老長沙湘菜館

營業中

休息中

卫生条件非常一般，店员拿碗筷直接用手碰到嘴巴可能接触到的容器的地方，包括碗筷和杯子，座位极其狭窄，重点是晚餐点个汤要啥啥没有，最后只能点了店里有且仅有一款的汤，一个汤四百且没有其他选择。最后结账pos机搞了半天又打不出来单……看到网上好评才去，但绝对不会再去第二次。我很少给差评。各方面都不值得，不知道网上的好评从何而来。我对食物要求不高，能让我愤怒到这程度也是难得，花了快八百都吃了个啥，气了一晚上。

難得係西環搵到間睇落好正宗嘅湘菜，一於入去試試。睇Menu樣樣都想食，而且圖文並茂，唔洗估估下。但可惜得兩個人，擔心食唔曬，最後只係點佐兩個餸。點完菜仲會上碟瓜子俾你一邊食一邊傾計，瓜子都係好香口又脆，飲下茶眨下眼就上菜啦。泡椒田雞 - $258配埋個爐熱住咁上菜，越滾越食越辣越入味😍而且田雞全部都大大隻，肉質嫩滑，煮得啱啱好，入口好容易就骨肉分離水煮牛肉- $198超大份，一上檯已經聞到好香，迫不及待熱辣辣咁食。份量好足，除佐牛肉外 配菜仲有木耳、芽菜、千張掛滿汁好惹味，送飯一流。環境亦非常舒適，雖然店面唔大，但勝在位置安排好闊落，並無要擺多兩張檯而令到位置好窄。食飽飽出黎仲見到外國人都準備入去食，絕對值得一試

香港愈黎愈多專食川菜/湘菜既餐廳，平日經過西環喱一間老長沙湘菜館總係見到有唔少人等外賣~今日就黎喱到試下。餐廳位置方便，係水街當眼地方，場內地方唔大，一入去見到有好幾台內地人係到食緊~~相信都會幾正宗。今日試左三個菜式: 酸菜魚/農家小炒肉/清炒萵荀酸菜魚一上菜就畀個份量嚇親，真係面盆都冇咁大HAHA~~聞落湯底超香酸菜味，聞到都流口水。 飲左啖湯感覺唔會太油膩，鮮味足帶點辣。配料方面有芽菜﹑寬粉﹑酸菜等等，唔少得既就係重頭戲魚肉，魚片滑溜一D腥味都冇~~魚肉份量同其他餐廳比絕對有多冇少~大推喱個菜式!農家小炒肉農家小炒肉即係青辣椒炒肉。以前都係內地食過喱個菜式，印象中係幾好吃，但因為係炒五花肉所以好肥膩。今次餐廳將五花肉切得比較薄，油份逼哂出黎，食落好惹味又唔肥膩。清炒萵荀為左解辣我地叫左個清炒萵荀，不得不讚就係喱個萵荀炒得勁爽脆，火候控制得岩岩好~好好食，如果要叫菜類一定要試萵荀。總括黎講喱間餐廳既水準都超出左我既預期，而且份量大到不得了，可能下次要叫4個朋友黎先可以食到3個菜

老長沙湘菜館西環西營盤干諾道西168號地下2F號舖午巿人山人海 外賣單炒不停係地下面積細左d 老長沙風味炒炒炒麻辣串串蝦濃辣！一串一口 一隻蝦 炸完可燒一燒 辛辣 辣勁十足蝦殼非常脆 可以食得乾辣椒、花椒、小葱、辣椒粉、花椒粉、姜、孜然粉香料mix and match小炒雞木桶飯青椒 辣椒 洋蔥，大蒜 香蔥 連埋雞粒一齊炒炒完既醬汁一拼倒入木桶內 色香味俱全米飯吸收食材香味 使米飯啖啖有肉精華而且木桶飯好有儀式感 睇落去幾過癮攸縣香乾炒肉湖南省一個攸縣為名 香乾是一種特殊臘肉口味辣勁十足 色澤紅亮，香辣鮮美，口感滑嫩，柔韌可口豆腐腦 五花肉 姜、大蒜、青紅椒段、蒜苗根 配料都係相當豐富正宗的攸縣香乾是沒有酸味的！

朋友帶我行西環海濱睇夜景，率先嚟呢頭食啲嘢，想搵啲中菜食下，就喺OpenRice搵到附近呢間😃食物種類都幾多，都係平時唔常見嘅菜式，不過今日咁啱串燒嘅師傅放假，食唔到串燒有啲可惜🥲先來一個蛋黃四季豆，鹹蛋黃包住四季豆，充滿鹹香，送飯一流，不過兩個人食就有少少漏，人多一齊share應該幾唔錯👨‍👩‍👧‍👦干鍋黃骨魚想試吓啲特色野，店員推介嘅黃骨魚，入面勁多魚，店員話入邊足足有三條魚，份量多，惹味好好送飯👍糯米蒸排骨，平時好少見嘅菜式，煙靭糯米包住排骨一齊蒸，糯米夾住好香嘅肉味，份量夠多，當作主食夠哂！夜晚計每人二百零蚊，價格合理。見到佢哋仲有午餐， $60都唔使有飯有汽水，睇嚟好抵食👍👍

结束了一天的工作和学习，想与三五好友一起共度美妙的夜晚，奈何🇭🇰很多店铺关门很早，而且碰到用餐高峰期，用餐就像“流水线”，怎么办？今天来HKU来见姐妹，看到学校附近有一家老长沙湘菜馆，姐妹是湖南人，乡愁，啊不，是思乡之情（😋家长美食）涌上心头，于是便来一探究竟～因为是晚市，决定吃一点平常吃不到的，于是决定撸一次串，大家不要害怕哈哈哈（前段时间网传几个串串就好几百），我们帮大家试了试，味道超棒！而且价格也很亲民！⭐烤汁五花腩 特别想！啊啊啊五花肉永远的神，现烤现吃，不要太香，点了好几串～⭐盐烧秋刀鱼 实测比日料店好吃哈哈哈 没有那种很苦的味道 而且滴上柠檬汁以后非常的新鲜哈哈哈！⭐另一种🐟🐟 这个好嫩 姐妹们一定要来试一试 味道特别棒！⭐烤羊架 之前吃放题有试过 但是这边现烤的完全不一样 羊油滋啦滋啦的 超级有食欲 一口气炫了4个！⭐串烧鸡中翅 好事成双！嘿嘿～⭐烧汁全翅 一大条 真的是一大条 哈哈哈哈哈⭐牛柳粒 本来以为是牛肉串 结果比肉串高端多了哈哈哈 牛味十足！！！⭐秘制羊肉串 吃烧烤怎么能不点羊肉串呢 真的很！家！乡！超喜欢吃的！！！⭐肉肉吃多了，吃点菜菜，蒜蓉娃娃菜，解腻解腻～

嬲到特登上嚟打食評叫咗個尖椒雞木桶飯😮‍💨我諗真係七成都係椒其餘兩成係骨同皮仲有一成先真係有肉肉嘅份量真係譚仔一個餸嘅一半話晒都俾咗$60 放倒落口嘅都真係得三啖大家睇相都知 啲肉真係好鬼細骨又好鬼多 其實會唔會過分咗啲食完好似冇食咁 仲要一啲都唔好味成個底全部都係紅色嘅油得一陣辣椒味，完全冇爆炒嘅香我唔知道堂食係咪都係咁嘅質素但如果我買都係整得咁冇誠意嘅話我都唔見得堂食會有幾高質求吓大家唔好中伏🙏🏻

尋日同朋友喺西環，兩個人食左個麻辣水煮魚同埋白辣椒炒五花肉加個白飯，食完超飽。個麻辣水煮魚，份量夠大又足料，真係食得好飽。麻辣水煮魚入面有芽菜、寬粉、木耳、滑魚片同炸魚骨，呢個組合好有豐富嘅口感～味道方面，麻辣水煮魚保持咗正宗嘅味道，唔會太鹹，夠辣。滑魚片嘅質地嫩滑，骨位亦唔會浪費，切件攞去炸完再加返落個湯底到，味道比滑魚片香口。另一道白辣椒炒五花肉，實在令人驚艷。白辣椒嘅口感似菜脯，爽脆又帶有一份微微嘅酸辣味，同五花肉嘅結合真係^好夾。呢個菜式嘅獨特風味令到我想要食！絕對係必試之選。白辣椒炒五花肉嘅搭配都相當出色、好啱用嚟送飯，令人食唔停口。環境方面，餐廳乾淨衛生，為用餐體驗加分。總括而言，呢個麻辣水煮魚餐點唔錯，份量充足，味道豐富。但係我最主要推介嘅係白辣椒炒五花肉，因為佢嘅口感同風味都非常獨特，係香港平時啲中餐廳好少有嘅菜式，推薦大家值得一試。

佢好似係裝修過吓，樓面同大半年前有啲唔同，不過一樣係咁旺。堂食外賣 一樣川流不息。首先佢個餐牌真係充滿特色情懷，中英繁簡拼譯正錯偏… 一應俱全 川流百海 深度文化。唔使山長水遠北上已經可以見識到呢一種風情。梗係嚟過主打酸菜魚。呢度出手幾高 用上鱸魚 啖啖肉 肉質爽口彈牙 係新鮮貨。啲骨位炸到金黃色 令到個湯底都特別惹味。佢有薯粉抵墊底，千祈唔好放過。蛋黃四季豆，偏甜啱我口味。肥漏咗啲，都係湘菜嘅特色。夠鑊氣。鐵板水晶粉。一樣係油立立。不過只要將隻碟晾高一邊，等一陣啲油就會停晒喺碟邊。都係啱我嘅偏甜口味，都係爆鑊氣。正！銀絲卷，雖然簡單，但係佢哋做得幾好。銀絲條條分明，咬落香口軟綿綿的。

住酒店的时候看到对面马路有一家湘菜馆，生意红红火火的，顾客络绎不绝。於是马上訂位，晚上来试一下。晚餐时候到达餐厅，餐厅已经满座，老板娘说，今天客人特别多，没办法，定了位也要稍为等等，好容易才有位子，打开菜单，琳琅满目，很多菜式都没吃过，今天要尝试新菜， 首先点了永州血鴨，再來個茄子豆角，乡里扣肉，还有一个很特别的农家窝窝头。这些都是平时没吃过的菜，特别是血鸭子和窝窝头，广东菜里是完全没有的。生意很好，等了很久才上菜，农家窝窝头有八个，配梅干菜吃，味道很好，窝窝头面香，梅干菜不鹹，搭配起来，就是一个健康的美食。永州血鴨味道很浓，很辣，是地道的湖南菜，鸭肉很香，用来下饭是一流的。乡里扣肉卖相很好，扣肉是肥肉多瘦肉很少，放在梅干菜上，蒸得软软的，功夫绝对到家，最后一道菜，催了很久才上，茄子豆角很新鲜，颜色很好，紫色的茄子配青色的豆角，卖相是最高分。這一頓菜確是很有特色。

今晚辣癮🌶️起，去左西環試下呢間湘菜，晚上7:15左右去到，已經坐爆曬！可想而知呢間店有幾紅！🍆擂椒茄子皮蛋🍆店家將湖南名菜帶到黎香港，呢道菜主要用蒜辣去調味，再加入尖椒皮蛋茄子一齊擂，超好送飯👍🏻🐠老壇酸菜魚鱸魚🐠原條新鮮鱸魚，即叫即劏，非常新鮮，而鱸魚係先輕輕煎過之後，再用高湯加入適量酸菜去烹調，每一啖湯都充滿着魚嘅鮮味，而除咗魚同埋酸菜之外，個底仲有大豆芽同埋木耳，份量好大，十分之抵食。🍜鐵板水晶粉🍜用鐵板上既水晶粉，用正豬肉碎，雞蛋，辣椒同埋蒜去炒，水晶粉煙煙銀銀，再加上辣椒嘅立美，越食越過癮，而因為店家有預先將塊鐵板整熱，我地就可以keep住食倒熱辣辣嘅水晶粉，十分貼心🥰🫘長沙臭豆腐🫘食湘菜，點可以唔試下長沙市嘅傳統特色小食，臭豆腐，墨墨色既臭豆腐，店家先拎去炸到外脆內嫩，再用湖南豆瓣醬、蔥花、蒜蓉炒，濃香誘人。店員服務好好，長期面帶笑容，又會過嚟問吓餸菜啱唔啱口味，今晚佢哋雖然好滿座，但係完全唔會忽略每一台嘅客人👍🏻讚！

朋友話想食湘菜，於是去了港鐵西營盤站B3出口，步行約6至7分鐘。店內裝潢平民化，環境清潔衛生，座位寬敞。菜譜豐富多元化，在朋友推介嚐到正宗大廚主理的湘菜，新嚐試新味道，挑致味蕾的極限。茄子豆角$78比粵菜還有更佳的鑊氣，茄子軟糯適中，豆角鮮嫩，味道濃香辣，非常惹味。小炒黃牛肉$136香濃牛肉絲嫩滑淋，味道極佳，混雜椒絲和香草，更覺惹味可口，佐飯一流。桃園農家土雞湯（小份）$198上枱時熱騰騰，香濃撲鼻，雞湯入口啖啖香濃，火喉十足，鮮甜度極佳，雞肉份量十足，配料豐富，件件嫩滑肉脆，值得一嚐。白飯一碗$15食碗白飯來襯托兩餸一湯，倍覺滋味，來個飽足的感覺。

今日又係西營盤周圍睇吓有啲咩可以食，係水街就發現左一間幾特別既舖頭，就係「老長沙湘菜館」；舖內位置闊落，食客絡繹不絕，幸好只係等左一陣就可以入去坐低食；叫得湘菜館就當然係以辣味菜色為主，由於今日只係兩個人行街，所以就只係叫左幾道常食既小菜黎試一試，分別係：千鍋千葉豆腐，串串蝦，湖南醬板鴨，手拍青瓜同埋兩道甜品紅糖糍粑同埋酒釀丸子(2人份量)，結果D食物黎到時，就後悔叫得太多了，食物份量足足係4人份！！幸好店員最後都有提供外賣盒俾我地拎走食用，所以先無浪費千鍋千葉豆腐食落既口感一流，除左辣味適中，口感亦值得稱讚！QQ彈彈！串串蝦味道不錯，而且係軟殼蝦，廚師亦處理左蝦頭部份，基本上可以連殼一齊食用!而湖南醬板鴨就味道濃厚有煙韌嚼勁；最意外既係手拍青瓜，原本以為係開胃菜色，辣度應該較為溫和，結果出乎意料之外，愈食愈起勁。幸好最後有兩道甜品紅糖糍粑同埋酒釀丸子，降降溫；糍粑鬆脆，配埋紅糖煙韌可口，另外酒釀丸子除了好食外，亦都令我有少少驚訝，因為2人份量足足係平時其他食店既6人份量。總括而言，下次需要帶多2位朋友來試試招牌烤魚。

本人對湖南湘菜不是太了解，但是見到各款菜式真心好想食，但是朋友又唔係好食得太辣，最初都驚會不會無乜餸啱食，點知原來唔太辣的餸菜也很多，而且好好味，完全顛覆了我對湖南菜必定辣的感覺。桃源農家土雞湯（小份）$198雖然是小份，但其實好大窩，走地雞日常唔係咁易買得到來吃，這個土雞湯非常濃郁，而且還有很多走地雞，感覺好味又滋補。毛氏紅燒肉 $148這個紅燒肉炆得好琳又入味，脂肪和肉嘅比例好好，多吃幾舊都唔油膩。見到係咪好想食呢？清炒萵筍絲 $78萵筍絲口感清新爽口，配其他辣的餸菜，可以減輕辣的刺激😁甜酒湯圓2人份 $34大家冇眼花，呢個係二人份量嘅湯圓。湯圓QQ彈，帶有微微的酒香，配以滑滑的蛋花、杞子，作為飯後的甜品，實在豐富得過分🤭餐廳環境整齊清潔，地點也很方便。地址：西環干諾道西168號地下2F號舖Shop 2F, G/F, 168 Connaught Road West, Western District 菜式很多，食唔食辣都很多選擇。

星期五晚同男朋友行過呢間餐廳，見到入面坐爆曬，又見到價錢都唔算太貴就入去試吓~ 現場見到啲食客全部都係講普通話，所以我諗呢間咁深受內地人歡迎嘅湘菜，應該會幾正宗不過呢個時候我哋都擔心啲嘢會好辣，好彩都見佢有啲唔辣嘅食物選擇~ 我哋叫咗窩窩頭同炒牛肉，窩窩頭其實就係甜梅菜塞落啲饅頭入面，甜甜地幾特別，亦都無乜辣味，啱晒怕辣嘅人，值得一試~ 炒牛肉肉質幾軟熟同香口，同樣都冇乜辣味，味道唔錯另外我哋叫咗鐵板水晶粉同辣雞丁就真係幾辣幾惹味，水晶粉仲大大碟，我哋兩個人淨係食咗一半都無就勁飽~ 好滿足嘅一餐~值得一提嘅係餐廳都有啲好特別嘅食材，例如甲魚同牛鞭雖然我地兩個都無乜勇氣試，不過岩哂想嘗鮮嘅人黎挑戰一下~