聚好冰室 (已結業)

試食先鋒又出動，今次來到人多車多的太子區，這間店見網上食評都一面倒讚好，好吧，就來試試，是龍是蛇，很快就一清二楚!店舖位於中港旅巴站旁邊，還以爲會好多人呢？原來.....大把位隨便坐。原本最喜歡是潮州魚蛋，但其他網友說並不是正宗的，於是就要了個牛丸河粉。 與其說是牛丸，估計牛肉的量不足5%，應該是豬肉或是其他雜肉吧？完全沒有牛味，而且還有一種不知是雪味還是什麼味？丸的貨地也十分「實」，總體來說其質量比在街市凍肉檔買的牛丸還不如。唯一覺得OK的就是那些生菜，夠嫩綠爽脆。至於湯底也不行，根本無味，連味精的味道都沒有，差不多就是浸過河粉的水。為了辟醒及及增加點味道，就舀了辣椒油伴著吃，反而覺得辣椒油都OK 得喎。因此，若只就這碗河粉而言，不明解好評從何來？

食晚餐時間係太子，要搵間舒服又唔貴既食肆，真的有點難道，經過見到呢間好似乾乾淨淨好似幾好咁，就即刻同朋友試下，叫左2個小菜菠蘿生炒骨，排骨唔係用好多粉醬炸，所以食落唔會係一堆粉，排骨用左腩排，骨肉均勻，菠蘿係用新鮮菠蘿，甜酸度剛剛好，而且仲好大碟，好好味。再叫左個椒鹽蝦球，蝦係新鮮蝦，用椒鹽炒連蝦皮都想食埋，脆口加上夠味超級野味，再加多個四寶丸，丸好彈牙，好有口感，好新鮮，湯底亦煲到好香甜。可以連湯都飲埋。朋友再加碟星洲炒米 ，不油膩唔會成碟都係油，咖喱不太辣，米線亦唔會痴埋一舊，最緊要材料夠，好正

平時行開九龍區嘅朋友有福了。因為有一間又好味又坐得舒服嘅冰室呀係太子站附近，平時去完大陸玩又食得，超近皇巴站喔餐廳門口有麵包櫃，非常香，如果經過只係想買下小食都可以喔先點一份餐前小食，是一份四寶。每粒都好爽口彈牙，而且唔會好粉，唔通係自己手打？總之就超好食！呢度嘅小菜都有好多款，而且每款都好吸引，真係好難選擇嘅。呢款係椒鹽蝦球。以為會係一個炸蝦球？少年你太年輕啦！呢個係用椒鹽炒蝦，食落唔會好咸，而且個蝦都好爽口，唔會好「梅」另外點了一份生炒骨。呢份生炒骨好夠酸味，而且份量十足，每舊都蘸到汁嫁！而且配菜都好多。真心推介主菜想了！是焗咖哩牛腩，平時會食到係好乾嘅。但呢度焗得嚟唔會好乾。牛腩非常淋，仲有埋牛筋食下添😂真係好正呀！而且都好入味食焗飯最怕就係汁少唔夠撈，但呢份都幾好的，汁又多，又唔乾，餸又多，好抵食呀！

平日較夜放工，食港式茶餐廳就快靚正，快啲食完回家聚好冰室出口對面住旅遊巴人龍，喺馬路旁，位置極方便，太子地鐵站出口行一個街口就到有羊腩煲，冬天食暖笠笠餐牌選擇唔算少，晚上有小菜或粉麵飯餐，價錢合理我地較夜食，避開左最旺時間，不用等中式粉麵飯套餐送老火靚湯或熱飲是日老火湯係青紅蘿蔔豬骨湯，清熱滋肺，清甜而且好足湯料菠蘿生炒骨，$75生炒骨酸酸甜甜好開胃，排骨外脆內軟，如果配飯食就一流星州炒米，$49星洲炒米最重要係炒得乾爽，呢度做到乾身同咖哩均勻，條條分明，微微辣焗咖哩牛煵飯，$53焗飯即點即焗，所以要等一等一上枱咖哩味香噴噴，微微辣，牛腩炆得夠淋，份量唔少

剛好同夏總都無飯開，佢老婆有飯局，我老婆就公司周年晚宴，所以，兩個孤獨嘅麻甩佬就約出嚟搵間茶記食飯兼傾傾旅行嘢。就返大家收工位置，過到嚟太子嘅「聚好冰室」，貪一陣走嘅時候夠方便。走入餐廳，環境比一般街坊茶記闊落光猛，第一印象就喺乾淨整潔，予人感覺井然有序。而個鋪位都幾深下，直入仲有好多位，而且，左側旁仲有樓梯可以上去二樓，不過，就無上去望望，唔知有幾大。我哋就揀咗坐入啲，因為裡面有好多卡位，此外，遠離少少門口無咁騷擾。如果人多少少嘅話，近門口嘅大圓枱喺幾好嘅選擇嚟。由於我哋都無乜話有目的想食咩，但求就手搵個地方，所以，餐牌都無咩點研究，一眼睇到個小菜餐牌就晌度揀，同夏總各揀一個。不過，呢度嘅小菜並非套餐形式，無加錢嘅配搭，白飯都要另外散點。老火湯雖然無咩配套，但阿姐都好好人，送啲老火例湯俾我哋飲飲，是晚嘅例湯喺老黃瓜煲豬骨，好足料，飲落夠老火，難得又唔油添，真喺既大方，又有誠意。涼瓜牛肉 $78涼瓜喺夏總嘅「飛弗」，咁我都OK嘅，炒得都有啲鑊氣，涼瓜亦唔喺好苦，帶少少甘，又爽爽哋咁，牛肉亦好軟腍，整體確喺唔錯。椒鹽蝦球 $88小弟就想試試佢啲椒鹽菜式，揀咗蝦球，諗住正啲啩。份量唔少，啲

平時睇戲都會去附近食啲野先 今次神推鬼㧬地去到鴉蘭街果頭食野 諗住快快趣食個午餐就算大概午飯時間1點左右 都唔算太多人 求其坐低左就叫野食 午餐黎講都算多選擇 我同女朋友兩個人都唔太餓 但叫下叫下都叫左2,3樣野 😂😂😂見到佢有豬手 突然又好想食喎豬手份量都算多 大概有6,7舊 仲要有D肉 唔錯不過個味就有少少淡 自己加D辣油 再加少少鹽 成件事就唔同晒 檸茶好大杯 有D飲唔哂椒鹽脆皮豆腐 原本怕唔夠食 所以叫左個飯 點知食唔哂 只係食左半碗到 呢個椒鹽豆腐炸得唔錯 皮脆 又夠熱 夾埋椒鹽食好正不過味道都係差少少 最後我地係自己個碗落左勁多鹽同胡椒 逐舊點黎食 超正仲有個麵 應該落漏左單 等左好耐催左一次先到XO醬雞絲炒麵 XO醬味偏淡 但都係同上面一樣 味道差少少 比較健康 但唯一出色既係雞肉應該係生炒 所以比較嫩 口感好食好多整體都唔錯 如果你食得比較淡口既話 😂😂😂

這天晚上因剪髮而來到太子區, 完成後便開始要找地方開餐, 心目中都是想找茶記。那就盡快找個地方坐下來, 吃些東西, 見到有間茶記, 便不用多想, 即時決定在此開餐。飲品方面, 點了藍妹啤酒, 冰凍解喝。賣相已經討好的海南雞套餐，雞肉整齊排列, 雞肉烹得唔會太熟, 海南雞食落啖啖肉,肉質嫩滑非常, 雞皮好滑，雞味夠濃, 白飯也有水準, 飯粒極有咬口, 有飯香味，同雞肉的味道配合得非常夾, 蘸上酸酸地又有少辣的醬汁, 吃起來更醒胃。這裡的環境乾淨企理, 小菜也有水準。

平時睇戲都會去附近食啲野先，今次神奇地去到鴉蘭街果頭食，「聚好冰室」，快快趣食個午餐就算。😅午飯時間1點左右，都唔算太多人，求其坐低左就叫野食。—午餐黎講都算多選擇，藍妹兩個人都唔太餓，叫左少少野。—見到佢有得淨叫豬手，忽然好想食。豬手份量好多呢，數過有8隻，全部大大舊，仲要有啲係有肉，唔錯。😆不過個味真係比較淡，後尾加啲辣油就好食好多啦。😂—檸茶大大杯，飲唔哂添。—椒鹽脆皮豆腐原本怕唔夠食，所以叫左個飯，點知食唔哂，只係食左半碗左右。😣藍妹超級鐘意食豆腐，次次見到有豆腐食都會忍唔住叫。呢個椒鹽豆腐炸得唔錯，皮脆，又夠熱。夾埋椒鹽食好正。😍不過又係唔夠味，結果我地係自己個碗落左勁多鹽同胡椒，逐舊點黎食，超正！🤣—叫左個麵，應該落漏左單，等左好耐催左一次先到。XO醬雞絲炒麵色水還可以，XO醬味偏淡，但藍妹覺得已經夠香，又唔會太辣。麵炒得乾身，唔會好油。🙂值得一提係雞肉好嫩。😊—兩個人食飽飽，成餐唔係好出色，但都叫做合格。

有時一個人食飯，真係唔知食咩好，碟頭飯都食到厭， 放工經過近太子返大陸旅行車附近， 都有很多食店， 八卦周圍睇下， 見到呢間冰室，見佢又有粉麵、小菜 、 焗飯 ，一支公真係唔怕會悶！入到去裏面，地方都算企理乾乾淨淨， 整整齊齊。打開menu一睇， 價錢真係好街坊價， 一碗魚蛋粉都係25蚊， 連埋凍檸水及加碟油菜 都係50蚊有找。凍檸茶，茶底夠濃味，檸檬夠厚，夠新鮮！魚蛋粉雖然唔係用傳統嘅潮州魚蛋，但係都幾夠爽口。呢度好在食完喺度打下機都唔會畀人催趕嘅感覺。

同朋友喺太子附近打完雀局， 經過呢間 "聚好冰室" 見到門口有多款菜式選擇，睇門面好新淨，裏面環境都算闊落， 經過門口侍應好主動特別介紹，叫我們試下招牌羊腩煲， 我們受不住誘惑推門進去！這個羊腩煲相當份量十足，仲送生菜一碟， 煲裏面配料十分多，大量嘅支竹、仲有冬菇， 薑蔥闢去羊腩嘅騷味， 羊腩肉夠厚，羊腩皮 一點也不肥可以連皮一齊食， 裏面嘅羊腩份量真係足夠我們三人吃， 裏面嘅羊腩煲底亦十分濃味， 送飯一流！裏面嘅侍應尤其係收銀姐姐，好好笑容，經常問我哋夠唔夠，同埋味道啱唔啱， 好有人情味嘅小店！

上星期六同朋友返大陸， 由於我早到 ， 未夠鐘上車， 於是周圍睇下有啲乜嘢食醫下肚先，喺太子近砵蘭街附近，比我發現呢間聚好冰室， 經過櫥窗發現種類很多，有麵包 、粉麵 、小菜 、煲仔菜、羊腩煲、雞煲等等……由於我只係想醫下肚，唔算太肚餓， 於是揀咗 一碗魚蛋河一杯凍奶茶。講真魚蛋可真係好抵食， 呢個價錢唔好話喺太子， 就算深水埗都未必食到。食魚蛋粉靈魂就喺辣椒油到，估唔到呢度辣椒油都唔錯！唔算太辣，可以帶出魚蛋嘅味道。魚蛋很爽口、細細粒，河粉亦很滑。呢個嘅奶茶係即冲，顏色及味道都唔錯！下次時間充裕，會帶埋朋友試下其他嘅小菜！

今日準備返大陸，係太子附近搵左呢間野黎食。諗住求其食一餐。但發現呢間冰室野食都幾好味。餐廳空間大，坐得舒服。侍應都好友善。見到餐單勁多野食。除左小炒，仲有海南雞，乳鴿。好多款。叫左個涼瓜火腩食。叫埋個飯。涼瓜火腩炒得好有鍋氣。食左一啖涼瓜，熱又想。豆豉既味道濃，減低涼瓜既苦味。呢種甘甘地既香味。真係好好食。火腩本身已經夠香，加埋豆豉仲香。火腩多水份，唔會乾真真。小菜既份量都算多。好多火腩。食得好滿足。一碟小菜加一碗飯。自己一個享受住小菜既好味。真係好好食。叫埋一杯凍檸蜜。食完味道濃郁既小菜，飲返杯凍檸蜜個感覺好好。好清爽，又可以清下口腔。估唔到看似普通既冰室，整既野食同其他冰室唔同。有鍋氣，味道夠，料足，真係唔話得。下次再黎。

太子多元化冰室，又有湯麵類，又有炒飯炒麵，普通茶餐廳應有嘅野，又有雞煲羊腩煲之類，又可以逐碟叫，蒸魚海鮮之類應有盡有，仲有港式包點例如雞尾包之類係正番大陸皇岡巴士🚌附近，見到唔少大陸旅客包幾圍枱，店舖內都幾大價錢亦都較平民貼地，晚餐都可以幾十蚊搞掂，都唔錯想食包點就要早啲啦，去到晚市已經冇曬今次試試麻辣雞煲雞煲遠遠聞到都已經十分香，十分入味，唔係正宗麻辣個隻味，但調節過後幾甜幾香幾惹味，真係停唔到口，叫咗小辣但唔太辣，可以叫辣少少雞皮少少厚，不過入面肉質都幾嫩，冬天可以試下，幾暖身叫多咗個蒜蓉炒白菜🥬幾有炒鑊氣，雞煲配白飯加個菜，岩岩好夠兩個人食見到有啲小菜都幾吸引，都可以試下佢啲din set

番完大陸直通車位旁邊有間冰室，好近直通車站。入面咩都有得食，港式茶餐廳🍴、中餐、西餐都有得食，真係幾百搭。門口仲有新鮮出爐麵包，蛋撻等等。咁當然我嚟到嗰陣已經係夜晚七點，所以都應該賣晒。.有茶餐廳碟頭飯：有中式小菜：中式面類:茶餐廳下午茶:茶餐廳西式常餐:.重慶麻辣雞煲 (推薦指數:😋😋😋)呢個麻辣雞煲佢個汁比較多，同埋偏向甜身，所以可以叫老闆落單嗰陣時整辣啲，咁會岩番大家口味。每個重慶雞煲佢都會比一碟菜我哋，佢今次配左白菜。但係我個人口味想過白菜係用蒜蓉炒，所以就叫老闆幫我蒜蓉炒。XO醬雞絲炒麵 (推薦指數：😋😋😋)佢用嘅面係傳統茶餐廳嘅幼面，而係北方啲嘅粗面，呢個都係佢嘅特色，因為都比較多搭完直通車嘅遊客喺度食，可能就番佢哋口味啦。

放工和友人吃飯，大家又累又餓，隨意找間餐廳醫肚，呢間聚好冰室水平出乎意料不錯!餐牌上菜式種類頗多，但晚市時間當然要叫小菜才對，我們三個女生就要了一個椒鹽鮮魷、啫啫雞煲和XO醬海鮮炒飯。由於實在很餓，我們再點了三個蛋撻，馬上蛋撻就來了，酥皮底香口，不會太厚，蛋滑也有蛋香，好食。飯前送的例湯也很足料，大大碗，湯都鮮甜，唔係味精貨。椒鹽鮮魷($77)上有乾蒜，面衣薄，脆的面衣配上彈牙魷魚，再加上椒鹽惹味，蒜香更是畫龍點睛，成碟菜好香口。啫啫雞煲($78)熱辣辣上菜，雞肉好滑，醬汁濃郁掛在雞上，超好送飯，下次再黎可以encore!XO醬海鮮炒飯($61)料頗多，有魷魚、魚柳一大片、蟹柳等，好大碟，同樣係惹味派，雖然好好食，但下次黎食小菜都係叫白飯好D，咁用汁撈飯都可以啦。整體黎講小菜份量冇呃秤，三個人食左200幾蚊，晚市算係咁，呢間餐廳都不失為平日食飯嘅好選擇。