影片
更多
2006-08-17
73 瀏覽
呢度最好o既地方就係營業時間超長, 我有同學係返學之前去買早餐, 我就係自修室溫書到十點先走佢地都未閂門, 只係晚上8時過後就只剩下最平凡果d, 如麥包, 鹹甜餐包等, 仲有菠蘿蛋糕, 其他西餅蛋糕方包等。通常都係食吞拿魚包, 個人認為呢度o既吞拿魚飽較美心, 凱施, 大班等o既好味, 原因無他, 只係呢度最多吞拿魚餡, 講飽味, 的確一般, 而且偏腍。另外通常會食豬仔包類, 包括麥包仔(提子麥包), 甜餐包, 幾好食。鬆軟唔太甜, 新鮮出爐o既麥包真係好正, 香甜o既麥味提子乾味, 幾好。呢度蛋撻亦唔錯, 以$2一個黎講好抵食, 當然品質唔能夠與泰昌檀島金鳳等相比, 但係絕對比美心與及係中西區打對台o既凱施好食得多, 亦比美心抵好多。另外一個偏愛o既係糯米磁, 以前o既賣相唔討好, 但係而家改進左, 大大個脹卜卜, 食完都幾飽, $2真係幾抵食。之前仲有朱古力味, 不過只屬一般, 花生味唔錯, 但餡料偏油, 認為豆沙好d, 但唔適合怕甜者。豆沙燒餅亦幾好, 面頭o既芝麻好香口, 但係食o既時候小心芝麻留係牙縫間。肉鬆包一般, 好乾, 不過肉鬆唔少。食過朋友買o既曲奇, $10大大盒,
通常都係食吞拿魚包, 個人認為呢度o既吞拿魚飽較美心, 凱施, 大班等o既好味, 原因無他, 只係呢度最多吞拿魚餡, 講飽味, 的確一般, 而且偏腍。
另外通常會食豬仔包類, 包括麥包仔(提子麥包), 甜餐包, 幾好食。鬆軟唔太甜, 新鮮出爐o既麥包真係好正, 香甜o既麥味提子乾味, 幾好。
呢度蛋撻亦唔錯, 以$2一個黎講好抵食, 當然品質唔能夠與泰昌檀島金鳳等相比, 但係絕對比美心與及係中西區打對台o既凱施好食得多, 亦比美心抵好多。
另外一個偏愛o既係糯米磁, 以前o既賣相唔討好, 但係而家改進左, 大大個脹卜卜, 食完都幾飽, $2真係幾抵食。之前仲有朱古力味, 不過只屬一般, 花生味唔錯, 但餡料偏油, 認為豆沙好d, 但唔適合怕甜者。
豆沙燒餅亦幾好, 面頭o既芝麻好香口, 但係食o既時候小心芝麻留係牙縫間。肉鬆包一般, 好乾, 不過肉鬆唔少。
食過朋友買o既曲奇, $10大大盒, 好香好脆好好味。亦試過$1 puff, 唔推介, cream唔夠凍, 皮冇味, 而且一咬就會自動分開一半。亦買過$30半磅黑森林, 亦係麻麻, 一分錢一分貨, 大家想像下啦, 朱古力味尚算足, 但係一點甜酒味都冇。芒果蛋糕較為好。朋友曾係生日時送我一個一磅o既栗子蛋糕, 呢個係做得幾好, 味道好好。
以前曾經係呢度茄蛋三文治o既常客, $8.5, 大大份, 足料到暈, 亦都好好味, 而家少食, 因為轉口味。
聽聞各種中式酥點亦好好, 望落都覺, 但尚未有緣一試。
總括黎講, 呢度係以街坊價取勝。
張貼