聚福小厨

營業中

休息中

今次係由我嘅麻甩系朋友帶我去覓食，佢話佢都係朋友嘅朋友推薦俾佢，所以平時淨係一大班人聚會先揀大排檔嘅我，都難得係三四個人聚會嘅時候揀呢類型嘅餐廳。不過作為一個Cafeholic，都係食返Café啱我，但係都寫一寫食評紀念下。份量都算唔錯，幾個人夾返份都真係好平。不過位置都比較隔涉啲，冇人帶路真係唔會去到。‣ 前菜佢嘅前菜係話梅蕃茄仔同埋醃酸蘿蔔，我覺得個蕃茄仔幾有誠意，冰冰凍凍、酸酸甜甜，都幾好食。順帶一提，佢仲有一壼冰茶放上枱，飲落我覺得似竹蔗茅根水，都幾有誠意幾特別。‣ XO大盤椰菜花 $88食椰菜花嘅時候就覺得好足鑊氣，同埋都真係好大兜，食嗰陣都真係覺得幾正，主要都係啲XO醬真係夠味，呢個價錢嚟講算係咁啦。‣ 脆皮燒乳鴿 $68/1隻我個麻甩朋友佢話呢到嘅乳鴿值得一試，推薦我哋試吓。佢一隻乳鴿其實都幾大隻嘅，都確實係幾香口，係炸得幾好。我同朋友講笑話見到個鴿仔頭就唔捨得食，佢話我扮晒野。‣ 桂林尖椒炒牛肉 $98我覺得個牛肉都醃得好腍，而且有少少辣先啱啱好，令到成兜菜聞更加香。啲椒本身都幾甜，都唔錯，但係啲小菜普遍份量比較多，咁就費事食到嘔，覺得啱啱好就收手。‣ 赤小豆粉葛豬骨湯

朋友住筲箕灣附近，於是嚟佢嗰頭搵好嘢食。佢話呢個呢係橫街小巷入邊有一間中菜，嗰度呢主打福建嘅菜式，我哋呢得兩個女仔啫，所以就唔會嗌好多嘅。😆有啲特色嘅菜式要提早預訂留意餐牌。門面見到餐牌都有幾多中菜選擇。我哋嗌咗三道菜。慢慢飲住茶。七彩炸蝦餅 $138五顏六色既星星形狀嘅麵包糠，賣相好靚。蝦餅啖啖肉，外層脆脆，內裏Q彈。福建滷麵 $128呢個麵大大碗，有好多蝦同埋貢丸，呢隻面對我嚟講好新鮮，因為未食過。個麵嘅份量好多，如果四個人食先會食得晒，佢嗰啲脆脆呢就係用蒜蓉嚟整嘅比較香口，面呢就係比較似湯羹嘅感覺。脆皮黑豚咕嚕肉 $108呢一隻咕嚕肉嘅肉質比較似炸豬扒排骨，青紅椒同埋菠蘿嘅份量啱啱好。脆皮係薄身，同平時食嗰啲唔同，唔會好厚粉，所以好好食🤤。仲有值得一提嘅係，我哋飲緊茶原來五花茶嚟㗎，唔怪得知有種好似飲緊涼茶嘅感覺，口感好清新涼快。餐廳嘅環境是一般嘅打冷舖頭，有大大嘅圓枱都有茶餐廳嘅卡位。我哋食緊飯嘅時候見到有一家大細喺大大海食福建菜，有一種溫馨嘅感覺。

朋友👧🏻好鍾意瓹窿瓹罅搵嘢食😜，呢日我哋跟住佢，佢👧🏻呢度行吓嗰度睇吓，行吓行吓再行吓就帶咗我哋嚟呢間小店3個人👧🏻👩🏻‍🎨🥷一齊開餐🤣$78「麻辣魚皮」：魚皮勁爽脆🤩，辣辣哋麻麻哋，仲見到加有花椒、花生、芫荽 等，香口好味兼開胃😋$118「招牌孜然扇子骨」：扇子骨係豬背部肩部下邊嘅嗰一塊骨骼，呢塊骨骼黐住嘅豬肉不但肉質美味，仲軟熟👍；餐廳嘅呢幾件「扇子骨」有好多肉，肉質香軟，孜然做法，都係香口又好味👍$108「脆炸五香卷」：呢個係福建美食，材料有 豬肉同埋馬蹄😁；「五香卷」外邊炸到脆脆哋，裏邊嘅馬蹄撈埋豬肉有啲啲爽口又軟滑，好食👍$138「聚福小炒王」：材料有蝦仁、蝦米、腰果、炸魚乾仔、魷魚、韭菜，炒得好香口 仲頗為大碟 😋$18「樽仔奶茶」：大廚話已經做咗30年，呢個「樽仔奶茶」真係做到超級滑，又夠晒濃郁，讚👍呢度嘅食物份量都幾多🤩，我哋3個人👧🏻👩🏻‍🎨🥷飽到呢😜

約埋朋友去呢間小炒試吓，book咗位7個人有張大枱。地方新淨，冷氣夠凍。店舖在小巷內，需要由筲箕灣道尾上小巷好隱蔽下。我有些餸忘記影相。我地叫咗杏汁豬肺湯，豉汁蒸鱔，豉油王鵝腸，苦瓜排骨煲，炒通菜以上啲餸味道都OK，如果湯再多杏汁濃啲就更好。自己覺得最好味係 七彩蝦餅炸子雞及菠蘿生炒骨。睇得出廚師用心煑。連埋炒麵 洒水，7人價錢合共仟4佰幾。好抵食。最後老闆得閒走出來傾下計，先知道佢地做了好多年中廚，仲請咗我哋幾台客食糖水，大家開心。

第二次去嗰度食餐廳食物質素差個人認為最抵食一定係福建卤面嗰度同啲朋友吹吓水都唔錯因為間舖都開到幾夜下 但係佢地方比較隔涉難啲可以去搵到佢食好西個人認為仲可以試吓嗰個鍋貼裏面每一啖都可以食到蝦 我唔知係因為新開舖定點單飯食滿$500或以上就有九折但呢個優惠剩係得一至四先有所以通常我都係一至四先去食😂😂同埋嗰個話梅蕃茄仔都係心機菜我見到佢有張蕃茄仔剝皮之後浸落啲話梅度同埋佢嘅份量都幾足唔會話好少氣氛都幾好過老闆仲會間唔中出嚟同你傾吓偈

返工路過附近，同同事一齊試吓呢一間餐廳😋叫咗幾款小菜，都幾有火候，同埋餐廳環境都算闊落👍🏻餐廳送咗兩款前菜俾我哋，係冰鎮蕃茄，同埋冰鎮蘿蔔，兩者食落都酸酸甜甜，超級開胃！✨粉葛眉豆豬骨湯好足料嘅豬骨湯，飲得出唔係味噌湯，高質👍🏻仲有粉葛同豬骨可以食！粉葛都夠粉，好入味！✨XO大盤椰菜花 $88想食辣，又想食蔬菜，就叫咗呢一款XO醬炒出嚟嘅椰菜花！小菜份量都多，而且食落嗰種嘅辣味好惹味，好適合送飯食！✨脆皮燒乳鴿 $68/1隻叫咗一隻燒乳鴿試吓，餐廳師傅燒得好金黃，熱辣辣燒出嚟，皮好脆，肉質食落都好嫩滑，而且仲有肉汁！✨桂林尖椒炒牛肉 $98仲叫咗一碟尖椒炒牛肉，尖椒令到成道菜色好辣，超惹味，牛肉一片片好新鮮，食落唔會太韌，反而咬落好軟腍😋而且牛嘅味道冇比尖椒掩蓋，牛味濃郁！不錯，而且師傅在牛肉炒得好有火候，食得出好有鑊氣！✨無糖可樂夏日炎炎，必點無糖可樂😋

筲箕灣哪裡有好吃的小菜? 聚福小厨主打粵菜和福建菜，無論在食材或是廚藝都十分精準。聚福小厨菜式選擇多元化，份量十足，定價也頗實惠，家庭聚餐和友人飯聚於聚福小厨保證滿載而歸。聚福小厨居然有消暑聖品話梅皇車厘茄，我當然二話不說點了起來，這道絕對是愛吃車厘茄的人必點。話梅皇車厘茄以話梅皇醃漬車厘茄，話梅皇的酸讓車厘茄更甜，清爽解膩又開胃，適合拿來當前菜，或者是飯後果，我們吃完一口後瘋狂接一口。招牌孜然扇子骨每根扇子骨上面都有許多肉，不會只有骨頭，扇子骨非常嫩口但又保有肉質一定的嚼勁，咬嚼起來輕而易舉。其孜然香氣濃郁，卻不會令人覺得過於重口味，加上繽紛的彩椒，讓招牌孜然扇子骨味道更豐富，喜歡大口吃肉一定要嚐嚐，實在過癮。蚵仔煎蛋驚艷無比，蚵仔飽滿肥美，給得毫不手軟，以往在餐廳所吃的蚵仔煎蛋總是用幾顆蚵仔點綴一大片的蛋，但在這裡，蚵仔才是老大，蛋反而只是配菜，蚵仔煎蛋用大火香煎，散發濃厚的鑊氣，焦香的氣味巴在蚵仔和蛋上，吃到如此到位的蚵仔煎蛋真是幸福。

星期六晚和老公到筲箕灣聚福小厨吃福建菜。這間新開的中菜小店，開在筲箕灣很出名的煲仔飯隔離，地點有點偏僻，但依然有很多客人光顧。菠蘿咕嚕蝦球菠蘿咕嚕肉就見得多，蝦球還是第一次見，原來是幾搭配的，欣賞它的芡汁不會太多，蝦球炸得很香脆，味道酸酸甜甜的。沙嗲金菇牛肉煲味道不會過鹹，牛肉不會柴，芡汁也不會過多，送飯一流。鹹魚蒸肉餅雖然他的賣相平平無奇，但是卻令人驚艷，肉餅彈牙又嫩滑，非常好吃。當然要叫白飯來配這些菜啦。

筲箕灣是一個我比較少去的地方，因為對我來說比較遠，不過有朋友推介這區一間吃小菜的小店，我就趁週五晚相約朋友來試試，餐廳原來位於一小巷中，有點隱世尋秘的感覺。餐廳提供夏枯草當作茶，食熱氣食物也不怕。豆腐蠔仔羹$128份量比想像中多，比較適合三四人分享，湯羹的湯底帶鮮味，每一口都有滑嫩的豆腐，以及蠔味濃郁的蠔仔，留意到這款蠔仔較平常見到的深色，原來是來自福建，亦即是台灣蚵仔煎用的蠔仔。脆皮炸子雞（半隻）$138雞皮炸得金黃酥脆，肉質鮮嫩多汁，半隻雞的份量適中，兩個人吃也都適合，調味剛好不會太鹹。啫啫通菜煲$98家裡多是吃烚菜，來到外面想吃惹味的菜，啫啫通菜煲是好選擇，煲裡的通菜爽口，啫啫醬汁香濃，還有一些肉碎及蝦乾等材料，吃菜變成樂事。整體來說，聚福小廚提供了多種美味的選擇，無論是湯品、肉類還是蔬菜都做得很出色，特別一提它的菜式選擇非常多，可以來吃很多次試不同菜式。

真係幾好味道，曾經在香港游艇会主廚，现在自己下乡在这后巷餐廳避世吸引众多街坊帮称，以獨有的味雷迅速在筲箕灣夜市站起來，好像招牌扇子骨烧得好好不干不燥配上孜然粉一流😋，還有福建菜鹵面128蚊四人份量😋福建蚵仔煎蠔仔分量特別多值得一讚以後會经常去幫稱💪🍷🍷

早前在筲箕灣同一位朋友一齊行山後剛經過，遇到一間小店： 聚福小廚， 原來是由福建人開的人情味小店， 仲傾下計得知佢地剛開無耐，今次我們幫襯可品嚐到不少美味的福建菜式呢！福建馬膠羮第一次品嘗的菜式，好特別又豐富的特產小吃，魚滑口感香口腍滑，加上椰菜花清新可口！雷鼓虎皮尖椒皮蛋用一個筒裝起，尖椒新鮮又辣味十足，加埋皮蛋等陣陣麻油香味俱全好惹味喔！聚福小廚地址: 香港筲箕灣愛民街6-28號新利大廈地下低層3A號舖

朋友喺自己食開嘅飯堂隔離見到一間新開嘅餐廳叫做聚福小廚，又係幾香幾多人晏晝時間會去食，今日就拉埋我過嚟試。餐廳位置喺巷仔入邊，唔知窿路真係會錯過咗，好彩餐廳喺大街都擺咗一塊牌做吓宣傳👍🏻👍🏻 餐廳唔算大，但好乾淨，仲有面紙提供。店員姐姐(姨姨?🙈🤣) 好好服務，好有笑容，我哋一坐低就俾咗一壺五花茶我哋飲。好有驚喜，冇諗過普通茶水會係五花茶，仲要足料，朋友食到羅漢果嘅味，平時唔飲涼茶嘅我，即刻覺得個人健康咗🫣🤩私家辣子雞（半隻） （ $138 ）首先，份量好大碟已經心心眼，加上佢好香麻辣味，已經令我胃口大開！雞肉鮮嫩多汁，外皮酥脆，入口即刻食到麻辣味道，好惹味！麻辣的調味拿捏得恰到好處，唔會過於刺激，淨係食到辣味，同時又品嘗到雞肉既嫩滑，令人回味無窮！🫰雲耳西芹炒鐵筆淮山 （ $98 ）冒住煙上碟，睇得出廚師真係即叫即整。鐵筆淮山炒完之後口感柔滑，好易入口、西芹好脆爽、雲耳就好清爽鮮甜。醬汁唔會太濃味，岩岩好令到3款食材味道更加突出。呢道菜清新爽口，可以中和另外兩道菜既濃郁感，感覺我地叫得幾好 😎😆豉油蚵馬友（ $168 ）就咁睇相都feel到馬友好入味，馬友本身肉質細滑，彈牙可口，配上

福建炒米粉：蝦肉挺大 肉丸嫩滑有驚喜 竟然有蠔仔還很多！鹿茸菇燉烏雞湯：🐔湯望落都唔油 可以看到材料豐富 最鍾意係 加了鹿茸菇每一口都好鮮甜避風塘靚蝦🦐🦐蝦一定要趁熱吃！蝦殼特別酥脆 一啖咬落去 唔需要特別送飯 夠味！話梅皇車厘茄🍅一定要嘗試的是這個！番茄➕話梅 很特別的搭配 酸甜中帶點鹹 感覺很可以 開胃 或者 當飯後小甜品都不錯👍偶遇筲箕灣的美食，話梅車厘茄好好味，夏日開胃小菜，裡面的職員都很親切。下次會再來食😍😋

筲箕灣天悅後街有間隱世餐廳，價錢親民，用料夠足又有睇頭，食過覺得幾好食。杏汁菜乾豬肺湯 濃郁的杏仁香氣,圓潤而不膩,配上軟嫩的豬肺與清脆的菜乾,口感層次豐富。湯汁質地適中,滑潤順口,回甘饒韻,層次分明,層層遞進,令人回味無窮。陳醋海蜇花清新爽口,海蜇花的脆嫩口感與陳醋的微酸完美融合。開啟味蕾時,首先感受到海蜇花的清甜,緊接著陳醋的酸香！鍋貼小棠菜鍋貼的外皮金黃酥脆,咬下即可聽見"嘎滋"一聲,餡料飽滿多汁,小棠菜鮮嫩爽口,層次豐富。餡料中肉餡Q彈有嚼勁,與清脆的小棠菜形成鮮明對比,口感層次分明。蝦膠餡料的相互融合,在口中爆發出層出不窮的滋味。薑酒爆烏雞薑的辛香與酒的醇厚交織在一起。入口即感受到烏雞肉質細膩爽滑,帶著恰到好處的嚼勁,配合薑酒的醇厚醬汁,回味悠長。