聘珍樓

營業中

休息中

聘珍樓既福建炒飯幾好食,不過腸粉皮略厚,鴕鳥肉餃好淡同燒賣(蒸左好耐咁),就唔係太好食...比以前退步左呀!

原以為設在鑽石山的聘珍樓未必及尖沙咀分店好,到過之後後就完全改觀.佈置舒適枱與枱之間距離適中而且有真人彈鋼琴,很浪漫啊!佢哋有個套餐我覺得OK,有前菜(羊胺一件,雞絲粉皮,一件素餃),跟著是番茄海鮮湯(材料有蝦球,帶子,魚肉,鹹菜等)主菜有一加一,一加二,一加三(視乎叫嘅係幾個人的餐)奉送白舨,糕點及糖水.前菜:中西合壁湯:我信味道應該好好,因我的家人讚口不絕主菜:味道適中甜品:糕點適量,糖水太淡(不是溝水,我相信佢哋就番有些人不喜歡食甜所致)最後講吓碟xo醬(收$15),佢哋話好味.相信酒樓本身再加料才與其他酒樓不同.服務態度很好,會顧及不同人的需要

2007年5月13日。早上09:30。鑽石山聘珍樓。共六人飲茶。都是點心。（不知有否漏了）1．叉燒包x2籠2．山竹牛肉3．咸水角4．牛肉腸粉5．鹹菜豬肚6．粉果7．珍珠雞8．帶子餃9．煎籮蔔糕叉燒包最好吃。除了珍珠雞和粉果我沒有吃，其他的我都只覺得質素一般。

現場鋼琴伴奏環境及氣氛立刻upgrade了但燈光略暗與女友分享了鮑魚二人餐原隻鮑魚夠鮮正鮑魚汁好味到想留底送飯其餘的整體都不錯但略嫌份量偏少服務都好好上菜添茶都跟得好足每位連加一及小費$330 可接受起碼好過金鐘的北京樓多多聲

同事生日想搵間好d既酒樓, 係公司附近呢間就好好, book了5人12點半, 點了個4人餐再另加點心4人套餐($268), 以呢間酒樓來講算抵食燒味拼盤- 雞, 叉燒, 燻蹄...沒太驚喜雲吞雞- 雲吞夠鮮味點心三拼- 春卷(芋頭餡, 味麻麻), 奶皇飽, 鳳爪(味夠濃)蝦西蘭花- 蝦大大隻, 夠爽口, 而西蘭花無咩味道應該仲有但已經唔記得左, 另點了8個點心, 每樣食味都好普通, 茶錢($11x5), xo醬($15), 加加埋埋要$710, 食味同服務我覺得達唔到應有既水準

我不嬲都好鍾意呢間酒樓，不過就偏貴，唔係有公司請都好少黎呢度食。今日晏晝公司又黎咗呢度食lunch，又係唔駛錢，叫咗好鬼多嘢食，食到鬼咁飽！其實我都己經食過有5-6次，每一次都覺得佢既燒腩仔好好味，係咪出名我就唔知，總之就好味，皮好脆咯咯聲；其次係佢既炒蘆筍，真係好好味，可能係我自己鍾意食蘆筍；仲有佢既xo醬炒腸粉，亦非常了得，除咗呢啲之外，佢既其他點心及小菜都算係高水準；當然有好味既都有唔好味，佢最唔好味既都可算係佢既小籠飽，蒸到個皮爛晒，皮又厚，另外一樣唔好味既就係楊枝甘露，個賣相同出面既完全唔同，佢並非係金黃色，而係奶白色，仲要只得好少既西柚，就連芒果都唔多，我諗佢似係西米露多過似楊枝甘露，不過唔知係咩西米露，因為連最基本既芒果味都冇乜。不過佢都算係一間數一數二既酒樓，尤其以鑽石山黎講都算係”之最”，因為冇乜其他選擇！

老闆返港請食飯,在薪蒲崗附近,最得體應該是這裏,服務和環境算是合格.叫了個片皮鴨套餐,因是六人份量,我們九個人,所以另加碟小菜..片皮鴨---鴨的身形比較細小,皮不脆,而包鴨的皮只比了兩細碟,根本是不夠包的.(雖然可以再加皮,但再來的時候,差不多半個小時了)唔知咩"羹"---幾好,清清地西蘭花螺片大蝦---螺片淡淡的,沒有鮮味,大蝦好爽,有些假,但味道都可以的什菜煲---味道一般片皮鴨二食---賣相像干炒牛河,過油了魚(聽說是石班)---好,魚很滑小籠包---除了甜品,這是最後上的,是不是弄錯了程序,還是我見識小呢??!!不好吃,皮和餡好像是"痴"埋了.另加的小菜荷蘭豆象拔蚌---小小辣,象拔蚌頗韌.我用小菜來形容是非常之貼切,小得很,像用放茶壺的碟來裝,但價錢不是便宜,也要七十多元呀!!最後甜品我叫了豆腐花,味道都可以另外,鐵觀音的味道很苦,但同事說,原來靚的鐵觀音是這樣的味道...本人就接受不到,好像飲醉酒般,頭"fing fing"...老闆請,不知幾錢

上星期叫了$1,000+ 星斑8 人晚餐, 傳統廣東菜, 地方夠哂靜, 主角星斑未發育完全, 細左d. 但有一點出街食好重要, 佢d菜是全無味精的!!

我諗全個黃大仙中菜，都幾難搵一間可以再貴過呢間喇~ 不過真係一分錢一分貨，係度飲茶點心真係好好多，服務又好，所以都會有唔少人黎飲茶，咁當然唔會好似隔離聯邦咁多人啦，所以真係舒服好多。

上星期日一行五人來吃晚飯，點了一個4xx的套餐，包括：粟米豬骨湯：連湯渣一碟，因最先上枱，衆人都覺湯渣甚美味，哈！小食拼盆：有牛柳粒，肥叉燒，海哲，素鵝等，味道一般。三款小菜，燒豆腐，西芹抄螺肉蚌肉，京都骨，細細碟，不過不失。還有甜品，傳統中式甜品，楊枝甘露，紫米露等，無驚喜。埋單時喵下張單，發覺兩罐汽水收44大元〔未計加一〕，嘩！現在還不能置信，佢哋單買汽水都發啦！滿滿一碗白飯都係8蚊喳！

黎呢度飲茶,價錢雖然比出面茶樓貴左d~但係我覺得都飲得過佢呢度主張唔用味精,雖然冇用,但係d野食同點心都好好味,唔會話淡到死,而且d野食都好足料,好新鮮~尤其鍾意佢呢度d蝦蛟,大大粒,入面好多蝦,好爽口~好味其他d炒粉麵飯都幾好~係點心以外既選擇!個人覺得貴d都抵~晚飯o係度食過一次,覺得冇飲茶咁好...所以都係鍾意幫襯番茶市

Although the price is too expensive,but the dimsum is very good!

地方比較細，好多時都要等，我都去過幾次，唔係因為地好，而係因為比較無咁多人，係黃大仙區，間間酒樓都係好多人，好煩，貴唔貴呀，都幾貴，唔係講價錢，係因為比咁之價錢，但無咁之服務。無錯佢地係比起同區其他之服務好一D，但只係個一D就你付出一、兩倍價錢，咁就唔值。另外我覺得佢地個午市套餐都唔錯，有點心同小菜，價錢可以接受，希望?地改善下D服務啦。

我諗我只會幫襯一次﹐因為o個一次o既印象真係麻麻﹐我地一行三人入去﹐一坐低﹐巳經無咩人理你﹐無問你幾位﹐又無問你開咩茶﹐成間酒樓樓都無人理你﹐﹐坐左大約15分鐘﹐當時我巳想走﹐但我的友人話吾係咁好﹐點知就有人行埋來﹐問我地野﹐最後都有食到﹐但真係吾會再去lor。D野好貴﹐咁樣價錢又貴又吾抵﹐﹐好吾好食﹐味道都ok﹐服務態度好差lor.好似好巴閉咁﹐以後都咪攪呀!!!

阿媽生日同o黎呢度飲茶, 佢好欣賞: 好骨子喎! 似足酒店中菜廳.有個套餐二百零蚊, 有點心有燒味雙併同一個粉麵, 睇落幾抵, 就揀呢個再order 其他點心試下啦!本來燈光幾好氣氛, 我就有D 眼訓, 好彩上菜好快, 精神番D, 唔唔, 都幾好, 唔係好睇唔好食個隻, 抵讚.碟燒味雙併同兩款點心都係fix o左, 有叉油雞同燒賣牛肉, 我地加埋腸粉蝦餃叉燒酥仲有雞扎, 全部幾好, 係份量少D, 反而碟炒河都幾多下, 賣相好又夠鑊氣.Service 就普通, 比大路酒樓客氣D 咁啦!都過關喇!