聘珍樓 (已結業)

尋晚同boy friend屋企食團年飯,book non-smoking table,d staff唔記得mark,被迫坐smoking area,但個場唔係太full都唔肯換.因要等人,所以叫左但齊人先上,但叫佢上個燒味拚盤食住等,等左成20分鐘催左2次都唔理,谷鬼氣!d 好細碟,味道普通,個京都肉排超肥,差唔多舊舊都係肥豬肉.但咁既價錢同服務態度真係超唔掂.最後一亳子tips都無比,以後唔會再幫襯呢間.ps.之前去過荷里活個間都幾好,但係呢間好差!

2004年12月29 日第一次光顧，其實本來係去鍾菜食既，但等位等左成粒鐘都無位，我boyfriend 見哩間restaurant 無人排隊就入左去食dinner，我boyfriend 就唔係咁鐘意d座位，但食物質素唔錯，叫左三個小菜一壺鐵觀音，不過埋單就成三百幾...唔多低食...

你又係座上客? 哈哈~~

請問你幾多號個日飲?係咪24號個日?

前幾日去飲, 菜式就無乜驚喜, 不過味道都唔錯, 份量又夠. 最正係條魚, 雖然唔係東星, 但蒸得岩岩好, 大大條但都好滑. 侍應又好pro (起碼我地果檯果個係), 熟手技工, 唔似得酒店果d part-time. 整體黎講真係唔錯, 有興趣既朋友可以考慮下~~

唔知係唔係因為我o地3點o黎, 叫o個樣冇o個樣, 10樣有7, 8樣冇... 服務都ok... 4個人$300...

農新年前以＄８８買了一套兩款的賀年糕點:「泮糖馬蹄糕」和「臘味蘿蔔糕」.有一個極之精美的硬紙盒分兩層盛載,好體面!但食物質素就很唔掂.論材料:馬蹄、臘味、蘿蔔都多論質感:就差到無得再差!因為太足料,一煎就散.只可以用微波爐「叮」或隔水篜.還有,馬蹄糕和蘿蔔糕一煎就出水,２分鐘後體積只剩下三分一左右.可怕!

睇落去好high class，不過個裝修好西餐廳feel(我覺得ja)，連d檯凳都係，所以感覺有d怪怪地~野食同service都唔差，之但係真係唔駛咁貴，我地4個人都唔係叫左好多野食，幾碟點心加d粉麵飯，同平日去第二度差不多jama，咁就一人$90......好肉赤呀!我俾喊面係因為實在太貴......

係好過新光小小，洗吾洗咁貴呀！Au revoir！

睇佢門面仲以為好high class添,仲要係食通天十樓喎....點之入到好又貴又嘈...真係食唔過呀.仲以為有乜咁特別,等我帶埋家人一齊去點之仲要比人話喎...車~~~~~真係無下次呀

次次都係去太陽廣場o個間,裝修同食物水準一向不錯,o個日叫左個灌湯餃--好,另外叫棉花雞,帶子餃同蒸醉雞就好味,但醉雞有一兩舊有紅色,話佢地知,拿走同自動取消,猛say sorry仲送糖水,有杏仁露同綠豆沙都好正!但價錢就略貴囉!點解呢個網無加埋尖沙咀o個間呢?

對它其實有很大"奇"望.點了一些菜和湯,發現D"送"比湯好,最記得是東"ball"肉,的確很好,但湯只是一般,所以有點失望,而其他菜也算幾好,不過不失.食是很個人的,thx u vy much

既然你講到尖沙咀o個間咁好﹐我又吾可以講到間間都吾好﹐因為我只食過鑽石山o個間﹐仲係第一次﹐巳經咁吾好既印象﹐其他就無去過﹐但我諗吾會再有興趣去lor.

...你所講是那一間分店???其實我都試過尖沙咀太陽廣場分店,水準都好好!佢地的點心好高質數.值得一試!尖沙咀間分店經理好攪笑好好傾......

上星期係我表哥結婚既大喜日子！<br>揀左呢度擺酒, 都幾好丫！<br>禮堂吾叫好大, 但都算正正方方.<br>氣氛都吾錯, 有大鋼琴伴琴.<br>侍應服務都好好, 有求必應, 有笑容.<br>食物方面, 開席前有cocktail.<br>蝦餃, 燒賣幾大粒, 好味！<br>炒粉, 炒麵都幾正～吾會好油.<br>另外仲有幾款點心, 全部都幾好嫁.<br>呢度Ｄ甜點做得吾錯, 有水準！<br>的席前的egg tart 同美點雙輝都好好味.<br>夠鬆化又吾太甜, 食左好多件～