老街 (彌敦道)

營業中

休息中

After pretending to be tourists and taking our visiting friends around the markets, we stumbled across this joint along Nathan Road. To keep this short:-The decor was simple and clean and the seating was spacious-Decent portion size and selection-Reasonably priced at around $60-70 a dish-Personally, I thought the braised beef noodles were great; succulent meat and the broth was rich, but not-overpowering.FINAL VERDICT: EXCELLENT, SIMPLE TAIWANESE FOOD AT A GREAT PRICE

剛巧經過這台式餐廳看到放在門外的餐牌頗吸引便決定入去試試香酥排骨滷肉便當排骨炸得香脆 有三大件 滷肉過咸 雖然配上白飯 但整體還是太咸花枝丸牛肉麵花枝丸一般 無甚特別牛肉很軟很入味湯頭飲得出是落了很多香料 很濃酥脆鹽酥雞(大)這個跟在台灣夜市吃的一樣上枱熱辣辣 完全沒有油淋淋的感覺還好叫了大的 叫小的就不夠吃了百香果QQ綠茶荔枝QQ紅茶總括而言食物味道ok 座位亦頗舒適公眾假期沒有午餐和下午茶 只有散叫不過價錢也不太貴

呢排都會去旺角返學， 所以晚飯時間周圍揾食，咁啱行過見到呢間舖頭裝修幾特別，又見有d 餓就入去試一試呢間餐廳，入到去職員叫我自己揾位坐低，但坐低左枱上冇餐牌，所以示意呢道冇餐牌，但見職員態度唔太好， 仲將餐牌掉埋黎比我，雖然個陣已經想走， 但我都我點了鹽酥雞伴麵， 可惜伴麵質感好似整到過左龍，而且個味太鹹， 鹽酥雞炸得都幾脆但肉就好鞋口，食完之後好快就口渴， 飲左一支水都唔夠， 唔會再試亦唔推薦， 試一次乜都夠……

請咗半日假去睇醫生諗住求其搵D野食吓抖抖先行到門口見到都幾特別諗住食個TEA頂肚侍應可能忙緊行來行去視而不見幾經辛苦落完單等到野食肉燥乾麵配鹽酥雞、炸豆腐、香腸肉燥乾麵：叮返熱，Ｄ肉叮到硬哂～（肉燥有圖有真相咁乾）個汁又酸又甜唔知點咁，食咗兩啖覺得好怪麵質尚可鹽酥雞：正常，剛炸起肉質滑炸豆腐：用木魚包住，正常但又係唔知點解個皮好硬唔係脆香腸：冇特別唔明白點樣置身於台灣或許會用正宗去形容可能只有我唔明白

由10am至2pm 同個朋友一直坐係電腦前㩒Sammi演唱會飛，最後係失敗！之後，勁肚餓，走左去老街食返個下午茶補返。下午茶餐原來好抵食！小食可選三款：酥脆鹽酥雞 - 外皮酥脆雞肉嫩滑，唔會太咸！木魚炸豆腐 - 外皮勁香木魚味，豆腐熱乎乎又軟滑，好好味！夜晚小香腸 - 係正宗既台式香腸，咬落爽口！小碗麻辣乾麵 - 份量唔算多，但麻辣味偏辣，麵係彈牙！冬瓜茶 - 只係加$5，甜度適中，叫左少冰但都算多冰，不過味道係唔錯。$37 一個tea set, 真心抵食又好味！

幫襯左幾次既台式食店食物味道同質素都幾好。咁多次我地都有叫牛肉，呢度既牛肉真係直得一食，因為一般叫牛肉麵多數都會韌同「鞋」，通常叫牛腩先有啲滑既根或脂肪，但呢度既牛肉係有啲似牛𦟌部位或牛坑腩既肉咁靚，有咬口又淋滑，而且啲醬汁甜甜地幾好味，所以次次都會叫牛肉麵，不論湯麵、伴麵都唔錯。我自己喜歡伴麵，因要戒凍食。有時有啲伴麵係凍冰冰。呢度既伴麵係暖既，而且有少少湯汁，食到底都唔會有乾淨淨既感覺。另外，佢地既魯肉飯、豬腳都唔錯，豬腳好大份，都叫抵食。

突然想食台式料理，於是叫左個朋友陪我油麻地呢間”老街”。上網睇過D食評都唔錯，而且款式又多…除O左有台灣湯麵，古早味魯肉飯外，仲有麻辣湯麵同蕃茄湯麵食….今次我同朋友就點O左蕃茄牛肉麵同麻辣牛筋牛腩麵….蕃茄麵湯底濃味，酸酸甜甜咁好開胃，麵條亦好彈牙有咬口，而麻辣牛筋牛腩麵好香麻味再帶點辣，忍唔住係咁飲D湯…牛筋亦炆得好淋…的確唔錯!!! 我地仲+$6追加O左酸菜…好正!!!! 至於小食方面，我地點O左炸豆腐拼鹽酥雞，豆腐外脆內軟，香口酥脆，至於鹽酥雞內裡嘅雞肉夠嫩滑，鹽味胡椒味又啱啱好，炸皮唔算太厚，唔會食到好粉嘅感覺…另外，黃金脆薯我地點O左配梅粉，有D酸酸地，食起上O黎唔會好油膩…餐飲我地兩個都叫O左珍珠奶茶加杯芽，味道正常，唔會過甜…

突然好掛住台灣菜，記得之前行開呢邊經過呢間台式餐廳🍴，今次就同朋友決定一試我地嗌左幾款食物！麻辣牛筋牛腩麵、酥脆鹽酥雞（小）、滷味切豬耳、蒜香豬軟骨肉燥乾拌麵同埋蜂蜜綠茶🍵個麻辣牛筋牛腩麵一黎到就覺得好吸引！個湯底好濃，個麵同我係台灣食既一樣，好彈牙吸哂個湯底牛筋同牛腩個分量都幾多！鐘意食辣既話呢個真係必點💞酥脆鹽酥雞炸得好香，炸粉又唔算太厚，細細粒，都唔錯！滷味切豬耳呢個超好味，因為d滷味汁好多，豬耳分量都好多，呢個下次會encore蒜香豬軟骨肉燥乾拌麵，豬軟骨好大舊，好淋身同入味，個麵都唔錯！Overall :呢間cp值好高，鐘意台灣野真係要黎試下！☺️

老街長期都好長人龍，今次20:00見到冇乜人排隊，就入左去食～排骨肉燥便當，米係用珍珠米，粒粒分明有咬口，肉燥油脂適中，可以撈哂成碗飯，但又唔會太乾/太油，唯獨肉質可以淋返啲，排骨就正正常常冇特別。牛肉乾拌麵，牛肉有三大舊，麵質有咬口，甜甜地既汁配上青瓜絲同蔥粒，食落味道有層次，好食滷味拼盤方面有滷水蛋，豬耳，豬腸，牛筋，全部都煮得好入味，當中最欣賞蛋，入味有咬口，唔係好淋好散個種蛋；唯一可以改善的地方為豬腸可以清肥膏清多啲；但整體都做得十分出色佢仲有好多台灣先買到既飲品，第一次飲呢罐芭樂汁，十分出色！

今日太晏食lunch，夜晚嗰餐真係唔可以食太多！唯有揀啲小食為主，再揀一個主食share食就夠，重點係凍飲！呢間就滿足晒我地！蒜香豬軟骨肉燥乾拌麵 ($56)除左有豬軟骨，仲有青瓜絲同滷肉碎，再加條菜！麵夠煙韌，餸都算多，每一口麵都沾上肉碎，不錯喎！肉燥青菜 ($30)雖然好飽，但蔬菜真係走唔甩，蔬菜可以減輕油膩感！唐生菜舖滿肉燥，除左面頭嗰塊菜咸少少外 (只怪我貪心包住大量肉燥)，的確清新！五味小茄子 ($30)個汁濃左少少，但茄子勝在夠熱，木魚碎夠多又乾爽！小香腸拼鹽酥雞 ($44)香腸係台式嘅香腸切片，正常味！鹽酥雞炸得唔夠香口，如果再脆口啲會好啲！荔枝QQ紅茶 (跟餐加$12換)店員話今日無QQ轉椰果，冷飲特別清新解喝，不錯！

老街牛肉拼盤牛腩軟綿入味，只一小件少少柴，應該因為細舊而過左少少火。其餘的都十分軟，只帶少少肥膏。牛筋軟淋，亦十分入味，不太漿口。牛展最正，不是帶有牛筋，直頭是連接牛筋。肥瘦最適中。五味小茄子食得出甜酸鹹，只有微辣。熱度十足，内裡是熱的，不是暖。Lunch時間要等位呢，但仍不少人願等。

難得開咗一間台式店，當然要幫襯啦，今次帶我家人去。睇埋餐牌唔算貴，係彌敦道上嘅都算合理。行上幾級，入面都幾寬敞，多位，亦有卡位。黎嘅時間都一直有人流，油麻地尚算有啲遊客。眼見都唔少街坊都有幫襯，總算油麻地有其他類型嘅食店。有個大花公仔，好似鎮店之寶咁，一入黎鋪頭會搶眼球。講番食物，呢個係魚酥皮蛋豆腐，32元。皮蛋小小咸再加滑滑嘅豆腐，真係幾正。家人叫咗滷水豬手肉燥伴麵，56元，豬手好淋，而且非常入味。伴麵係依家台式料理中幾常見，肉燥伴麵無得輸。紅燒牛肉麵，60元，牛肉非常滑，又係煮到好淋，入口即溶，帶有啲筋位，唔會化開，都係咬先鬆。麵不錯，小小q。飲品就加咗錢飲特色，芋香奶茶，好香芋頭味，飲落舒服。滷水係台式料理常見，裝修亦有懷舊味，老味重。

突然好想食台灣牛肉麵，在油麻地行街經過見到這餐廳就入去試一試。涼拌小黃瓜小黃瓜份量很足，口感爽脆，很適合做前菜。炸豆腐併鹽酥雞炸豆腐皮脆內軟，亦富豆味，配上甜酸醬很開胃。另外鹽酥雞也炸得好香脆，味道都不錯。酥炸花枝丸我最愛食花枝丸，這個炸得不油膩，質感彈牙，上面加上椒鹽很好食。五味小茄子茄子份量也很足，上面鋪上木魚絲蔥花味道特別。滿漢大塊牛肉麵有花枝丸、貢丸、金錢展、牛腩、牛筋，一次可以試足所有餸。牛肉煮得夠腍，湯底夠濃味，喝得出餐廳用心製作。另外$6加了一份酸菜，酸菜搭上牛肉麵感覺才夠完滿。食熱辣辣的牛肉麵當然要配返杯珍珠奶茶啦

老街，齋睇店名可能唔知賣乜，原來又係一間台灣菜餐廳位置非常便利，一出油麻地地鐵站B1出口，就已經見到餐廳就喺對面馬路 入到餐廳，可以見到唔少台式元素嘅陳設裝飾，餐牌亦甚具懷舊風，十分有趣店面面積算大，枱與枱之間有一定空間，坐得都算舒服餐廳內一直播放住各首華語流行曲，貫徹台灣風主題 睇勻全個餐牌，決定點一碗麵一份小食一杯特飲飲品&小食先上桂花酸梅汁，唔覺有桂花味，但酸梅汁就名副其實，唔會過酸，鍾意佢有開胃消滯作用小食係滷水豬耳夠滷水味，肉質爽彃，軟骨脆口，令好耐無食過豬耳嘅我可以一飽口福~ 主菜點咗蕃茄鹽酥雞湯麵欣賞佢鹽酥雞另上第一時間俾個湯底嘅鮮紅色吸引慣例，先飲湯底好濃郁嘅鮮茄味，正！忍唔住飲咗好多湯底麵質爽口，浸湯亦無發漲變淋，但又做到吸收湯底嘅味道，幾好食鹽酥雞亦做得唔錯，份量足，外層酥香，咬開可以見到炸衣夠薄，裡面雞肉完全唔會乾爭爭，再加埋最面頭嘅香料，真係會食唔停口 台灣美食真係食極唔厭而且香港都有唔少台式餐廳，鍾意台灣菜嘅朋友，又多一個選擇啦~

這間台灣菜和其他台菜餐廳的餐牌都差不多，驟眼看價錢都是合理範圍，絕對不會因為裝修和擺設導致過高收費。今次除了主食，還點了幾款小食試一試。先來牛腩牛筋麵，牛腩炆得頗入味，牛筋亦都有應有嘅彈性麵嘅份量亦都好多，不俗鹽酥雞乾撈麵，鹽酥雞是一粒粒炸的，咬落多汁可能不是放湯的關係，乾撈麵比湯麵更有彈性，加上醬汁一齊食十分有驚喜之作。小食有豬耳、炸花枝丸和青菜，特點都是份量大，豬耳做得爽脆，淋上菜的蔥油醬汁非常之惹味整體來說味道有水準，最主要是份量不少，使經濟又實惠的小店。