影片
更多
2016-03-10
567 瀏覽
補祝朋友生日，佢揀咗呢間以粥底打邊爐為賣点既私房菜,食之前上openrice睇睇食評,原來呢間係新開嘅分店,總店喺佐敦,book位仲要好難,心諗係咪真係甘堅好食,只不過是打完邊爐多碗粥食下啫,anyway,新店唔難book,用膳時間分三輪,我哋揀咗早段6点至8点半。我哋3個人到齊後,食物好快上哂枱,食材方面以廚師決定,我想大概是當天佢地有甚麼新鮮的便作當天的食材。有雞,倉魚,黑椒牛丸,魚蛋,蠔,蜆,魚滑,肥牛,花蟹,蝦,瀨尿蝦,鮑魚,粟米,蘿蔔,南瓜,油炸鬼則是最後送粥食的,還有一肚氣 醬料只有豉油辣椒蒜頭3種。賣点粥底打邊爐,其實係粥水做湯底,當然唔多唔少都有落味精喇,之後佢教我哋先落蘿蔔粟米雞鮑魚（店員講咁就係鮑魚雞粥喎 咪講笑 滾一陣已夾 上來食,邊豎出到味,又是gimmick而已）鮑魚跟指示5分鐘可食,時間啱啱好,好淋,但沒甚鮮味,可能沾咗豉油吃蓋過了鮮味。雞都好滑,但滾耐咗就好'鞋',所以唔好滾太耐,要快食。倉魚算新鮮,唔好滾太耐,否則唔滑;魚蛋爽口彈牙。粟米甜美;魚滑欠新鮮,唔彈牙。蜆好細粒,而且有幾粒滾極都唔開口, 即係唔新鮮。蠔大隻就大隻,但唔鮮味,好一般
我哋3個人到齊後,食物好快上哂枱,食材方面以廚師決定,我想大概是當天佢地有甚麼新鮮的便作當天的食材。有雞,倉魚,黑椒牛丸,魚蛋,蠔,蜆,魚滑,肥牛,花蟹,蝦,瀨尿蝦,鮑魚,粟米,蘿蔔,南瓜,油炸鬼則是最後送粥食的,還有一肚氣 醬料只有豉油辣椒蒜頭3種。
賣点粥底打邊爐,其實係粥水做湯底,當然唔多唔少都有落味精喇,之後佢教我哋先落蘿蔔粟米雞鮑魚（店員講咁就係鮑魚雞粥喎 咪講笑 滾一陣已夾 上來食,邊豎出到味,又是gimmick而已）
鮑魚跟指示5分鐘可食,時間啱啱好,好淋,但沒甚鮮味,可能沾咗豉油吃蓋過了鮮味。
雞都好滑,但滾耐咗就好'鞋',所以唔好滾太耐,要快食。
倉魚算新鮮,唔好滾太耐,否則唔滑;魚蛋爽口彈牙。
粟米甜美;魚滑欠新鮮,唔彈牙。蜆好細粒,而且有幾粒滾極都唔開口, 即係唔新鮮。
蠔大隻就大隻,但唔鮮味,好一般。
肥牛切得夠薄,唔鞋冇渣,算是全餐亮点之一。
花蟹係新鮮,但始終是平價蟹,啲肉比較削(明白一分錢一分貨,呢個價不可要求太多,食好野就唔會選擇呢間)
蝦同瀨尿蝦放埋一齊,紮紮跳好生猛,要揾隻碟蓋住免得跳出來;蝦係全餐另一亮点,咁生猛當然鮮甜美味;瀨尿蝦雖然生鮮,但(睇相都睇到)同蝦嘅size一樣,咁細隻實在好難起肉,起到都好少肉食。所以我個friend食完一隻便唔食
食到咁上下(限時關係),店員會黎撈走鍋中剩下之食物,雞油,過多的湯底,之後便加入一pat pat好杰既粥落鍋煮,滾約5分鐘後,賣点嘅粥一碗一碗上枱。
呷一口粥,没甚麼鮮味,粥是雖綿綿的,但要加鹽才有啲味。
老實說甚麼粥底打邊爐,所有食材海鮮精華落在最後的粥上,全是生意技倆,以此作招徠。
食物烚兩烚便可 起食,可有幾多精華,而且限時,個幾鐘已煮粥,鮮味向來
而且此店好趕咁,未夠8点半,食到七七八八,已吹你問呢碟食完未,嗰碟食完未,好有壓迫感,係你面前執枱。 更過份是我把剛放下飲完一口嘅啤酒,杯中還剩兩三啖,他問都冇問就一手拎起杯啤酒倒到鍋中,洗唔洗咁趕客, 都未夠鐘。
我見隔離枱仲誇張,啲客未走,喺客面前擺定位比下一輪客 實在令人反感
雖然$220有海鮮食,但限時又趕客咁,講真呢個價錢可以有好多其他更多選擇,.....大X口海鮮火鍋店平靚正,反正也是限食兩小時半
還有同場加映一肚氣(留待題外話寫),此店絕無下次
44 瀏覽
0 讚好
0 留言
34 瀏覽
0 讚好
0 留言
32 瀏覽
0 讚好
0 留言
25 瀏覽
0 讚好
0 留言
22 瀏覽
0 讚好
0 留言
16 瀏覽
0 讚好
0 留言
14 瀏覽
0 讚好
0 留言
23 瀏覽
0 讚好
0 留言
題外話/補充資料：
食到中途"一肚氣"上菜,我隻腳突然比熱湯濺中,而另一枱幾位女士亦被濺中,之後聽旁邊的店員喝罵另一店員,說被他撞到,搞到倒瀉啲湯,他只顧鬧人,同埋只叫他抹噃乾淨,完全沒有理會被濺既顧客,服務態度何其差,連基本禮貌亦沒有,sorry都唔識講。講真一間食店再好食,服務做得唔好,相信係唔會有回頭客,更何況佢嘅食物唔係出色
(以上食評乃用戶個人意見 , 並不代表OpenRice之觀點。)
張貼
