聯興茶餐廳

營業中

休息中

今日去慈雲山送咗部份口罩比更需要嘅朋友😷約咗响佢屋企附近嘅茶餐廳見面！朋友話佢成日都幫襯，要我都感受吓呢區嘅地道情懷喎！鮮蝦雲吞麵🥣茶餐廳有麵檔，仲要大大檔，梗係叫返碗「細蓉」試吓啦😎湯底清澈！幼麵少少🤏鹼水味都無！雲吞大大粒🤩啲蝦爽口到爆😲😲以茶餐廳麵檔嘅水準絕對可以媲美麥x記，x仔記雲吞麵專家賣成五十蚊碗果啲雲吞麵💪🏾下午茶肉醬意粉🍝意粉係燴底再焗👍🏽唔係就咁白烚意粉再on top加肉醬🙅🏻。肉醬份量夠哂多！放上芝士🧀焗仲加埋芝士粉真係香上加香！一碟typical嘅肉醬意粉就係咁簡單又好味😋餐廳老闆話最近疫情會收早晚市到7點！但街坊們食開有感情...又唔想多人迫就做埋私房菜！下次嚟開鳯凰新邨一定要試吓🥰

話說我one of the 大老友住黃大仙所以都幾多機會去黃大仙搵食🤣今日我地試咗一間超站地茶餐廳!!!佢地下午茶小炒餐只係$42 包埋野飲☕️又平又好味仲有露天茶座😝-🦐海鮮炒烏冬炒得幾乾身 最緊要係唔會太油👍🏻烏冬入味得黎唔會太咸餸方面都幾多海鮮 有蝦又有魷魚真係足料仔😼-🥓五香肉丁炒飯 真係好大份 懷疑係平時兩碗飯嘅份量🤣用五香肉丁黎炒飯係一定無錯 香到爆🤤同埋食炒飯我最care嘅都係飯嘅質感佢真係炒得好乾身 口感一百分-順帶一提佢個熱奶茶好滑好好飲兩個人埋單都只係八十幾蚊 真係抵到喊😭

喺屋企home office 耐左， 都要出去抖下氣， 既然唔去得遠，就去屋企樓下的小店支持下。 蒲崗村聯興茶餐廳， 平時午飯大把學生哥去， 但係隨著停課， 餐廳生意少咗。 既然我仲有份工， 不如就去幫襯下小生意， 共渡時艱。 餐廳下午茶有多種選擇， 而且仲包茶飲 。除咗平時見開嘅炸雞髀西多士三文治等等， 亦有下午茶小炒，無論炒飯炒麵炒米粉等等都有， 大男人去一定夠飽。 仲有就係港式茶餐廳已經買少見少嘅牛什粉麵， 唔係間間餐廳都肯做。 港式茶餐廳，當然要多多支持。 肉絲炒麵 即叫即炒，麵條炸得脆脆的，麵的兩面炸至金黃， 這絕對是炒麵的精華。再配上混有豬肉絲及芽菜的芡汁， 豬肉絲半肥瘦， 韭黃鮮甜，好食。 牛雜米線 最欣賞就是下午茶這個牛雜米線配油菜， 再配熱飲只是47元。 牛肚牛腸牛肺牛蒡 通通都有。 牛膀夠粉，滷至入味。金錢肚夠厚肉，爽口小韌甘甜， 蘿蔔勁清甜 ，油菜芥蘭阿大碟。 最後兩杯茶飲熱檸茶和熱檸水也不錯， 茶底色香味俱全。蒲崗村不是遊客區， 全是街坊生意，街坊街里， 共渡時艱。

聯興放假難得當然休息訓耐少少，係屋企附近食好既，依間餐廳雖然唔算好大，最緊要係有街坊既感覺，唔怪之得開左甘多年芝士火腿三文治唔錯! 溶左同熱辣辣既芝士，一擺低已經好香好吸引，上台都已經好熱而且烘得金黃而不油膩，配菜生菜和蕃茄是蔬菜類代表，負責提供維他命和纖維，份量比連鎖便利店的大份，超似法式既椰汁紅豆冰椰汁紅豆冰 , 好濃椰汁味好多紅豆 , 紅豆椰汁冰十分足料。椰汁仲要係醉冰底有心作。紅豆煮得綿密香甜，與少甜椰汁非常合拍，如果可以加球雪糕會更正下次經開要再食過

與中學朋友回到學校附近茶餐廳聚舊，閒話那些年！茶餐廳增值服務：早—日比個budget, 人數,㕑師發板！有杏汁白肺湯，沙薑雞，椒鹽瀨尿蝦，順德金沙骨，椒鹽粉絲蒸帶子 ，豉椒聖子皇，啫啫通菜煲，盤龍鱔。好味！完

推介飲品，咸檸柑桔，紅豆冰， 推介食品 ，椒鹽豬扒，豉椒炒蜆，避風塘炒蟹， 乾炒牛河，招呼好，服務好， 晚飯小菜，每星期套餐會有變化， 一條魚加一個特價小菜兩碗白飯兩杯飲品都係150元， 抵食

呢度有非常出名嘅秘製甜柑檸, 相當滋潤, 冬天飲喉嚨真係好舒服. 聽老闆娘講, 佢一櫃咁從泰國返貨, 同出面用開嘅鹹柑桔冇得揮. 值得一試.另外, 佢哋小菜成日轉款. 我今次有幸試到口水雞, 食入口好滑, 是本地農場雞, 不是冰鮮雞, 正!口水雞醬料好入味, 食到我個口麻哂, 但好惹味!

逢週日來吃平時食開沙爹肥牛炒河 ($28), 沙爹夠味, 肥牛夠嫩, 炒濕河也不會炒到一堆堆.今日試食菜遠牛肉炒河($26), 驚為天人. 幼河有鑊氣, 炒濕河仍然條條分明. 片片牛肉無筋又炒得不老.奶茶 ($5) 也有茶餐廳的高水準, 又香又滑.服務就如一般茶餐廳.