老街 (彌敦道)

營業中

休息中

男朋友搵丁間新野，未食過，就試下，因為我都幾鍾意滷肉飯幾搞笑d裝潢我揀左麻辣排骨湯麵，個排骨係即炸既，所以會後上，員工亦會同你講睇落去就好辣咁，但味道係可以既，佢用左辣油封面，令麵夾上黎都有辣油味。食落就有辣有麻咁啦，咁台式就一定唔係中國四川個d啦。係唔同既，咁佢個湯底都有俾味既，又唔係清湯加辣咁，但我覺得就一般般啦。排骨即炸就當然溫度唔錯啦，都林既，叫正常好。價錢就貴既，就唔值依個價，食環境又唔覺有得食，整體我就覺得一般。我未必會再食啦

心痕痕 想食下鹽酥雞 見到有人介紹就試下 一入到去就有d懷舊架台灣歌放緊 環境好有台灣感覺！！！食物就唔算平 最平都要55蚊左右 叫左鹽酥雞拼肉燥伴麵！！可能太期待個鹽酥雞 有d失望 炸得唔夠香脆 味粉唔夠香 肉冇咩汁 只可以叫左一般野。。。。。肉燥反而有d意料之外 幾好 鹽甜得怡 伴麵 有口感 煙煙韌韌 好怕食到d淋到成個糊咁果d！！

下午茶時間行過油麻地但係突然之間想食台式野所以就入去試吓啦叫了個牛肉麵同埋一個鹽酥雞肉燥麵本來見到店內冇乜人 以為個餐好快會到不過都等左差不多10幾分鐘牛肉麵是朋友叫的 早到少少 味道一般更大的問題是碗麵根本不熱只是暖的想叫朋友再換過一碗 但朋友唔介意就照食我的那碗鹽酥雞肉燥麵就不錯麵夠熱唔會好淋 雞都是剛炸 夠脆不過肉燥份量較少 無咩肥肉油脂食落口就有點乾 一般水準沒有其他人講得咁好食飲品都要分開叫 沒有跟飲品總括而然，食物一般 價格偏貴 性價比不高

旺角一帶固然多野食，都食過唔少鋪頭，行行下就見到呢間就走左入去試下啦，環境都算不錯既，唔算太窄，因為一行三人都有sofa位，如果兩人就有機會坐路中間既位置會比較無咁好。點了：雞扒蕃茄麵，熱蜜糖檸檬水。雞扒蕃茄麵，雞扒都算熱同口感ok,肉質唔算老，份量中等。蕃茄湯味是有的而麵既份量都算ok 唔算少，但湯底未致於係吸引既味道。中評。熱蜜糖檸檬水，蜜糖味有的，沒有甚麼特別之處。總結味道普普通通吧，不過不失。經過又沒諗到食咩可以一試。但就唔會話專登黎食了。

喺油麻地經過過呢間台式料理，見個舖面都幾靚幾有古早味feel,就入去試下啦。鹽酥雞滷肉飯 $50鹽酥雞造型可愛，細細粒，size啱啱好，啱哂啲擁有櫻桃小嘴嘅女仔食。略嫌肉質似係俾鬆肉粉’lar’過嘅雞胸肉，如果可以係雞髀肉就好喇鹽酥雞肉燥乾拌麵 $52鹽酥雞都係同個飯嗰個一樣嘅，個拌麵味道唔係特別濃，適合食得清淡一啲嘅人士，但我本身比較重口味，就prefer佢濃少少，個汁’杰’少少，但整體味道都不錯酥炸花枝丸 $28丸界中，一向最愛食墨魚/花枝丸。佢嘅炸粉顏色唔知點解橙橙地好似落左吉士粉咁，唔係好自然咁，而且粉量有啲少，不過味道都ok🍵珍珠奶茶 $12🍵胚芽奶茶 $12

約朋友聚會搵咗間網上評價幾高既台灣菜叫咗碗魯肉飯唔係店內招牌老實講 味道普普通通飯量中等 但一般女仔應該都夠食魯肉唔夠多 唔夠撈飯食但太餓 都有全部食曬建議都係叫返招牌牛肉湯麵食魯肉飯就唔推薦了🙅🏻‍♀️

朋友話想食台灣菜，我哋見到呢間好似好多好評咁，一於就同fd去試下。鹽酥雞肉燥湯面($50)d面質相當煙韌，湯都幾好飲，而d雞炸得啱啱好，好juicy，整體幾好食，感覺上同鐵牛差唔唔多，但個湯底唔算特別，飲完都有d口渴。木魚炸豆腐($35)同朋友share咗呢個小食，個豆腐好大粒，不過d醬多咗d，咸咗少少，好采有d青瓜中和返。冇咩特別，但都ok好食。

#中意嘅請分享請點讚🍻----------😋鹽酥雞滷肉飯 $50鹽酥雞有7粒，表皮夠脆口，炸粉唔會太厚，不過雞肉就比較乾身。滷肉汁唔似平時嘅用肉碎，而係大大粒嘅腩肉。飯係用珍珠米，加埋滷肉撈飯一流。----------呢度嘅裝修比較特別，加左好多台灣特色嘅海報/燈飾/畫，而位置都夠寬敞。----------🔎老街🚩油麻地彌敦道530號永僑大廈地下6號舖🚩太子西洋菜南街240號地舖

同朋友去完附近買玩具 過咗要食晚飯既時間時間都有d晏 難得見到呢間店仲開就係附近呢間台式餐廳裝修都幾有舊台灣feel有啲懷舊poster貼哂係牆上見有幾多卡位 都坐得幾舒服紅燒牛筋腩麵見到幾舊牛筋有厚厚膠質食落牛筋都夠林 味道不錯而且湯底好濃好香牛味麵底不過不失 都幾吸味蕃茄排骨麵突然想食酸菜 加錢叫咗份蕃茄湯底麵好濃 但差咁d茄肉之於排骨都炸得好脆卜卜表面有d椒鹽 好惹味餐廳食物整體都唔錯仲難得係比較夜關門既舖頭價錢平民 都幾好

留意咗呢間舖一排，不過次次唔係早得滯未開門，就係趕時間匆匆經過，呢次終於食到喇，不過得一丁友唔敢眼闊肚窄，淨係點咗一個麵同一杯飲品。1）滿漢大塊牛肉麵（$70）牛筋：唔算好稔，少少實，不過一咬即開，係我鍾意嘅口感牛腩：Well，好香牛油味，不過要啲牙力先咬得開貢丸：爽口大大粒香口花枝丸：相對普通金錢𦟌：好淋好淋好淋，兩大條，幾乎唔駛咬咁滯麵條：中規中矩湯底：相對其他店較淡口，不過都係鹹淡適，下次試吓番茄湯底2）紅芭樂汁（跟餐加$12）

以前返u陣時 好鍾意同fd過來食下午茶 又平又好食～ 而且位置都坐得幾舒服。今次同男朋友去食晚餐 反而覺得麻麻地 一般般 唔算太好食～但又可能因為order嘅set餐唔同 所以味道亦有不同。之前下午茶鍾意食 鹹酥雞腩肉飯～雞塊好酥脆 而且腩肉有肥有瘦啱啱好 唔會覺得滯。撈飯一級好味但今次食嘅牛肉蕃茄麵 雖說係主打 但食落覺得麻麻 牛肉全部係精肉 容易打渣 痴牙🙈男朋友嘅豬手飯亦麻麻 唔算特別吸引。總括而言 下次再去嘅話 可能都係食返鹹酥雞腩肉飯算啦🤣

晏d有嘢做，所以求其係屋企附近食啲嘢！所以就試吓依間老街台灣嘢食，入到去店舖位置都OK。可能我一個人關係，叫我坐左收銀隔離門口位，其實都冇乜所謂不過由於門口位置冇風閘。所以冇乜冷氣有少少熱。。。店員態度友善，叫咗個滷肉鹽酥雞飯加杯百香果QQ！62蚊都算係咁啦。。唔算太平太貴！上菜速度快！不過飯量就比較小d。。。百香果太甜，我要不斷攪勻佢先好d味道都ok啦。。正正常常囉。。都係唔算難食不過都唔算好食，好似我依啲求其填飽個肚都可以嘅

店舖光猛，夜晚七點鐘去唔會太多人，完全唔使等位，好快有位。職員態度普通，冇乜笑容。坐低見到Menu，叫嘢食加錢有嘢飲。跟餐胚芽奶茶+$12 珍珠再加$3，胚牙好多好足料，唔會過甜荔枝紅茶，都係跟餐加$12。茶味濃，唔會太甜。紅燒牛腩牛筋面，面唔彈牙，但未至於淋。牛筋牛腩不過不失滷肉飯（細），唔好食，醬汁亦唔夠豬耳細細碟，但其實食落好多，全部貼在一起。豬耳夠入味酥炸花枝丸唔好食，外面唔酥脆，好硬，入邊唔夠熱，又似放咗好耐

呢間油麻地彌敦道既台式餐廳，開業無耐就火速成為區內長期人氣店！由於價錢相宜，而且食物質素唔錯，所以每次一到中午就會見到好多打工仔、學生哥大排長龍～呢到裝潢好有台灣老街既特色，而且播既音樂都係90年代最流行既國語歌，所以環境氣氛幾唔錯～我平時都幾鍾意食呢度既排骨魯肉飯，因為同台灣食既口味好相似，而且份量幾足，一個女仔食到一半其實已經好夠飽～呢個午餐除了有炸排骨、魯肉飯，仲有3款前菜同一杯飲品，而飲品仲可以揀珍珠奶茶添，呢個價錢真係好抵食呀

早兩日，同啲同事過黎食lunch覺得都唔錯，所以今日帶老公過黎試菜去到坐底，先知道星期六日冇lunch set只可以散叫我老公剛訓醒，冇咩胃口所以佢只係叫左啲小食我就叫左個咩都有（牛肉，牛根，貢丸）既新竹米粉碗新竹粉係可以既，冇話特別好唔好食不過啲小食定⋯⋯鹽穌雞食落似麥樂雞台式腸同冰細茶就普普通通過得去