聖安娜餅屋 (天澤商場)

營業中

休息中

平時好少買聖安娜嘅麵包，但去親就一定係為咗買佢嘅中式麵包。食過佢嘅菜肉包、馬拉糕同埋糯米卷，全部質素都幾好。菜肉包入邊有少少肥肉，但唔覺得油膩；馬拉糕大嚿得來好鬆軟好香蛋味，甜度啱啱好，食完一舊已經非常飽。今日買咗三舊糯米卷，佢嘅外皮係薄薄嘅白麵包，有好多糯米，真係啱晒我心水。講返佢個糯米卷，佢係油潤得黎，食落又唔會太油膩，其他材料有花生、仲有少少黑色嘅物體，我覺得係梅菜之類，好香。最近聖安娜有個優惠就係買滿$50嘅蛋糕會送返$50嘅優惠券，可以當現金咁用。今日呢三舊糯米卷我用咗兩張10蚊優惠券，買單只係一個幾，真係抵到爛呀。