聖安娜餅屋 (已結業)

是日同事last day, 請食散水餅，買左公司附近的西餅，有好多款，我選左呢個芒果既cake, 俾個樣吸引左，好靚。聞落都好香下，但入口果下就有問題啦！海棉蛋糕非常乾又厚實，芒果層也比較實，雖有淡淡的芒果香，但整個口感又乾又實。芒果肉更是酸到飛起。最慘既係咪？同事仲係度，要食哂佢，佢仲問你好唔好食，我只好笑著答：個芒果肉好酸！

大掃除從抽屜裏找到張餅咭，兌換了它當作是大家的下午茶。整體蛋糕的質感還存水份，鬆軟就當然不算。果漿有懷舊的黃梅及新潮的藍莓，比另一品牌叫做有新意。拿破崙的酥皮還可叫做脆身，中間夾雜忌廉與蛋糕，面頭也有烘脆過的椰絲。煮杯奶茶，吃件蛋糕，伸一伸腰，再嚟過！

尋日(24-1-2015 Sat)晏晝同男友睇完同買完o野後,諗吓呢晚食咩o野?男友提議買啲麵包返屋企送麥片食,啊.我o地經過呢o度就決定o係o度買,睇勻成間後,決定要$9.00o既雙重芝士燒餅,$8.00o既吞拿魚燒餅同$12.50o既湯種合桃軟包.我o地有會員咭,折實後為$26.10.返到屋企到晚飯時間開餐.我o地先食形狀似頸枕o既湯種合桃軟包,呢個口感適中,唔係好軟o個種,內裡有啲合桃粒.然後到雙重芝士燒餅,面上有熔o左o既芝士條,掰開一半食喇,芝士味道唔太鹹,食到中間時,食到原來有啲白芝士夾心,呢層夾心芝士係軟綿綿,似cream狀,幾好味.最後到吞拿魚燒餅,諗住唔會好咩驚喜,但食到裡面有啲洋蔥粒,都唔錯喎,而且吞拿魚餡都唔算少.抵食係2.5分

男友對瑞士卷情有獨鍾，之前看見聖安娜推出了沖繩黑糖和綠茶紅豆口味，還說是期間限定，一直都很想試。之前走過幾間分店，綠茶紅豆味通常都一早售罄。是日來到葵芳竟然遇得到，便一口氣買了兩條。綠茶紅豆卷雖然是原卷狀態，但其實已經切好，分為六件，再用透明膠膜包裹，併回原條狀態下出售。一寸厚的綠茶蛋糕層上，塗了混有紅豆粒的白色忌廉後再收卷，形成兩個漂亮的圈圈。海綿蛋糕的質感並不是特別綿和細緻，入口只感到濃濃的抹茶味，紅豆質感非常硬，這點是最大敗筆。如果可以改為腍身的紅豆蓉，口感應該會更好。之前嚐過大阪的堂島卷，雖然形狀有點不同，人家是中空注入忌廉的，不過無論是海綿蛋糕還是忌廉部份，同樣做得非常出色，蛋糕綿滑有蛋香之餘，忌廉中濃濃的奶味，亦令人無法抗拒。話說回來，聖安娜的綠茶紅豆卷付現金或八達通的話，一整條只售HKD33(正價HKD39)，這樣的價錢，還不夠買兩件堂島卷，所以只能說是一分錢一分貨吧。

聖安娜每朝八點先開，但每朝都有人係閘外面等開舖，今日我都係其中一個等開舖既人，今日就試下至脆叉燒包($8.5)，包個size都唔細，包最面層有芝麻同想做到酥皮脆既感覺，但係失敗左，一d都唔脆，不過叉燒餡就唔韌好味同夠juicy！

特級法蘭克福腸包，特級？有幾特級？麵包上加上一條大約七長既法蘭克福腸，再配上茄汁同香草而成，香腸既腸衣食落微脆，配埋茄汁真係絕配，不過茄汁份量唔夠多，但食落仍然好開胃！

湯種麵包係聖安娜新推出既麵包，上網搵過下資料，原來湯種麵包係日本人發明既，湯種麵包係特別輕而且組織柔軟，湯日文係解做熱水，泡溫泉意思在65度之下，麵粉和水的混合物中會收水份而發酵，當湯種加入其他麵包成份，麵團質素被提升，並產生較柔和的麵包。芝士火煺軟包 - 星形麵包，表面有一小塊火煺，再加六粒芝士，食之前放入微波爐叮番熱，食落口真係覺得幾軟身，但芝士就無咩味，麵包除左軟身小小就無咩特別！

深啡色既菠蘿包？原來係比利時朱古力菠蘿包，成個包都係深啡色，“菠蘿"上面再加幾粒朱古力碎，不過“菠蘿"皮就唔係脆既，切開原來連包中間都有朱古力醬，唔會食到中間無朱古力味，食哂成個包都唔會覺得太甜! 唔錯！

脆皮朱古力海龜就是朱古力味的菠蘿包, 包內無餡, 菠蘿皮好脆, 麵包鬆軟。 左面的開心小熊是粟米火腿薯蓉餡, 薯蓉很滑而且打得幼細, 火腿就切到很細粒, 粟米粒就唔會係飽滿嗰種得意熊貓是忌廉芝士餡, 放心~ 一點也不會膩, 輕盈滋味。

在香港, 去探望朋友一定要帶手信。送生果...又會驚別人的身體受不來(什麽什麽寒涼呀, 熱氣呀~)看來, 買打西餅就一定老幼咸宜 那天, 親戚到我家就帶了半打聖安娜西餅有香檸林明頓, 香橙林明頓, 咖啡林明頓, 拿破崙及雲石蛋糕基本上, 蛋糕的本身是未去到抽乾水份, 林明頓系列都做得好吃, 若果外層忌廉層能加厚就最好不過拿破崙中層的酥皮很鬆化, 咬一口「咔‧嚓」一聲好醒神雲石蛋糕的朱古力十分香濃 可惜忌廉不夠厚身多謝親戚的送禮

紅莓南瓜包 $11: 4個包包一袋, 有很多紅莓碎和南瓜碎, 好fresh的感覺, 但偏甜.香軟法包 $9: 十分軟的法包, 咸咸地, 幾好味.整體來說, 聖安娜的家庭裝包包的份量大, 大大包, 味道就一般, 但十分經濟, 抵食.

火腿芝士潛艇 $6.5 →(現金卷減$1) $5.5個潛艇的麵包質感幾特別,個表面有好多一粒粒的東東作為裝飾,但食落口又無咩特別味道,少少咸味...潛艇中的餡料有車打芝士,半溶化的口感非常佳,佈滿整個潛艇的內部~中間還有一大片捲起來的火腿~非常之好味~~95分!!! 提子條 $10 / 4條我覺得提子粒過甜,加上麵包的質素麻麻地..太乾身,.在普通麵包店買的提子包更好味..所以唔建議大家試...味道 40分..皆因提子條的味道不太好..所以總結俾味道::4分

　　今日行過見到呢個石板街卷蛋，推廣價$38，鐘意食甜食o既我梗係唔會放過，即刻買一條試試，入面有棉花糖同埋迷你麥提莎，好特別！不過我同阿妹食剩一件，第二日ｄ迷你麥提莎就唔脆林哂，下次買到要諗辦法一日食哂佢

虎紋外表, 十分光滑美麗, 有6件.蛋糕新鮮, 甜度適中, 不太多的牛油CREAM, 不肥膩, 很好.$$$: 特價推廣, $10, 好抵, GOOD.當下午茶一流.

想試呢個 "75度" 好耐, 今次終於買咗嚟食,朱古力味好濃, 少少苦, 啱晒我,不過可能拎到返屋企冇雪到,所以溶溶地, 但係都好好味,用恒生咭仲有八五折,有機會會再買嚟食