老趙越南餐廳

營業中

休息中

誤打誤撞入咗老趙，才發現係米芝蓮推介，一直對於炸蝦餅係加工食物嘅我，朋友要求之下，又見到$24兩件即管試試，上枱時蝦餅上有蔥花，香氣撲鼻，一食之下，馬上感受到用心製作食品，普通如蟹肉蝦膏炒飯，乾身唔油膩，串燒拼盤，肉質唔乾身，略嫌豬肉多肥，牛肉雞肉尚可,整體價格亦屬吸引,外賣自取現享有八八折，喺香港有如此用心製作嘅越南菜已沒有，今日找到了，多謝老趙！日後必定繼續支持，希望你們能一直堅持住好味食府！

有日同朋友路過佐敦，行行下搵到呢間係性價比唔錯既越南菜。佢個蟹肉濛粉誠意推介，蟹湯好飲又足料，兜粉其實都幾大碗。而佢個小食拼盤都唔錯，有齊晒唔同小食，真心會食到好飽。

今日行經佐敦搵嘢食，見到依間餐廳都有做下午茶，就試一試。睇咗餐牌就叫個小食三拼盤連湯粉跟杯凍檸茶。有炸魚餅、札肉、同粉包，湯粉就一般分量，有香蔥芫茜，粉就似河粉，最好食就係個魚餅，好香口，有少少脆 ，味道特別。

🤭🤭難得食物味道都從老店帶到新店延續經營。環境舒適：😀😀😀/5招呼親切：😀😀/5價錢中價：😀😀😀/5食物美味：😀😀😀😀/5每次來都要吃生牛肉河粉🍽🐮剛端上來🙊🙊湯夠熱和味道很香🌸加一些辣椒仔和青檸，很惹味。🌟有甜味有香味🌟吃了很多次了，每次出品都是不錯的，所以 我仍會繼續支持。😬☕️越南咖啡 ☕️越南咖啡以獨特的味道聞名世界，它的香味撲鼻！個人十分滿意！☕️☕️☕️

晚市有一人自由配搭套餐，配搭都有好多種類🔹生牛肉粉$50牛肉湯底算唔錯，河粉面鋪了生牛肉片、洋蔥、白蘿蔔...件蘿蔔吸收哂d湯味道，反而係覺得最好食😂如果唔夠食仲可以加$28追加小食🔸迷你越式三拼拼盤真係好迷你😂有扎肉、炸魚餅、蟹肉焗蛋金磚，而個炸魚餅係三樣中最好食，夠哂香脆又爽口👍🏼其他就普普通通之後再追加飲品，冷熱都係加$8咋🔸蜂蜜金橘露原先仲以為係某品牌樽裝金橘檸檬既味道🥴點知原來係鹹柑桔加蜂蜜🙈🙈浸味唔係咁啱我飲....所以飲咗一半都冇就放低咗lu晚餐以米芝蓮餐廳黎講都幾抵食，仲要全日都免+1服務費，但味道就有待改進下

我點咗兩個生牛河 味道幾好 攞住張單埋單時多收咗66蚊 我以為係有茶位服務費等就走喇出到門口發覺個數唔啱 就返轉頭 收銭個人連唔好意思都無就退返錢 大佬啊 我攞住張單去埋單都搞得錯咩 可能係專登 一句話 無下次

今日同同事去左老趙食Lunch由公司行到去都幾熱下，又吾想食熱食，所以好多時我都會叫凍檬食今次叫左香茅🐽豬扒凍檬配菜有酸酸地🥕紅蘿蔔& 白蘿蔔絲👍🏻夏天食都幾開胃☀️☀️香茅豬扒🐽幾好味吾會太肥同吾會太瘦大約有4塊左右，如果蔥花可以多番小小就好😋😋賣相都幾吸引價錢$54午市套餐會有指定飲品擇，我好多時都會擇蜂蜜柑桔🍊幾足料，吾會淡到好似飲水禁

最近想食得清淡少少，但有口淡淡諗唔到食咩好，結果就揀咗越南菜。天氣熱得黎，又唔想飲甜野，就叫咗個椰青消暑。椰青好大隻，又夠鮮甜，絕對係清涼推介！叫咗呢個雞絲湯河，雞絲咁多，河粉好滑，再加埋個湯底都好夠味道。另外仲叫咗呢個上湯浸時蔬，有好多種唔同嘅菜浸喺淡淡嘅上湯入面，非常之健康！埋單都係一百蚊，就食到米芝蓮餐廳啦！感覺超抵食！

收工由尖沙咀行到去佐敦搵下有咩美食啦，行到身水身汗，天氣太熱，真係無咩胃口，見到好耐無食過嘅老趙，就入去食碗凍檬消下暑先啦！一坐低，冰涼嘅冷氣啊！先講下以下2碗凍檬，個碗就大喇，個檬粉連餸唔到個碗嘅3份1啊，睇下圖4！我夾起咗d雞翼撈下d檬粉，完全未食嘅情況下 得嗰少少檬粉咋！香茅雞翼凍檬，雞翼應該係預先煮熟再翻炸，唔夠嫩滑，勝在香茅味重香茅豬扒凍檬，同樣醃得夠味，不會太鞋，讚！併盤好味，咁多款只係128元，串燒個沙嗲醬一流

Simply put- not cheap. Not authentic. Food- i ordered lunch special beef pho, pork cold noodle, fish cake and vietnamese cofffee.Beef PhoThey don’t even have beef when I visited. This should be the main stay for any shop offer Pho. They replaced with beef meat balls which is not the same. Soup tastes ok but not Vietnamese pho soup. PPork cold noodleTaste ok, but nothing memorable. Good enough to eat but certain not out of the worldVietnamese coffee not authentic, but tastes ok.  if you charge me

放工經過 想食越南野就入左去食叫左一個豬扒撈檬、青木瓜沙律同沙嗲河。因為份量有d大，所以2個人食到超飽都係食唔晒。青木瓜沙律味道不錯，甜甜酸酸非常開胃，而且木瓜很爽口，所以不斷食，食到停唔到口😛。豬扒撈檬的豬扒亦煎得非常香，再配上撈檬既甜酸汁，真係絕配🥰

聽了很多次，老趙沒有以前咁好食？係點唔好食？點解變了？出左名就變了？點解咁認為？唔好聽人講，真係去試下。的確，我看到餐牌，感覺太貴了。因此散叫。再落單時，除了粉包的皮麻煩一點外，基本上可以自己煮。我只認為，裝修的格局，跟餐牌的價錢有點不相稱。大部份成本應是來自租金。春卷：自己買合來炸、買生菜、加酸汁就是了。粉包：是有手工的餸，粉漿自己整完再蒸，都有點功夫，但得2件。馬拉盞炒菜：忘記是辣，原來咁辣的。生牛河：湯底真係濃厚，可以加返一塊香葉，會更香。牛尾煲：um...,都好味。是抵食的餸菜。遊客仍然有，但以一間有名氣的小店，應該有自己獨有醬汁，或獨有小菜。沒有以前咁好食，係因為唔抵食，定係我地識多左野，自己煮黎食？還是沒有以前昔日街坊的味道？

今天專程去了這間位置偏僻的米芝蓮推介老趙越南餐廳一試。來得越南餐廳，當然要試生牛肉湯河。這裡的生牛肉河賣相精緻，河粉面頭鋪了牛肉、洋蔥和白蘿蔔。牛肉河湯頭還可，淡淡清香，味道略帶偏甜，可惜香料味不夠重，欠缺層次。河粉抵讚，晶瑩剔透而且非常幼滑，卻仍能保持彈牙，不會太腍身。生牛肉偏熟，不過有牛味，而且亦腍身。午市套餐包括飲品，點了一杯蜂蜜柑桔露，清潤解渴，不錯。餐廳除了Pho，亦有檬粉、飯、咖哩、粉河等。

今日話説我就同colleagues 出去食 本身講好左想食泰國野因為本人好想食pad thai 但好可惜我地想食個間今日竟然冇開 所以我地就去左附近嘅老趙食越南野😋🤪 都差唔多姐^^入到去見到個餐牌都好多選擇 本身我想食撈檬 但見到廚司推介個到有個叫做金不換牛肉炒河好似好好食 而我本身都係想食炒野( pad thai) 所以就叫左依個啦 野飲就叫左桂圓紅棗茶簡單啲黎講 依碟野係乾炒牛河 我鐘意佢一上到枱好多煙好有鑊氣之餘 佢食落唔太油 河粉都幾乾身 而且好多牛肉片 足料呀 而啲牛肉都唔”孩” 個人認為佢裏面同乾炒牛河唔同嘅位係佢有檸檬葉係裏面 令你有少少東南亞嘅味覺 幾好食! 果然係廚司推介 而杯紅棗茶就正正常常但依然滋潤出去食真係好^^

大食妹真係好鍾意食食越南野夜晚喺佐敦做完嘢之後想食d 清淡野，即刻search下邊度有好野食，見到呢間間老趙越南風味餐廳幾多好評，一於試下喇招牌係一個好和藹可親嘅叔叔的頭像，睇得出間餐廳係行親呢路線<香茅豬扒湯河$65> (好味:3.5/5) (抵食:3.5/5)豬扒好夠味，炸到脆卜卜，香脆可口，老趙令我失望湯底名濃郁，略嫌鹹咗少少河粉彈牙好咬口<蕃茄蟹肉湯檬粉$82> (好味:4.5/5) (抵食3.5/5)呢個湯檬粉系我食過數一數二最好食嘅越南湯檬番茄湯好濃好清甜，食得出個湯底系用左好多粒蕃茄煲左好耐先煲到咁的濃度蟹肉同埋蕃茄湯底好夾，將蟹肉的鮮味完全發揮出來誠意推介蕃茄蟹肉湯檬粉，唔試一會會後悔<越式蒸粉包$36> (好味:3/5) (抵食:3/5)越式蒸粉包可以skip 外面嘅粉皮整得幾滑幾彈牙，但入而包的料同平時食開的唔同，唔岩大食妹口味<蒜蓉包$25> (好味:2/5) (抵食:3.5/5)蒜蓉包麻麻哋，蒜蓉包嘅蒜蓉味唔夠，所以唔夠香，反而牛油太多有d油而且包太硬，咬到牙都軟，不過$25有4舊都幾平