聖羅蘭餅屋

營業中

休息中

18-3-2009繼續無精神, 但離奇地餓得發慌, 行去飲感冒茶途中路經呢間餅店, 買了 3 隻迷你腸仔包 ($5.50 / 3 個) 及一個蒸蛋白蛋糕 ($4) 醫醫肚.迷你腸仔包其實唔算「迷你」, 腸仔佔了個包一半, 份量唔少... 甜包微熱, 質地鬆軟, 睇0黎出爐無耐? 又幾好食.蒸蛋糕就一般 -- light 係夠 light, 鬆係幾鬆, 但實在太乾了, 睇0黎呢味唔應該立亂買...見過西環唔止一間「聖羅蘭」, 而且次次見到都好多人, 睇0黎係西環「名店」?下次買蛋撻試試吧.

吃得不好，總會在之後找些東西來填補那空隙。離生記不遠，是聖羅蘭餅店。餅店小小，但包點選擇卻不少。暖櫃面貼着“鮮奶酥皮蛋撻”，餅店小姐說蛋撻做起不久，還暖。看着只是兩塊錢，一來想掃走之前的不爽，二來也想跟上次在泰昌吃到的做個比較，決定買個來試試。蛋撻不只暖，其實是熱，吃落還有點燙口。撻皮和蛋漿都呈金黃色，賣相討好。味道方面，蛋漿味道自然，不會過份甜膩，而酥皮亦做得夠香夠鬆化，非常滿意！整體的味道和口感相當不錯，而價錢還不到泰昌的一半，要選的話，會投聖羅蘭一票！

見佢又平又係酥皮才試試,撻皮OK啦,而蛋漿亦不算甜.

敢說聖羅蘭是一帶最好的麵包店. 不是因附近有很多又平又好食的麵包店, 這裡比附近的貴少少, 只是少少, 但質素好好多.菠蘿包的包面十分脆口, 甜度適中,提子包也不錯, 但不特別, 出爐頻密更保證新鮮.(我也認為男店員沒有禮貌, 但只是買個包, 唯有忍忍吧.. ) <<**********這點足可以令客人停下腳步不再去這間不友善和令人十分怕怕的店,又可以去消費者委員會投訴!

敢說聖羅蘭是一帶最好的麵包店.這裡比附近的貴少少, 只是少少, 但質素好好多.菠蘿包的包面十分脆口, 甜度適中,提子包也不錯, 但不特別, 出爐頻密更保證新鮮.我也認為男店員沒有禮貌, 但只是買個包, 唯有忍忍吧..

好驚呀剛剛去聖蘿蘭買包食,我選了一個不要,再選第2個包,裏面有個男人見到大大SOUND叫我不能用手選,和走向前用粗口說一個都不能揀,還我走時衝前說想打我,他追到我去馬路! 注意店裏的排飽已經獨立包裝.

今朝早既方包夾芝士食, 麵包好薄, 質地已經開始變硬, 麻麻地啦!

呢度最好o既地方就係營業時間超長, 我有同學係返學之前去買早餐, 我就係自修室溫書到十點先走佢地都未閂門, 只係晚上8時過後就只剩下最平凡果d, 如麥包, 鹹甜餐包等, 仲有菠蘿蛋糕, 其他西餅蛋糕方包等。通常都係食吞拿魚包, 個人認為呢度o既吞拿魚飽較美心, 凱施, 大班等o既好味, 原因無他, 只係呢度最多吞拿魚餡, 講飽味, 的確一般, 而且偏腍。另外通常會食豬仔包類, 包括麥包仔(提子麥包), 甜餐包, 幾好食。鬆軟唔太甜, 新鮮出爐o既麥包真係好正, 香甜o既麥味提子乾味, 幾好。呢度蛋撻亦唔錯, 以$2一個黎講好抵食, 當然品質唔能夠與泰昌檀島金鳳等相比, 但係絕對比美心與及係中西區打對台o既凱施好食得多, 亦比美心抵好多。另外一個偏愛o既係糯米磁, 以前o既賣相唔討好, 但係而家改進左, 大大個脹卜卜, 食完都幾飽, $2真係幾抵食。之前仲有朱古力味, 不過只屬一般, 花生味唔錯, 但餡料偏油, 認為豆沙好d, 但唔適合怕甜者。豆沙燒餅亦幾好, 面頭o既芝麻好香口, 但係食o既時候小心芝麻留係牙縫間。肉鬆包一般, 好乾, 不過肉鬆唔少。食過朋友買o既曲奇, $10大大盒,

買左2個朱古力蛋糕, 2個蛋卷,($10.5)我的朱古力蛋糕, 好差...個蛋糕極度乾身, cream份量少得可憐(我唔鐘意cream, 但係佢比到咁少, 不如唔加吧?) 冇朱古力味... prefer漢堡的多, 人地有厚厚的朱古力漿的;蛋卷, 呢個就好d, 起碼唔係咁乾身,如果買呢類西餅, 建議咖啡味蛋卷, 比較好食

晚上七時多, 路過. 平日這時候蛋撻多已沽清, 也許今天下雨, 還有. $2一個, 買五送一. 酥皮. 回到家才吃, 居然還是暖暖的. 酥皮酥是酥, 卻沒有牛油香, 也許是為了避免太油膩吧, 蛋餡滑是滑, 卻欠蛋香, 遍淡口. 口感是很好, 卻欠香味.

突然間好想食coffee味既野,買左呢個咖啡蛋卷($3.5),幾香咖啡味同蛋香, 又夠鬆軟, 有下次!

第一次食肉鬆包,我鐘意食包, 鐘意食肉鬆, 但係冇咩興趣食肉鬆包,今次一試, 好一般, 因為個包冇味, 唔甜唔鹹,只係食到有肉鬆部份先有少少味, 而份量偏少...早知食菠蘿包, 因為見到佢新鮮出爐..............

下午行經皇后大道西見到呢間餅舖.正因出爐時間,都有好多街坊!一入去比佢\Big size既丹麥條($4)吸引,隨即夾下.但味道一般!再黎係微暖既椰檳($3.5),也是一般.更不少得好評既曲奇.於是揀左腰果曲奇($10)~的確抵食,好啱我口味.不是太重牛油味.食落仲好脆好香口!見中式餅($5/3pc)都唔錯.買左叉燒酥,味道幾好.個皮好鬆化.皮蛋酥夠特別,有少少薑味<本人不好薑,但仍可接受> 味道match得幾好.蛋皇酥是蓮蓉餡,不太甜.下次有機會.都會再黎~哈!哈!好好味呀

$5/3件中式餅,揀左2個老婆餅, 1個紅豆餡既老婆餅,曖曖地, 食落都幾好味呀,冬瓜溶入面有少少係咬到一粒粒咁, 口感唔錯,而紅豆餡都幾好味, 值得一試

去完漢堡買朱古力Tart之後順著正街行上皇后大道西，在未過對面馬路前，記起這間店，所以順路睇下有有好野買。未入到門口，就見到熱櫃的叉燒酥呀，皮蛋酥呀和蛋皇酥呀等等。個樣幾好，又完整，酥皮好似幾鬆化咁。再入裡面望下，好似冇咁對板，所以就買酥餅好了。以下講的酥類都是五元三個，所以就買了三個叉燒酥（這個幾好味，ｄ皮真是和睇的一樣夠鬆化，叉燒餡是一塊塊的，不是碎肉，味亦好過很多茶樓酒家。）、二個皮蛋酥(這個亦好味，有四份一隻皮蛋，另酥餡是綠豆蓉並加上少少薑蓉，不太甜，不辣，綠豆蓉好味，皮亦是鬆化的。）和一隻蛋皇酥（這個冇食，因為送了給母親食，所以冇意見。）。大致上都好好味的，所以如各食家去開源記食糖水，不妨行過來買返三個試吓lor，都是五元，同源記的水蒸蛋糕有得揮的。順帶一提是冇盒裝或送的，可能問會有。咁漢堡好D了，五個都有盒裝，仲是不用講。