老虎堂黑糖專売 (渣甸街)

營業中

休息中

今天下午休假，四圍逛，行到此店，居然無人排隊，機不可失，飛身上前，點選皇牌- 波霸厚鮮奶，但不能減甜，不能加冰..取票等待中，已經有人龍！稍等一會，鮮奶到手，size 頗重量級，兼墜手，乍看之下，老虎花紋漂亮，黑珍珠很巨型，弾牙有咬口，黑糖味很特出，鮮奶亦濃郁，無奈，實在覺得太甜，糖份超高，not my cup of tea ！ 試過就算了，不會回頭！

返完工好攰！就去咗附近一間好出名嘅黑糖珍珠鮮奶鋪，依一個就係佢哋嘅鋪面。 雖然佢間鋪嘅鋪面好細，但吸引左好多人嚟排隊。佢依度最出名就係叫虎虎生威黑糖珍珠鮮奶，飲落去好好飲。奶味好濃同黑糖配合得好好，但杯野好多冰。$30話咁快就飲晒，有少少好似呃錢嘅感覺。純粹打卡就OK，但杯野唔會抵飲。依一個就係佢沖完出嚟個樣，老虎🐯紋好靚。純粹打卡影相都係一個唔錯嘅選擇。

一直都好想去試下飲黑糖珍珠鮮奶，但市面上咁多間台式飲品鋪都有出，價錢都唔平，所以就好想試下d正宗，整黑糖珍珠鮮奶好出名嘅鋪頭飲啦！網上都有睇過好多唔同嘅人講邊間好飲，d黑糖好正嘅post，但都好壞參差，都唔知試邊間好。適逢係銅鑼灣經過見到老虎堂，而且都是有好多人講過佢嘅黑糖好味嘅專門店，咁岩朋友又話想飲，就決定試下啦！個日都唔算多人，叫左大概五至十分鐘就攞得啦，出黎個黑糖效果好靚，即刻要用黎打下卡先！一飲果然係咁好味，果然網上嘅人講左咁多都係要自己試下先知！我揀左波霸，好煙韌，唔會淋pat pat。飲得出佢個黑糖味，唔會好甜，岩岩好！絕對會為左佢而再飲多次！

每一次我都係飲虎虎生風厚鮮奶 (大小珍珠混合）老虎糖嘅飲品奶味係我飲過最出色嘅對於我喜愛飲甜的人每次經過買一杯…大滿足!every time I pass by tiger sugarI will order "brown sugar boba + pearl with cream mousse" （big and small boba)Tiger sugar is the best I tried beforeFor those who like sweet drinks, like me you will feel extremely satisfied after getting one!

當晚同朋友係銅鑼灣預祝生日，食正餐前係附近見到有我想食好耐嘅小食店。食咗小食，自己又無帶水，自然會覺得有啲口乾。銅鑼灣一街都係滿滿嘅台式飲品店，自然唔怕無野飲啦。見到大名鼎鼎嘅老虎堂，開店不久已經掀起全城熱話。個個手捧一杯台式飲品打卡，已經成為指定動作。老實講，自己對珍珠奶茶乜乜乜並無太大興趣。但口渴時我都唔介意飲下，只係唔會狂迷至達人程度，飲得唔算多，實在未至於分辨得出咁多間台飲店嘅不同之處。難得當晚人少少，未至於大排長龍，抱住試下新野嘅心情，就去試試老虎堂特別之處。波霸鮮奶＄30飲品真係有掛杯嘅效果，不過就無想像中掛得咁靚。但係最重要都係飲品味道，賣相再好，味道唔夠好都會扣哂印象分。一飲落口，係飲到奶香同微溫熱嘅黑糖香。味道唔算太濃烈，但都幾夾。黑糖珍珠煙煙韌韌，可以食到少少依附係珍珠上嘅黑糖漿。解渴同解辣而言，呢杯都係唔錯嘅選擇。

喺銅鑼灣行行下街，忽然想飲杯黑糖薑茶，但係因為天氣已經回暖，所以搵咗三四間嘅飲品店都搵唔到黑糖薑母茶，於是心諗不如放棄揀飲熱飲，但係再睇下個餐牌，發現有好幾間的熱飲都只係得紅茶綠茶之類，又唔想飲淡口味的，行吓行吓走到去老虎堂門口，見到佢放出嚟嗰啲都係黑糖鮮奶，本身我唔飲鮮奶因為飲咗會肚疴，所以從來冇考慮過去老虎堂，但咁啱見到佢個新飲品就係黑糖熱朱古力，於是就決定試一試，開頭以為可能好似其他店咁用紙杯裝，好熱好耐都飲唔到，但原來佢已經係溝到變咗暖朱古力，用返平時普通嘅膠杯就已經飲到，對於唔鍾意飲太凍又或者太熱嘅人來講呢個溫度真係啱啱好！

老虎堂開左一段時間, 黑糖鮮奶過江龍又遍地開花，今晚終於等到冇甘多人潮可以去試試係咪真係傳說中甘好飲XD本身想點虎虎生風, 點知冇晒細珍珠, 就試另一款"波霸厚鮮奶", 店員建議先搖晃15下後飲～波霸係指大珍珠, 入口好煙韌, 覺得黑糖味幾出, 鮮奶香滑但唔算太厚~ 為了保持黃金比例, 呢款冇得調教甜度, 冰度, 但都唔會太甜, 仲有好靚的「老虎斑紋」打卡晒岩~🔹波霸厚鮮奶 ($30)味道 7.5/10 😍回頭指數 7/10(P.S: 排隊加等飲品大約十分鐘左右, 都算係幾快!)

行到銅鑼灣，原來老虎堂係依度都有分店。見又唔係特別多人排隊，我都買番杯黎試下先。等左一陣就到我既籌號，黑糖珍珠奶茶。佢d紋真係好靚，我選左細珍珠，感覺試如果大珍珠應該會q好多，細珍珠無咁有口感。飲落感覺好細滑，唔會太濃或者過甜，黑糖味道出色。

上年6月,台灣炒作的好人氣既黑糖奶飲品熱潮殺入香港帶起一浪一浪既過江龍到香港開店開11am至22點經常都要排隊大約要30-40分鐘一杯分為黑糖波霸,珍珠系列,仲有茶拿鐵,紅茶等款式聲稱在台灣係手炒,已經比人踢爆過係做假,但無阻食客照排隊既心態波霸厚鮮奶$30一杯虎虎生風厚鮮奶$30一杯說貴未算貴,價錢在cwb合理中上的確珍珠係幾入味有彈性,食起來唔錯但係太濃太甜,唔係香港人愛既口味最近人潮雖減,轉攻喜茶,但佢仍然人龍不短呢

買左黑糖珍珠奶 賣相佢一定好得 杯杯都有老虎紋 飲落黑糖甜味適中 奶味香濃珍珠又大粒 又夠煙un 入面都有淡淡黑糖既香味架鐘意食有咬口野一定不容錯過30蚊一杯 比人地好飲 但又無比人貴

今次終於的起心肝去買杯「波霸厚鮮奶」飲下😂舖頭外既人真係好墟冚😱😨HP要等成10幾張飛先攞到😑好期待究竟係咩感覺🤤.第一次飲黑糖配奶既味道的確幾特別🤓但坦白講奶唔夠厚 幾稀🤨黑糖亦唔係特別香 可能佔既比例唔大🤔波霸係指大珍珠😮食落同普通珍珠奶茶既珍珠size無乜大分別😏😏不過呢度既珍珠係煮得啱啱好🙂唔係太硬 𡁻落都煙韌😄😄最尾H先生真係清曬啲珍珠🤣下次要再試下其他brand💪🏻

其實係第二次試老虎堂既黑糖珍珠鮮奶🐯可以講既係味道好過我系旺角飲👍🏻👍🏻👍🏻👍🏻👍🏻。因為冰碎同珍珠夠笠，奶其實都差唔多，而黑糖整得平均。旺角既冰好唔碎，一舊舊仲要好多冰，即係話飲鮮奶既分量少左，$30就變得唔抵所以間間整既都唔同味咁。排隊宜家都唔使30分鍾 我只係排左2分鍾，飲品好快有，重要係星期六。我會再飲，係值得推介既

同朋友去左銅鑼灣行街，雖然每次經過都好多人排好長龍，不過都忍唔住買返杯黎飲😋😋😋😋試過佢招牌黑糖波霸鮮奶，係真係好好飲！本人都極之推薦虎虎生風👍🏻👍🏻👍🏻 有大粒細粒珍珠更加有口感！

今次終於都試到大名鼎鼎嘅老虎堂😊😊😊果然佢真係唔係浪得虛名😋😍，飲完真心會想再飲多杯黑糖波霸厚鮮奶不過由於呢杯係全糖，所以我個人覺得佢稍微有啲偏甜😂😂😂😂但呢樣並唔係太大問題最緊要嘅係佢嘅奶味真心好重，再加上飲之前搖晃15下，令到暖暖嘅黑糖能夠同鮮奶混合😍，所以雖然佢比較偏甜但佢嘅奶味依然都好重👍，口感好順滑🤤🤤飲落每一啖基本上都飲到濃濃嘅奶味同黑糖嘅炭燒味再加上佢啲波霸珍珠夠大得黎又好Q彈，仲有濃濃嘅黑糖味😍成杯黑糖珍珠鮮奶，真心好好飲啊

今日同同事係銅鑼灣做嘢，路過老虎堂嗰陣見到冇咩人排隊，於是就試一試。我地叫左杯黑糖波霸珍珠奶茶share，因為同事比較喜歡大粒啲的珍珠，食落感覺會再煙靭啲。必須一讃的係個黑糖紋真係幾靚，好岩俾女生打卡用。我地兩個人都覺得老虎堂個黑糖味俾出面其他的黑糖奶茶濃味，感覺係特別的。同時，啲波霸珍珠真係非常煙靭有咬口，而且份量都尚算多。不過，我同同事兩個人都覺得個奶茶整體上甜左少少。總括來講，我地兩個人都覺得老虎堂唔錯的，但好到要排隊又未至於。