耆素銀杏館 (已搬遷) 新店位置

It’s so impressed to know this restaurant. 很喜歡這店！ 兩個人，一個負責食物，一個外面收錢等等！在效率👌食物有質素，有選擇！特別是看見A- F6樣餸嘅靚樣。更令我嘗到多點美食！$48 外賣，3餸，飯、菜、湯及甜品！ 希望這店快有新址！再見到一男一女兩位嘅招呼其他老友記也可以方便取飯盒

朋友告知上環的社會企業 銀杏館，特別準備了湯水給新冠肺炎的康復者，剛好我的90多歲外婆3月頭中了新冠，於是特別告訴同住的家人，到這間特別有良心的社會企業領取湯。跟大家一樣一直對銀杏館的善心十分欣賞，和很感謝。雖然未有幫襯過，但知道這店也有派福飯給老人，我親眼見過中年女店員對老人家也很客氣。昨日（2022-4-28 18：00）家人去到卻是完全兩回事，店員情況不是很忙，女店員很大力將湯“掟”門口的枱,然後說冇膠袋啦。杯是很細小的杯，免費派發，當然可以理解，但有店員沒有心對人,是不是晦氣.普通人一定分得出！而且現實是齋一碗湯水，一粒渣也沒有，跟海報上滿滿紅蘿蔔粟米的湯就...同上，免費就唔應該有太多要求。但起碼對態度應該唔好太晦氣，我們只想為中過招的老人家領取一碗湯，我期望你們店員都是開心送出，是不是大力將掟在枱上，或者講句善意的謊言：唔好意思，今日送曬了。大家會更開心

對於社企餐廳，一向都很支持，特別這間是鼓勵老人就業，這種概念很值得光顧😃😃😃除了支持店家的經營理念之外，食物質素亦非常重要，這間素食餐廳，價錢相對是偏貴，這個價錢基本上可以吃一餐有不錯肉類食材的西餐，而且味道可以更好。點餐後店員送上素湯，味道偏淡，主要是用豆及蘿蔔熬製而成的，連湯渣都冇，的確是毫無誠意餐牌睇咗好耐，只有韓風漢堡包比較吸引，$98的確幾貴，正常呢個價錢已經有一個很高質素的牛肉，配料方面有泡菜、豆腐、及醬料等，味道很一般，唯獨是塊芝士真係好臭，聞多幾聞令人無乜胃口，茄汁很古怪，不是一般常吃的味道👎🏾👎🏾👎🏾除此之外，雖然話係支持老年人士就業，有一掂到買單，都只有一個後生女子，老人家只係係旁邊行行企企，傾偈吹水，再加上，店內的餐具、桌面都感覺很不乾淨，癡粒粒咁，咁嘅價錢，真係可以搵一間更好的素食餐廳好食一餐咁飽更豐富的。真係唔會有下次😷😷😷

朋友本身食開素食，所以介紹我嚟「耆素」試吓。門口張貼好多愛心飯盒免費派發嘅單張，非常難得！入到店內職員即刻為我地準備pi 水排一排毒，相當貼心。坐低之後店員介紹舖頭大部份特飲都係來自本港有機農場，咁我當然支持下叫咗一杯洛神花特飲。- 有機洛神花特飲（有氣），味道非常清新，帶有檸檬同山楂味，生津止渴。之後主菜叫咗個耆素雜扒餐同朋友share，上台非常震撼份量相當足夠！各款未來肉要唔同形態烹調，食落口啖啖肉好滿足，配合埋時令嘅沙律菜同秋葵，相得益彰。第二個share嘅嘢食係咖喱Risotto ，配搭豆苗同食用花朵，擺盤非常精美。我入面用咗西芹同甘筍，配搭未來肉所烹調，入口非常清新，口感一流，咖喱味道適中，食得出落足香料。食完主菜店員仲不停問我哋添唔添飲湯，相當貼心。整體來講食物大部份係有機同埋唔加味精，所以我食完之後都唔會話好頸渴，所以應該會再次幫襯，同埋推介俾食素嘅朋友。

未食過全素餐，今日(22/5)就去左試！今晚唔係好多人，所以坐落好舒服，唔會好逼。 員工大部分都係老人家，「耆素」呢個名改得真貼切。 服務都好好。一坐低，就好貼心咁放低左個湯比我地。食到中途亦都有問我地要唔要添湯。素湯無味精，飲完唔會口渴，清得黎又甜。 今次就要左個貴啲但多啲款式嘅餐，諗住第一次就試下平時唔會主動買嘅「未來肉」，即係用植物元素整出黎嘅仿肉。耆素雜扒餐 $ 238呢個係「耆素雜扒餐」。入面有好多款仿肉，仲有我好鍾意食嘅秋葵！ 講左秋葵先，應該有處理過，無左啲滑潺潺嘅黏液。唔鍾意呢啲黏液嘅朋友都可以試下。有個合桃醬可以點黎食，甜甜地唔錯。 旁邊嘅沙律菜同薯條都好新鮮。而且個薯條唔係空氣薯條，食落好實在，炸得又啱啱好。 佢地嘅蔬菜都係自家農場種出黎，全部都係有機嘅，呢個位就加唔少分。 香草未來牛肉腸中間係香草未來牛肉腸，口感會比一般嘅珍寶腸彈牙，有較重嘅香草味同大豆味。 另外有塊仿牛肉漢堡，口感同個腸差不多。但佢嘅大豆味會再重啲，個人覺得一般。 純素芝士吉列豚肉扒最後要講埋個吉列豬扒。佢嘅口感好似仿炸帶子，我好鍾意食！上面塊素芝士比平時嘅芝士挺身，但味道好相似，好搭個素豬扒。

店鋪位於西港城旁邊，鋪頭主張推動老人家就業，活到老學到老，理念非常難得。旁邊仲有銀杏士多，食完野可以買埋手信返屋企！唔知系咪因為系社企關係，連選店地址隔離都有間環保回收公司。店舖裝修簡單整潔，木餐枱配搭訂購皮革沙發，感覺非常自然。自助吧可以自行拎水同湯。湯溫度微暖，生津消暑，應該無添加味精之類。- 柏士圖意大利飯（含五辛）用咗時令嘅意青瓜同西芹，入口爽脆，配搭羅勒同合桃令到風味昇華，非常惹味。店舖除咗採用有機，仲主打無添加無味精來烹調食物，套餐配料都均衡地有素肉有菜，由此可見餐單係別出心裁所設計，物值甚高。而且理念非常好，好有意義，會再次光臨同介紹俾朋友！

最近因為環保原因而開始每星期都有至少一天是我的「素食日」。身邊朋友就推薦我吃這間「耆素」。這裏裝橫不是很華麗。人不多，疫情期間來用餐也不會特別擔心。用餐途中，大約16:30左右，更遇上他們派送「福飯」。原來是有素福飯這回事呢！更感到驚喜的是，他們的福飯是用密封盒放着，有飯有湯，大大盒的。受惠者拿取時更會交還原本的飯盒。跟我的環保理念一致，提升了我對「銀杏館」的好感！要了一份卡邦尼意大利麵。擺盤精美，拿來打卡一流。裏面有素火腿、洋蔥和蘑菇。吃下去充滿拉絲的素芝士，味道濃而不膩。更重要的是，吃完不會感到口渴、口乾，不像其他餐廳那樣會加很多味精呢，這點我也很欣賞。看着光顧耆素的人真的不多，希望有更多人認識這間那麼用心的餐廳！

🎈理念:.十分支持銀杏館的長者就業概念，與部分員工閒談，原來他們有些以前是專業人士，有些更是高級管理人士，年紀大代表的是閱歷豐富，工作能力絕不輸蝕，態度尤其好👍😊我們都有年長的家人，自己亦不斷邁向年長，所以都會希望年長以後依然得到尊重。.而且又是社企，加上推動素食，一定要支持💪💪.🎈環境:我完全被餐廳旁的銀杏士多吸引了，只影了士多，忘了影餐廳。.士多賣的主要是有機、健康、素或自家製的食材，例如秘製陳皮有機柑桔蜜、醬汁、調味料、糖果、冰鮮食品等。我買了一包自家製的蔓越莓雪花酥 (180g) $25，在辦公室小吃是必須的😅回到公司卡上試，好食，會再買。👍😋第一次食雪花酥是台灣某牌子，要近$40，試過買別的牌子，總是不滿意，銀杏士多這個我好滿意，容易買又價錢合理💖💖..🎈餐牌:.午餐有套餐，每天不同，這天有八寶餐盒，$78包湯、甜品及咖啡或茶。.👇當天八寶餐盒內容.👇亦有散叫的，有飯、粉麵、漢堡、熱狗、薄餅等。.🎈食物:.午餐: 八寶餐盒，$78包湯、甜品及咖啡或茶⭐️⭐️⭐️⭐️.八寶餐盒好處是有幾樣餸，每樣都好味，是健康的紅米飯，而且原來包埋湯、甜品和飲品，夠飽又不會滯。.👇湯的味道清，感覺輕盈

餐廳位於一個人流比較稀疏嘅位置，今日放工經過就入黎食。食客唔算好多，可能未係好多人認識或者會嘗試素食吧。餐館有個牆飾係銀杏嘅畫作黎，代表長壽嘅意思，我喺銀杏館嘅其他餐廳度都有見過。雖然佢地嘅餐廳風格唔一樣，但理念就好一致，就係比更多機會老人家工作，發揮佢地嘅長處。喺耆素呢度嘅員工個個都好精靈，快手，仲會同你傾下計，感覺比一般餐廳嘅員工親切。今日係黎食飯😂點知扯太遠，講返正題先！我叫左個咖喱意大利燴飯，入面有好多材料，而佢嘅素肉係用Omnipork，比起我以前食過嘅Beyond Meat好食，口感更似肉。賣相好好，有高級餐廳嘅feel。口感比一般risotto淋啲，唔太正宗，但我正是喜歡呢種🤣反而正宗嘅我會覺得太硬食唔慣。味道一流，第一啖已經覺得好驚艷，一啲都無誇張。我無諗過會咁濃味，因為我一直對素食都有個固有觀念就係好淡味。但呢個飯完美咁重塑我對素食嘅感覺。另外會有個湯可以飲，清甜美味。整體來講，今餐我好滿意呀！

這間耆素餐廳很好，佢地的餐牌每款菜式都有寫埋用了甚麼材料，最適合我這種怕食錯野而敏感嘅人黎，這間餐廳是一間素食餐廳，位於上環干諾道西3號億利商業大廈地下A及B舖。其實我黎過兩次，最近見門面同餐牌都轉左，我叫左個銀杏耆素意大利麵試下，當中有鮮銀杏/車厘茄/紫洋蔥/青橄欖/茄茸/羅勒/鷹嘴豆，起初我落單都無咩期待，但最估唔到出餐時竟然擺埋盤，我諗可能轉左廚師吧。我實在覺得擺得好靚，所以忍唔住要係到寫食評，而且很健康，食落去意粉我覺得幾特別，而且夠juicy十分入味，意粉亦都加入左羅勒，令味道更豐富。最重要茄味很足，每啖都好正!

剛過完年有冇餐餐大魚大肉食到膩哂？係咁就要嚟食返下素菜清下腸胃喇！銀杏館出名主要支持長者就業，而呢間耆素就係佢嘅分支，故名思義就係一間素菜館。為免去錯地方，於是上網一搜，原來佢哋曾經因有員工批評過「後生仔出嚟搞事」，以及請藍藝人黎瑞恩派過福飯，而被連登仔認定為【藍到出汁】，仲發起杯葛！咁我就覺得係【正常過正常】喇！好，咁我今日就叫咗韓式蒜香石鍋飯，附送例湯 (今日係蟲草花百合無花果蜜棗湯)。石鍋飯材料好豐富，中間係香菇素肉醬，圍住嘅係菠菜、翠肉瓜、大豆芽同素食泡菜。食韓式石鍋飯單獨試食配菜冇意思，一定要撈勻食。先食一啖原味，素肉醬嘅菇味同蒜香味突出，菠菜同大豆芽爽口，翠肉瓜偏腍令口感豐富啲，泡菜 ok 因為係素的所以冇普通泡菜咁濃味，但都爽口。第二啖開始點埋旁邊嘅韓國辣醬，好香，少少辣，再撈埋鍋底嘅飯焦一齊食，好正！如果係要畀意見，我希望可以加啲甘筍絲同粟米粒，加啲甜味，咁整體味道就會更加平衡，色彩又可以再豐富啲。食到個口辣辣地，最啱就飲返碗湯。今日款例湯又有無花果又有蜜棗，飲落好甜好滋潤，感覺好養生，正可以為今餐飯畫上完美嘅句號。btw，建議辣醬可以唔使下下畀咁多，寧願畀人無限加添，

我們於20/1（三）下午三點左右到達餐廳。餐廳外面有不少長者在排隊等候福飯，餐廳空間尚可。我們二人共叫了2個三餸一湯紅米飯（下午茶優惠$48/1）共6個餸：天貝菜甫炒蛋：天貝及菜甫較少，蛋較快凍掉沙葛鷹嘴豆：沙葛偏軟，鷹嘴豆很多南瓜杞子：最熱的餸炸芝士：最好吃，芝士味濃👍🏻紹菜雲耳茄子烤麩：茄子及烤麩也偏軟湯：有點苦，不太好喝飲品可自己沖：有紅茶，香片，普洱及咖啡👌🏻二人限聚令，每張枱也有酒精搓手液及紙巾，但由於要自己收拾碗碟及餐具，故沒人清潔枱面。總括來說，這是一間良心社企，還是值得光顧

同事係素食者，佢話上環開左間銀杏館素食，所以由佢帶路去。果度有三餸飯，或者炒飯粉麵/焗飯。同事叫左三餸飯，我就叫左個焗素豬扒飯。雖然要等一陣，但成品的賣相好好，食落去更加唔似係齋，好好味，有茄汁之餘，又有少少薑味，口感好正！必定再去食

While looking for a place to eat, we were attracted by a "O Veggie" signage over a somewhat non-descript restaurant, .  Inside, we realised it was a social enterprise venture, offering a value for money vegetarian options.  The staff helped explain the set menu options to us and we ordered the dumplings and "Beyond Meat" burger.The food was  incredible value for money.  We paid just over 100 dollars for a meal for two that included soup, and we had no complaints about its quality.  Surprisingly,

I used to love this place for the amazing selection of vegetarian food they put out as a self service buffet during weekday lunches. They used to have at least 8-10 different selections of dishes to choose from. And they will charge you for the weight that you purchase. It also comes with free soup and healthy rice. It is a very worthwhile cause as they support the elderly. It has now changed to a similar style, but you can only choose a few options for a certain price.