聯發麵家

營業中

休息中

旺角登打士廣場對面有一間細細既粉麵店細細間環境一般有特別,同朋友點左牛腩麵 牛腩算林,用既係比較多肉少脂肪部分,面都多幼身,一般豬手炸醬麵 豬手彈牙爽口,麵有蛋香而炸醬做法比較多甜酸醬,而多用肥豬肉,幾好味

太子呢間面檔真係好正！。 豬手雞腳撈面 . 首先 面底彈牙有面味而冇出水，同佢自制辣醬一齊食， 正！二。 講下d豬手雞腳： 老細應該特登揀好有骨膠原既料， 而且味醃得鹽淡適中，再"火文" 到大慨七成淋， 剛好配合番雞腳既骨膠原， 令到d 肉少少林得黎又不失膠味， 正。而家呢d 舊鋪越黎越少， 間吾中真係要食下！正！

炸醬麵來自北京， 後來傳遍各地亦用吾同醬料： 廣東炸醬主要用辣豆板醬同蕃茄醬配豬肉絲再撈蛋製面！~~頭先試左間好正既 炸豬豬手撈面炸醬甜7分辣3 分，而豬肉絲瘦度適中有咬口， 間吾中有兩條爽口肥豬肉，撈上有蛋味而既港式面。 過濃炸醬同乾麵 配上撈面用既紫菜葱湯中和番d味道剛剛好 ! ！豬手都吾少野 入味得黎彈牙勁多豐骨膠原既軟骨！ 好食！！

一個人未食午飯，三點多求其搭檯，想叫牛根麵阿姐話得牛肋腩好快就到，份量算多雖然沒有話香味撲面但是都算美味，牛肋爽口牛腩蚊得入味，麵冇蜆水味來過呢度好幾次，大多數叫牛肋麵份量多，味道好，坐位就是圓檯椅子亦是圓，完全冇招呼十九蚊仲想點，就算加碟菜八蚊今時今日旺角區潻，真係平

九月上旬‧晴忙了一整天，到了近十時才重返「凡間」。來到旺角，想吃點東西才打道回府。又想吃炸醬麵，好旺角的沒什麼新意，想起這間深夜食堂，就來這邊。炸醬顏色雖然「橙」，但辣勁足而也酸甜合度，半肥瘦的肉絲有咬口。加上咬勁十足的蛋麵，不錯。還有的是，佢只是$17一碗。這個世界，便宜就是皇道。

今日(2-3-2013 Sat)同男友決定睇Openrice送出o既電影,check到o係旺角百老匯戲院上映o既時間最o岩,換o左飛睇完戲搵o野食.男友就帶我o黎呢o度食,佢要$16.00o既牛雜河同$22.00o既鮮魚皮,我要$22.00o既牛筋水餃麵.好快所有o野都到o黎,我先試啖湯,仍然係好有濃郁o既牛腩味,牛筋好腍,水餃內有木耳,幾爽口.男友o既牛雜中只有金錢肚o岩我食,之後我o地食鮮魚皮,鮮魚皮已加o左麻油,而附上o既辣豉油好辣,男友就話太鹹.魚皮口感爽滑對辦.不過辣豉油實在太辣,我想蘸醋食,男友話唔o岩味,而且又冇碗仔用,男友就問亞姐,叫佢畀唔辣o既我o地,亞姐就答冇唔辣,我畀個碗仔你自己斟枱上o既豉油啦.啊,好吖,唔該晒.佢拎o左畀我後,我知會用得唔多,就只斟少少,呢個豉油真係好鹹,廠係o係上水o既,咁呢隻牌子會好襟用啦.服務:由於亞姐態度夠親切,所以我o地都幫襯佢,最後叫o左罐$6.00o既忌廉飲.

2-2-2013(Sat)男友過o黎食飯時,o係o度買o左牛腩拼雞腳畀我o係3-2-2013(Sun)晚做餸.咁我就同爸爸食晚飯,其實我上次都食過淨牛腩,呢次都同樣OK,冇乜問題,而雞腳呢,由於我都飽飽地,而且佢都幾大隻,所以我冇食,爸爸有食,見佢冇乜意見,應該都OK o既.而男友都有o黎食,佢都係冇食腳畀,佢話今次o既牛腩依然同上次食到一樣腍同好濃.由於呢個當非食評登出,唯有o係o度寫低我畀o既分:味道: 5分 環境: 3分 服務: 3分 衛生: 3分 抵食:3分 笑臉

今晚(2-11-2012 Fri),男友夜工後o黎我屋企,但我屋企只剩飯同生菜,我就叫佢只買肉o黎就得喇.佢就o係o度買o左淨牛腩,佢打開o黎食,食o左件牛筋就即刻大讚好腍,咁我都食吓牛筋,係,真係好腍,好非常腍.然後佢食牛腩,都大讚好腍,哈,我又食,嗯,又係好腍,而且味道好夠濃.男友話呢間好多人幫趁,不過佢話牛腩有大有細,算吧啦,如果要求埋呢樣,咁就唔止$38.00o架喇.

15蚊! 絕對超低!!! 雲吞中, 蝦和豬肉比例ok. 豬肉口感好! 味道alright! ! 不想吃太飽, 腩汁雲吞米, 很不錯的選擇!!!

今日下午出完街, 忽然想食佢哋既麵, 所以走咗入去叫咗碗牛雜麵 (走肺, 因個人覺得比較污糟).之前都想寫架嘞, 但係時時都唔記得(開始老人痴呆症了)講返個麵先:湯: 廣東雲吞湯味, 仲要係自家煲既 (佢煮麵個位有個長身大鋼桶, 原來用黎煲湯架) 呢個真係比較唔易搵, 因好多都係潮州湯底, 魚湯底, D湯可能係交黎....加埋五香汁, 味道豐富咗好多. 之但係可能個五香汁既問題, 個湯稍稍有苦味.牛膀(3件): 稍嫌表層個膜好似厚咗少少 (上次食都係咁), 但味道OK.牛腸(2件): OK啦, 唔會過稔.金錢肚(好似3-4件): 夠軟身, 好味而食食下個口感覺到有陳皮既味道, 同埋食到有少少薑塊, 相信係來自五香汁...麵: 夠彈同爽口.整體黎講都唔錯, 只不過煮麵位老兄要舀湯(從大鋼桶舀到細水桶), 唔知乜原因, 之但係因為咁就要多等少少時問先有得食, 加上佢舀完湯見唔到佢有洗手就攞碗淥麵了, 所以扣D分啦...順帶一提, 佢哋近排又加價了, 盛惠15大元, 不過在同區內仍算最便宜, 不過冇以前咁便宜了...

是日中午, 回復一個人食中午. 周圍行行到登打士街過埋馬路. 找到一間比較古式的茶記同麵檔. 比較之下, 就決定輕輕的食碗麵, 既省時間又經濟實惠.一叫, 就叫碗牛腩麵, 因為加上腩汁的麵, 有五香粉吊一吊味, 又濃又香. 若是味道好, 淨係個湯底, 已經可以俾好高分. 既然一坐低, 就讓我發現到此麵檔比較著重去宣傳佢既牛腩麵. 咁就用一碗牛腩麵來充實自己一小時的中午飯時間.牛腩, 是濃味的五香牛腩. 吃牛腩, 我係比較喜歡這樣帶著濃濃醬汁的牛腩多過清湯腩. 因為經過五香粉同花椒八角煮過的汁, 加上牛肉的鮮味, 濃濃香香, 勝過那些什麼地獄湯底. 而牛腩, 半肥半瘦, 爽得黎又夠腍. 好食.食麵經濟, 雖然不是非常飽肚之物, 但lunch, 感覺上, 夠晒.

放學後的搵食地點愈行愈遠,今次已走到旺角登打士街那邊,目標是這家仍以麵家為名的聯發,沒有相當年資的麵店也不會用麵家兩個字吧。一如一般老式麵店,外觀感覺是殘殘舊舊的,座位都是摺枱膠凳,這裡也不例外,環顧全店堂食顧客也是男性,年紀也可當我的叔叔伯伯,月巴人是唯一一個堂食女客,也是食客中年紀最輕的,久違了的小妹妹感覺突然再現。等吃期間才發現,老麵家採用的調味品也不是隨隨便便的貨色,鉅利生抽耶!我家也是用這本土品牌的醬油呀,尤其老抽真的超好吃的!這款生抽王也很不賴呀。牛雜雲吞米的碗雖然不大,但牛雜份量真的不少, 每款都有2件的份量算多的了; 湯底偏向深色也有點油,令整碗米粉加添油潤感,牛雜汁味道不算太特別但真的夠濃味, 加進湯底後味道也很不錯;牛肺件件厚切但質感很軟淋,就算氣管部份也是淋中帶爽,絕不死實的硬硬感覺;大片牛膀仍有點粉糯感, 但未至於像海綿般吸汁,可以再粉軟一點的;牛肚只有草肚及金錢肚兩種,前者軟滑不韌質感尚好,後者其中一件爽口得要慢慢咀嚼,要是環境寧靜一點,一眾附近食客應聽到那種索索索咀嚼聲,應該再煮一會一定較好;牛腸完全沒肥膏但切得薄,淋淋腸衣的像豬腸多一點,水準真的較一般。三

今晚突然好想食豬膶粥,只係知道最近係LEE間,所以叫左碗粥外賣.生滾粥一般都係$19-20,但皮蛋瘦肉粥都係同價錢,緊係食生滾粥啦!外賣+$1企係門口睇住佢整.望到都新鮮呀!返去打開嚟食,見到都好多豬膶喎!入面仲有好幼的薑絲,又有蔥,好傳統,豬膶又岩岩好熟,好爽口,個粥又好綿,唔知係用咩煲出嚟,如果係用雞我都信嫁.食到尾都無變水!佢仲有薑蔥爆田雞嫁,上次佢係度爆果陣,成間舖頭都好香,碟田雞出嚟果陣個個食客都望實晒,睇住佢係邊到降落.下次真係要叫嚟試吓喇!

行開旺角，男朋友話帶我去食好味道既麵店。舖頭細細，坐得會逼d，但價錢平喎。d麵都係14，粥就此19-20。我地叫左牛肚粗，炸醬麵同皮蛋肉片粥。我本身唔太食得辣，係第一次食炸醬麵，佢個炸醬汁幾正，甜甜地辣辣地，味道唔錯，雖然份量少d，$14都抵既。至於個粥份量就多番d，有差不多成隻皮蛋同6-7塊肉片，係生滾粥，但又唔會太稀。男朋友個牛肚粗又係勁多牛肚。總的來說都係唔錯既。

到了旺角辦公務，大包小包的東西掛在身上，吃飯的時間及地點也不能太講究，獨個兒走進這間舖面極狹的街坊麵店，嗱嗱臨吃碗麵就要馬上打道回府。揾食，真正是艱難的呢....隨便的要了碟腩撈加碗淨雲吞。麵餅的份量蠻大的，勝在容易令人吃飽，但鹼味卻是突出非常。吃多兩箸，舌頭便開始有點不適了....此乃遭老罪之一.....儘管牛腩的味夠濃且帶點膠口，但就只是一味的大件件，但着緊有差不多一半是要吐出來的韌腩....此乃遭老罪之二.....雲吞餡內瘦肉與蝦肉兩對分，但前者連半點肥的也沒有，入口自然不夠香滑；蝦隻又不算新鮮。所以有時傳統的製成品，也未必是佳作來的；湯底最大的好處是沒下師傅。相比之下，是比雲吞本身更加吸引....落單阿姐全程黑口黑面，火氣相當的足夠，連客人也責怪埋怨一番。我是俾錢的客人來的，犯不着要遭此老罪吧 ? 反而淥麵阿姐卻是有禮得多，付錢後說回一句 :"多謝晒"。但光只這一句說話，卻很難打動人回去光顧呢 (起碼自己一定不會)....