聯發牛什粉麵茶餐廳 (已結業)

勁耐冇嚟呢度食，好似由細到大都已經存在😉一直以來都咁多人，而且質素好好嘅平民價錢，好味過出面出名嘅好多，而家好多出名嘅都名過其實除咗牛腩牛雜之外，雲吞都多人食，經常見到啲人即刻喺出面包🤣🤣阿媽唔食牛就食雲吞河粉！河粉今日阿媽話有彈性好味我碗牛雜超靚仔！幾肚餓都要幫佢影個寫真先🤣🤣每次都係好穩定兩舊大牛肺，一舊好細嘅牛膀（永遠都係咁少，無論係邊間食）珍貴的位置！同埋四片金錢肚 好似係$36 ！平靚正快所以我阿哥就算疫情時候都堅持嚟食😂😂😂嚟得呢度就唔好要求服務同埋環境，平靚正質素好重要要求呢啲就肯定唔會比㗎啦！但係已經性價比超高

依間粉麵店，都已經幫襯咗好多年，因為依區真係冇其他傳統粉麵店。鋪頭係街市入面，環境就真係迫啲，亂啲，次次都要自己揾位，不過都係附近街坊，食完就好快走。- 牛腩米依度招牌係牛腩，牛腩部位好，多數都係半肥瘦，好淋，又有啲咬口。腩汁好濃，加少少辣椒油，就已經好好食。- 牛筋牛腩河 牛筋，牛腩，兩樣份量都唔少。牛筋軟淋淋，好好食。每次黎食都係坐滿人，要等位，自己揾位，同埋座位好迫。不過價錢真係平，而且有質素，傳統粉麵店都係著重平靚正，環境享受就要去第二間。

依家間牛腩麵在街市入面，環境一般，坐位都十分狹窄。但勝在價錢便宜，味道一流和份量十足。我每一次食都必定點牛腩河多腩汁和多蔥。湯底清甜，牛腩夠淋和濃郁牛味，而河粉十分滑溜。今次我加了6蚊要牛筋，牛筋亦豐富有骨膠原， 入口即溶，都值得一試。一碗令人日日食，都唔會覺得厭的牛腩河。 （牛腩100%推介）

上次食完佢個牛雜河，覺得質素不錯，所以今日又黎左幫襯呢間小店😋😋由於佢係喺街市入面，所以都唔好期望佢嘅衛生環境會好好😖但一間街市裡面有間性價比咁唔錯嘅麵舖，已經好難得。🍜牛腩餃子麵 $36+6（雙拼+6）🌕🌕🌕🌗🌑唔知係咪因為同侍應特別要求左要啲肥啲嘅牛腩🐮所以今次啲牛腩幾靚，半肥瘦，食落都完全唔會好老同好靭😋😋餃子嘅餡有蝦同木耳，外皮極薄滑，味道正常。麵底都好爽，唔會太大浸鹼水味👍🏼🍜牛腩雲吞河$36+6 🌕🌕🌕🌑🌑呢碗牛腩相對瘦啲，但都唔錯，唔會好老同好靭。雲吞就一般般😕河粉都幾滑👍🏼個人黎講好鍾意佢除左蔥之外仲加左芹菜同炸蒜，味道豐富好多😋😋☕️茶走 （+$5）🌕🌕🌗🌑🌑過甜得黎茶底好苦澀，有好大進步空間🙁整體黎講，牛腩/牛雜粉麵嘅性價比幾高，但雲吞餃子就一般。如果經過馬鞍山可以一試佢嘅牛腩麵😛

其實幫襯咗聯發好多年，一直覺得佢哋D牛腩牛什好有水準，不過感覺為屋邨麵檔寫賽後報告，好似有D奇怪，所以一直都無咁做。直至前排試過旺角某新開牛雜牛腸窩的經歷，實在感到值得表揚一下佢哋。九點半去到，搵個位坐低，叫咗碗牛腩肥腸紫菜河走青；強調！講咗肥腸都未必有，要睇時間，早去通常有，不過無的話D姐姐會話你知。碗麵咩質素唔洗我講都睇到啦🤣🤣$54有埋杯凍檸茶，又好食又抵食！肥腸唔韌肥膏都好甘香，牛腩唔係會「嘩」一聲嗰啲，正常發揮！凍檸茶話少冰就真係少冰，呢個形容好似有啲搞笑，但其實好多茶餐廳，講咗少冰都係咁多冰🤷🏻‍♂️現今YouTuber介紹食店，大家好易盲舂舂衝去食⋯⋯包括我自己🫣🫣，不過冇辦法，唯有睇多兩篇食評囉！

身為街坊食客幫襯過無數次，但無下次，人生第一次買外賣買得咁難堪。長話短說，我叫咗兩個湯粉外賣，遞咗張單俾一個呀姐，外形短髮矮小帶鄉音。等左約2分鐘，我走過去問係咪攞得，呀姐面帶笑容叫我等等，因為湯粉分開上會分袋裝，我仲笑笑回響好。當時除我以外，見唔到有其他人等外賣。過左1分鐘，同一個呀姐「叫」我過去攞外賣，於是我去攞，走之前我專登再問多次係咪已經攞得？佢答我係。當我上左條電梯，隱約見到入面碗嘢唔我要嘅嘢，我又急急腳跑返去，天真以為係呀姐無心之失，換完就無事。點知到咗門口，同一個呀姐瘋狂鬧我自己無聽清楚就攞搞到拎錯野，連番責罵，而另一個男外賣客正是等緊我拎返黎，佢不停講算啦算啦都攞返黎啦無事啦，但呀姐繼續鬧我無聽人講清楚擅作主張。真妙，可能當時出現左兩個時空，而呀姐堅信自己個腦有講得清清楚楚明明白白吧。我一直以來都支持小店，但好失望，原來有一間食店係咁樣做生意，希望大家引以為鑑。

食物選擇種類不多，食物麻麻，餐廳衛生很差（有曱甴走過），還試過有老鼠跑過。還有一路包雲吞，中途見包雲吞的員工清潔完自己的鼻水，之後沒有洗手就繼續包雲吞 水餃。感覺真係好差員工態度惡劣，對客人非常不禮貌

牛腩入味嫩口， 齒頰留香，奶茶香滑回味，奶同茶比例剛剛好。辣醬多料用心制作，食出新口味層出不窮，食得辣之人不妨可當 wasabi咁上落牛腩度食，炸魚皮浸淋少少上辣醬加醋 食無得輸。 水餃雲吞牛肚都好有準，係我食過最好食嘅一檔牛腩檔。環境就比較狹窄， 繁忙時間需要時間等位，但為左食佢係值得嘅。餐具明顯睇得出有歷史，有老香港嘅地道同人情味。不過最好可以換批新嘅最好，食得更開心 喺食物上嘅出色已經 蓋過所有嘢 ，值回票價。一個字講晒，絕。

沙漠劣食 - 牛腩河位於馬鞍山新港城街市粉麵檔，鋪頭既牛什牛腩一向都係街坊讚賞既，今日就由佢做第一站，作為美食沙漠分享既開始😂牛腩河 （$29）牛腩河當然最重要就係牛腩啦，佢牛腩果然唔錯，每一舊都半肥瘦，食落去唔會韌同乾柴柴，入味又淋👍 不過河粉就一般般啦，河粉比較碎搞到好難夾，建議大家要蔥，感覺好食好多，湯正正常常唔會太咸，不過以呢個價錢，確係食得過既👌聯發牛什粉麵茶餐廳 - 馬鞍山新港城街市55-62號舖

今日適逢收早 肥仔home office 專登留肚去搵肥仔食下午茶 之後食飽就去睇戲 但鑑於天氣太熱太焗 唔想食飯 忽然記得肥仔講過有間粉麵推薦 於是叫肥仔帶我去食 二話不說 我地叫左2碗牛腩河 魚皮 同 生菜 牛腩河個河粉比市面上既河粉粗身D都幾有口感 個腩汁絕對係靈魂精髓 好入味 牛腩似係牛坑腩 平靚正之選都只係$29碗大大碗 呢個價錢去邊到搵呀真係 極推薦生菜浸哂腩汁咁上碟 有腩汁便無敵 好歡樂呀 仲估佢會比蠔油我 魚皮就太硬身 我覺得一般

我是聯發的常客，每逢假期差不多每天都會到哪裡吃，甚至一天吃兩次。價錢大概每年加一次，升幅不算太大，大概$1-2。食物不錯，特別在雙拼粉面例如：肉丁，腸仔等等......可是，飲品有待改善，水準每次也差很遠，有時候同一個師傅但是無論奶茶顏色、奶的份量、茶的濃度都可以非常不同，特別是奶的份量，少奶的時候茶的濃度明顯少於奶色。最後，我曾經有多次見到粉面的湯浮著幾條頭髮。此外，更曾經有老鼠在腳底經過，嚇得我幾乎想即時離開😱😨

燒味聯發、牛腩聯發、貨運聯發，甚麼也有著聯發。一早說了，好像什麼類型的店舖，也會有「聯發」這個名字，這次來到馬鞍山這個商場，亦都發現原來這間牛雜麵也是叫做聯發。這個牛雜麵店收費還算挺均真，因為在新年期間開門做生意都沒有加價，在初五這個日子，竟然亦都只是以星期一至五的價格配飲料，而不是用星期六日的價格配飲料。座位亦都不少，但中間可能有點兒擠迫，但大家都很快吃完麵了會離開。通常想不到吃什麼的話，都會隨隨便便的叫一個牛腩麵，試一試他的虛實。如果牛腩麵，原來星期一至5加凍飲，只需$35。牛腩麵，麵條份量不算太多，正正常常的份量，但是牛腩分量其實不少，應該有八件左右，而且每一件都有皮般，又肥瘦均勻，不會太乾，亦都不會太肥充滿肥膏。辣椒油亦都不算是吃到面癱，一邊吃麵，一邊可以點少許辣椒油調味。凍檸茶亦都同樣出色，茶味濃郁，而且每杯都應該有四至五片檸檬，出門新鮮檸檬味；唯一是叫了小冰，但是冰粒也不算太少。看到某間銀行的員工，臨別的時候亦都有將一封利是給與其中一位職員，相信這間都是附近的辦公一族難得的廉價午餐吧。

我幾個住馬鞍山的朋友，都不約而同說過這家牛腩麵好好食。有一個朋友更說每次去完旅行回來，第一件事要做的就是回來這裡吃個牛腩河，因為太想念了😂😂。因為跟她們說起最近在三門仔吃過一碗好好味的婆婆牛腩麵（我也寫了食評😊），她們又說起了這家牛腩麵，於是第二天我們就去當早午餐吃。聽了他們說這麼多次，這次我終於跟她們去吃了！😍它在馬鞍山街市裡面。早餐時段已擠滿人，我們等了一會才找到位子。牛腩麵 （$29），凍奶茶 （$7）我想說真的好好吃！他們沒說錯。又平又好吃！首先，牛腩非常入味，牛味相當濃郁，肉質很柔嫩又有彈性，十分之好吃！而且給很多塊，滿足。而湯底亦十分濃郁入味，滿滿的牛肉味，重口味人士會喜歡。而麵亦很不錯，軟硬適中。凍奶茶則不太特別，不過不失，有少許嚡口。吃過這碗後，我覺得它比三門仔婆婆的更好味。婆婆那碗是清湯，相對味道比較清淡，牛腩份量也比較小，牛味亦都不夠這家的濃。不過，當然婆婆的還是很好吃😊，兩種不同，一個清湯，一個肉湯。現在到我也想念馬鞍山這碗牛腩麵了😂😍🤤🤤🤤，下次帶媽媽去吃！她聽到很興奮😂。

一早同老公入馬鞍山睇早場，就係新港城搵早餐食先。位於新港城街市裡面的麵檔，每一次經過都見到好多人，所以就去試吓我哋叫咗一碗牛雜河($29),一個牛腩麵($29)，早餐時段(9-11am)仲可以加$2有熱飲、$3有凍飲。牛雜可分量非常多，而我們牛腩麵都有大約五枸杞牛腩， $29來講算好抵食。不過兩碗面都有煮得過淋嘅問題，河粉麵質鬆散又淋，入口口感麻麻。幼麵質地淋pat pat,而且有少少撈埋一住咁。牛腩就正常，有牛味但有少少硬，凍檸茶中規中矩，我叫咗少甜但係都係偏甜。

Noodle is one of our stable for breakfast . We enjoy it a lot as the price of it is low , today I went to a noodle shop that located in a chinese market . I ordered a fish ball noodle and a fry fish skin . The fish skin is crispy and salty ，it will taste even better if you dip it into the soup , the noddle is only so so . Normal quality , there is other shops that taste better in my opinion.