影片
更多
2021-11-09
104 瀏覽
朋友知我中意食小籠包, 介紹左間京川滬菜館，依間野新開無幾耐，真係好食都無咩人知，間鋪頭係長沙灣，坐地鐵去都好方便，今日專誠一去睇下係咪真係咁好味。鋪頭企理光猛，坐位寬敝仲有卡位，坐得舒服。原來依間野, 除左京川滬菜之外，仲有水煮酸菜魚系列既菜式，正值剛剛入冬，仲有烤魚羊腩煲，選擇真係超多。 就係超多選擇，今日唯有食住上海菜先，留返下次試其他類別既菜式。1.雞絲粉皮涼伴小食溫度係好重要，依個溫度合適, 不會太凍或者唔夠凍, 雞絲是手撕, 好有誠意，口感一定同刀切既係兩回事，粉皮爽滑, 麻醬剛剛可以撈晒材料，加埋爽脆既青瓜，口感既層次同味道都一流。2. 上海小籠包 （5隻）熱辣辣上檯，小籠包真係皮薄餡靚，晶瑩通透，可以望到皮入面灌有好多湯汁，要灘一陣先好放入口，事關真係超爆汁既小籠包，湯汁鮮味，好味無介紹錯。3. 排骨粗炒粗麵好彈牙，排骨都好足量，炒得好有獲氣，味道唔錯。4. 酸辣湯 （一人份量）講真，同我係出面食貴價既上海菜館，我覺得賣相同味道有過之而無不及， 湯料全部切幼絲，湯底夠味酸辣度適中。5.韮王炒鱔糊鱔既份量都好多，好夠鑊氣，但鱔肉都保持爽滑, 唔會過火， 味道惹味。6.高
鋪頭企理光猛，坐位寬敝仲有卡位，坐得舒服。
原來依間野, 除左京川滬菜之外，仲有水煮酸菜魚系列既菜式，正值剛剛入冬，仲有烤魚羊腩煲，選擇真係超多。 就係超多選擇，今日唯有食住上海菜先，留返下次試其他類別既菜式。
1.雞絲粉皮
涼伴小食溫度係好重要，依個溫度合適, 不會太凍或者唔夠凍, 雞絲是手撕, 好有誠意，口感一定同刀切既係兩回事，粉皮爽滑, 麻醬剛剛可以撈晒材料，加埋爽脆既青瓜，口感既層次同味道都一流。
2. 上海小籠包 （5隻）
熱辣辣上檯，小籠包真係皮薄餡靚，晶瑩通透，可以望到皮入面灌有好多湯汁，要灘一陣先好放入口，事關真係超爆汁既小籠包，湯汁鮮味，好味無介紹錯。
3. 排骨粗炒
粗麵好彈牙，排骨都好足量，炒得好有獲氣，味道唔錯。
4. 酸辣湯 （一人份量）
講真，同我係出面食貴價既上海菜館，我覺得賣相同味道有過之而無不及， 湯料全部切幼絲，湯底夠味酸辣度適中。
5.韮王炒鱔糊
鱔既份量都好多，好夠鑊氣，但鱔肉都保持爽滑, 唔會過火， 味道惹味。
6.高力豆沙
最後食埋甜品，仍然保持水準無失手，剛剛炸起，外皮香軟豆沙不會太甜。
隔離檯對夫婦, 叫左一鍋羊腩煲，一路食一路話好味，又話比起出面其他鋪頭食既羊腩煲好食好多.....講到咁堅，下次真係要黎食下先得。
張貼
