老雪園 (已結業)

琴晚同一大班朋友去南洋酒店間老雪園食飯，食上海野！食物質素非常之唔錯！而且地點方便，裝修又靚！上海菜俾人嘅印象就係好甜好濃味，但真正嘅上海菜其實並唔係咁樣！首先要講下呢個芝麻大餅，由於成個OpenRice都激讚，我冇理由唔試吓！點知都幾失望，芝麻蔥油大餅上面啲芝麻係多，但係冇蜜糖味，唔夠甜唔夠酥脆！蔥油餅精粹係蔥油夠香，但呢度就一般，只可以講佢料好足，但味道就一般啦！反而呢個生煎包有驚喜，咬落去雖然湯汁唔多，但啲肉都係有汁嘅，包嘅皮唔係好厚，分量亦都可以足！呢個燻蛋，我平時食糖心蛋係好唔同架，佢有好香嘅煙熏味，朋友食到煙肉嘅味道！鍾意食醋嘅人，一定唔可以放過呢個清炒蝦仁，因為加左醋之後味道就唔同左，好似食咗一個新嘅菜式！素餓炸得好好！唔會太多油，一咬即刻碎，脆過食薯片！加左喼汁食又提升一個層次！麻醬雲吞喺呢度招牌菜之一，花生醬嘅味道包圍着個口，再配上新鮮嘅蔬菜，清脆口感，難怪見到每圍都叫一碟！全晚最好食，應該係呢個黃金蝦，黃金蝦俾人感覺好油膩，而且通常啲蛋黃醬會留係隻碟度，但呢度嘅黃金蝦，蛋黃醬包袱住隻蝦，蝦非常之爽脆，兩樣混合起上嚟，減少左油膩感！甜品方面，我仲食咗呢個紫薯，用糖醋嘅

有個朋友喺Facebook睇到灣仔南洋酒店地庫開咗間新上海菜，個名都幾型，叫做老雪園，講到好好食咁，話係以前北角雪園原班人馬喺呢度開返，咁啱舊同學聚會，約咗喺銅鑼灣，原來由銅鑼灣過去都唔遠，即管落去試吓，平時同班朋友都係去開上海總會或者蘇浙食上海嘢，今次試呢間老雪園，佢哋絕對比得上其他嗰啲所謂出名嘅上海嘢，坦白講啲食物質素同環境遠超想像。我哋班朋友都算係識飲識食，又有醫生又有律師又有投行高層，但男校出身，一埋枱當然口不擇言亂咁講野，講下個知客嗰件窄身花花旗袍，講下點解平日夜晚都咁多人，講下點解咁多枱度有靚女，但講還講，講到食我哋呢班友仔都非常嘴刁。一定有啲扮識食上海嘢嘅朋友爭住點菜，但呢度好嘢，有個靚仔哥哥，聽講就係呢度嘅老闆兼負責人，佢真係好熟上海菜，三扒兩撥介紹咗好多餸，之後幫我地落埋單，咁我哋就繼續亂講嘢等食。嚟咗幾款冷盤，我都講唔晒叫咩名，最難忘嘅都係嗰個馬蘭頭同無錫脆鱔，馬蘭頭食落去好有口感，同埋個味調得好香，唔錯，嗰個脆鱔，真係堅脆，佢唔係脆到食薯片個種，有質感，好食。仲有嗰個銀皮白肉，好爽，個汁好正，好食。主菜叫咗樟茶鴨，好鬆化，煙熏味恰到好處，正，但我哋成班麻甩佬最鍾意

灣仔南洋酒店，以前叫上海鷺鷺酒家，其中一間上海菜迷的朝聖地，已唔太記得邊樣係招牌菜，毛蟹年糕吧。睇到雜誌介紹，地方換左叫老雪園，又係上海菜，聽講係「北角雪園的後裔」，即係最出名生煎包。先上涼菜，素鵝是充滿誠意之作，脆也煙靭，不是「死脆」那種，之後無錫脆鱔，甜中帶有鱔的香味，最緊要食完無渣，炸得透，其他馬蘭頭，唔知菜油定豬油夠香，應該食完幾肥。主菜：樟茶鴨，皮夠脆肉，唯一不足是切出來啖啖肉的鴨胸太搶手，其他有骨的部分無法用刈包夾埋一齊食。主角出場：「竹笙拆骨大魚頭」配自家製鍋巴，啖啖魚香，濃味醬汁配鍋巴，鮮味非常。最後，必須一提看似簡單平凡的酸辣湯，加大量蔴油（老闆教咁食法），超級香、辣，夠味，一流。

裝修真係幾精緻雖然呢間嘢同以前鷺鷺 係爭咗一份上海味有啲經典嘅上海菜都冇得食就係雞毛菜有啲失望水準冇以前咁參差醉鴿做到 入味滑溜感覺一食佢嘅炒蝦仁就知道佢同北角嘅雪園 如出一轍不愧為雪園師傅出品炸脆鱔真係夠脆唔會因為佢俾汁浸完淋曬燻蛋唔夠流汁我覺得有啲過熟海蜇頭夠曬彈牙有咬口比以前做得更好小籠包反而欠缺湯汁皮夠薄但係下個餡就好似有啲鞋 唔係好夠味百頁 好似一餅餅咁樣上菜元蹄夠曬肉厚但係炆得唔夠淋值得回頭服務一流

朋友生日大夥兒一齊去揾晚飯好野食，南洋酒店有一間新開的老雪園上海菜，聽聞這裡的大厨前身是另一家名店的總厨，食物質素當然有信心啦，去到見到全新裝修，高雅舒適，座下來一開始飲的是胎菊茶，飲落好香好舒服，唔使怕晚上飲茶睡不著，前菜有我喜歡的酸菜羅白，抄河蝦仁好鮮味，馬蘭頭好正宗好味，醉乳鴿幾特別唔使成日都係食醉雞，咸肉湯腌篤鮮咸肉湯的咸味剛剛好，還有擔擔麵都不錯，食左好多道菜是朋友點菜的唔記得菜名，整體總結，食物新鮮有水準，出奇的美味值得推介，去完即刻又想再約家人來食

在某一平台上聽說雪園要重開了，老是掛念她的火膧翅，中午原本是約了人去另外一家菜館吃的，路過就看見「老雪園」這一大招牌，心想今天緣來了，立刻致電友人更改吃飯地點，來嚐嚐這家老店重開的滋味。午飯時段有套餐，價錢是很實惠的。記得那家「浙江軒」剛開張時也有這些午市套餐，後來人多了又給取消了。套餐含一湯羹，有酸辣湯或豆腐薺菜羹選擇，選了後者，當然是喝不出那禪味，清湯掛麵，近乎無味馬蘭頭大部份都是梗，味道也一般燻魚……肉質、味道都不對勁紅燒肉百葉結，你看那蔥，生不生、死不死的，肉也不入味。說的濃油赤醬只有那個外表，完全沒有味道的，老師傅一看就知道不對頭。其實還有一道賽螃蟹和湯麵的，不過已經不再想去拍照了。賽螃蟹是一舵舵的，除了在酒店吃自助早餐點煎奄列時，第一次見能炒得這麼老的。麵就一大湯碗分成兩小碗，未來得及多加點湯侍應就把碗收走了。整體來說是非常失望的，「雪園」這餐館是有特別意義的，朋友說可能「老雪園」跟「雪園」就是不一樣，我不敢評論。正如「譚仔」跟「譚仔三哥」，在沒得選擇之下我總會選擇後者，因為我看過他在永隆街親手拉麵的過程。希望這家「老」店能把質量提升至應有的水平，說實在現在連那些連鎖的快餐

前幾天朋友帶我到老雪園，第一次試就已愛上這菜館。幾日來都心思思想再來，一到週末就帶同家人來再吃😋。小籠包：皮，厚薄適中，夾起不會破，入口皮薄餡靚，充滿肉汁，絕對可匹敵真正的上海南翔小籠包。清炒河蝦仁：肉脆清甜，最難得的是點蝦的醋也很有心思，陳醋加上陣陣酒香，令清甜爽口的蝦增加不少味覺的層次感。年糕醬炒蟹：蟹肉很新鮮，醬汁鹹甜適中，不油不膩，加上吸收了蟹的鮮甜味的上海年糕，簡直一絕。花雕乳鴿及鴨舌：酒味清香，不肥不膩，乳鴿肉質嫩滑，鴨舌爽脆味美，絶對是伴酒佳餚。傳統芝麻大餅：這絕對是我幾十年來吃過最好吃的蔥油大餅。大廚說他們是用上海小蔥做的，所以非常之香。吃起來外脆內軟蔥香泗溢，又完全沒有油膩的感覺，是必吃美食。

「老雪園」位於灣仔南洋酒店的地庫一層在4月14日正式試業，在5月3日會正式開業，餐廳開業前我與妹妹特來一試，餐廳傳承舊派上海菜，保留上海傳統的菜式，今日中午我們兩人來到食個Lunch，一開電梯門，有一位穿著中國旗袍的知客招待我們入座，我們被安排坐沙發卡位位置，餐廳環境裝修傳統中帶出時尚的設計，天花板掛滿吊燈，牆身掛了不少毛筆的字畫，又有不少帶有中華色彩的裝飾，例如有中國共產黨現任中央委員會總書記習近平及他的夫人彭麗媛的玻璃碟、瓷器等.....空調又足夠而且光線充足，都讓人感到非常舒適。中午有兩人、四人及六人套餐，供應日子是星期一至六，午市時間是由11am 至3pm，睇完餐牌後，價錢都幾合理而且都好抵食，兩人套餐可以有自選一個冷盤、自選兩款小菜，可以選擇兩碗白飯或一碗菜煨麵，又有兩碗酸辣湯或薺菜豆腐羹，價錢都是$178，真是都幾抵食。餐牌上的冷盤都有12款，我們選擇了杭州醬鴨，是一道杭州特產滷味，將鴨子放入鍋醬汁去炆，滷汁變濃稠包裹鴨肉之後即可煮成，鴨肉帶有濃郁的鹵香，醬香油潤，鴨肉都沒有一些羶味，肉質呈棗紅色，吃起來有嚼勁口感，令人吃得回味無窮。另外$58追加了一個冷盤醉豬手，花雕酒香

從前北角雪園的班底。在灣仔南洋酒店鹭鷺舊址開業。昨天去仍是試營業。五月三日正式開張。晚上有付費代客泊車。中午沒有。大廳都是熟悉的北角雪園客人。侍應也是雪園舊人。除了高價請客菜式火膧翅蝦子紅燒大烏參鰣魚(因是中午我們沒有點）。朋友家庭聚會傳統小菜價格也合理。我們點了拆骨大魚頭，椒鹽排骨，醃篤鮮湯，甜豆河蝦仁。很満意。最出色是洋芋紅燒肉和蔥油拌麵。洋芋即薯仔經理說是新疆薯仔。拌麵面質很Q。也有素食菜單。下次可以試。推介。