聘珍樓

營業中

休息中

問佢問題望都費事望你， 直情係話畀你知: 唔怕你唔來，最怕你會來，最好不要来！ 而家咁嘅服務態度 ，點樣可以招來客人？ 我以前都喜歡聘珍樓， 而家越來越反感， 幫襯佢仲要睇佢地員工面色， 已經唔係平， 而家外面已經好多畀佢好， 我只不過係個人情意結， 相信而家都應該放棄！

週日飲午市時段，即使提早拿飛都等左個半鐘先有位，仲要入場先話你聽，限時飲得個半鐘，佢會同你計足時間。點心算係ok，一籠點心要$37-42到，茶位$12一位。但上菜速度慢，搭定個半鐘個樓面已經拿張單埋黎，催你埋單，但有點心十分鐘之前先到檯。明明仲未食完，佢竟然可以無問過你，執走曬你d餐具。無服務、無禮可言，真係好唔想俾加一服務費。以後都唔會再幫襯～

在鑽石山上班，每日都要搵下有咩好食，如果唔係日日都會食一樣既野。中秋做節一大班人如果要選擇地方，那當然最好是簡茶樓！始終茶樓飲茶一大班人食咩開心啲。聽同事說，聘珍樓最有名的是燒肉～ 但因為我唔可以食豬，所以未有機會試到。做節食咁多種類的食物，大部分我都覺得十分十分高質！相對其他酒樓佢地都好足料！佢哋既燒賣同蝦餃真的超級好食！燒賣勁大粒囉！入面你會覺得食緊3、4隻蝦蝦👍🏻👍🏻👍🏻因為食套餐的關係，多數會會有魚翅，但係對於環保的朋友，其實都可以同我地一樣換其他的❤️《聘珍樓 (鑽石山)》📍鑽石山龍蟠街3號荷里活廣場2樓208號舖

日日茶餐廳都食到悶，今日老爸提議去飲茶。去左鑽石山荷里活廣場，貪泊車方便嘛。😉平時多數去3樓果間聯X樓，多數一到就有位可以直入，唔知係咪今日晏左去定係開始左放暑假定係今日中一派位放榜，去到已經有好幾張枱人等緊位。老爸就落去2樓聘珍樓睇下，原來開10:30，果陣係10:15，仲有15分鐘。2邊都等，睇下邊一邊快，最後都係等到10:27落去聘珍樓。第一枱客入去，睇裝修，乾淨優雅，就知價錢比樓上酒樓貴啦，但又唔係日日食，冇所謂啦！點心種類都算多啦，但3個都叫唔得多，基本野蝦蛟燒賣牛肉腸粉叉燒包.......除左個牛肉乾身左d，其餘都合格有70+分。服務態度好，見你食到個碟多汁，會幫你換下碟，冇諗話飲茶都會換碟👍🏻👍🏻👍🏻又夠清靜，冇一般酒樓咁鬼嘈。3個人埋單$39x，咁既環境都唔算貴喇！

約咗好一段日子嘅飯局，因為 #小秘書 懶惰，無預先準備，咁啱成個商場又鬼咁好生意，最後我哋唯有去食中菜😅 本來去 #聘珍樓 靜靜地傾吓計都幾好嘅，點知撞正有人擺酒，加埋一班hyper到暈嘅親戚朋友，既有大媽上台演講，台下又有班大叔大媽喺度跳舞... 好擾民啫😕至於啲食物，一般啦😪 #牛柳條、#帶子蒸豆腐 上枱嘅時候都唔係咁熱，似乎整好咗一段時間先喺廚房拎出嚟😪 #牛柳 煮得有啲過火，口感唔得。唯一新鮮整出嚟嘅係碟 #咸魚煎肉餅，#廚師 將兩面煎得幾香口，肉餅跟咸魚碎都幾夾味😋 可惜現場環境實在太嘈，而個女侍應又無啦啦拎張單過嚟要我哋埋咗單先，未免有點趕客😌以呢個價錢我哋應該可以食好啲啲、而環境亦應該唔會咁騷擾... 唔怪得佢成日都拍烏蠅啦😪

本以為聘珍樓的點心應該好味，但首先，這裡的點心上枱時唔熱的，只係微暖，味道一般過一般，最熱的算係甜品紫米露，但我以爲自己食緊紅米粥，真係太驚喜，居然可以有這個效果！差！差！差！

前兩天已訂了一張十人枱吃晚飯，我們準七時到達，已有些枱入座了。環境頗為清靜，枱與枱之間亦有一定的距離。看過餐牌本想叫一個八人套餐，因最後出席的只有九人。但其間竟有一小插曲！本來已落了單，並打算加錢加多位原隻湯飽扣遼參，沒多久服務生竟說五層肉售完，要改為义燒、清蒸大沙巴龍躉又要改為兩條小的，聽後決定取消落單，從新點過菜。最終便點了一個十人餐！竹笙海皇燴燕窩的竹笙分量頗多，但燕窩有點難尋找到，個人覺得味道頗鹹。松露野菌龍躉球非常惹味。👍麵醬茄子蒸龍躉頭腩完全不腥，茄子軟硬適中，蒸的時間掌握得非常好！鮑汁遼參加鵝掌的遼參真材實料，鵝掌亦炆得淋，值得讚賞。翡翠玉帶桂花蚌分量也多，味道適中。茄汁煎大虎蝦賣相非常吸引，味道也不錯。廣肚海味浸時蔬分量也大，蝦米惹味，配魚肚和菜來吃剛剛好！蒜香醬燒雞非常美味，果然有蒜香味而皮亦算脆。鮮菌素燒伊麵亦做得好，一點也不覺油。這個套餐以紅豆沙作結，確令人滿意！最後結賬連茶介和加一服務費也不到四千元。

今日去完離島後，同朋友試食呢間補祝生日，見到有個套餐$888有魚翅有蝦有海参有雞有帶子就點左黎食。最初先黎隻雞但味道偏鹹，唔太好食。跟住就黎左套餐重頭戲魚翅，個魚翅堅足料，應該有二至三兩，啲翅針仲要幾粗下，但味道中規中矩。再黎個花菇海参，都係一般味道。跟住到個帶子，賣相一般但居然有驚喜。帶子帶微辣好野味，啲芥蘭好細心同你去左莖部表面層皮先煮食到好嫩。跟住再黎隻豉油蝦，調味剛剛好唔會過鹹，隻蝦亦非常爽口，值得一讚。最後黎左個瑤柱豆苗同陽春麵。兩者冇乜特別所以唔多介紹。整體黎講一般般，未必會再幫襯。

180405 清明節鑽石山聘珍樓3位等一個鐘先有位，上菜都快，侍應好nice, 上菜都熱辣辣，唔要xo醬可省20蚊。蘿蔔榚香，3有1舊少少燶， 粉較多。春卷香口，熱。芝麻糕夠香。九肚魚熱，香口，入口熔，但份量少了，魚身較薄。燒賣賣相靚，蝦爽，豬肉新鮮。鹹菜胡椒豬肚太鹹，豬肚有羶味。蝦腸蝦大，腸粉厚，但3條有1條食到少少叉燒xd. 蝦膏帶子炒飯大，飯乾身好入口香，帶子大隻同夠熟。沖水好快手3人假日埋單共579, 食物唔錯，有改善空間，雖然枱有點迫，但服務態度好，有笑容又傾下計，食得開心。

我好喜歡週圍去吃好野，因為打自由工日日都週圍食。lunch去左聘珍樓飲茶，店內環境好寬敞舒適，見到個炸鮮奶，諗起去飲宴先有得食，平時D洒家比較少有嘅，又好好味喎!炸粉恰到好處，內嘅鮮奶好濃郁，入口即溶，舌尖上嘅享受啊!兩個人食，叫左碟叉燒腸粉，皮薄餡靚，尤其是個腸份豉油，充滿驚喜喔。

環境不錯，但食物水準已降至屋村酒樓水平。干蒸燒賣水汪汪，豉汗鳳爪無豆豉，炸春卷出水吾脆，粉菓無沙葛和花生，錦鹵云吞個獻汁水汪汪，吾掛獻！收費唔平喎，滑雞麵收$128煑到漿糊咁一pat ，岩曬D🈚️牙長者！😂😂

2018年4月4日 (星期三) 10:30am 環境光亮整潔，餐具乾淨。 侍應服務態度欠缺笑容，上菜快速，但甜品卻要再三催促才奉到。 每位茶芥竟然索價 HK$25，貴耶！ 不用排隊等位 人數：2 人 HK$495 翡翠彩椒龍躉球 - 魚肉不夠滑溜，味道普通，荷蘭豆和雲耳爽甜。 原隻鮮鮑扣金錢 - 鮑魚厚滑，完全不靱，但冬菇沒有菇香味，而白菜偏生，未熟透。【推介之選】❤❤❤ 炸蜂巢芋角 - 金黃香脆，鬆化無比，芋蓉滑嫩，一口一啖，迅速吃完。【推介之選】❤❤❤ 蟹籽燒賣皇 2 粒 - 蟹籽爽口，豬肉新鮮，可惜只得 2 粒，實在太少了 ~ 明太子炒飯 - 飯質炒至乾硬，沒有辣味，味道一般。 熱楊枝金露 - 熱騰騰，又香又甜，味道一流！【推介之選】❤❤❤《 餐 牌 》：《 環 境 》：【溫馨提示】：❶ 提供午市套餐❷ 茶芥每位 HK$25❸ 星期一至五開市時間為 10:30am❹ 星期六、日及公眾假期開市時間為 10:00am❺ 另收加一服務費

今日同父母來行街，食午飯，一入到來覺得環境幾好，好似幾高級，而點心價錢比平時貴少少，中點2x起， 叫左3個點心，金錢肚，好重牛雜既臭味，鳳爪既皮太淋，無咩口感，好似煮得太耐。牛肉腸普通到，一d香味都無，好似食緊淨腸粉。仲叫左碟瑤柱龍躉丁鍋飯，呢個飯就唔錯，155蚊細細碟，但幾有香味，有少少龍躉肉，飲鐵觀音茶有茶味。點心價錢貴但味道係水準以下，不過坐低環境都幾舒服，唔會太嘈，牆上仲有一幅好大既畫，幾特別。

星期六，11:30來到荷里活廣場，買了1:00戲票，未夠鐘，便來飲茶。等位約15分鐘，環境不錯，也不算太嘈雜，有不少輪椅老友記，由子女陪伴來飲茶，面上都流露着開心的神情。一般點心，鳳爪、义燒餐包⋯⋯水準OK，蝦腸，樣子甚靚，可惜蝦沒有蝦味。幸好，叫了蠔仔肉碎粥，有驚喜，多蠔仔，粒粒新鮮飽滿，加上方魚碎、中芹粒，令人一試難忘！希望能保持水準。服務態度，要多些笑客，回應客人，態度也要多些誠意，令客人賓至如歸。

難得約閨密飲茶，梗要去傾到計嘅地方，點知預先訂位，去到都要坐正大堂正中，嘈音從四面八方出嚟，搞到我飲完餐茶喉嚨沙沙地😣入咗點心紙唔使十分鐘就有得食，都算快。香荽牛肉腸粉皮厚，牛肉量ok但冇芫荽味。鮮蝦腐皮卷頗香脆，可惜油淋淋。上湯鮮竹卷最正常，但亦無驚喜。要讚嘅係揚州生麵，賣相靚，材料足，有蝦、帶子、魷魚、豬肉、冬菇……仲有好爽脆嘅菜遠，味道唔錯，唯一美中不足係湯底略鹹。食完呢餐，覺得有選擇未必會想再嚟喇！