聚一起牛雜粉麵滷水打冷

營業中

休息中

今日經過想食打冷，原本諗住去大全街間潮順館，但經過這間小店，見佢新開即管入去試一試，叫了滷水雜拼飯，腩肉豬腸飯，一碟油菜，油菜先到，其實碟菜已經灼得太耐，黃晒，加埋佢啲超級超級鹹的蠔油，簡直食唔到落口。叫個侍應俾碗滾水，我諗住洗走啲蠔油，佢同我講不如俾碗湯我，真係唔明白佢叫俾碗湯我要嚟做乜？鹹上加鹹？跟住到啲飯送到啦，啲所謂滷水完全都唔係滷水，冇鹵過，感覺是白灼完淋上豉油汁，而且啲豉油汁非常之鹹，勉強食完，整個口腔充滿鹹味，不停灌水！這間堪稱是我在大角咀咁多年最難食的一間食肆！

喺呢間餐廳嘅滷水打冷，真係可以話係一絕！佢哋嘅蠔餅特別值得一提，口感鬆軟，搭配卵香味，讓人食過一次就難以忘記。每一口都有濃郁嘅蛋香，配合韭菜同埋豬紅，味道層次分明，令人回味無窮。而且，佢嘅分量真係好大碟，適合一班朋友一起分享，食得非常過癮！總括而言，呢個滷水打冷絕對值得一試！

打冷一向比我既印象係傳統飲食，一般都係啲老seafood 做，呢間竟然一班後生仔做，不過睇得出佢地應該係新入行，都係拍住老師傅咁做，呢間勝在氣氛幾好（可能後生比較多）滷水鵝夠腍身，豬紅好食辣椒油原來係佢哋自己炒，香味夠，誠意十足其次，佢哋係有做埋牛腩牛雜粉麵，招牌係崩沙腩，同埋牛雜，下次先再試吓環境方面，佢哋樓面只有四張細枱一張大枱，坐得會比較迫啲，不過冇所謂啦，香港本身都地方細，人迫啲，熱鬧啲滷水汁方面，我個人覺得就比較鹹咗少少，有進步嘅空間

唔食鵝肉無嗌併盤，嗌咗一掌一翼一件豆腐（有芽菜墊底）加一份紅腸墨魚例牌（有花生墊底），分兩盒裝，收$206。佢話豆腐收$30一件，我話好啦無所謂。1. 紅腸墨魚質地最正常，不過唔係滷水味，但亞叔手套都唔帶就咁喺一盤全部已切片嘅紅腸墨魚度乸一手放落煲汁度漾兩下係咗起得，唉！明檔都係咁！2. 豆腐無味無道，白曬曬切開幾片連淥都唔淥下就擺喺個盒底係咗。3. 掌翼，唔知翻煮咗幾多次，個顏色又係黑到一個點，味道咸到成家人一人夾咗嚿就收手。絕對唔係鹵料味，完全係五香腩雜汁加大手味精雞粉糖。（剩低嗰啲我第二日夾兩嚿用白水大滾甩啲咸味再煮麵烚菜都仲夠咸）建議你都係齋做粉麵檔算啦，你滷味唔掂，好彩俾你涯到個租期，唔好彩兩年內可以告別大角嘴。

今日lunch路過見到呢間新開小店，門面似潮州打冷鋪。入去見menu主要食牛腩粉麵加潮州嘢。 小店都乾淨企理，座位同普通粉麵店佈置差唔多。Menu 寫一般牛腩粉麵魚蛋嗰啲都有，本來餐牌唔覺佢有寫牛雜，問一問個侍應原來都有得食。牛雜清理得乾淨，味道都可以，略嫌過粉面湯底唔夠濃。 見其他人都係食粉面為主。 簡單lunch有多一個選擇。👍加5蚊有罐裝凍飲，汽水，豆漿。特別之處佢有罐裝桔仔水，味道都OK唔太甜.

大約半個月前，見到新開食店，已經想試一試，但估不到換來不愉快體驗。通常有個說法，新開水準一定係最好嘅時期，但如果新開都咁..首先，提早打去book枱，都係冇set定枱，留位俾我哋，所以打去唔知有咩意義。食物方面，滷水豆腐，不是滷水，只係豆腐加豉油。蠔仔粥過鹹。韭菜豬紅，個汁融入唔到豬紅，豬紅唔入味。服務方面，員工掛住自己傾偈，阿崩叫狗叫越走，叫咗三次先正式幫到我哋落單。叫咗條魚一直冇嚟，最後發現原來佢冇落單…環境方面，枱與枱之間比較窄。打冷嘢都好受男士歡迎，如果男士坐的話，就會同隔籬枱背脊貼背脊。另外，感受唔到有冷氣嘅存在，或者有，但係小到我感受唔到掛…熱到幾位朋友想嗱嗱聲食完走

經過呢區搵個friend, 想坐低傾一陣計但又太熱唔想食得太heavy⋯⋯見到呢間舖頭都幾多人叫外賣有咁啱有位，就坐低試吓。食物種類佢相對精簡，但勝在唔係剩係得麵食。嫌一個麵唔夠飽或者太悶，可以嗌個打冷嘅餸嚟送麵。呢個組合確實又好似比較小見，但好啱我呢啲三心兩意嘅人。牛肚河 －湯底夠濃郁，牛肚入味又夠口感。韭菜豬紅 － 勁大煲，性價比極高。豬紅新鮮，但啲韭菜朔晒啲汁，而且我哋又就咁食冇攞嚟送飯，所以有少少偏鹹。滷水鵝片拼墨魚 － 成晚最推介嘅一味餸，清哂！比較多人嘅時候可能有需要搭枱，但係整體都坐得舒服，冷氣又夠涼。汽水仲要係玻璃樽裝。如果有機會再嚟開呢區，想試埋佢個蠔餅。