肇順名匯河鮮專門店 (已結業)

第一次來呢間酒樓食嘢，一入門口待應好熱情招呼，非常有禮貌，開茶後再睇餐牌，食物好吸引，價錢又吳貴，而且仲已經聞到隔離枱D食物好香又熱辣辣的煲仔菜，正。望到人地張枱個雞煲好正，所以自己梗係叫反個啦，再叫左個羌葱魚泡煲，同埋一個咸豬骨芥菜煲，黎到三個煲都香噴噴又熱辣辣，十分好味，88元一煲仲要大大煲，認真抵食又超值，超呼又週到，認真吳錯，不過地區就隔涉D，但係自己揸車就無問題，仲要免費5個鐘泊車，真係吳使趕，慢慢嘆。超值抵食又好味，可以用平靚正形容

係九龍灣MegaBox最早開嘅茶樓係呢間肇順名匯河鮮酒家，食順德菜，天花頂掛滿紅燈籠充滿順德家鄉嘅感覺，入門口有個大魚缸，確係名付其實河鮮酒家。蓮藕餅、鯪魚肉䅗瓜重有粉菓，啲幾種都係我至愛，粉菓餡料內有好多沙角，入口感覺好爽脆，不過而家只係得八折優惠，三個人都要260元，若果想有五折就要等兩點鐘下午茶。

尋晚同月事去打邊邊！嘩d嘢食超差！又小種類選擇！全部都係垃圾！魚唔新鮮！菜又爛！服務態度又差，人手不足！食到嬲嬲😡😡😡！！！可一不可再！不會再去！🤦🏻‍♀️🤦🏻‍♀️🤦🏻‍♀️

小朋友考試前夕, 忙碌完一整天, 決定外出用餐!記得之前光顧過這間酒店, 食物不錯, 所以就二話不說就決定了!7時多去到, 客人不多...發現小魚池清光了, 職員說準備裝修...這晚點了: 勝瓜酸菜煮蜆上次食過, 今次酸菜沒洗過, 超酸😭😌客家釀豆腐超薄的布包豆腐(感覺一開四😌), 鯪魚肉都很少...$78很有被搶錢的感覺...豉汁蒸龍躉不太新鮮...招牌碌鴨這是唯一可以的...這個糯米飯都是薄薄的😭全晚最經典是這個黃金糕$28/6件 價錢是不貴 但薄到喊我寧願3件厚身一點, 口感都會好一點今晚整體感覺份量過少而且很油膩...評分: 5⭐最好食物: ⭐⭐環境: ⭐⭐價錢: ⭐⭐服務: ⭐⭐⭐

Weekend 又同家人去megabox 買BB野, 成個9樓都好多人, 又多細路,買完見有D肚餓, 就順面飲埋個下午茶先番屋企。今次揀左去5樓的肇順名匯河鮮專門店, 門口就寫住下午茶大中小點5折, 但如果以原價計加一其實都唔算抵, 其實都幾取巧。今次坐餐廳的「出面」, 感覺好似成日比人望住食野gam~1, 煎釀虎椒有點油, 魚肉不是特別好食。2. 豬手忘了個全名, 有D 梅味, 係幾突別, 但豬手毛很多, 都唔知食唔食好。3. 紅油抄手唔正宗, 又唔辣, 果pat 汁係醋黎的, 好似好求其4. 叉燒腸叉燒有點肥, 粉皮算做得OK5. 蜆肉湯魚皮餃最把鬼係呢個, 魚皮餃係打邊奴果D下爛野, 魚湯的話又唔係濃, 蜆肉又唔新鮮, 把鬼順帶一提, 一開始係檯面碟花生要9蚊, 更把鬼。Overall, 劣評。

Weekend 同屋企人去mega box 行街, 終於等到下午茶去飲茶,見肇順名匯河鮮專門店下午茶點心大中小點有5折, 就入左去。一上檯, 會見有碟花生, 同豆板醬, 唔記得要8蚊定9蚊, 騙騙地錢。見點心有特價, 成家人好似唔洗錢gam 亂叫~~珍珠雞(大)有3件, D飯濕濕地, 唔算太乾, 都好耐無食過, 都幾好食鴨腳扎(大)有2大件, 入面有魚肚有芋頭, 隻鴨腳係新鮮鴨腳, 唔係雪藏貨鬆泡泡果D貨色紅豆糕有4件, 都切得幾薄, 要扣分鴨腳柚皮(又)隻鴨腳係新鮮鴨腳, 柚皮都蚊得幾淋, 女人恩物叉燒包個醬無我想像中gam 好食, 順德酒樓做廣東點心係差少少Overall 黎講, 都算合格。不過個酒樓天花板出晒D漬, 有D殘殘地~

咁岩行過見到新加左火鍋，$158 全包諗住會唔會有伏， 不過已經9點過d就膽粗粗去試下。有驚喜喎， 先講個鍋 只有魚鍋揀，分別有原味，水煮 同酸菜魚，經理系咁推介就揀左酸菜魚。超大份量 有成半條我估，入面有支竹，木耳， 紅薯粉， 酸性， 反正好足料，跟住火鍋料都有50樣以上，建議只揀海鮮因為其他平平無奇， 肥牛都ok, 單上有隻魚几好食，大大舊冇骨又夠肥美， 冇記錯系敏魚。飲品就有酸梅湯，豆漿， 竹蔗茅根， 橙汁同汽水。 反正你系魚迷呢個任食158 岩晒你

Megabox食肆雲集，不過除左宜家家俬食堂，其他大部分都偏貴唯獨係肇順依間酒樓比較好食抵食肇順比較出名主要為河鮮、燉湯及順德菜不過今次得2人用餐，所以就無叫到魚同埋銅盆雞，但燉湯就必不可少天麻魚頭湯有種獨特香味，有點似中藥藥膳的味道，甘香鮮味，清澈不油湯渣配以獨家調配辣豉油，會食到停唔到口目前試過的燉湯做得比肇順做得好的，好像只有龍皇炸鮮奶是名菜之一，圖中可見雖為油炸，但紙上油分不多唯獨鮮奶味道不突出，兼配白糖食比較單調乏味，建議人多才點雖然無叫魚都叫一叫海鮮啦凡立貝一睇已知係普通雪藏貨，不必介紹，驚喜的反而是蒜蓉豉油同粉絲撈埋簡直世間絕配送幾碗飯都得最後，2個人食到的份量實在很少，食埋碗豆腐花已經飽到爆不過豆腐花豆味濃郁，又夠傳統一片片盛法作為一碗，連埋黃糖食夠曬懷舊晚飯埋單每人百幾蚊，非常抵食

去megabox行街，當然也會在商場內醫下肚，之後再繼續行啦。大部份酒樓都在13，14樓，唯獨是它在7樓，那就試試吧。門前有戶外座位，可看到商場中的景象🆒一入門有一大排魚缸，養著很多河鮮。是的，是河鮮不是海鮮。我估河鮮是指河裡的新鮮魚吧，是不是很高檔呢😝內𥚃也寛敞，滲透微微的陽光。鵪鶉蛋燒賣 - 已很少酒樓提供這款點心了😭所以覺得特別好食。馬拉糕 - 略嫌上枱時有些少不夠熱，味道是ok的。鳳爪排骨蒸飯 - 比其他酒樓的細碗，飯也過腍。原來這酒樓是米芝蓮推介之一。其他的餐牌。總括而言，座得舒服，茶葉靚，水夠熱，但食物質量還有改善空間。

今日食完Mega Box搵左呢間餐廳食個飯。我地一共4個人，可能因為都已經比較夜，所以唔洗等位！蝦醬芥蘭煲好香蝦醬味，不過又唔會好咸。而且佢d芥蘭都唔會炒到好老，都ok！煎焗敏魚佢既味道ok，但自己覺得有d魚鯹味，不過就因人而異啦！黑椒牛仔粒土豆牛仔粒唔會過韌，食落都ok，不過佢d薯仔就炒到爛哂，睇下大家鐘唔鐘意啦豉椒炒花甲呢個有d失望，佢既味道ok，但佢一上碟個陣有成半碟係無開殼既。。雖然佢有折，但4個人都食左$5xx，有d唔太抵食

做完野之後見有時間就約左媽媽係mega box飲茶順便行下街，見到呢間下午茶大中小點半價，同埋好多特別既點心就決定入去腐皮卷入面係豆干同埋菇，比較清淡，腐皮好脆口蝦餃皮薄，味道都好鮮，值得推薦同媽媽本身都好鐘意食炸鮮奶，所以一見到就即刻點炸鮮奶好好食，不過稍嫌外皮有少少厚只有表面有幾點芝士，所以食唔出有任何芝士味，有少少失望芋頭糕同蘿蔔糕都不過不失，反而馬蹄糕有驚喜馬蹄好爽脆同好清甜灌湯餃都無咩特別，不過不失呢個好食！大大隻蝦好爽脆，值得推薦魚湯好鮮甜，魚腐吸哂湯汁既味都好正不過入面既蘿蔔就好似煮得唔夠，有點硬同魚腐一樣，魚湯好鮮甜，不過餃子就普普通通啦好香口！炸到卜卜脆，好食呢度好多出面普通酒樓無既點心，魚湯類既食物都好好味，食得出係無咩點落味精既另外煎炸類既食物都做得幾好，好脆又唔會太油或者太乾，總括黎講係值得一試既

星期一Monday blue, 成班同事想食個好食既lunch來balance下心情, 有成十個人咁多一於去飲茶啦.九龍灣隨近既茶樓都有好多選擇, 淨係Megabox都有5-6間, 大家討論左一陣決定去肇順. 呢間肇順連續8年有米芝蓮車呔人推薦, 之前都食左幾次, 感覺性價比高, 亦都有幾個撚手小菜幾特別, 蝦醬炒芥蘭, 蝦多士同埋雪山叉燒包可以一食再食

中秋節將至，又是一個飲飲食食的日子。 老闆醒目，知道有些同事會和家人食正日， 所以提前慰勞我們這班勞苦功高的同事，大家訂了 Megabox 肇順名匯，以為會有好多人提前做節，去到只見有幾枱人，清靜呀！叫了個全包宴，經理推介花錦鱔皇，老闆唔 吝嗇照加， 萬歲！！我們選了肇順三太寶，天麻海雀燉大魚頭湯。 湯先上， 打開蓋 ，已聞到好濃烈的藥材味，老火湯呈現啡色 ，湯渣有我至愛的雞腳和魚頭 ，令人垂涎三尺 。芝士焗蝦球好大碟，芝士過多，非常黐口，麵太林， 蝦味被芝士奪去。推介的花錦鱔王， 肉質似脆肉鯇魚， 反而唔覺有鱔的滑口感， 用麵豉醬爆焗，非常惹味。肇順三太寶 - 釀青椒 釀藕片 炸鯪魚球， 肇順名菜， 青椒不辣 ， 魚膠新鮮彈牙， 必食。翡翠鮮百合炒遼參，遼參爽口，甜豆鮮美。煎焗頭腩，薑蔥味非常濃郁， 灑上紹興酒， 香氣撲鼻 ，個個都為之醒神百倍，但味道稍為鹹咗啲。翡翠炒球， 魚塊有半寸厚， 用翠玉瓜炒，比用西芹好， 既食到魚鮮味又有瓜的清新，非常合配。食物份量夠， 菜未上齊， 都已經飽了。 隨後的飯和雞都要打包攞走。最後送上香滑豆腐花，煙韌遍地黃金糕。這個全包宴老闆開心，員工滿意！

同朋友突然想打邊爐，但發現朋友屋企附近都冇哂任食中式打邊爐嘅酒樓。咁我地就決定去megabox,因為朋友話佢之前試過係呢度食。我地去到唔洗等好耐就有位啦，因為我地都差不多成8點幾先到。呢度嘅爐仲係用嘅gas爐，可能係因為呢度本身係食河鮮，所以佢地冇預放電磁爐。呢度係任食，但其實款式唔算多，我地因爲多小朋友所以叫牛同丸類多，肥牛就一般，好硬，似係佳寶貨。豬頸肉可能佢地醃左好耐，好淋，入口化開左咁。湯底係揀左芫茜皮蛋湯 但就好似滾水咁冇味....野飲有橙汁，竹蔗水，同酸梅湯，竹蔗水好淡冇咩味，酸梅湯因爲唔凍所以勁甜，得橙汁還可以。呢度仲有糯米飯同埋黃金糕食，糯米飯ok，都幾大碗，料都夠多。黃金糕切得好薄，仲要係蒸嘅，椰汁味亦唔夠。整體黎講呢度真係唔應該搞任食打邊爐....

2017/7/25 倆公婆要到Megabox買傢俬，順便食晚飯，泊車在七樓便走進肇順名匯河鮮專門店。小菜六折，我們叫了兩個小菜、一碗白飯，最後還送西瓜五片。埋單加一連茶芥都不要港幣160元，好味抵食。