聯發燒臘飯麵家

營業中

休息中

📍聯發燒臘飯麵家 (荃灣)荃灣荃灣街市街17號地舖今日突然之間好想買燒味飯食…行咗幾條街 見到呢間聯發燒臘飯麵家 堂食都幾多人…應該都唔會伏嘅…雙拼$57😳其實都幾貴…不過都試試…✨叉燒油雞飯 $57 滿心歡喜 拎到返屋企打開諗住食叉燒同油雞份量都好少 賣相不吸引叉燒肉質不夠軟嫩雞肉還好….但啖啖骨極少肉除左賣相不吸引 連味道也難以下嚥垃圾燒味飯🤮🤮🤮整體用餐體驗✨味道(1/5)✨環境(1/5)✨服務(1/5)
✨抵食(1/5)

叫外賣飯盒，返到去打開，俾埋啲頭頭尾尾，伙記啲態度又差.外買就俾啲咁嘅嘢人哋，嘥咗錢都事小，又要嘥時間落街買過…………………………………………………………………

前日(30-1-2023 Mon)年初九放工後同老公去睇爸爸,再問護士情況至走,咁就晏咗,須要斬料加餸,老公先返去炒個菜,我自己沿街市街向大河道行,經過兩間有賣滷水鵝,一間賣鹽水鵝,由於前一晚已經食咗滷水鵝,所以唔食呢啲喇,一心走嚟呢喥買燒鴨啦.我要半隻燒鴨,盛惠$110.00,返到屋企安頓好晒就開餐.呢個鴨香好夠,又唔太鹹,老公讚好食.上次食評係2022年12月28日刊登嘅呢篇: https://www.openrice.com/zh/hongkong/review/%E6%96%B7%E6%96%B7%E7%BA%8C%E7%BA%8C%E5%92%81%E5%B9%AB%E8%B6%81-e4662280

見佢舊式鋪面 應該都唔差入去叫左雙拼燒肉油雞飯食過咁多間燒味飯，第一次食油雞係咁多雞毛當時有同樓面反映佢笑着回應係咁架 最後我一舊都冇食又唔肯換，保證一定唔會有下次

噚日(27-12-2022 Tue)聖誕節第二日補假,同老公又送膠後,買餸前食早午餐,諗唔到食邊間,行到嚟附近,老公話食飯當埋lunch,咁燒味飯啦,去宏泰(https://www.openrice.com/zh/hongkong/r-%E5%AE%8F%E6%B3%B0%E7%87%92%E5%91%B3%E9%A4%90%E5%BB%B3-%E8%8D%83%E7%81%A3-%E6%B8%AF%E5%BC%8F-%E7%87%92%E8%87%98-r658349)?唔去住啦,嗰喥座位較迫,見到呢間老字號冇乜人,又好似闊落啲,就試呢間啦.我哋入到去,已經冇晒卡位,咁坐圓枱啦,睇完menu,決定要$47.00嘅油雞燒鴨瀨,老公要$55.00嘅膶腸切雞飯一碟,要一碗$9.00嘅例湯.例湯永遠都係即叫即有,但我哋唔飲住,食咗飯同瀨粉先,我嘅油雞燒鴨瀨分別俾咗雞翼同鴨胸我,啖啖肉嘅鴨胸啱我,味道正常,不過皮已經唔脆.味道:3分油雞嘅皮味道幾濃,但我竟然食到茶葉蛋嘅味,唔通係茶葉雞?我覺得麻麻,但肉質係嫩滑嘅.味道:1.5分而瀨粉爽口嘅,不過啖湯味道好淡.味道:3分我試老公嘅白切雞,佢嗰啲

心郁郁想食叉燒飯，又諗唔到食邊間，咁岩行過經過見到就去咗買一個叉燒飯嚟食。買嗰陣時先發覺原來佢啲燒味嘅價錢都唔平，比起一般嘅貴少少。但係食落去嘅質素又唔係特別好，叉燒又唔係好嫩，一般般。

換左個燒臘師傅佢喇 幫公司倒米咁5十幾食個雙拼 啲雞唔係骨就脂肪皮 叉燒仲慘。又瘦又干 食落口有陣餿水味 一擺落口就反胃feel 一舊餸都無食過 含淚就咁蔥油撈飯食完就算 次次收工21:00番屋企行過見你地無客都正常既

大前日(9-4-2022 Sat)同老公喺荃灣行,行完都要買餸喇,買咩好?買燒鴨上庄返屋企煮味菜火鴨絲炆米,去邊喥買?呢間啦.嚟到時都多人買嘢,用咗$45.00買,返到屋企打開睇,顏色ok 嘅,偷食一件,味道係啱啱好,不過皮已經唔脆,比起宏泰好似差啲.上次食評係2011年10月8日刊登嘅呢篇:https://www.openrice.com/zh/hongkong/review/%E5%94%94%E4%BF%82%E6%88%91%E6%9D%AF%E8%8C%B6-e2199729

今日專程去左荃灣老字號燒臘餐廳🥓聯發燒臘飯麵家🍚吃午餐，同友人點了以下2款雙拼燒味飯：1️⃣叉燒白切雞飯 $53 美味指數：⭕️⭕️⭕️⭕️❌賣相指數：⭕️⭕️⭕️❌❌抵食指數：⭕️⭕️⭕️❌❌2️⃣叉燒燒鵝飯 $58美味指數：⭕️⭕️⭕️⭕️❌賣相指數：⭕️⭕️⭕️❌❌抵食指數：⭕️⭕️⭕️❌❌呢間燒味舖係荃灣的老字號，燒味是即場烤焗，所以燒臘都特別香跪可口，而且肉汁豐富❗️是少有的即場烤制燒臘食店👍🏻唯價錢略為偏貴。

大街燒味店look，55蚊雙拼飯😳😳，以為有小小質素，點知比街市30蚊飯仲要差好多，叉燒又乾又無甜味，燒鴨又材又咸，仲要勁多骨位，55蚊食唔到一半就掉q左，食到我有d感嘆點解咁嘅舖頭可以做到咁多年，仲要有時經過竟然有人排隊，大佬，求其去任何一間街市d燒味飯都好食過佢啦，係咪要咁做賤自己呀，唔係講笑，呢次經歷簡直有d毀左我對荃灣美食嘅印象，畢竟係我心目中荃灣d食物質素平均都幾高。上次食季季紅感覺非常良好，可惜荃灣分店反而執左，真係無天理。

叉燒燒肉飯$53突然口痕想買餐食燒味嚟食，即刻諗到喺荃灣呢一間老字號嘅燒味店，令人最念念不忘嘅係佢嘅叉燒同埋係地爐金豬。一入到去就係一啲舊式燒味舖嘅風格，燒味檔同埋幾張卡位，中間仲放咗幾張圓枱，喺疫情前逢親午市晚市都會爆曬棚，但而家暫時都係每張枱坐兩個人左右。今次叫咗個叉燒燒肉飯叉燒軟熟香甜仲有一陣微微嘅炭香，燒肉皮脆同樣有一陣炭香，飯粒分明，其中想講佢哋嘅姜蓉，食落蔥味十足仲帶薑嘅香味配飯一流😋

今日買左一盒又貴（$100）又難吃的叉燒，我從未吃過咁難食，真是好好好難吃，竟然會係一間老字號燒味鋪搵到。 大家可以看看圖片，薄切無汗又柴，性價比超低，大家買前請三思。 以後唔會幫襯！之前買過燒肉就一般，比較咸，味道還可以～ 但無諗過最大眾化的香港美食都搞成咁，宜d市道仲要整到咁既水準，真的想提早結業吧。 買到盒差燒諗到上黎比差評，先見到原來已經有咁強差評，下次真是要睇左評論先消費，唔是隨時中伏。。。。。

我真係未見過燒臘檔賣$360一隻白切雞，咁買燒肉啦結果又柴又鞋又咸，燒鴨同樣勁咸，香腸生腸反而覺得幾好，但係燒臘檔主打應該係燒臘喎，荃灣咁多年真係唔知點解咁多人排隊幫襯

行過見有幾多人坐,諗住唔會差得去邊,咪叫個外賣返公司食,點知就係咁中晒伏.先講講買嗰個過程,收銀都OK態度,但$55蚊個雙併飯真係有D乸利,心諗應該有返咁上下水準.睇住張單吉左喺度,成2分鐘都冇人理,最後有人放左張單喺盒打開O既飯上面,又等左2分鐘冇人理,突然有個樓面阿叔態度好惡劣咁同個食客阿嬸嘈交,好似話走色但落左豉油,心諗俾個碟人地咪算囉.說時遲那時快,睇唔到佢幾時斬好D燒味就放左落袋俾我,前前後後用左5分鐘.............返到公司,打開一睇真係打個凸,盒飯好似打完風咁(我拎得好平穩),D飯相對少,食第一啖飯就出事,好硬,好似喺微波爐叮過龍咁,雖然第二啖好D,但係都係偏硬,再食舊燒肉,D皮一D都唔呃,仲行過見有幾多人坐,諗住唔會差得去邊,咪叫個外賣返公司食,點知就係咁中晒伏.先講講買嗰個過程,收銀都OK態度,但$55蚊個雙併飯真係有D乸利,心諗應該有返咁上下水準.睇住張單吉左喺度,成2分鐘都冇人理,最後有人放左張單喺盒打開O既飯上面,又等左2分鐘冇人理,突然有個樓面阿叔態度好惡劣咁同個食客阿嬸嘈交,好似話走色但落左豉油,心諗俾個碟人地咪算囉.說時遲那時快,睇唔到佢幾時斬好

話說今日好想吃燒味，但太興老闆廿蚊張咁devil,點食得落呢？咁唯有周圍search下有冇黃色燒味舖，原來係冇嘅...喺select the less evil嘅原則下，我入咗聯發，唔知佢係未黃店，但起碼唔係藍店先。中年叔叔侍應幾有禮貌，見客人嚟即刻抹好張枱，又有少少笑容，算係咁啦！睇下餐牌，都係草根D，但勝在簡單易明，食物取價都好公道，比太興仲平D㖭！一於叫個叉鵝飯食下啦！再加個明火例湯，正吖喂！嘩嘩嘩！簡直感動到想喊吖！叉燒厚切，半肥瘦，肉汁豐富，焦香可口，銷魂過黯然銷魂飯燒鵝俾咗胸部，但一啲都唔柴，而燒鵝皮仲要係脆㗎，問你點抵抗絲苗白飯，粒粒分明，而且又有米香，perfect池最後，一大碗足料例湯，唔係咩矜貴用料，都係燒豬骨同白菜齊齊煲，但就真係老一代人嘅傳統，好味到爆埋單先61蚊，咁嘅分量，咁嘅質素，睇唔到咩理由要繼續幫襯太興lor!另外，建議黃色經濟圈盡快搶灘燒味界，唔係餓親叉雞飯吖叔點算呢！p.s.今次食評要配合番草根燒味嘅特色同食完後的滾動心情，所以風格有少少改變。