聚滿坊粥底火鍋私房菜 (已結業)

近期睇完電視經常介紹粥㡳火鍋心郁郁想試下見聚滿坊新開 就book位試下呢道係一set set咁叫位位$220可以食哂咁多種海鮮個煱本身上粥水底 加入蘿白 粟米 南瓜即刻令成個底甜哂鮑魚大大隻好新鮮 記得只要淥一陣好了太耐已經會太老再放入雞件嫩滑無比 甜甜地又滑一食就停不了而且牛肉 肉香而不膻八成熟已足夠蟹同蝦都好鮮甜 不過蟹比較水多D可能想D蟹味入多D落個粥底道蝦好彈牙而新鮮不斷跳下跳下另外又有蜆同魚 蜆好甜而爽口最後加入厚厚的粥底令其更錦滑入面有整各海鮮的精華更滲有陣陣雞的甜味吸引我一共食咗2碗

店員知道齊人就會上食材，食材無得㨂，已經set好，個個都一樣。 食材到左會大約教你點食，如果最尾想食南瓜粥就要留南瓜係最尾。今次店裡提供：鮑魚，魚，蝦，蟹，蜆，蠔，雞，肥牛，瓜藍.....（請睇圖：二人份量） 海鮮絕對新鮮，上枱時候仲識得郁。 蝦仲要用隻碟蓋住先唔會跳走，大大隻，肉質彈牙，有鮮味。 魚對我係驚喜，平時打邊爐好少食魚，這條魚實在好味，唔腥，唔會爛曬，所以我食左半條。蜆就覺得細左啲，同埋其中一兩粒有沙。 唔止淨係海鮮出息，肥牛，雞都係好新鮮及滑，雞開似時放，到最尾都唔太「鞋」。 食完全部肉類，其實都80%飽，不過你可以叫侍應用湯底煮粥，粥係煮得好腍，但唔係太特別。呢個set 每人都係$188，呢個價錢，食海鮮火鍋，抵都喊。

佐敦係總店，好難book!尖沙咀分店新開，少啲人，一早book定位，有得食鮑魚好林，吾韌，吾使醮豉油，鮮甜，好好味又有蠔，又有蜆真係生虾咁跳，拎岀嚟嗰時要揾隻碟蓋住，驚佢跳岀嚟虾同瀨尿虾都好鮮甜，有虾味，爽口蟹拎岀嚟仲會郁，隻腳紮紮下咁，新鮮劏淥熟左好鮮甜，仲有膏添，正啲肉吾會散，啲殻一咬就開，豉油都吾使醮就急不及待放入口雞吾好淥咁耐，啲肉好滑，有鷄味牛肉肥瘦適中，有牛肉味，吾鞋真係想食多幾片添成條魚上，淥五分钟就夠，好甜好滑，吾會腥最正居然係魚蛋同牛丸，啲魚蛋爽到呢。。。牛丸更加爽，牛味又重，吾會好似咬舊粉咁真係有諗頭，食完先放粥胆去煲，以前用粥打邊爐，啲粥彈晒岀嚟!衣家就吾會喇最後就變成海鮮鮑魚雞粥喇所有精华喺晒粥裏，食埋真的肚裏滿粥，滿足，飽飽!仲有油炸鬼送粥，想得真週到!

補祝朋友生日，佢揀咗呢間以粥底打邊爐為賣点既私房菜,食之前上openrice睇睇食評,原來呢間係新開嘅分店,總店喺佐敦,book位仲要好難,心諗係咪真係甘堅好食,只不過是打完邊爐多碗粥食下啫,anyway,新店唔難book,用膳時間分三輪,我哋揀咗早段6点至8点半。我哋3個人到齊後,食物好快上哂枱,食材方面以廚師決定,我想大概是當天佢地有甚麼新鮮的便作當天的食材。有雞,倉魚,黑椒牛丸,魚蛋,蠔,蜆,魚滑,肥牛,花蟹,蝦,瀨尿蝦,鮑魚,粟米,蘿蔔,南瓜,油炸鬼則是最後送粥食的,還有一肚氣  醬料只有豉油辣椒蒜頭3種。賣点粥底打邊爐,其實係粥水做湯底,當然唔多唔少都有落味精喇,之後佢教我哋先落蘿蔔粟米雞鮑魚（店員講咁就係鮑魚雞粥喎 咪講笑 滾一陣已夾 上來食,邊豎出到味,又是gimmick而已）鮑魚跟指示5分鐘可食,時間啱啱好,好淋,但沒甚鮮味,可能沾咗豉油吃蓋過了鮮味。雞都好滑,但滾耐咗就好'鞋',所以唔好滾太耐,要快食。倉魚算新鮮,唔好滾太耐,否則唔滑;魚蛋爽口彈牙。粟米甜美;魚滑欠新鮮,唔彈牙。蜆好細粒,而且有幾粒滾極都唔開口, 即係唔新鮮。蠔大隻就大隻,但唔鮮味,好一般