老表燒鵝

營業中

休息中

12月29日揾食肥華諗住到新蒲崗，揾定間食店等靚媽收工後食晚餐，路過康強街見到此店嘅燒味下午茶餐都幾吸引，就决定同靚媽到此店食晚餐，是日兩人各點了燒鵝瀬粉及义燒湯米跟熱檸水茶餐各一款，先講靚媽個义燒湯米，粉底份量十足，但义燒偏瘦及乾嚡，不過$30元連一杯熱飲，又不可要求太高，至於$36元個燒鵝瀨粉個湯及粉底尚算可以，比上足比下有餘，但個主角燒鵝肥華就唔識欣賞，可能係新派做法，此店燒鵝皮係算脆嘅，但啲鵝肉卻有極濃煙燻味，令到肥華覺得係食緊煙鴨胸而唔係食燒鵝，而此店舖面偏細，啲座位坐得唔舒服，加上食物唔啱口味，相信肥華都無興趣再到此店光顧嘞😫😫😫