老表燒鵝

營業中

休息中

好少寫食評，忍唔住反映出嚟等少d 人中伏😓呢間野新開果陣都ok 嘅，而家愈做愈衰，$43 外賣燒腩仔飯連凍飲，一睇個師傅個木砧板側邊一舊舊燒肉無皮，一條單獨番學間尺咁size,嘅燒肉皮，即刻心知不妙，果然切左幾舊瘦肉，再切幾片仔脫落嘅豬皮比我，仲衰過街市20 蚊燒味飯😑anyway, 味道ok 就得啦，佢又唔係喎，舊肉鞋恰恰，塊皮淋pat pat , 劣食🤢睇下係咪個別事件啦，之後比多次機會佢嗌多次燒腩仔飯啦，又係皮肉分離，A 瘦肉配 B 層皮，其實間野知唔知咩係燒腩仔呢？同燒肉係兩樣野嚟啦😵‍💫

叫咗碟燒鵝乳豬雙併飯 燒鵝D皮又油又淋完全冇所謂荔枝柴嘅香味次次都俾D骨多過肉嘅位 又或者係勁多肥膏嘅位 以為下次唔會咁好彩 點知次次都係咁 乳豬完全淨係食D皮 得D肥膏冇肉食 加碗鹹到嘔嘅例水 咁就盛惠$85 服務態度差真係唔再有下次

經過新蒲崗，一心諗住食吓燒鵝，點知第一次食到啲燒鵝係唔熟嘅！唔熟嘅！唔會再幫襯！咁啱經過諗住喺嗰度食個午餐，本身對佢嘅燒鵝都冇期望。諗住正正常常。點知食食吓發覺原來係可以唔熟嘅，真係咁大個人未食過啲燒鵝係可以唔熟嘅！本身間餐廳嘅座位已經唔係好舒服！嘢食質素又係好差，阿姐嘅服務態度亦有待改善。我諗唔明點解仲未執？如果大家想食唔熟嘅燒鵝，就可以試吓㗎！但係如果想食正正常常嘅燒鵝喺呢一度你係唔會食得到。

見到有燒味諗住入去坐低食，入到去都啲位都好逼，好窄，見啲客食得好吾舒服，咁我就坐卡位，一坐低，我岩岩先拎起餐牌，個阿姐就放低杯茶比我，一放成杯茶倒晒落我個身到，我成件衫同褲濕晒，嚇到我嘩左出黎，完全反應吾切，個呀姐慢左幾拍先同我講吾好意思，我用晒枱上既紙巾，佢先拎啲廚房紙比我抹身。其他員工係無任何反應，淨係得個呀姐講吾好意思，有無事，其他員工係企左係到，一啲反應都無，咁既待客之道，我抹完身就已經離開左間鋪，野食都吾敢叫！9秒9走人！呢間咁既鋪頭仔，咁既服務叫人點願意比錢消費？不過我見其他人既食評都係差，好彩無食到姐吾係食到一肚氣！

係到做野既員工根本無拎個心出黎做，或者佢老細刻薄出人工太低。新開果時我覺得幾正，新蒲崗終於有間燒鵝店，啲味道都正常。跟住最近三次頻頻出錯，每次都有野漏。第一次，講到明再次提醒要跟酸梅醬，拎到反去無左蹤影，我傷心欲絕，無酸梅醬叫人點食呀。第二次，叫左兩個燒鵝飯多汁，比另一個食叉雞飯既客拎走左我兩個飯，個客明明有問職員係咪佢號碼。個職員答係，由佢拎走。個燒味師傅黑曬面，超大怨氣整兩盒比我。我廢事食埋佢啲怨氣，個飯拎到反屋企，我仲要花時間淨化左先食。第三次就係今日，指明兩個飯多汁，單都打埋多汁。反到去兩盒飯一滴汁都無。食白飯牙？仲要兩盒啲燒鵝甩皮甩骨，叫我食乜呢？真係唔明點解四個人一間店，依個鐘數鋪面都無乜人，都可以做野做成咁呢？

之前買過幾次外賣叉燒、燒鵝和燒鴨等回家加餸，覺得正正常常又近屋企，所以都間中幫襯。其實之前貪方便食過堂食一次，覺得可能人客多，出餐慢同燒肉肥少少都算數。今日第二次到店內午餐，試下是不是又咁啱會咁肥膩先。等了又等，叫嘅燒肉終於送到。燒肉一放低，已知中伏，除了塊皮，肥膏據了絕大部分。亦令我決心唔會再以任何形式幫襯佢。燒肉係有肉嘅，唔係消（失所有）肉。另外，店內環境擠迫，觸手所及都油油和黏黏的，食客膊頭掂膊頭嘅感覺好不安。眼見其他客人進食時忽然畀店員叫起身去其他位置搭枱。介意嘅人要留意。

康強街新開左燒味舖，之前經開都想試，今次終於有機會。叫左個叉燒薰蹄飯，店員都冇問我係瘦叉，肥叉or半肥叉。首先上左味精老快人湯，正常啦！叉蹄飯，一上枱，心諗大檸樂，我唔叫你招牌燒鵝姐，洗唔洗瘦到咬唔落既瘦叉我，咬到我牙痛，薰蹄就好普通。失望見到隔離台有叫肥叉燒鵝，先有正常叉燒，你咁大間舖頭，個客唔講咁切咬唔入既瘦叉比人？唔係呀嘛，走之前都真望下個燒味櫃，重有好多叉燒喎，你咁樣蝦d第一次黎幫襯既客仔？老表燒鵝，莫非只有燒鵝先有普通燒味舖既質素？

12月29日揾食肥華諗住到新蒲崗，揾定間食店等靚媽收工後食晚餐，路過康強街見到此店嘅燒味下午茶餐都幾吸引，就决定同靚媽到此店食晚餐，是日兩人各點了燒鵝瀬粉及义燒湯米跟熱檸水茶餐各一款，先講靚媽個义燒湯米，粉底份量十足，但义燒偏瘦及乾嚡，不過$30元連一杯熱飲，又不可要求太高，至於$36元個燒鵝瀨粉個湯及粉底尚算可以，比上足比下有餘，但個主角燒鵝肥華就唔識欣賞，可能係新派做法，此店燒鵝皮係算脆嘅，但啲鵝肉卻有極濃煙燻味，令到肥華覺得係食緊煙鴨胸而唔係食燒鵝，而此店舖面偏細，啲座位坐得唔舒服，加上食物唔啱口味，相信肥華都無興趣再到此店光顧嘞😫😫😫

真係冇下次囉唔係因為近近地 都唔買 又唔係好食過人，平過人 收錢 果個 正粉 皮態度超級差！ 大佬我都係你個客啊， 咩事呀 張單打得唔清楚問多句就去罵烏人！ 個單完全同個餐牌唔同價錢仲好意思話人地 我點知你點收錢 我只知單同你餐牌上嘅價錢唔同問你一句姐就發我脾氣！ 咩態度呀！ 我去街市買度買 人地態度都好過你哋多多聲啦自己聽錯人哋落單就喺度話人哋落錯單人哋話要走甜 就話人哋係你撳單之前唔早啲同你講，又要重新撳個單！ 關我叉事我鬼知你哋系統係點㗎咁嘅服務態度不如你手寫好過呀 啲飯又爛叉燒又奀， 薑蓉又難食！ 街市都不如！ 仲好似好大聲 打電話嚟落單都唔得要人哋落嚟落單 我知道點解啦因為呢間舖頭得罪人多嘅人走數咁嘅服務態度大把人玩你啦我第一件事我已經會告海關你個參考完全違反商業條例喂價錢唔同單嘅粉腸你知唔知犯法㗎！

六點半左右到已有一堆人在門外聚集，望望餐牌，價錢夠貼地，叫咗半斤燒腩仔加半隻燒鴨，收銀阿姐重好有禮貌叫我响門口等。鋪頭光猛整潔，切燒味兩位師傅都好後生又快手，隔住玻璃都好清楚見到裏面情况，等咗五分鐘就拎到，兩盒燒味都用透明膠盒盛載，重熱👍。燒腩仔比起其它店切得薄，外皮一般脆，肥瘦適中，味道唔會太鹹。燒鴨一D都唔肥，驚喜係佢嘅外皮仍然脆，肉嫩多汁，重有一陣煙熏味，非常出色😋。下次買燒味都會再幫趁。

油雞冇味 超級差叉燒得個硬字 超級差燒腩仔好硬 完全咬唔開 超級差瀨粉唔似瀨粉 超級差薑蓉 蓉到一堆堆 唔識欣賞 超級差最正常係隻鹹蛋 只能叫正常我超級後悔喺嗰度買嘢食 真心冇下次

第一次幫襯，d阿姐服務態度差，又俾錯野食，叫油雞就俾燒肉，好彩我有留意到，叫佢換好似好唔願意，叫佢俾酸梅醬，話只有滷水汁，d叉燒又乾柴，油雞算係最好，最正常，招牌燒鵝完全無油香，最失敗飯同薑蓉，飯爛，薑蓉完全冇蔥油香味，真係唔會有下次

叉油雞飯 無薑蓉已經嗌多汁汁無味轉左半肥瘦叉燒硬到吞唔到D雞都係好唔得叉鵝飯無比甜酸醬汁無味都係轉左半肥瘦叉燒硬到吞唔到係我食過最唔掂既燒味飯已經係好肚餓既情況下食都食唔落