聚寶食軒

營業中

休息中

今日去咗土瓜灣嘅聚寶，試咗個海南雞飯套餐，真係好正！😋雞肉嫩滑多汁，皮薄油亮，完全唔油膩。配埋香噴噴嘅雞油飯，真係一絕！🍗🍚飯粒粒分明，帶有淡淡嘅雞香，食落去有種滿足感。仲有三款醬汁可以揀，辣椒醬刺激味蕾，薑蓉提升鮮味，豉油則為整體加分。🌶️🧄每款醬汁都各有特色，令食物更豐富多樣。套餐仲有配埋清甜嘅菜心，清新爽口，為呢餐增添咗啲健康感。🥬而個紅蘿蔔青蘿蔔豬骨湯亦都唔錯，暖胃又滋潤。🍲整體嚟講，呢個海南雞飯套餐真係物超所值，值得大力推薦畀所有鍾意食海南雞飯嘅朋友！👍期待下次再嚟品嚐其他美食！🎉如果有興趣，不妨約埋朋友一齊去試吓！👥

第一次食時，已是幾個月前下午，食物品質令我回味，唯獨服務員態度引致無法短期再次光顧。今天我很想食米線，所以決定再來光顧，雖然舖面裝修欠奉，但食物品質實而不華，值得一讚我上次落單是下午茶套餐(海南鷄米線)今次都是海南鷄米線，但飲品今次想嚐試生椰拿鐵，同上次一樣海南鷄和湯米線分碟上，品質依然保持鷄肉嫩滑，湯底是用魚熬制，鮮甜但一點腥味都沒有，有少許糊椒香味，這種烹調技術，值得讚揚㕑師用心最估計不到是生椰拿鐵，椰汁和拿鐵比例好好，有椰汁香味但無搶走咖啡味，互相輝映，Cafe店都無效果，埋單$57元值得推介我諗住唔會再見到幾個月前嘅女服務員，唉！又是她，令次升級版，第一：我點餐時飲品是生椰拿鐵，女服務員即時用(唔想招呼語氣)回答：無呢款飲品，然後我問餐牌有顯示，點解無呢款飲品，女服務員用鄙視語氣(死窮鬼，你比起)要加$12蚊，我即時回應無問題，第二：上次有一杯水提供，今次我唔知要自取，向女服務員提出，她即時訓斥我，內容是她一個人要做好多嘢，唔得閒服待，自己攞，我聽完後，唯有講句唔好意思，第三：海南鷄米線上臺，但醬汁未來，我等左一陣，仲末嚟，起身問女服務員，她不耐煩指左某一位置叫我自取，當我行到

🐔🥢🍲抵食雞煲小炒▫️$208 / 2人餐 ☑️湯（細煲）：真係原煲上，入面有湯料，老火湯味道，應該冇咩味精 🆗招牌菜：口水雞：雖然只係例牌，但係份量都算多，雞肉好滑，不過個口水汁就差咗啲，味道一般般，只有辣味 ☑️炒小菜：酥脆五香卷 （+$13）由於炒小菜本身只值$75 ，所以呢款$88嘅小菜要補差價。不過呢個酥脆五香卷真係好好食，外皮炸得好脆，而裏面係由腐皮、馬蹄、豬肉整成，配埋一個酸辣醬真係冇得頂，食到停唔到口。 ☑️炒時蔬：乾煸肉碎四季豆（+$10）四季豆炒得香口惹味，調味唔錯，不過會比較油膩。 🍚飯：二人餐包兩碗白飯，可以選香茅油飯或者白飯，油飯都唔使加錢所以試吓。雖然香茅油飯黃黃地，但係其實香茅味都唔算濃。☑️雞煲（半隻） -$98門口有個牌寫住雞煲半隻，只係需要$98，冇理由唔試吓。呢度嘅雞煲真係幾好食，個汁辣得好過癮，而且好惹味，半隻雞嘅份量都算多，但當然都係會有骨，配有芫荽、洋蔥等配料，越煲越入味。食完雞煲想打邊爐配料就要逐樣計錢。

有眼不識泰山，原來呢條街，對面有舊式牛腩牛雜、有間新式雲南米線，連隔離大家食都執笠亦都有其他車仔麵以及港式食店，原來這間夜晚打邊爐嘅餐廳先至有百幾個好評。這次因為時間趕急，卒之的起心肝試吓佢嘅牛脷，因為之前見過價錢不貴，只是50多元已經有咖喱牛脷飯，因為近期在佐敦那間亞龍咖喱吃過，雖然它的咖喱非常正宗，味道相當好，但是牛脷得四片細細片的牛脷😞，而且又碎，亦都有點兒痴牙，咬不開，滿口痴牙的感覺，我還是喜歡吃這些港式餐廳的咖喱牛脷。看看它的賣相，首先，和飯分開盛載，已經有誠意，咖喱汁雖然不像沙嗲王那種白咖喱帶點甜香或者椰香的感覺，但是面頭有少許白色的應該都是椰汁，咖喱味道普通，輕微帶甜，不會一味死辣，用來配飯也相當不錯，另外這種港式牛脷飯最正就是它的牛脷非常之厚身，另外還有五大塊那麼多，夠厚身可口，不會碎碎的，而且，撥開咖喱汁，你還可以見到牛脷剛剛煎過，中間都帶點紅色，非常鮮嫩的，誠意可嘉。凍檸茶大塊檸檬，夠鮮美，茶本身都夠香濃，算是相當不錯的。反而這間火鍋店的出品相當好，因為其實區內很多餐廳，吃個午飯，份量都差不多，大概都要$50至$60 ，雖然味道都唔錯，但是動輒一個三餸麵都要60幾蚊

叫咗中辣嘅雞煲、啲雞唔夠入味中辣亦都唔辣，感覺上係微辣雞嘅肉地好嚡、唔夠嫩滑收呢個價錢、性價比一般如果要做雞煲，應該要好好改善或者收一個平啲嘅價感覺上就會抵啲。

茶餐廳、火鍋、雞煲是香港著名的餐飲文化，各自擁有其獨特的風格和味道。以下是我對這三種飲食文化的評論：首先，茶餐廳是香港著名的餐廳類型之一，以其簡單、快捷、實惠而受到許多人的喜愛。茶餐廳通常提供多種菜式，包括燒味、粥、炒飯、沙律、麵食等等。這些菜式都有著獨特的香港風味，例如燒味飯、炒蝦仁、滑蛋牛肉飯等等。茶餐廳的食物口感豐富，味道濃郁，價格實惠，是香港人日常生活中不可缺少的一部分。其次，火鍋是另一個香港著名的飲食文化，以其熱騰騰、美味和社交性而受到許多人的喜愛。火鍋通常提供多種食材，包括肉類、海鮮、蔬菜、豆腐等等。這些食材可以根據個人口味加入不同的調味料和湯底，例如麻辣、清湯、番茄等等。火鍋的食物口感豐富，味道濃郁，而且可以和朋友一起享受食物和交流，是一種非常具有社交性的餐飲體驗。最後，雞煲是香港傳統的飲食文化之一，以其簡單、美味和滋補效果而受到許多人的喜愛。雞煲通常使用新鮮的食材，包括雞、蔬菜、中藥材等等，這些食材能夠為人體帶來豐富的營養和滋補效果。雞煲的食物口感豐富，味道濃郁，而且有著獨特的香氣和風味，是香港人冬天必吃的傳統美食之一。總體而言，茶餐廳、火鍋、雞煲都是香港獨特的餐飲文化

一開始見到“聚寶食軒”這個店名仲以為是食齋的，看一看餐牌才知是重慶雞煲+打邊爐。原本想吃海南雞飯的，但見隔離枱的海南雞有點少就改吃其他，最後在午餐餐牌竟然見到有麻辣雞煲。那當然要試下啦。雖然只是$56連凍飲的午餐，但都好認真，雞煲真是煲上，雞煲醬汁很惹味，少許麻辣，不強烈，又能增加食欲。除了雞肉不太啖啖肉，骨多了些之外，食物真是沒投訴，有飯，仲有一碗例湯送，很滿唯一可改善就是枱有點油，痴笠笠，吃得有點不自在。

今日雖然成30幾度都阻擋唔到我想打邊爐😂經過見到呢間聚寶食軒都幾多人就一於黎試吓😬一坐低叫返支啤酒爽下先🍻再睇吓餐牌有小菜、雞煲及酸菜魚等等…我哋就點咗酸菜魚打邊爐🤤酸菜魚鍋底入邊有小量芽菜、芫荽、菇🍄及薯粉😊一斤鱸魚片會另上😊小辣味道剛剛好☺️鱸魚下鍋大概4分鐘就食得🤪啖啖魚肉嫩滑無骨👍肩胛肥牛厚切食落牛味算濃😬鮮蝦雲吞雖然唔算大粒但蝦肉大隻新鮮😋蟹子蝦滑夠彈牙😊三個人飲埋啤酒埋單500左右都幾抵食🥳有下次了😎

知道土瓜灣有間好出名嘅中菜及火鍋店，所以特登約埋成班friend黎吹水食飯！🌟啤酒🌟一嚟到當然叫番杯啤酒先！啤酒飲落肚冰凍清爽，飲住啤酒食野真係perfect!👍🏻👍🏻👍🏻👍🏻👍🏻🌟麻辣烤鯇魚 ( 半條 ) 🌟呢度嘅麻辣烤鯇魚好岀名！鯇魚十級新鮮，同麻辣汁嘅味道好夾。麻辣香料完完全全咁突出左魚肉嘅鮮味。口感脆口！煮得勁出色！👍🏻👍🏻👍🏻👍🏻👍🏻🌟萵筍 🌟顏色翠綠！見到已經覺得好新鮮。入口鮮甜多汁，而且有好香嘅荀味！唔錯！👍🏻👍🏻👍🏻👍🏻🌟鮮嫩鴨血🌟口感非常滑溜。而且鮮嫩無比。鴨血索左麻辣汁呢精華，令到成個味道更加惹味可口！完全係食到停唔到！👍🏻👍🏻👍🏻👍🏻👍🏻🌟脆皮BB夾 (2 隻 )🌟乳鴿外皮炸到非常香脆，肉質超嫩！咬開嘅時候仲有好多肉汁流出來！除此之外，乳鴿醃到好入味。食一啖已經有好香嘅肉味由牙縫到滲出來。超正！👍🏻👍🏻👍🏻👍🏻👍🏻總括嚟講，呢間餐廳嘅食物質素好高，而且價錢一啲都唔貴！下次一定要帶朋友黎試吓！

食物味道:🖤🖤🖤🖤餐廳環境:🖤🖤🖤🖤抵食指數:🖤🖤🖤🖤💕紅糖糍粑 $48糍粑炸得香脆真正外脆內軟，配上紅糖甜甜地，大家最後熱辣辣就好食，放得太耐會變硬。💕蟹籽蝦滑 $56一嚿份量適中，分開一嚿嚿去烤魚邊到淥，蝦滑爽口彈牙加埋蟹籽粒好有口感。💕麻辣烤鯇魚 ( 半條 ) $238來到香氣四溢，上面有個助熱氣幫助保持溫度，麻辣味足夠味道好惹味，而魚肉細嫩多汁。💕鮮魚卜 $88薄薄一片淥幾秒就足夠，超級滋味又好新鮮，平時食魚得一夠仲要爭住食，依家可以慢慢品嚐。

放工同同事一齊去打邊爐，大飲大食先夠盡興🤩一行4人嚟到呢間小店，有得坐卡位夠哂舒服，地板仲無黐立立好乾淨👍🏼👍🏼首先叫咗半條麻辣烤鯇魚，魚難得無泥腥味又夠滑，仲索哂麻辣汁嘅味道，超正！😍食到差唔多時，就可以叫打邊爐料啦🤭我哋分別叫咗安格斯牛小排、鮮魚卜、萵筍 同鮮嫩鴨血😎食材本身都好新鮮，特別係安格斯牛小排油花好靚，每片牛都非常有水準，而且湯底越滾越濃味，建議食完烤魚一定要打邊爐🤩🤩不過我哋最欣賞嘅一定係黃金脆炸魚皮💛咸蛋黃不多不少地包住炸魚皮，絕對係一碟有誠意嘅咸蛋炸魚皮🤤同同事啤一啤，打邊爐真係好開心，而且嘢食又好味，環境衛生企理，應該好快會encore多次🤭🤭

我一向對羊腩煲都是一般，不過呢間真係要 highly recommend 俾大家。難得同細妹夾岩收工時間，一齊去麻甩地啤一啤佢。。。整返大大杯Hoegarden先🍺🍺🍻首先上菜嘅係安格斯牛小排，肉質靚，肥瘦適中啱啱好，入口爽滑。份量足而且有牛味，正呀！👍🏼鮮魚卜夠曬新鮮，真係唔會腥！個湯滾起上黎係奶白色，真係好吸引✔️🍲當然羊腩煲個個都話係秋冬必食之選！羊腩煲羊肉皮爽肉稔，煲內加入大量枝竹，羊肉大件又厚身，炆得軟淋入味而且不太羶。VERY GOOD！每款菜色都發揮得淋漓盡致，令人一試再試。學細妹講其他的菜都不用上了，直接自己食曬成份羊腩煲就足夠了！

呢間聚寶食軒好食得來又可以打下卡📸，我哋一入去客店員都好有禮貌而且我搵到一個可以比我靜靜地個位，慢慢傾計，再試下美食。服務真係唔錯而且食物質素都好啱我哋。💡店員一入來就推薦呢個<霸皇辣子雞 (半 )🐥🐥> ，都系我的最愛。香辣鹹香，送飯一流！雞肉食落去之後香氣撲鼻，炸到金黃色的色澤也讓餐桌增添一股幸福的喜氣。<羊腩煲🐏🐏>就系秋冬我地經常食既菜式，味道調校得好，不油不膩，加入生菜和枝竹，口感極佳。羊肉件數目唔少，而且預先爆炒過，令肉質更甘香惹味，不過加埋煲底嘅醬汁，更加惹味。我地傾左好耐，都叫左好多野食。另外，其實交通都好方便好就腳，得閒可以再encore🤗🤗!

我哋一家人經常會嚟屋企附近嘅聚寶食軒開餐，就腳之餘價錢實惠，嘢食大份足料夠抵食，所以每個星期總有一兩晚會嚟食晚餐😋每次嚟點都忍唔住叫返隻脆皮BB夾❤️❤️油令令嘅乳鴿皮令人好有食慾🤤脆卜卜嘅炸皮好香口，鴿肉有胡椒鹽味，亦都好多肉汁💦另外羊腩煲都係抵食之選😙細size嘅羊腩煲都有成十多嚿大大件嘅羊腩，加埋冬菇、腐竹、馬蹄，就咁食料都好飽了☺️叫多半條麻辣烤鯇魚就啱啱好😎麻辣湯辛香料味重，飲完條脷有少少麻痹，好爽😆 鯇魚夠肥魚油好香，肉又滑又甜，每次食都唔會失望😍餐廳仲有得邊爐雞煲小菜炒飯麵飯⋯⋯咁多選擇又好食，可以成日食到真係幸福啦😚

放工同朋友聚餐，🧞‍♀️朋友話想食中菜就來呢間中菜館試下。朋友同我都好鍾意食鵝腸，😍見到呢到有豉油王炒鵝腸一定要嗌嚟食下，鵝腸好清爽無乜肥膏，👍🏻師父處理得好乾淨，👅第一次食紅糖糍粑口感煙煙韌韌好似綿花糖軟綿綿，外層均勻沾上紅糖但又唔太甜，好好味。😋😋仲有主角羊腩煲因為我地得三個人所以叫左個細既，怕食唔哂會浪費，👍🏻👍🏻羊腩肥瘦適中食落唔太羶，味道濃郁，好正。除左食物好食，店員服務好到位，而且態度良好。😽下次再約其他朋友仔黎食❤️