聯和素食 (已結業)

遊覽完蓬瀛仙館、雲泉仙館和坪洋壁畫村後，我和朋友回到粉嶺市中心吃午餐。在粉嶺，除了之前參觀過的兩間道觀有提供素菜外，應該只有這間聯和素食了。 原來這裡已營業四年。 祝願它可以繼續經營下去。 小小的店子有家庭式餐廳的感覺。想像左鄰右舍到此吃飯，有說有笑的情景很親切。我們最先進入店內，其後有一女士光顧，與店主和店員閒話家常。可見是位老顧客。餐單上有家常小菜，也有日式壽司。菜式如有蛋、奶會在名稱旁邊註明。以下都是沒有註明有蛋和奶的菜式，除了朋友點給自己吃的玉子壽司。 我先點了酸辣素海鮮豆腐羮，$78。 材料很豐富呢！ 我喜歡湯羹，又喜歡豆腐。 滑溜溜的豆腐滑到喉嚨中，很棒！ 還有很多很多的綠葉菜（芥蘭？）、冬菇、紅蘿蔔和素魷魚（蒟蒻製）。 食材塞滿了我們的嘴巴。 然而，酸辣味不足。 只嚐到淡淡的酸味，微不足道的程度。 牛油果壽司（兩件），$16。（旁邊是朋友點的玉子壽司（兩件），$13。） 餐單上寫的是手握壽司。壽司的賣相不錯。不過，我起初以為是牛油果被壽司飯包著的。原來放到壽司飯表面，外以紫菜覆蓋。牛油果很新鮮。看樣子已很吸引了。軟滑的牛油果配壽司飯來吃，牛油果像溶化了的口感。鼻子則迎

去和聯和素食,叫左魚香茄子煲,有心思之作,除左茄子+素肉外,仲有菜心做底煮茄子軟硬度適中,味道岩岩好,唔太咸又夠辣,岩晒我口味但始終食材方面,始終係素食關係唔放得耐,d菜蔬有小小唔夠新鮮同色澤,要改進下我都明白的,因我對這店都有很大寄望的員工很友善,很有人情味,很少食店會有的!坐位ok舒服的,因無咩人,一定會長期幫襯!如果價錢平d就好啦!因為如果$78,d人寧靜食其他野好過!

同事題意黎食下齋，黎到聯和素食，原來呢度好出名，要訂枱架，如果唔係lunch time有排等。今日好好彩，老闆幫我地叫啲食客掉位黎讓張大枱比我地，等左一陣就有位。餐牌好多野揀，雖然話係素，但啲名都係“肉”黎架喎，快快落單試下先。老闆問開唔開茶開就計茶錢，咁鐘意飲茶嘅我梗係開啦，普洱茶，水滾茶靚。另叫小炒餐就有餐湯送，雖然無人人叫餐，但老闆都比足咁多人頭。紅青蘿蔔粟米湯，清甜好飲。黑醋琵琶豆腐 $58新鮮炸起好香口，一啲都唔油，豆腐淋得黎又口有咬口，點啲黑醋汁好開胃，食哂都唔覺膩。金牌生炒骨 $58甜甜酸酸好正，雖然係素，但食落好真，有排骨味，大大碟，正呀。燒汁素鰻魚飯 $38個樣望落唔似鰻魚，但又真係有鰻魚味喎，好搞笑。超大碗飯，如果燒汁再多啲就好啦，撈汁好好味。川味素回鍋肉 $58又係好真回鍋肉味，仲有肉嘅口感，唔知用咩整肥膏個part呢？半透明個樣超真！！西芹老左啲有，其他炒得好味。酵母刺身壽司 $38刺身個樣真係呃得人呀！但可惜味同口感都唔似，都幾好味嘅，黃色粉唔知係咩黎呢？食唔出有味？價錢都幾大眾化，老闆又勤加水，但廚房得一個，出菜出得慢，趕時間就唔多識合黎嘞。

講真﹐碟麵真係唔難食﹐只能說未能習慣$38一碟豉油皇炒麵﹐CCTVB午間新聞都過一半時間(即約十分鐘)都未到附送青紅蘿蔔湯﹐無肉﹐但好甜﹐除了店舖內售賣的各種新奇食品/添加劑﹐又或者加糖﹐真係唔知點仲有乜煲得出呢種甜味碟麵黎到﹐好熱﹐有鑊氣﹐不過麵質唔得最唔習慣的是用草菇﹑蘿蔔絲炒﹐令碟野又係甜既甜既豉油皇炒麵﹐我真係習慣唔到囉$38﹐後面水上人粥店賣$11﹐好食好多牆上好似好有氣質的有兩對對聯講佢地個名另有一首詩﹐頭兩句係﹕一粥一飯，當思來處不易。半絲半縷，恆念物力維艱。後兩句作得好差又唔同人講頭兩句係引自《朱子治家格言》價錢已經夠抽水﹐連作詩都勁抽水。。。

茹素或是喜愛素食的大家，有沒有發現，經常接觸的大大小小素菜館，都是傳統又傳統的中式味道，若他們要搞特色一點，一是會抬高幾個價位，一是純西式，純主題，沒有地方可以一次過讓我們嚐盡心中素。這一日，太太說要去粉嶺聯和墟找一家商店，陪行的我就負責找找附近有沒有什麼好的地方午膳，網上尋一下，就出現了這一家《聯和素食》。《聯和素食》，從名字中已能看得到，她是一間位於聯和墟的素食館，街道縱橫交錯的小墟市，要 locate 這一間餐廳，對區外人來說，絕對是不容易。泊好車，幫太太 locate 了她要找的商場，原來這一間餐廳就位於通往這商場的其中一條行人專用小巷內，位置顯眼而明確。同一般的素食館子一樣，入內總會給你一種特別安寧的感覺，店子不大，檯凳擺設亦很普通，但當你留意一下牆壁，你會發現店主是一個充滿詩意的人，巧妙地用了《聯和》二字做店名，也巧妙地用了《聯和》來為店子作了一道對聯，詩意十足。我們看中了這兒的日式素食，首先就一人一條手卷，日式素軟殼蟹手卷，以炸脆的麵筋來仿軟殼蟹，入口的感覺是外層香脆，咀嚼時亦有充份的煙韌感，配合了正宗的珍珠米，牛油果同千島醬，口感豐富，味道也豐富。牛油果手卷，好似正確的

尋晚同屋企人去食呢間素食, 我之前未食過的, 但媽媽食過話好味, 所以一家五口去食下, 由於另外哥哥未到, 所以我地叫住兩樣餅食下先, 一坐低侍應就話因為係一周年, 所以有碟小食送,裡面有青瓜,雲耳同一樣好似菇既野, 幾好味!!跟住我地叫左松子蛋白炒飯同埋小炒王, 兩樣餸都ok等待其間送到沙葛眉豆湯, 好飲之後等埋哥哥黎到就可以叫餸了鮑魚海鮮一品煲, 呢個好多材料, 有菇,菜心, 飽魚, 菜心索哂啲汁, 好好味,日式黃金燒餅, 呢個好味, 做到好似日本野咁樣金菇牛卷, 呢個都好正, 放哂一舊係口, 好惹味椒鹽茄子豆腐, 呢個就味唔太重, 無乜特別咖哩大法包, 呢個屋企人最愛, 因為佢加喱包裡面好多材料, 有西蘭花, 青椒, 薯仔, 同肉丸,我爸爸攬住食唔放手, 最後自己清左大半個, 肉丸做到裡面好似有肉咁!!豉汁肉片炒河, 呢個係比較有黑椒味, 辣辣地,可惜到最後已經太飽, 食唔落了><賣單最後折左$472, 因為一週年, 仲送左三張50蚊coupon, 可以下次用, 我會再來食的!!p.s. 服務態度好好

我是被素壽司所吸引而去試下呢一間素食餐廳, 我同朋友仔2個人點左2款食物,第1副圖是咖哩大法包, 第2張圖是素壽司咖哩大法包裏面好多材料, 有西蘭花, 紅椒綠椒, 素蝦, 齋貢丸個咖哩包比我好大驚喜,因為好好食呀 十分推介整體上食不出是素, 由其是個齋貢丸, 作為肉食者我完全食吾出個貢丸是無肉,老闆娘話是用冬菇腳dum出泥, 像真度極高. 素蝦亦好有質感.>^<我地問過老闆娘,她說個咖哩包是現成齋, 每日有限定供應,手快有手慢無接着, 素壽司好得意, 牛油果, 蛋, 素鴨, 齋鮑魚, 素鮋魚 同 黑松露花之戀素壽司對我是新式食品, 雖然口感好特別,試一次就好, 因為始終感覺比較人工色素重,不坊可以一試,都幾好食架>^<經過今次素食體驗,我對素食有全新的看法P.S 間舖頭的老闆娘同伙記都好好人~分享完畢~

這間餐廳基本上已成為我最近午飯必去的餐廳﹐清淡味道﹐分量夠﹐價錢實惠。兩餸客飯$28﹐可選白飯或金菇素肉碎粥﹐送素例湯 (例如粟米紅蘿白合桃湯)﹐本人十分喜歡﹐沒想到沒有加入肉類的湯都如此的清甜味道。除了熱湯以外﹐亦可選羅漢果茶﹐喜歡他們的羅漢果茶﹐容易入口﹐味道甘甜潤喉﹐問過店員﹐甜味是因為加入了甘草。都值得一試﹗他們的壽司及手卷﹐都值得一試﹗原來素菜都可以做出和原味壽司一樣的真味及口感。特別是軟殼蟹手卷﹐令我對素食有如此多的款式和變化﹐大開眼計﹗食厭了舊式素菜﹐可試試這些新派素食﹐感覺煥然一新﹗因為新開的原因﹐出餐和店員人手一點不足﹐爆場的時候﹐出餐和服務可能會有延誤﹐希望會多加改善﹐好好安排店員的工作崗位。店員位位都十分有善和有禮﹐值得讚﹗逢星期三休息(初一及十五除外)﹐只做午市﹐下午茶及晚市。

我去了3次, 2次午餐, 1次晚餐, 水準保持到.特別是老火素湯, 味道很好, 相當好飲,不比肉湯差..還有素食壽司吃. , 雖然我沒有吃, 但隔離枱有客人吃, 她說上次吃了, 今次再吃.她還點了雲吞noodle. 我要了一份午餐, 少飯, 兼一碗雲吞. 雲吞內有素蝦,雲耳, 味道清新.雖然是素食, 但味道不錯. 給愛健康人士多一個選擇. 午餐$28-32 在右, 跟粥或白飯, 及老火湯.如果有狗隻, 可坐outside.定休日為星期三.

那天去完粉嶺圖書館，出來感覺肚餓，於是便走去聯和墟附近看看有什麼好吃，行下行下，見到有間素食佔，就一於吃吃素吧，順便清清腸胃！我一見到餐牌便立刻叫蕃茄炒蛋客飯，由於這兒是食素的，所以沒有蔥之類伴碟，但都不緊要，好吃便可以了！好好味，ｄ蕃茄好好味，而炒蛋亦好滑，好正！服務態度不錯，下次我會和媽媽來，試試她的素翅！