聖安娜餅屋 (天澤商場)

營業中

休息中

平時好少買聖安娜嘅麵包，但去親就一定係為咗買佢嘅中式麵包。食過佢嘅菜肉包、馬拉糕同埋糯米卷，全部質素都幾好。菜肉包入邊有少少肥肉，但唔覺得油膩；馬拉糕大嚿得來好鬆軟好香蛋味，甜度啱啱好，食完一舊已經非常飽。今日買咗三舊糯米卷，佢嘅外皮係薄薄嘅白麵包，有好多糯米，真係啱晒我心水。講返佢個糯米卷，佢係油潤得黎，食落又唔會太油膩，其他材料有花生、仲有少少黑色嘅物體，我覺得係梅菜之類，好香。最近聖安娜有個優惠就係買滿$50嘅蛋糕會送返$50嘅優惠券，可以當現金咁用。今日呢三舊糯米卷我用咗兩張10蚊優惠券，買單只係一個幾，真係抵到爛呀。

之前屋企人生日，係屋企附近嘅聖安娜分店買咗呢一個燕山板栗蛋糕。其實我哋往年生日通常都會買芒果忌廉蛋糕，但係今年聖安娜賣廣告賣得好行，所以就決定試吓栗子蛋糕。本身以為栗子蛋糕冇芒果咁多水份會好乾身，但原來呢個蛋糕都非常多忌廉，所以食落去並唔會覺得乾，反而幾濕潤。忌廉多、栗子蓉都好多🌰除咗你見到芒果表面上面既原粒栗子同埋栗子蓉之外，芒果入面都仲有好多栗子蓉鋪喺蛋糕之間，令人覺得個蛋糕都幾真材實料。後話：其實我本身買咗一個雙層嘅雜果忌廉蛋糕；但最後職員同我講返，原來雙層蛋糕只可以做兩磅或者以上。但係佢個app又可以買到一磅喎，所以最後咪轉左栗子蛋糕囉。

每次見到d鋪滿芒果既野就好心動，聖安娜今次退出既呢個芒果盛放既蛋糕真係好吸引到我，所以一於買黎試下。呢個係夾心芒果蛋糕，入面分左4層，有芒果慕斯，芒果寒天，薄脆，重有士多啤梨添。芒果慕斯同香滑忌廉配香甜芒果，淡淡既芒果甜味十足，賣相又吸引。

聖安娜推出咗新蛋糕，一向都鍾意飲好立克既我，買咗一個半磅既好立克蛋糕試下。個樣好靚，成個外圍都係好立克特有既米白色，上面放咗士多啤梨同藍莓，我已經急不及待要切開佢。裏面分層好清楚，最外面係好立克mousse，中間有一層好立克軟心，再有蛋糕夾住d朱古力薄脆。先刮少少好立克mousse出黎食，好滑，軟綿綿，入口即溶，淡淡既好立克味即刻係口腔裏面湧現。一大啖「畢」出黎，好立克軟心慢慢流落黎，流到蛋糕入面，一咬，好重好立克味，朱古力薄脆咬到脆脆作響，好幸福，個蛋糕完全將好立克既味道呈現出黎，可講係固體好立克既代表。

每一次喺西鐵轉乘巴士回家,一落車就會見到呢間聖安娜,但小妹一直鮮有入去幫襯;是日諗住不如買幾件西餅留作第二日做早餐都唔錯哦~ 於是就入左去,問一問店員最少幾多件西餅有盒裝,店員答買三件就有個盒可裝,而且現時用$11.3就可以有3件西餅,小妹見display cabinet內有幾款新出口味,樣子幾吸引,於是要左新口味:迷醉紫芋、斑蘭旋轉樂。再要多舊雲石蛋糕,咁樣已經夠3塊,有個小盒裝住,但小妹怕唔夠食,,所以加多舊"比利時濃情"首先食左兩件新口味迷醉紫芋同斑蘭旋轉樂先,呢兩件西餅真係令人好無言,迷醉紫芋得個樣靚,完全真係完全一尐尐芋頭ge香味都食唔到,而斑蘭旋轉樂拎上手聞時係有少少斑蘭香味,但原來食入口都係完全冇斑蘭味架雲石蛋糕:比前面兩件好尐,味道就好似清蒸蛋蛋糕咁,而最令人意想不到ge係,原本只係湊數用ge比利時濃情居然最好味,朱古力味真係好濃,面頭ge朱古力碎更加係增加左成件餅的層次感

fever左2日冇哂胃口mammy知到我食藥咁hard就買左blueberry cheese cake當甜頭~唔錯好實,blueberry jam適中,好濃cheese taste個ban底好香牛油味^^希望可以化快D好番。