耍家嘢

營業中

休息中

又好味又抵食 分別食咗粗麵同埋米線米線非常之Q彈又滑 粗面有彈性得來又冇鹼水味配埋你三餸同四餸嘅料又多 另外叫咗兩隻雞翼啲雞翼係即時炸嘅，所以超級好味又熱環境非常之乾淨，而且空間又比較寬敞食嘅時候都幾舒適 值得一吃吃不過要留意嘅地方係要俾現金記得準備錢 如果唔係尷尬啦哈哈

今日喺某外送平台搵到呢間嘢，三餸車仔麵$52一碗，我諗如果現場嗌，應該會平啲第一碗係豬紅蘿蔔滷水雞翼咖喱汁米粉豬紅正常發揮幾好食，蘿蔔略嫌有渣，滷水雞翼，雖然味道好，但係有點嚡。至於咖喱汁，有好大浸蒜頭味，因人而異，我就唔太鍾意了因為有分湯，所以米粉唔會浸到爛晒，好食第二碗係豬大腸芝士腸滷水雞翼秘製辣汁（微辣）油面豬大腸每一嚿都好大嚿，肥膏好少至於芝士腸，一咬落去有好多芝士必出嚟唔係間間車仔麵做到至於個秘製辣汁，微辣對我嚟講辣到剛好，油面就有啲太硬，下次可能會試吓其他面之後仲加咗個炸魚片頭，$16 4粒，炸得幾脆，我諗炸雞翼應該都會幾好食，下次都會試吓總括而言，推薦大家叫豬紅、芝士腸、豬大腸、炸魚片頭、炸雞翼外賣計埋平台費都覺得幾抵食，如果係即場嘅話應該會更加抵，可以encore

今日行到合益街市附近搵嘢食車仔麵絕對係低碳水，以及生酮人士最愛只要揀菜底，車仔餸大把選擇今日嚟幫襯耍家嘢一坐低服務員好有效率，即刻俾紙仔俾你自己圈佢哋嘅餸菜款式好多今次我就是一個四餸車仔麵面底轉做菜底，菜底係唐生菜再配埋個腩汁試一試佢今次我揀嘅四個餸，分別係牛肚、牛腩、墨魚丸、雲吞牛肚好入味，雲吞真係有蝦喺入面但比較細粒墨魚丸有少少驚喜，因為佢真係有墨魚粒粒喺入邊，不過牛腩有少少扣分佢嘅牛腩係比較大嚿嘅，但係煮得好韌，咬落仲有少少黐牙聽講佢哋嘅秘製辣汁都好出名，下次會試

長期喺外賣平台見到佢哋做一人餐，$62包埋杯凍飲，嚟到嘅時候仲分埋湯👍🏻呢個價錢算係好抵食，車仔麵包三個餸，我叫咗冬菇、蘿蔔、芝士腸，啲冬菇同蘿蔔超~~~~級大嚿，一啲都唔孤寒🤣食過幾次佢啲湯底唔會食完好口渴🤭

一人食午餐，叫了兩餸粗麵，加杯熱華田 ，$43份量就剛剛好夠女仔食，男仔未必夠牛腩夠淋夠入味，但水餃皮太厚，略為失望湯底被辣味蓋過，小辣都好辣店員有禮，但整體一般，但這個價錢來說，還可接受

由於是第一次光顧，只能以點算的食物作評論。小店二車仔麵方式經營，但部份麵食以固定的食物拼配方式出現。這方便了不少食客點餐。這次點了蘿蔔五雜麵牛膀是急凍貨，所以肉質偏散、牛肚可以再焾一些、豬腸有腸的「壓味」但食不出滷水味、粉腸質地不夠「粉」。麵加了腩汁，但麵湯味道仍然很淡。整體來說，味道和出品至是普通。如果需要飲品，就要另外加錢點選。服務一般，但侍應樂意協助客人點利用點餐紙點餐。店內亦掛有很多面食圖片，讓食認識食物的外貌。

朋友帶路話呢間車仔麵幾好食，位置有啲難搵 喺街市商場入邊，冇熟人帶路有啲難搵。環境不大 但勝在幾乾淨。今次叫左三個餸，分別係墨魚丸、雲吞同豬紅配油麵、少辣。油面爽口、豬紅好散、普普通通，而雲吞同墨魚丸都係正常。

今日一試元朗有點名氣既車仔麵，都係朋友推介咁咁啱嚟到元朗所以就順路去食，基本上食物都係光速餐但我叫左雞翼米加凍奶茶，而雞翼係即叫即炸，所以都需要等一段時間，以平民美食車仔麵黎講，的確係唔錯既選擇。.主要做街坊生意，我以環境都係摺檯加圓凳，以開放式廚房，有冷氣嘅車仔麵店，都不過不失啦。.食物感覺乾淨，唔會有好污糟嘅感覺，奶茶都唔錯，茶同奶配合得啱啱好。.價錢方面$40左右已經可以食飽，總括而言我都會再幫襯。

耍家野喺合益廣場地下，其實呢個位好多年前已經賣緊牛腩，但係當時我都唔記得叫咩名，總之有點污糟，但係幾好食，自從早年呢個位轉左耍家野之後，以車仔麵來講環境係乾淨左，同埋都算好坐，價錢一般，4餸好似46元，3餸好似39元左右啦，今次叫左油面，韭菜餃，豆卜，雞翼，再加一個炸魚片頭，全部都幾好食嘅，尤其是係個炸魚片頭，即炸好香口，同埋食完唔算好口渴，有一個賣點，就係夠飽，因為有啲車仔麵其實偏細碗，飲品方面嗌咗豆漿，水準應該都係交貨嗰啲，還好啦

這間車仔面不錯，選擇又多，價錢也不太貴，每日都好多人來幫襯，但不需等太耐，還有，特色滿滿的大粗粒蔥花，口感豐富「五餸豬雜面」蘿白、豬腸、豬皮、豬紅、豬粉腸，加腩汁同自制辣汁、勁多蔥「五餸牛雜面」蘿白、豬粉腸、牛膀、豬腸、金錢肚，加自制辣汁、勁多蔥

嗰日行完山，熱到死之際 ╮(￣▽￣"")╭，諗住去食日本拉麵，點知行咗兩間都未開 (>﹏<)經過合益商場諗住過冷河之際，見到呢間車仔麵，決定同友人放棄覓食，立即坐低幫襯(偷佢冷氣夠勁)。我叫咗碗三餸麵，加個炸雲吞。豬皮韮菜魚皮餃油麵，好普通，唔特別出色。豬皮 唔入味，唔淋韮菜 勁多魚皮餃 好似有啲唔新鮮，肉質有啲「梅」同行友人食嘅係紫菜五寶粗麵，因為冇影相，所以不便多加評論，不過佢就話前兩次食過呢間車仔麵，感覺比今次好得多，有點失望。不過都要比番啲credit佢，佢哋啲份量都屬於偏多，完全夠飽 (>^ω^<)

在元朗區內有不少的車仔麵店，出名的有永年，合興，今次第一次試耍家野。以車仔麵嚟講 選擇算多，湯底味道算不錯，不會太淡或太鹹，辣椒油都做得唔錯，三餸加一豆漿44元，應該價位不算貴，唯一不足是沒有咖喱尤魚，因為個人食車仔麵覺得應該必食。普通的尤魚冇任何味道實在好難入口，鹵水雞翼味道中上，不算好突出 但都夠味。地點近街市，都幾方便，如果想普通簡單咁食下車仔麵都算係一個唔錯的選擇，整體唔錯，是一間傳統的車仔麵小店

琴日lunch去左耍家野食車仔麵，因為上次叫3餸1麵食唔晒，所以今次叫左2餸1麵就夠。lunchtime,辣差不多滿座，一般車仔麵格局，食完要即走果隻，有點迫。講返野食先，我揀左河粉、豬紅同麻辣肉醬，中辣汁。河粉都滑身，不過都係同上次一樣會幾條痴埋一齊，結果食落去好厚咁，影響口感，如果條條分明會好啲。豬紅有成7舊，都多架，好似食緊韮菜豬紅嘅味道咁，同埋唔散夠實淨，幾好味。至於麻辣肉醬有幾種材料，食落夠麻，都幾好食架，不過就多油左啲，如果少油會更好。至於辣汁，嗜辣之人必試，我食中辣已夠晒辣喇

這間車仔麵店位於街市旁邊商場舗，買完餸想食d簡便餐便會想到它。此店不算大，每次來到都有一定顧客，這裹的姐姐熱情招待客人，感到來了一間有人情味的店家❤️車仔麵餸料選擇頗多，除了粉麵還有一些小食。除此之外，湯汁、葱及辣的程度都可選擇👏🏻👏🏻🔸牛腩鷄翼米線牛腩不是一般麵店吃到那一種，偏瘦，腩汁👌🏻，有兩隻鹵水雞翼，入味都幾大隻🔸鷄翼豬紅雲吞米粉　雲吞皮薄大隻、豬紅Q彈、米粉算多整體用❤️製作，環境衛生也做好，會再來👍🏻

傳說中朋友中學時期成日幫襯，咁啱經過，咪复古吓！鋪頭唔大，係商場門口位，但嘢食都幾多選擇！車仔麵: 湯底ok，叫咗豬腸牛肚，加小小辣，係好食嘅魷魚🦑: 魷魚本身係水煮，溝埋d辣醬， 好惹味！但辣醬真係幾辣，唔食得太辣嘅朋友唔好一次撈匀曬啦！韮菜豬紅：大大碟，味道ok，正正常常總括黎講，認真街坊食肆黎，價錢適中，人來人往都多人幫襯！位不算多，亦唔係坐得舒服，但嘢食ok，間唔時過黎懷舊都唔差！朋友食完好滿足！