聚朋坊 (已結業)

忙左成個星期，終於等到連假期三天，食過簡單早餐到中午諗緊食咩好，搬咗過嚟之後，好耐冇食過小籠包，係OpenRice 選附近的上海菜，最後選了這間，apps 點完食物等20分鐘自取，我覺得好方便。我鍾意自取多過用某平台等送，因為朋友試過算成個幾鐘，怕有排等所以自己攞。小籠包皮薄多汁，我自己食咗7隻，生煎鍋貼都煎得好脆口，欖菜肉鬆炒飯都唔錯，之後會再試其他菜色，例如水煮田雞無得去上海食，係香港都好多出色嘅上海菜

好味小菜館好中意食d中菜小炒菜，同朋友去呢間長沙灣小炒館聚一聚，又幾好味😁叫左個有錢佬炒飯，其實係蛋白瑤柱炒飯，幾好味，乾身爽口！上湯菜苗，菜苗好嫰，好新鮮！上湯又浸到好入味！好健康清新的一道菜！尖椒炒牛肉，牛肉好好味，又多汁，呢個菜送飯一流！尖椒少辣，同牛肉好搭！香酥鴨半隻，皮脆肉香！呢個有d臘鴨味，用嚟送飯啤酒吾錯！呢個菜平時比較少食到，都幾特別！最後叫多一籠小籠包，皮薄多汁，幾正宗上海小點心呢個係！呢間餐廳價錢相宜，性價比高，下次再利！

餐廳京川滬菜式選擇多👍🏻，啱晒一班朋友飯聚，仲免加一 免茶芥😍😍😍~🐟 酸菜桂花魚 $298送汽水兩罐/啤酒一樽酸菜魚除左有桂花魚肉，仲有娃娃菜 薯粉 豆卜 窩笋等等，好足料，湯底酸酸辣辣好開胃🤤，薯粉索左湯汁就更加正😋😋😋🫔 北京填鴨 （半隻） $168外皮烤到香脆🤩，肉質軟腍肉味香濃略帶油脂，食落香口😙😙🫔豆沙鍋餅 $38上枱熱辣辣🤤 外層脆脆哋，內裡紅豆餡滿瀉，好足料，口感一流😚😍

長沙灣高水準京川滬特色菜式，性價比極高，菜式種類繁多，水煮/酸菜系列，桂花魚、田雞、牛肉、牛魔王（牛柏葉、肥牛、牛肉）、羊肉、野味雞、大蝦，仲有好多特色小菜、鑊氣小炒，和海鮮系列、選擇超多😋「免加一、免茶芥」🌶️ 酸菜桂花魚 $298 限時優惠，送汽水兩罐/啤酒一樽以桂花魚為主既酸菜魚，起碼都400左右🥲，呢度300唔洗，仲要好足料，砌返成條桂花魚出黎，擺盤好靚，味道都相當出色，除左桂花魚肉、仲有煎到金黃既魚骨、娃娃菜、薯粉、豆卜、黑木耳、泡椒、等等。配埋濃郁酸香辣既湯底，好開胃🥰🍥 小籠包 5隻 $52皮薄餡靚，爆汁小籠包！🔥北京填鴨 （半隻） $168色澤紅潤，肉質肥而不膩！外皮烤得相當香脆，鴨肉肉質軟滑，略帶油脂，非常香口，呢個價錢真係冇得彈👍🌟小饅頭 （四隻 ）$38外層微微脆，內裡相當鬆軟，口感一流。食物相當有水準既餐廳， 選擇又多，座位坐得舒服，氣氛唔錯👍

［長沙灣］聚朋坊.北京填鴨(半隻）食剩指數:0/100鴨肉上碟賣相好靚皮肉比例好平均鴨皮好香好脆鴨肉鬆化用塊皮包埋青瓜蔥絲甜醬2個人食半隻無難度.小籠包食剩指數:0/100小籠包一籠5隻個皮幾薄唔會成舊粉咁一咬開啲湯汁流晒出嚟入面既肉調味都唔錯.銀芽炒鱔糊食剩指數:5/100鱔糊有銀芽炒/韮黃炒今次就叫左銀芽鱔肉好多大部分肉質都好滑加埋銀芽好爽脆.聚朋坊炒飯食剩指數:10/100用得餐廳名就想叫吓原來係牛𦟌、火腿、蝦仁炒飯賣相好深色不過唔太咸仲帶輕微既辣食落幾過癮

呢日放工之後同男朋友去長沙灣食dinner。呢間喺長沙灣嘅中餐廳，專門食京川滬菜，味道正宗，啲嘢食又夠鑊氣，正！打開餐廳，見到有好多菜式可以選擇，望落去好吸引。今次點左北京填鴨半隻、孜然羊肉、炒飯同埋鍋貼。北京填鴨嘅皮燒到好脆，加埋蔥同埋青瓜絲，加入醬料包入層皮，超好食。孜然羊肉非常惹味，有少少啦，但又唔會太羶，配炒飯食唔錯！炒飯炒到好乾身，粒粒分明，又有好多料。鍋貼即叫即煎，皮薄餡靚又juicy。

放工同朋友來到呢間聚朋坊呢間京川滬菜館，全日都免加一、免茶芥可以用QR code點單，避免漏單情況。限時推廣點以上菜式仲有青島啤酒送，好抵呀。酸菜桂花魚 中辣$298:賣相吸引，砌返原條桂花魚外形，擺盤細心。桂花魚肉好滑，份量不少，魚片沒有骨。頂層有芫茜，辣椒粒，加上芝麻粒、酸菜、青麻籽調味，配菜有爽脆萵筍、 娃娃菜、黑木耳，仲有索湯汁薯粉、 芽菜、豆卜 等。中辣很合自己胃口，酸辣得爽，加酸菜湯汁好送飯。小籠包:一客有5隻，外皮薄透，一咬爆多湯汁，嘴尖朋友都讚小籠包有水準，同上海食過差不多，亦見到有人特意外賣小籠包回家，果真係店舖搭牌。炸饅頭 :炸得外脆內軟嫰，可以點少少煉奶，更添滋味。服務細心，見朋友食到辣流晒汗，細心幫我哋開大冷氣，等我地食得舒服點！

平時我甚少出街食中菜，因為出面好難有比我daddy煮得更好味的餐廳🙈今晚食四川上海菜係我爸唔拿手的菜式，質素唔錯架～一入餐廳，明亮光猛，餐具餐椅擺放整齊企理，印象唔錯。點餐上菜結帳時服務好好，無論服務定環境都有別於一般中菜館酸菜田雞$128呢個價錢有咁大煲實在抵食，除左有滑溜的斬件田雞，仲有豆卜、粉等，最欣賞佢酸菜味道，有麻椒我最愛，掃QR Code落單仲可以揀少油/走花生/走羌茜添！北京填鴨$168 半隻鴨皮鴨肉排列得整整齊齊已經加左分，皮肉各半，鴨呢邊無得彈，薄餅邊無咁乾的話就滿分喇小籠包$52共5隻，都唔錯生煎包$524隻大大粒，熱辣辣上湯津白$68我好鐘意食津白但唔係到到有，欣賞佢個上湯

其實呢間野食京川滬野 味道真係唔錯 , 之前同朋友食過兩次都 ok , 但可惜想食第三次有不愉快經歷 本身約左10 位朋友12月 4 號去食 我早成個月 bk位 點知前一個星期 突然話老板有朋友要黎包場 我冇得去 , 食客 bk 完唔黎(當然衰) 就聽得多 , 但老板甩底食客 我真係第一次見。在商言商 喺食店角度 你成30 人 包場 我就得10個人 甘做生意賺錢係要就多人嗰邊 , 呢個我明白 ,.但喺我角度 我地10個人就好時間 諗住專程黎食下飯 . 你就唔守承諾放我飛機 , 我會覺得好衰好唔公平， 唔守承諾 其實你野食好食我都唔會再去 平心而論 如果食客想食， 甘佢 d野食 係唔錯 , 只係有好少機會會發生上述情況 . 想試下咪去囉， 但我就唔會再去 lu

平時跑步經開順寧道，發覺原來呢條街都好多嘢食，見到呢間聚朋坊都好多人食，即管試下啦。 呢度用手機點菜，好方便。 五香醬汁牛𦟌：一向都好鍾意食牛𦟌，自從做咗人妻之後，好耐無食媽咪整嘅牛𦟌啦，今日難得呢度有得食，一於點番碟啦，雖然食唔到媽媽嘅味道，不過都可以回味一下。滷後嘅牛𦟌酥軟又有嚼勁，而且調料味道充分融入肉中，香美無比。 小籠包個皮都幾夠薄又多汁，咬開就必晒啲汁出嚟，所以食嘅時候小心辣親個咀仔。 有錢佬炒飯：個菜名咁得意，我同老公估係咩，竟然比我哋估中，原來係瑤柱蛋白炒飯，個飯都炒得幾乾身，幾香。 蒜香椒鹽排骨：蒜粒椒香，排骨夠熱，又酥又香，送酒一流。 野菌葱爆牛肉：惹味又好送飯， 炒熟嘅香葱味道帶甜，啲菇亦都好入味。 豆沙鍋餅即叫即整，夠晒熱，個餡唔係好甜，個皮夠香脆。

最近經過深水埗順寧道在孖八車房隔離，發新一間開京川菜店。今日決定前來一試水煮桂花魚。水煮桂花魚 $298 原條水煮桂花魚，店家透露他們的桂花魚全部都是當天凌晨新鮮採購的，而且所有的香料食材盡量都算新鮮的食材，包括鮮花椒、各種辣椒等。香氣真的有別於曬乾的香料食材，零舍鮮味。魚片刀工切得非常好，每一片魚肉都完全冇骨。新張期內，桂花魚系列限時推廣優惠，附送青島啤酒一大支或汽水兩罐 。蒜蓉炒萵筍$68 爽脆夠鑊氣，要萵筍條大細切得容易入口，蒜味十足。老闆親切友善，看得出是用心經營，值得推薦給更多朋友知道這餐廳。聚朋坊長沙灣順寧道41-45號裕成大廈地舖AB室電話訂位: 35963548

呢間喺長沙灣同深水埗🚇港鐵站交界嘅京川滬料理餐廳🥢雖然唔係座落於大街，但佢💰價廉物美，絕對值得一試！餐廳環境乾淨，裝修平實，火鍋🍲、小菜佳宜🤤。鱔糊香脆麵🥰大大碟，香脆麵炸得好均勻，條條都十分鬆脆🤤，鱔糊味道好濃郁，🥢撈埋一齊食好開胃😋！香酥鴨🦆外層炸到好酥脆，好重椒鹽🤤咸香，咬落去肉質鮮嫩而且🦆鴨味十分之濃😋！上湯雜菌🍄溫室翡翠苗🌱鮮嫩無渣，而且吸收晒上湯嘅咸香🤤，幾好味。生煎鍋貼🥟係好正宗嘅口味，底部煎得好🤤香脆，肉鮮多汁，而且有少少🤏薑係入面增強咗個層次感😋。小籠包皮薄又煙韌，入面充滿🥰湯汁，肉味鮮嫩，係傳統風味😋，幾高質扺食👍！呢度啲嘢食都好💰經濟實惠，而且菜式🤩種類繁多👍。最後甜品🤤揀咗高力豆沙，佢炸得鬆化唔油膩👍，紅豆餡料綿密幼滑😋，係好滿足嘅一餐！

長沙灣竟然比我發掘到一間隱世類似打冷嘅餐廳！仲要啲店員好熱情，見到佢哋都好多熟客。個日我地嗌左五樣嘢，全部都好有鑊氣，食得出個廚師嘅廚藝好了得！花雕醉雞花雕醉雞要煮得好食都唔簡單，首先佢嘅雞皮好滑身，佢啲肉亦都好入味，花雕酒唔會過分濃，味道啱啱好，分量都幾多。老上海炒飯淨係睇佢個賣相已經覺得好吸引，仲要即叫即炒，啲飯粒粒分明，食落去又唔會好油。蒜香黃金蝦球其實啲道菜好邪惡，鹹蛋黃要煮得好食，又唔可以過鹹，蒜香味又好出，而且佢嘅蝦球好彈牙，十分出色！蒜蓉白菜仔炒菜就會睇得出究竟廚師嘅功夫去到邊！白菜仔炒得好有鑊氣，蒜蓉超級多，蔬菜都炒得好入味生煎鍋貼呢一間餐廳一定要食佢哋嘅鍋貼或者生煎包，甚至可以外賣拎走返自己屋企煎黎食！呢度嘅鍋貼煎完之後，入面好似小籠包咁好多湯汁，好值得試吓！

朋友知我中意食小籠包, 介紹左間京川滬菜館，依間野新開無幾耐，真係好食都無咩人知，間鋪頭係長沙灣，坐地鐵去都好方便，今日專誠一去睇下係咪真係咁好味。鋪頭企理光猛，坐位寬敝仲有卡位，坐得舒服。原來依間野, 除左京川滬菜之外，仲有水煮酸菜魚系列既菜式，正值剛剛入冬，仲有烤魚羊腩煲，選擇真係超多。 就係超多選擇，今日唯有食住上海菜先，留返下次試其他類別既菜式。1.雞絲粉皮涼伴小食溫度係好重要，依個溫度合適, 不會太凍或者唔夠凍, 雞絲是手撕, 好有誠意，口感一定同刀切既係兩回事，粉皮爽滑, 麻醬剛剛可以撈晒材料，加埋爽脆既青瓜，口感既層次同味道都一流。2. 上海小籠包 （5隻）熱辣辣上檯，小籠包真係皮薄餡靚，晶瑩通透，可以望到皮入面灌有好多湯汁，要灘一陣先好放入口，事關真係超爆汁既小籠包，湯汁鮮味，好味無介紹錯。3. 排骨粗炒粗麵好彈牙，排骨都好足量，炒得好有獲氣，味道唔錯。4. 酸辣湯 （一人份量）講真，同我係出面食貴價既上海菜館，我覺得賣相同味道有過之而無不及， 湯料全部切幼絲，湯底夠味酸辣度適中。5.韮王炒鱔糊鱔既份量都好多，好夠鑊氣，但鱔肉都保持爽滑, 唔會過火， 味道惹味。6.高

這間位於長沙灣的京川滬餐廳，有多款點心、川辣魚及小菜等，而且價錢公道。小籠包一籠五隻的小籠包，皮薄且有彈性，不易夾穿，而且肉汁豐富帶肉鮮味。生煎鍋貼鍋貼煎至底部焦脆，一咬開肉汁爆出，不過一定要上枱即食。花雕醉雞雞件有淡淡的酒香，雞皮皮下脂肪不多，雞皮爽滑，雞肉嫩滑。椒鹽小黃魚小黃魚炸至金黃，表面香脆，中間魚肉雪白嫩滑，不會炸得太乾，而且即叫即炸，一咬開中間就冒煙。蒜香黃金鍋巴超級邪惡的小食，不過送酒一流，鍋巴鬆脆，每啖都充滿咸蛋香。豆沙鍋餅外脆內甜的鍋餅，是我最愛的上海甜品。