘩嘩嘩，店名真係無改錯，同杯野飲相當MATCH！因為賣相已經被黑糖打造成老虎紋一樣，好吸睛呀～👀✨佢既奶味雖然都重，不過出奇地我又接受，因為唔係一味得個甜，配埋佢既黑糖味道，令佢既甜味係有層次😋而且珍珠都好好咬口，偏和淋身少少，味道都係帶有甜甜的味道，係我飲過咁多珍珠鮮奶當中算係最好飲同埋最抵飲既一間🤘🏻

今日等大少嘅時候，我決定去老虎堂買兩杯珍珠鮮奶同大少一齊飲。今次買咗虎虎生風厚鮮奶。即係大珍珠同細珍珠共冶一爐。啲珍珠好有咬口，中間冇硬心。黑糖好香好有焦糖味亦都唔係太甜，鮮奶亦都唔係溝稀咗嘅奶水。我自己飲唔晒一杯，飲咗半杯已經飽晒。比起一般珍珠奶茶店，厚鮮奶雖然無咗d茶味，原來黑糖配鮮奶亦可以咁香滑，終於明白一杯普通嘅黑糖加鮮奶都可以成為近期爆紅嘅飲品。

在老虎堂銅鑼灣店剛開張時, 曾為嘗鮮排隊逾－小時。那時的波霸黑糖珍奶奶味極其濃厚, 珍珠與黑糖巧妙地融合。其後, 嘗過其他台飲店的黑糖珍奶, 但始終無法撼動老虎堂在我心中的地位。事隔數月, 再次回味, 雖然虎紋依舊漂亮, 但奶味及珍珠的黑糖味大大降低, 令人不禁有點失望。無可否認, 相較其他台飲店, 老虎堂的人流量的確相對較多。 可是, 客量多並不能夠成為質量下降的理由, 希望老虎堂在新－年能夠重拾初衷, 做好質量規管, 為市民、遊客提供更有水準的黑糖珍奶, 穩定它在台飲界的地位。

之前飲過一次佢哋嘅招牌黑糖珍珠鮮奶味道都唔錯而且黑糖味好重，招牌嘢嘅水準的確冇得彈，但係今次試咗佢哋嘅綠茶拿鐵，竟然個水準落差會咁大， 由於個收銀估計大部份人飲都係飲佢哋嘅招牌黑糖珍珠鮮奶， 冇預計會有人飲綠茶拿鐵所以佢都同我地講咗要等20分鐘左右，價錢比招牌嘅平啲$24一飲落去完全冇綠茶味亦都冇拿鐵味剩係得鮮奶味，所以飲落去真係得驚冇喜，所以如果要飲呢間真係飲佢哋嘅招牌黑糖珍珠鮮奶會比較有保證，其他真係冇乜必要試

初一過男家拜年，諗住碰碰運氣試下老虎堂有冇開啦！之前飲過一次覺得好好飲，諗住今日如果有開就可以俾兩個仔試下！因為佢兩個都好鍾意飲珍奶茶打電話去但冇開，諗住都冇開，但老公話落去碰碰運氣！點知去到渣甸街，遠遠見到最多人群就係佢啦有luck 呀叫左4杯黑糖波霸厚鮮奶！等左唔係好耐就到我啦！今次係第二次飲！水準保持到！黑糖味好濃，係個波霸珍珠表面淋身左小小！但食落個心都係煙銀既！好味！兩個仔都話正呀期待下次

如大家所願，再次去飲多次老虎堂。今時今日話咁快就已經有成 7 間老虎堂係香港，真係開得好快。今次飲呢間同樣係銅鑼灣果間，但就唔飲黑糖珍珠鮮奶，飲珍珠奶茶。原來珍珠一樣係用黑糖珍珠，睇個底就知，但唔知係佢地既黑糖珍珠係差曬定係搵水洗完。表面有好微薄既黑糖，啜一下就冇左果隻，而D珍珠口感極差完全冇咬口，淋曬一堆咁！ 爛啫喱咁，而D紅茶拿鐵淡到水咁冇味，真係劣到一個點，老虎變左病貓 

聽左好耐好耐好耐... 終於, 今日同我嘅飯腳們趁午飯時間過嚟挑戰呢間一直位居民選至top 黑糖珍珠飲品榜首嘅... 老虎堂🐯!!一嚟到銅鑼灣直奔渣甸街, 已經有人排緊隊, 幸運地人唔算多, 排隊俾錢得八至十人。機會嚟喇飛雲🤩排隊俾錢五分鐘左右, 之後等飲品大約十五分鐘左右, 整項挑戰任務居然在廿分鐘內完成🥳眼見每位勝利者都喺門口影✌🏻呃like相, 我不在此post 喇🤪飲後感: 招牌波霸厚鮮奶冇得調教甜度, 冰度, 但整體感覺唔算太甜, 味道適中, 茶味奶味恰到好處, 珍珠咬口亦好,唔黐牙, 我同飯腳一致認為老虎堂係暫時我地試過最好飲嘅

哩間老虎堂always都咁多人排隊. 每次行過哩度, 都要行出馬路避開d人先過度.有日咁啱路過, 竟然得10零人左右排緊. 即刻排隊買番杯黎同baby 試下. 睇下嗰餐牌有咩飲先, 選擇唔係太多, 大部份都係黑糖系列. 少量係latte 系列, 店員介紹完之後,決定試下波霸鮮奶佢地既波霸珍珠係用黑糖悶熬出黎, 聲稱好Q好彈牙. 滿心期待…試完覺得同描述既有d唔太一樣…. 唔難飲, 只係無預期中好無預期中既彈牙. 有點兒過甜. 我地2個都唔係好想飲哂, 因為知道高卡得黎, 味道麻麻.如果你問我意見… 我覺得出色既黑糖珍珠奶茶仲有好多選擇.就唔喺人地嗰post特別講, 有心search 我既食評就會見到.唔係好明點解咁多人排, 真心覺得唔值得排好耐去買.如果唔係咁啱見到少人, 我都唔會買. 短期都唔會再買

排左大約20分鐘就拎到，所以唔使點排🙈🙈不嬲都好鍾意珍珠奶茶，見到呢間咁出名就試下。黑糖味濃郁，珍珠煮得剛剛好，不太硬不太淋。但因為我本身唔係食好甜，但個黑糖就略微甜左少少，不過可以再來。

試高其他黑糖珍珠鮮奶，見到人龍唔多，買杯試下係咪咁正先，大約10至20分鐘左右就有，不過，不能走冰，太可惜了，滿心歡喜試一口，黑糖不算甜，店員說要攪拌後才飲，奶味算正常，不過，珍珠不是煙煙靭靭，不是我杯茶，應該不會再試。

老虎堂既黑糖珍珠真係名不虛傳。當日落大雨，見平時大排長龍既老虎堂唔使點排隊，終於決定一試。由俾錢到拎到飲品都只係十分鐘，時間合理。黑糖香濃，珍珠軟硬適中，nice!

本身晏就要係time square到睇戲，見仲有d時間就出去行下，一行到轉角街口就見到有條好長既人龍，望一望詔去原來係開左冇耐既老虎堂，身邊既朋友都話好好飲，所以諗都唔諗就去左排，排左大概九個字有多終於有得飲，果然好有水準，奶味超濃，珍珠既口感同味道都一流，排咁耐都值，大推各位去試下！

今天同朋友在銅鑼灣吃完晚飯，想要買杯飲品解辣，朋友說附近正好有一家老虎堂。本人最中意喝黑糖奶茶，當然不能錯過啦店面不大，門口很多人排隊。我們點了招牌的波霸厚鮮奶，味道醇厚，黑糖濃郁，真的是第一口就愛上