聯盛宴

營業中

休息中

完全解釋吾到, 點解訂左枱, 佢朝早又識打俾我 re-confirm 個 booking, 但當我全家準時到, 佢竟然同我講 "依家幫你加枱, 今晚多 walk-in 客".walk-in 客多左, 點解吾係 walk-in 客等加枱? 咁我訂枱做咩? 佢朝早打俾我又做咩 ... 唉 ... ...呢間店人手一睇就知吾夠, 招呼慢, 漏單, 白飯都要催2次.價錢偏中高, 問心, 食物質素本身幾吾錯, 只可惜服務質素要扣分.栗米斑塊 --- 魚無雪味, D 粉又吾厚, 炸得幾好; 粟米汁的濃度岩岩好, 好味, 讚!咕嚕素雞球 --- 甜酸味較得剛剛好, 素雞比例多過配菜, Good job.欖角排骨配炸鮮奶 --- D排骨好好味, 又夠林. 炸鮮奶吾係我 favor, 無份食, 不過屋企人有食晒, 無彈, 應該 OK.咖哩牛筋腩跟配炸饅頭 --- 好欣賞佢個煲仔係燒到滾住咁上, 上到枱都仲起碼滾左半分鐘, 見到都興奮. 咖哩汁吾算辣, 一家大細都食到, 牛腩同牛筋腩都好林, 味道吾錯.  西芹百合炒雜菌 --- 呢碟一般般.

我 去咗呢間酒樓好多次㗎啦， 但係因為係喺屋企樓下所以成日都要去食。 我不嬲都好唔鍾意食嗰間嘢㗎 但係因為 朝早冇嘢食先迫不得意食佢嗰間嘢。 第一，貴， 貴過平時嗰啲酒樓。 第二， 食物難食。 之前我係唔鍾意食蝦餃嘅， 但係食咗一間嘅蝦餃之後呢我就好鍾意食， 當然唔係呢間。 呢間啲蝦餃好難食。之後當我食咗佢Ｄ蝦餃後，就唔鐘意食蝦餃了。佢Ｄ蝦餃好多肥肉。

啱啱中午十二點左右，我同媽咪約咗阿姨、婆婆、公公喺鑽石山荷里活廣場間「聯盛宴」飲茶。 一去到好多人喺度等緊位，而且仲有啲團體帶老人家嚟飲茶。等咗半個鐘左右，終於有位喇！但係等啲員工開茶、開位都等咗好耐，啲員工個個喺度好似好忙咁，唔停咁行嚟行去，但係其實個個喺度扮忙。之後我哋叫咗 D 點心食，仲叫咗兩碟「炒嘢」。味道可以，不過煎薄啲料唔係好夠，而且個邊完全唔脆。味道普通，冇咩特別。味道唔錯，豉油味都好夠，而且有足夠嘅銀芽同埋芹菜，令到個炒麵個味道非常之好。個春卷配埋沙律醬一齊食，味道非常好，而且嚟果陣非常熱味道👌，🦐蝦肉新鮮腸粉皮太厚，但入面餡料唔算太多。最令我喜出望外嘅點心，蒜蓉味非常之夠， 鮮魷好林，大朋友、小朋友、老人家都啱食。油唔算太多，適量。而且上面配咗木魚喺度，之前都曾經食過，算係可以保持水準嘅一款食物，值得一試。味道還可以，只係覺得燒賣入面太多肥豬肉。p.s 啲員工做嘢速度超慢，不論係叫佢沖水、執枱、開位都一樣。個個都好似唔願做咁。

提早同屋企人慶祝母親節⋯⋯提早訂位定下套餐減$200但都貴，11位大人一個細路依圍要$4666。完全唔抵食。即使你話係假日度度都俾人劏，我情願食放題，但無奈家人長輩鍾意食中菜。oh 餐廳仲收咗我地$50/table 切蛋糕費。

今日放假，決定約兩位長老同10個月BB 一齊去飲茶，點知食到一肚氣～去到門口已經3:30pm， 縱然見到裡面有人，但人數不多不少我最怕阻人收工，所以係門口都問個部長一句仲有無得食下午茶～佢話last order 4:30, 可以入去坐～坐定曬啦，已經無點心紙，問個莫侍應取，她慢吞吞去執完另外一張走曬人的檯，才攞俾我～好！算～我點野食～填完又交俾個莫小姐，我手寫單叫的食物，一係就無幫落order, 一係就將無叫的點心就幫我叫～簡簡單單6樣點心，錯到亂曬～好，再忍！接著我叫的一碟價值$65干炒牛肉烏冬，全碟得3小件牛肉😰，又油！ D 點心又唔好食～（自問我不嘴饞）真的叫人無奈～算，不出聲，最多下次唔黎食～接近4:30pm last order, 問有無野叫，我話無～埋單好正常～ 點知一埋完單，個莫侍應就黎我檯同我們講4:30要走！這下，真的嬲了～喂！你落錯單， d野食遲左黎， 洗唔洗甘啊～而且我湊住一小兩老，你作為一個中年女人，是否應該理解？ 我媽媽已經好嬲，但唔想老人家勞氣，我話算～總之飲埋食埋檯上的就走～她竟然同另外一個男侍應走黎我們旁邊說： d 人叫走都唔走，係要迫人關冷氣先走！ 聽

今天沒有飲早茶，因為荷里活廣場免費泊車的緣故，所以選擇了這裡的下午茶。下午二時已經到達，門口知客說下午茶在二時十五分才開始，但點食物是以入單計，所以即時可以入座。點了幾個點心，望望餐牌，下午茶時間的點心價錢只是比午市平兩個大洋，優點和茶錢同價，難怪不用等位了！點心落單很快便送到，點五樣得四樣東西打印在張單上，但沒有人說明給我知，問落先知原來其中一樣賣哂，今時今日咁嘅服務態度認真麻麻算！燉魚頭話咁快就上枱，用個小埕裝著魚頭，份量不算多，勝在魚頭尚算新鮮，沒有腥味，湯的藥味不算濃，但尚可接受。跟著是鮮菌焯油麥菜，只是將幾種菌和油麥菜焯埋一碟，還奉送雲吞皮幾塊，沒有任何烹調技術可言，不提也罷！XO醬炒蘿蔔糕，賣相欠佳，食落蘿蔔糕感覺是粉團一塊，無足觀焉最後的帶子菜苗餃，真是沒有最難食，只有更難食，餃子皮厚，還邊厚邊薄，餡料有兩三粒切得小小的帶子肉，加上乾硬的葉，真是慘不忍睹！最後，我相信這裡與我緣盡了！

They have good dim sum with reasonable price. Food are similar with other restaurants. I like the pork and the walnut soup dessert a lot.

新年肥左好多磅，真係過左個肥年新年去左鑽石山飲茶拜年，張點心紙，樣樣個名都好有意頭！依籠鮑魚燒賣如果平日都有就好啦，d鮑汁流埋落粒燒賣到好好味，望落又矝貴！發財好事！豬脷蠔豉發菜係主角，幾入味，唔錯，不過一籠唔夠分，人多要叫多兩籠！藥膳魚雲燉湯！好香好香，熱騰騰飲完暖卜卜，依盅燉湯，大家知唔知治偏頭痛好有功效呀！見到落足料燉橫財就手，薑味濃郁，陳醋醇香，最鐘意食隻蛋！生財生財！生菜！腸粉幾滑~魚肉尖椒，辣辣地，幾野味！食完招財呀！

好友結婚了，去佢飲宴，酒樓門面唔大，兜了一圈先搵到，入內樓底唔高，裝修粉色主調好浪漫！準時開宴，做晒啲婚宴程序後上菜！金豬大紅袍全體：雖然唔熱，不過皮脆肉厚，點燒豬醬好味翡翠蝦仁鮮蚌片：賣相好靚，西蘭花嫩綠爽口！蝦仁爽口，珊瑚蚌彈牙，好味沙律石榴百花球：百花球蝦膠彈牙，沙律我無食！珍菌玉環瑤柱脯：自己唔喜歡瑤柱脯，食咗豆苗，鮮嫩爽脆，節瓜索晒醬汁，濃味好味！竹笙海皇燴燕窩：太好唔使食翅，見住店員即撈一碗燕窩落湯羹！湯羹蛋白加好多海鮮粒粒，燕窩絲爽口，夠熱好味！原隻鮑魚拌翅菰：啲汁太鹹，所以鮑魚都太鹹，雖然肉質稔，但敗在汁度！啲菰都太鹹！清蒸大海石斑：肉質蒸得正常，蒸魚豉油微甜，配魚肉好味！當紅脆皮燒雞：唔熱，皮脆肉質唔嚡！正常鮮茄雞絲飯：酸酸地開胃！雙喜伊麵：伊麵雖然索晒汁，但比較粉，唔夠煙韌！百年好合：糖水微甜，紅豆大粒但唔夠起沙，ok鴛鴦美點：糯米糍煙韌，笑口酥好難食，牛油「益」咗！差！負責我哋嗰枱嘅女店員勤快，上菜添飲都好爽，要求佢幫我哋影相都好樂意！一餐飯聚食得好開心！

溜沙奶黄包比較失望，因為裹面餡小包厚腐皮捲無蘿白，口感一般蝦餃皮薄，蝦又爽又大隻，very good !!!瑤柱灌湯餃整體不錯，餃餡有蟹柳絲，帶子，蝦，半瘦半胖豬肉，仲有鹽篩（讀音），鹽篩味比較重，覆蓋左帶子的味道，湯比較鹽，但有很瑤柱，湯與餃的比例very match !

中學老師同學聚會，由於近老師，所以選擇咗呢間。因為重點在見返大家，沒有太重視食物質素。一般菜質素還可以，但隻燒鵝肥的程度太誇張了。不太敢吃到肉。每人叫了一兩杯飲品。四道菜，魚，鵝，龍蝦伊麵。一人320埋單有點貴。因為味道不太好。龍蝦伊麵低質素

女朋友係附近收工, 佢話想飲茶, 就試左呢間.我地都叫左5碟點心, 包括: 蝦餃, 燒賣, 奶皇包, 炸雲吞同蛋撻..蝦餃: 蝦都大粒, 皮薄, 唔錯.燒賣: 冇蝦係內面, 但朥在夠大粒又熱騰騰.奶皇包: 一D 都唔流心, 而且奶皇比較少.炸雲吞: 香脆可口, 不過好細件.蛋撻仔: 勝在曲奇餅底, 不過好細件, 一啖一口.總括: 食物質素OK, 但價錢偏貴. 貴過美X集團..... 

又一餐志在聊天吹水的午餐。約了兩個好友聊天，當然是飲茶可以消磨最多時間。聽朋友說，聯盛宴前身是聯邦大酒樓? 只是搬了地方，比從前細了一點。就當它是罷，反正沒所謂。今天遲到了，所以等位的不是我。去到已經一點半，朋友食住等 （即係唔等啦！）。都好，一坐低就有得食。原隻鮮蝦腸真的是鮮蝦，沒有雪味，又大隻，腸粉仲幾滑添。$29係抵食的。叉燒酥正，香口鬆化，料亦好足。不過我會建議唔好咁早食囉，始終都係鹹甜點之間既一道點心。蝦餃燒賣水準不過不失，都是集團式的口味，個人比較喜歡佢既燒賣。蝦餃皮感覺上厚了一點。再來就是芋頭糕，非我所好，所以沒有試，目測則有點乾身，但可能是正常的。不敢亂加評論最後就來一個馬拉糕，味道都很不錯，不太甜，夠鬆，個人喜歡從前那種一大底切出來的那種，但獨立一個圓圓的也可愛。無聊攞張點心紙睇睇，原來供應的食品款式很多，大大話話都五六十款，人多去飲茶應該可以試到很多不同的口味。服務方面也是集團水平，不會有主動貼心的服務，但絕不會冷待客人。在全場爆滿的情況下，也沒有人手不足的感覺。地方是乾淨的。值得一讚是樓底夠高，回音不大，人多也不會太嘈。三個人埋單二百幾蚊，坐左兩個鐘，飽住走，無投

星期六等位飲茶是必然，尤其身處鑽石山區內唯一大型商場。相比其他酒樓，這間價位偏高，就如要配合整個商場強國高級品牌化一樣。價錢偏高當然不大問題，如果食物質素能夠成正比的話。所有食物真的很一般，真的沒太大的驚喜感覺。服務呢，開錯茶，揮手看不見你，漏單，你說呢？還有沾有油脂的筷子⋯⋯ 一定不會有下一次。

久未有星期日的早上空檔, 難得的機會與家人去飲個早茶, 由於家人及自己均不喜嘈雜, 所以選擇在8時左右入內. 由於香港人不習慣早起, 進內入座率只有約2成左右. 點心的選擇相當少, 比一般富臨或明星之類少得多. 由於較少於周日早上飲茶, 點心的價格不清楚周邊定位如何, 但感覺有點偏貴. 而且沒有任何特價點心. 全日喜愛的點心, 粉果皮做出少許的煙韌, 內裡的西芹, 花生等帶有爽脆的口感. 平常吃差勁的粉果, 最差的皮, 未夾起已破. 或者內裡的材料軟腍無脆感. 算是"交到功課".以上的點心水準OK, 可以接受. 最差的是牛栢葉, 不腍不入味. $443的消費, 以周日來說, 部份酒樓未有特價點心的情況, 價格不算便宜.