聆渢咖啡廳

營業中

休息中

職員全都很友善：原本訂了室外，主動安排我們坐室內；會提供小童餐具；會主動斟水；夾唔到意大利飯落碟時會主動幫手；壽司負責人很親切；會有不同款式的熱盤推出；飲品負責人會幫我們沖熱飲……食物有壽司、刺身、沙律、芝士、湯、湯麵、熱盤、麵包、牛扒、多款印度咖哩……水果有橙、西瓜、哈密瓜、火龍果；雪糕有牛奶公司、haagen dazs朱古力、雲呢拿、士多啤梨；蛋糕勁多款，勁靚、勁吸引！整體非常滿意，過了非常愉快的一晚！（利申：早一日訂座有七五折。）

第一次喺度食自助午餐，喺Klook上面買午市有優惠，環境舒服光猛，食物種類同味道都中上，食飽飽可以出去海旁嗰度行吓同睇吓船，收碟好快同職員都有禮貌，以後會再嚟。平日所以客人唔多，大堂好大，以後想試吓住埋房。出去可以去附近黃金海灘行吓，不過附近好似冇乜巴士小巴坐，交通方面就差啲，自己叫車酒店正門上落都好方便。屋企人食得好滿意，以後會再嚟，建議可以多啲牛扒種類，今日只有西冷同埋比較生同埋有啲難切，餐廳嘅刀唔係好好用。但係喺網上平台買嘅話性價比都好高。

呢輪好多網上嘅平台都做緊自助餐優惠，見到黃金海岸酒店餐廳做緊優惠，我又未試過，咁就試吓啦估唔到都幾多嘢食，而且啲嘢食都好啱我嘅口味，例如有法式薄餅同印度薄餅呢啲唔係間間餐廳都會有嘅嘢，主菜類型都好啱老人家口味，唔會太鹹同太重味精，值得一提嘅係長腳蟹都幾新鮮，而且佢哋fill盤嘅速度都好好快,而最令我意外嘅係佢嘅甜品有好多款！！真係睇到眼花撩亂，我哋最尾所有甜品都要一件！仲有佢有龍鬚糖食，真係童年嘅味道啊雪糕佢就有Movepick雪糕，整體嚟講我都幾滿意，而且佢都好似成日做優惠，好抵食😂

黃金海岸酒店交通都唔係太方便, 搭巴士都要係青山公路再行入黎...呢間價錢唔算話平, 係海鮮種類唔算多, 刺身既口感又好一般...三文魚同八爪魚都有食, 不過新鮮程度同口感唔算特別好, 自助餐得呢種質素就有待提升了海鮮唔算多 食左長腳蟹又唔算太鮮甜... 質素平平.食物種類唔算多, 而且好多都係普通中菜既菜式.雖然戶外都有燒物選擇 但種類又欠缺特別...燒物味道還算可以既 不過吒個價錢真係想食到D比較高質素海鮮同刺身.飲品有汽水同檸檬茶等可以揀而且都有甜品可以食.不過環境有一個問題就係有蚊由戶外飛入室內,間唔中就有一兩隻仲要飛來飛去... 有D討厭既環境...總結黎講呢個價錢,食物質素要改善同應該要有多D特別既種類食物可以選擇

水準算得上唔錯👍。多年前食過一次晚上嘅自助餐，十分豐富，印象十分好。是次，午市自助餐，主是母親節特色，其實都係節日消費嘴頭，冇所謂啦。首先，食場氣氛唔錯，沒有「爭搶」嘅感覺，食得自在，環境敞亮乾淨，座位安排算是寬鬆。服務態度周到，收碟都係算快嘅。其次就係食物，中式點心除咗蝦蛟唔係幾啱我口味之外，其他都十分可口，尤其係奶黃糯米糍，香軟可口，形似鹹水角，外有椰絲，正！燒牛肉唔錯，同一個攤仲有印度特色食物，我唔食羊，但佢有雜菜同雞嘅咖喱，加上手抓餅，超好味，超香。中式炒菜及西式食品都很好吃。佢有窩夫同甜點蛋糕，正。有盒仔名牌雪糕。不過，水果嘅品種就偏少，但都係好可口嘅。

呢一間黃金海岸酒店自助餐真係由細細個開始已經食到大，而大個咗之後都繼續嚟呢一間度食自助餐係因為佢嘅水準係保持到嘅，佢有嘅特色而其他自助餐冇嘅係佢嘅炭燒食物系列，另外啊，佢嘅整個建築物嘅設計比到人有一種很放鬆的感覺。今次我唔會逐樣食物講，主要會講每次都會食嘅美食。我用咗唔同嘅角度去分析一下今次嘅餐飲體驗。炭燒雞全翼基本上炭燒雞全翼係每一次嚟嘅必食項目，我可以夠膽講呢度嘅燒雞全翼真係數一數二咁好食，每次嚟都食最少兩隻或以上，自助餐咁多選擇都竟然要食兩隻雞全翼嚟頂住個胃，證明佢哋嘅雞全翼有幾好食啦。炭燒羊架呢一樣嚟講我覺得係僅次於雞全翼咁好食，羊架嘅size啱啱好，而且冇羊膻味味，但係有羊味，加上薄荷醬實在係絕配。燒菠蘿粟米10分清甜爽口，燒得剛剛好，能保持食物中的水份。喇沙湯底車仔麵其實去自助餐食嘢，真係好少人會嗌個麵食，但係佢嘅喇沙湯底實在太過香，配料亦好新鮮，所以去到自助餐的尾聲都忍唔住要嗌一碗嚟食，唯有叫姐姐整細碗啲俾我，評價係好好食。生啤任飲呢樣亦都係呢度嘅其中一個特色，配上炭燒雞全翼炭燒羊架及其他炭燒的食物，實在是一絕。Movepick雪糕加即整pancake呢度嘅職員整panc

我起到住左4日，食左8餐自助餐🤣由早餐、lunch、夜晚，都幾多野食簡，餐餐有野飲，食物質素唔錯，我見網上有買1送1，係抵嘅！唔好太大期望，就係正常嘅自助餐，如果以呢個價錢就CP值高嘅。野食正常，不過最抵讚係呢到啲員工無諗過香港屯門黃金海岸酒店嘅員工咁pro同咁有禮貌。真係要大讚呀！係每一個都咁好！由早餐到晚上都咁好！😍😍😍夜晚buffet室外有BBQ串燒拎，啲呀姐起室外都熱，但都好有禮貌、有耐性🥰唯一一樣係係我自己掛住講野唔小心吞左魚骨同埋個水牛芝士入面好似有啲硬野我又吞左😅呢到環境都好舒適，好好坐！嚟度假應該幾正

今次同同事一齊喺黃金海岸做嘢，所以試下佢嘅中午自助餐原來住客可以係食自助餐有半價嘅估唔到平日都咁多人，環境光猛，非常舒服，對住泳池樹蔭，好似有一種去度假嘅感覺午市自助餐有我最喜歡嘅蟹腳食，呢個已經係重點，雖然肉唔算好肥美，但鮮甜。仲有凍蝦，彈牙。刺身選擇比較普通，三文魚、吞拿魚、八爪魚 熱盤方面，照燒銀鱈魚，肉嫩鮮甜，燒牛肉嫩滑， 比較喜歡嘅仲有黃金蝦，最可惜係熱盤嘅熱度不夠。對於我這個甜品控來說，他的甜品一般，不太吸引，免強拿了幾個，只有芝士蛋榚好食，其他，絕對感覺浪費quota。還好，西瓜蜜瓜等都係非常之鮮甜。最後食咗個即場做嘅crepes 再配movenpick雪糕, 成就甜蜜的完美作結。$300左右一個人的價錢，感覺都值的

用餐日期：2024/04/16可用餐時段：12:00-14:30，2小時30分鐘用餐費用(每人）：$233餐廳環境：環境整潔乾淨 冷氣足 檯與檯之間闊落 坐得舒服服務：服務員服務有禮態度好 收碟及時 食物及時refill 謝謝甜品檔服務員耐心介紹甜品和推介適合客人的甜品沙律吧：有約4款混和了的沙律菜 5款配料 6款已調好味的沙律 1款巴馬火腿片 1款煙三文魚片 1款冷切牛肉片 沙律菜和配料新鮮味道好但配料選擇較少 調好的沙律味道不錯 巴馬火腿片和煙三文魚都不咸味道好 推薦 如沙律菜配料多些選擇 有芝士碎粒+黑醋醬更好 希望店方改善芝士：有3款常見芝士 味道好 如有羊奶芝士更好 推薦 冰鎮海鮮：有5款(青口 雪花蟹腳 海蝦 翡翠螺) 試了蟹腳+蝦 2款都新鮮味道鮮甜 推薦 刺身/壽司：有4款刺身(立魚 甜蝦 吞拿魚 三文魚）5款壽司 試了甜蝦+吞拿魚刺身 吞拿魚新鮮完全沒筋味道很好 甜蝦也新鮮味道好但尺寸偏細小 如甜蝦大隻些更好 推薦湯品：有1款中湯+1款番茄湯 試了番茄湯 番茄湯夠濃不咸味道好 推薦麵包：有約3款歐式麵包+1款法式布丁麵包 1款牛油 因歐式麵包沒烤烘機可烤熱麵包沒試

大家好！我又來啦～ 今次，我去咗黃金海岸酒店嘅聆渢咖啡廳食午餐Buffet啦。入到去，環境靚緻到不得了，一望出去，就見到泳池水光瀲滟，真係賞心悅目到不得了👀。坐定定，我就搶先衝去試嗰燒海鮮🦐，大蝦又大又鮮，咬落去嘅質感啱晒口味！燒蔬菜焦香得嚟又唔會太乾，真係靚仔得滯。然後，天婦羅同焗帆立貝更加係香脆同軟滑嘅完美結合！唔少得我最期待嘅抹茶疏乎厘班戟同可麗餅啦！😋 紅豆腍而唔膩，班戟軟綿綿嘅；而可麗餅加上奶油同糖漿，話咁易就成功攻陷我啲甜品胃！話說，西班牙海鮮湯真係好有誠意，鮮味喺口腔裡滴溜溜轉，非常搶鏡！而且飲品選擇多又唔錯，藍妹啤酒冰涼過癮，真心解渴💦。總結嚟講，聆渢咖啡廳嘅食物質素同環境係絕配嘅。從餐廳到酒店嘅BB友善設施，到食物嘅推介點個個就係我回味無窮嘅原因😊。 下次有機會，我一定會再嚟試試室外嘅feel，想必喺咁優美嘅環境度享受美食，會係一個怡心嘅體驗！記得留意我嘅美食旅程update喇～

🧨炭火BBQ 🦀 冰鎮海鮮🥘一次過品嚐日韓泰越印美食～ 食buffet咩都有得食個個都開心Yummy：）冰鎮海鮮雪花蟹腳、紐西蘭青口、海蝦、翡翠螺同半殼扇貝任食😍😍，最重要蟹肉鮮甜大滿足！戶外區炭火燒烤最好feel！燒烤香噴噴香味胃口大開～大蝦、羊排、 雞翼燒得Juicy好好味～中式熱盤有驚喜！ 婆婆最愛薑蔥霸王雞、清蒸原條石斑～仲有多款沙律、頭盤、芝士拼盤、即切魚生等等…私心大愛泰式冬蔭海鮮湯、芒果糯米飯去香港黃金海岸👉🏻黃金海岸海灘走走👉🏻隱藏版酒店公園遊樂設施爬石、爬山好好玩👉🏻酒店海洋主題PlayHouse 也不要錯過👉🏻再走到黃金海岸商場感受歐陸風情👉🏻大推酒店豐富BBQ晚餐buffet玩完跳完，食埋自助餐最完美！Yeah!

海鮮區：海鮮區方面，有紐西蘭青口，海蝦，雪花蟹腳，翡翠螺同半殼扇貝任食😍😍，冰鎮海鮮可以食返本身蟹肉嘅鮮甜味，啖啖肉真係大滿足啊。另外海蝦，超紅又大隻，肉質爽甜彈牙！忍唔住食左幾round! 實在太正！💕 甜品：甜品方面超級有驚喜！!🙆🏻‍♀‍超過10款甜品任選，泡芙外表鬆軟，血橙士多啤梨慕絲蛋糕清新得嚟甜度適中，澳洲路易斯蛋蛋糕濃郁綿密，必試之選🎂🍰🍬🍦。除此之外，自家製的法式薄餅及比利時窩夫的香味充斥住成個甜品區，窩夫一黎到個賣相已經好靚，外脆內軟，絕對滿足到甜品控嘅我！除左各式各樣嘅蛋糕種類外，朱古力噴泉和糖果都值得一試，相信小朋友大人都會中意。💓💓至於環境方面，地方都算闊落，食得好舒服。 侍應服務態度良好，收碟快。設有室外和室內座位選擇，最近天氣凍，推薦坐翻室內位置，所以坐在室內又唔怕都凍親又可以透過玻璃外窗睇到室外風景，正！🎉

天寒地凍，除左想食打邊爐、爐端燒、韓燒，我還想到去黃金海岸聆渢咖啡廳食澳遊自助晚餐。除了可以細嚐一系列澳洲特色佳餚，還可以享用戶外區的即製燒烤食物(雞翼、羊排、大蝦等等…)，那股燒烤的香氣是令人無法拒的啊﹗尤其是炭燒雞翼，香口肉嫩，必定要食幾隻以上﹗室內自助餐區位置的豐富美食，有慢烤澳洲穀飼牛鞍扒、脆皮燒腩仔、烤駝鳥肉配牛肝菌蘑菇汁、焗澳洲鱸魚、蒜香紅花白酒煮澳洲藍青口、慢煮紅酒澳洲和牛臉頰等等，多款食材由澳洲空運到港，絕不能錯過﹗ 當然少不了冰鎮海鮮啦﹗ 多款特色預拌沙律、頭盤、芝士拼盤、即切魚生等等… 中式熱盤有清蒸原條石斑、薑蔥霸王雞、黃金蝦等等，更有蒸燒賣、小籠包、奶皇包麵檔更有滋味喇沙供應。印度美食區有驚喜啊﹗瑪撒拉捲餅、酥油餅、各款咖喱都是必食的﹗甜品則有澳洲路易斯蛋糕、澳洲特濃朱古力蛋糕、可麗餅、窩夫、多款精緻糕甜、可麗露、雪山蛋糕、Mövenpick 杯裝雪糕、新鮮水果。 飲料方面，有養顏杏仁露、中式老火湯、南瓜忌廉湯、無限添飲咖啡及茶、汽水、啤酒等等，旁邊有Kids' corner。  

過兩天便是普世歡騰的聖誕節去吃自助餐絕對是慶祝的佳節目，今天就為大家介紹豐富自助餐的好選擇啦。這一晚再次來到香港黃金海岸酒店內的Cafe Lagoon ，品嚐Buffet Line超長的精彩自助餐美食。甫踏進自助餐區就看見非常有氣氛的聖誕佈置，伴隨著頭盤區的雜果沙律配紐西蘭金奇異果、紐西蘭田園沙律、薯仔沙律、紐西蘭奇異果海鮮沙律及茄子沙律作自助餐開端。接下來是我非常喜歡的冰鎮海鮮區！這夜有青口、海蝦、紐西蘭青口、雪花蟹腳、翡翠螺及半殼扇貝，一家大小齊齊整整的等待我們去品嚐。緊接著有芝士拼盤、新鮮沙律菜、香辣烤澳洲西冷牛肉、煙三文魚及巴馬火腿，頭盤前菜區已經這麼豐富接下來應該更加精彩。日式美食當然有大家也非常喜歡的刺身，當中包括有三文魚、吞拿魚、八爪魚、鯛魚、希靈魚及北寄貝，另外還有壽司和卷物選擇也挺多。繼續往前走行到熱食區打頭陣有四款點心！奶黃水晶餃、牛肉燒賣、糯米雞及上海小籠包任取任吃好滿足。中式熱葷有雜菌鮑片扒時蔬、薑米帶子叉燒炒飯、松露珍菌炆伊麵、古法蒸多寶魚、萵筍小耳朵炒蝦仁及薑蔥霸王雞可選，而我就看中了賣相吸引的薑蔥霸王雞。天寒地凍看見這一大煲老火靚湯真的身心溫暖，再凍的天氣

呢個月頭，去咗屯門黃金海岸嘅咖啡廳食自助餐，其實我常常去，不過發覺佢啲水準都係下跌咗，以前有好多甜品，而家都變成少量咗，常常去少量咗，雖然係欣賞佢個size細咗，因為冇咁飽肚，可以試多幾款，但係整體嘅款式係少咗，同埋賣相冇咁精緻，味道依然都唔錯，但係如果可以多啲造型獨特嘅款式，就會更加吸引。主菜個豬腩肉真係好好食，雖然有啲邪惡，不過個皮基本上都係脆嘅，最緊要即刻叫即刻食，唔好等佢「淋」咗，咁就嘥晒啦；燒烤虎蝦亦都好值得一讚，因為啲蝦新鮮，燒出嚟嘅味道，真係唔同啲，重有燒菠蘿、燒雞翼、燒羊架、粟米等等款式，都算多，燒菠蘿尤其值得一讚，因為啲菠蘿好甜，燒出嚟真係好好食，同埋佢有芝士焗帶子，熱食一流，魚生方面雖然有污水危險，不過我都照食，味道都OK嘅，我最喜歡北寄貝，食多幾份都可以回本多啲；Movenpick雪糕款式就唔夠多，唔知係咪我遲去攞，得返朱古力同埋雲呢拿，如果有多啲選擇就好啦。總括嚟講，上個月因為有買一送一優惠，咁嘅價錢係抵去嘅，唔知道嚟緊仲有冇咁好嘅折扣＇如果冇嘅話，性價比就唔算高：可以再考慮吓去唔去。