聚味軒 (已結業)

家人推介位於九龍城的聚味軒，於是呢晚我地嚟幫襯一吓！餐廳內座位不多，如有家庭聚會，請提前預訂。昨晚幾乎全場爆滿！甫坐下，侍應生遞給我們一盤洗碗用的滾水及餐牌。我哋研究咗一陣，就點咗以下幾味小菜。菜式非常精緻，兼且好有鑊氣。這個瑪卡火焰雞煲，全場只有我地一枱點咗。當著火一刻好多食客都望住個著火嘅雞煲，好搞笑！小炒王脆皮咕嚕肉真係做到外脆內嫰！真功夫炒飯真係幾好食，米飯粒粒分明！反而個脆鱔球則略位遜色，因為唔夠啖啖肉，或者是鱔魚而家唔當造之故？其他菜式都不過不失，要讚吓廚師的手藝。總結來說，有機會會再嚟試吓其他嘅功夫菜！

聽聞 聚味軒 結業嘅消息，急趕過嚟九龍城幫襯，外賣咗幾個小菜當時星期六大約傍晚六點，堂食嘅客人唔多，但買完外賣再留意下九龍城其他食肆都係咁上下。感覺係九龍城比以前靜咗好多，乜事呀？有冇人可以話我知？講返食物，原本想叫咖哩酥炸生蠔，但突然留意到有 薑蔥生蠔，即改。果然無叫錯，啲生蠔泡過油，再加大量薑蔥同洋蔥調味。生蠔固然香口且啖啖肉，伴 🍻 一流，蔥同洋蔥亦爆香哂，千祈唔好嫌棄佢哋，至啱伴飯另外 霸王雞 半隻，係用一個大飯盒裝住，份量多少大家可想而知 😘 雞肉好滑，而且只有少少肥啖啖肉，配上特製蔥油，實際係當晚3個餸嘅首選為咗平衡下兩個餸都咁邪惡，最後叫多一個餸 干煸四季豆。唔好睇少佢， 除咗四季豆同肉碎，另外仲有辣椒同埋菇類。佢嘅辣度對於我嚟講係適中 😋 呢味四季豆入面加咗一啲菇類，一嚟增加口感與，亦都令到內容更加豐富 👍雖然啲餸菜真係十分好食，但可能 no next time。唔係我唔想幫襯，但係佢哋已經出咗結業通知，實在令人可惜 😥

見佢有個一人晚餐抗疫套餐…嗌外賣叫咗個海南雞飯…返到屋企打開，唔知佢俾咗碟咩我…本身見佢寫明白飯，我都冇乜所謂，反正唔係話好想食飯，想食下餸多啲…但啲雞就得幾舊…有骨我都算，都明佢唔係專賣海南雞，又明唔係間間海南雞都會冇骨…但骨多過肉都唔知想點…然後醬又冇，得盒薑蓉…啲雞又老又鞋…真係擺唔落口咁嘅一盒嘢收我$70….然後$25加左碟油菜，都算擺得落口，但蠔油都冇滴，好健康…食個外賣好似見到自己人生咁…同社會百態咁…一樣咁慘…

地下有啲污糟叫咗6樣野落咗單成個鐘啲餸都未嚟之後先起一個餸：霸皇雞，係好食三催四請 先起第二個餸 冰鎮咕嚕肉好嬲到最後cut 單差唔多0服務質素 茶又唔加 又收人茶介咁貴臨走之前個四眼伙計 仲話到點解唔同佢講趕時間 廚房可以配合 真係鬼知成個鐘都冇得食😡😡😡簡直不知所謂！

經過舖頭門口見到有羊腩煲，撞正要同屋企人食飯所以book左位一試。 (咁啱夜晚返到屋企睇到有位YouTuber 都有話唔錯) ,所以更加期待。簡單總結一下，小菜係中上嘅。但羊腩煲真係唔好叫！原因非常簡單，$330一煲羊腩煲，入面食得嘅肉得四舊，另外俾左兩舊骨我哋。啲肉雖然係淋，但一夾完全散晒。味道不過不失。但你會唔會想用$330去食四舊仔羊？都見到隔離枱有投訴份量少，但聽到佢哋答正常。咁我都費事投訴了，但就勸大家真係預咗得幾舊都ok先好叫呢個羊腩煲。好失望真係

上星期五第一次食呢間，四個老友淨食兩個羊腩煲，五點開始食到八點零。早食嘅好處可以包場到成七點幾。之後都爆曬。羊腩大大件，皮爽肉稔。湯底夠濃郁，最後加薯粉索埋啲汁一流。以為可以再叫小菜，點知飽到頂住。滿足。

屯馬線一天遊第2站,食中菜 兩個人試下精緻中菜館小炒,炒飯聽聞都非常出色辣椒炒大蜆 蒜蓉辣椒爆香炒大蜆 醬汁又濃又惹味大蜆鮮甜飽滿,索曬醬汁一樣蓋唔住佢既鮮味! 前菜黎講夠曬滋味!金沙茄子 炸脆既切條茄子 外層炸到好脆口,再上厚厚一層金沙咸蛋漿,又脆又咸香美味!蜜椒雞翼雞中翼炸得皮脆肉嫩，外層有濃郁的蜜糖香味，裡面的肉也十分入味，肉汁還相當豐富招牌真功夫炒飯  ,即係瑤柱蛋白炒飯炒得夠獲氣之餘粒粒爽身唔油膩一絲油都無呀!上面係炸脆既一絲絲瑤柱 口感好豐富!又脆又炒得粒粒分明既蛋白炒飯!九龍城獅子石道40號福聯樓地舖消費$500

很耐無食過好吃既小菜。好味又份量足。栗子鮑魚雞煲$138上菜時煲是熱辣辣，”喳喳”聲，煲仔菜應有既狀態👍🏻翡翠炒龍躉球$158好啦，佢唔係球狀，係切片嘅，大份又大件，啖啖魚肉，無骨，好好食😋😋😋海皇白菜乾豆腐羹$98可以裝到三碗，好杰身，好多料，好味，但唔知點解張單係牛肉羹，明明係海鮮。🦐🦐🦐😆😆😆係可以再嚟試既中菜館，見到啲小食，炸物好似唔錯，仲有辣雞煲及火鍋，可以再去試吓得唔得。

說同家中長輩食飯 想食中菜啦但中菜又好多都藍 好食嘅中黃店更加難得 棘手欸😥 最後喺#wolipay搵到呢間喺九龍城嘅中菜館 環境唔失禮又有哂圓枱咁 但唔算多人😰 成晚好似都係做幾枱 可能lunch會多人啲？(Btw 我肉眼睇就唔見任何文宣 但播ViuTV的 同埋喺app睇之前有人post過圖話佢有文宣)講返食物質素 禾覺得唔錯！爸爸話食落似客家人做廚 菜式有啲仲幾有新意😳 有啲招式會貴啲 但好多其他都抵食！老闆都係好人嘅 會同食客有傾有講👏🏻🔸酸菜魚($398)鉗魚/鯇魚揀咗鉗魚 (我讀咗’金’被強力恥笑🤦🏻‍♀️) 幾好喎 連啲白蘿蔔同大芥菜都超入味😧 酸味出過辣味 而且鉗魚一路滾住都唔會老🔸黃金四季豆 ($78) 四季豆爽嫩但包咗鹹蛋黃炸 好好味而且特別 全家一致好評 見menu仲有黃金茄子揀🤫🔸薑蔥霸王雞 ($108 半隻) 算滑 調味有薑蔥蒸魚嘅味道😂🔸藥膳雞腳 ($58) 係冷盤唔係浸上湯嗰種 似醉雞嗰種調味但有杞子嗰啲藥材 鍾意食醉雞翼嘅我反而覺得有驚喜💮🔸海皇聚味炆蟹飯 ($488) 寫明一隻蟹 聽落有少少貴 但個飯係超大份 八人份量咁😂 而且好足料嘅 有唔同嘅海鮮同菇又

聚味軒 唔太易上口嘅店名前身雞皇/台灣牛肉麵 因裝修冇變 好懷念牛肉麵假日午市 較早到未有客 (之後零星入1~2人)因限聚令不可超過4人1枱 店有隔版/測温機/消毒液/大紙巾包口罩/餐紙巾都齊餐牌全放喺1張枱 但其他枱冇😅菜牌有啲肥 茶唔大熱 有小蚊滋飛舞男侍應好招呼有問有答 但間中睇吓馬閒談 白飯 老火湯 可添加第1碗飯湯 老男侍應提供 但飯冷有隔夜味 換過……自己潷 軟熟飯靚但同伴冇出聲食飯焦老火湯 ~ 海帶赤小豆豬骨雞頭頸雞腳湯味較雜有浮渣 湯殼打個圈就潷倒清湯麻辣口水雞~$541人份 細細件雞胸 & 亦微辣汁醬香口 脆脆花生 雞肉嫩滑麻婆豆腐 ~ $48碗上 汁多較稀 少少肉碎 豆腐滑嫩滑蛋蝦仁~ $48炒旦深黃色 旦黃佔多 炒旦唔滑 中小虾爽口 唔腥 但冇鮮味(唔知原因插唔倒圖 圖在下方😅)

位於九龍城獅子石道的聚味軒很少有中菜整體用餐經驗如此令人滿意 而座位舒適 乾淨 夠冷氣 大多數都要到酒店中菜廳才有舒適的用餐體驗🤣點了4餸1湯 埋單連4人茶芥約$800 價錢也非常公道💛💛首先這味胡椒豬肚湯 $168夠味 夠料 夠濃 夠暖肚個人不吃內臟 齋飲湯也沒有任何內臟異味 天氣凍時飲必然更正 推介然後一碟小炒王和冰鎮生炒骨小炒王好味有鑊氣 但可以叫廚房少油🤣冰鎮生炒骨第一次食 又幾盞鬼 生炒骨個汁整得好好 甜酸濃稠度都拿捏得好每舊骨都完全包裹住惹味醬汁 推介呢份雞煲$188 你估下係幾人份？ 係二人份半隻雞咋🤣起初仲怕叫二人份唔夠四個人食因坊間大部分雞煲都是配料比雞多雞又瘦又柴又無肉一隻雞都唔夠兩個女仔食呢一份雞煲真心足料半隻雞有起碼十幾舊 仲要舊舊都係大大啖肉個隻！建議食開辣嘅朋友可以叫師傅落辣小小會更惹味 推介！睇完係咪好想試下？ ～記得要訂檯 今日尚係限聚令期間 晚市只做到5檯客😣😣所以想試嘅朋友仔記得要訂檯啦，

餐廳：聚味軒 (九龍城)地址：九龍城獅子石道40號福聯樓地舖星期日中午，即慶同教會嘅朋友去咗九龍城食飯，好耐無試過多過兩個人飯聚喇😍，終於有返啲解禁嘅感覺去咗獅子石道呢間中菜餐廳食飯🥢，估唔到店內尚算冠冕堂皇，但係食物價錢完全係超抵👍🏼，中午叫餸食飯四五十蚊就得！最重要係少有嘅黃店中菜廳呀💛呢到嘅食物味道較為香濃，對於平時食開清淡嘅我黎緊就會有啲濃味，不過另一個角度睇就係好惹味🤣。我地叫嘅餸用黎撈飯真係一流，包括店員推介嘅招牌菜之一——咖哩牛肉🍛($50)，咖喱嘅香同辣之間取得平衡，牛肉份量仲唔少😋；咕嚕班腩($52)我就覺得太甜喇，不過班腩都尚算保留到少許香脆嘅質感，仲有好多我鍾意嘅洋蔥🧅；最後仲叫咗個金銀蛋時菜($52)，呢個價錢真係好抵！叫餸食飯仲送白飯同湯🍚，店員仲同我地講可以任裝😍，湯唔係味精湯，超足料，果日咁岩係雞腳湯🥰；至於飲品就要另外加錢星期日中午黎食咁岩有班叔叔係到睇馬🐎，會有些少嘈🗣，想傾吓偈嘅話可能就要去隔離嘅黃店cafe喇😎

近期喜歡找尋特色私房菜， 傳統粵菜。同事介紹九龍城這間 《聚味軒》， 大廚出品巧手小菜， 酸菜魚也不錯。小店記得book位， 用餐期間有些walk-in 顧客也未能安排入座。有一張大圓枱 十人八人聚餐也冇難度。和风豬手粒$88冷盤小食， 有大量香料，芫茜， 蒜， 南薑， 紅洋蔥等等。 表面淋上麻油， 還有炸花生。 主角豬手粒雪凍过特別硬淨， 皮夠爽有筯腱。椒鹽鲜魷$78外皮冇用蛋漿麵粉所以偏白， 粉漿鬆脆感覺較輕盈， 包著的鮮魷肉厚柔軟， 啖啖肉仲鮮味十足！一口欖角骨$98酥炸過嘅腩骨， 外皮脆口，咬落有肉汁。 獻汁也實在精彩， 欖角嘅香味和肉類好夾， 加上切碎嘅甜椒， 口感與味道也同樣豐富！芥菜戀豬潤$88熱辣辣煲仔上枱， 香氣撲鼻。 芥菜配豬潤仲要煲仔上真係好新穎。 芥菜未太熟嘅時候原來好爽脆， 煲仔熱力也迫出豬潤的酒香， 味道調教得啱啱好！每道菜製作精妙， 夠鑊氣， 出色回味！

在九龍城逛街，又不想吃泰菜，忽然發現有間中菜小館，便入內一試。店內裝修有點懷舊，約可以坐廿、卅人。一口欖角骨$88，廚師以薄薄的炸粉，封住了排骨的肉汁，再將欖菜加了些醋，造成芡汁，酸酸甜甜，就算吃多了半肥瘦的排骨，都不會覺得油膩。聚味沙薑雞半隻$138，沙薑的醬汁濃郁，和雞件的味道相當配合，如果濃度淡一些，味道更佳。金薯和牛粒$98，和牛肉質軟腍，馬鈴薯經過炸煮後，外脆內軟，帶點蜜糖的甜味，反成為了主角。

忙碌的工作後，來到九龍城覓食，九龍城除了泰國菜多之外，還有很多好吃的菜館，今天和同事來到獅子石道的《聚味軒》食小菜。餐廳裝修古色古香，圓枱加圓櫈，但倚子沒有背pan，可能老人家會坐得辛苦些。《霸王雞半隻》 $138霸王雞果然是招牌菜，雞皮薄得透徹，皮下脂肪略有少許，雞肉肉質鮮嫩幼滑，絕對美味。《金薯和牛粒》$98蜜餞過的薯仔味道香甜，咬落非常爽口，果然不是一般的薯仔。和牛粒切成方塊，剛好一口一粒，牛粒軟滑，有入口即溶的感覺，先有甜香後有黑椒的香味。《真功夫炒飯》$88這炒飯果真落了功夫，雖然材料不太多，但卻出奇地好吃，眼見材料只有酸菜、雞蛋和蔥花，但飯粒分明，味道融洽，很是不錯。《金銀蛋白菜仔》$88廚房沒有莧菜，所以改了白菜仔，配上金銀蛋和香菇，一樣清甜好味難得找到一間食物水準咁高的菜館，下次一定再來光顧。