影片
更多
2017-09-30
952 瀏覽
中秋節將至，又是一個飲飲食食的日子。 老闆醒目，知道有些同事會和家人食正日， 所以提前慰勞我們這班勞苦功高的同事，大家訂了 Megabox 肇順名匯，以為會有好多人提前做節，去到只見有幾枱人，清靜呀！叫了個全包宴，經理推介花錦鱔皇，老闆唔 吝嗇照加， 萬歲！！我們選了肇順三太寶，天麻海雀燉大魚頭湯。 湯先上， 打開蓋 ，已聞到好濃烈的藥材味，老火湯呈現啡色 ，湯渣有我至愛的雞腳和魚頭 ，令人垂涎三尺 。芝士焗蝦球好大碟，芝士過多，非常黐口，麵太林， 蝦味被芝士奪去。推介的花錦鱔王， 肉質似脆肉鯇魚， 反而唔覺有鱔的滑口感， 用麵豉醬爆焗，非常惹味。肇順三太寶 - 釀青椒 釀藕片 炸鯪魚球， 肇順名菜， 青椒不辣 ， 魚膠新鮮彈牙， 必食。翡翠鮮百合炒遼參，遼參爽口，甜豆鮮美。煎焗頭腩，薑蔥味非常濃郁， 灑上紹興酒， 香氣撲鼻 ，個個都為之醒神百倍，但味道稍為鹹咗啲。翡翠炒球， 魚塊有半寸厚， 用翠玉瓜炒，比用西芹好， 既食到魚鮮味又有瓜的清新，非常合配。食物份量夠， 菜未上齊， 都已經飽了。 隨後的飯和雞都要打包攞走。最後送上香滑豆腐花，煙韌遍地黃金糕。這個全包宴老闆開心，員工滿意！
訂了 Megabox 肇順名匯，以為會有好多人提前做節，去到只見有幾枱人，清靜呀！
叫了個全包宴，經理推介花錦鱔皇，老闆唔 吝嗇照加， 萬歲！！
我們選了肇順三太寶，天麻海雀燉大魚頭湯。 湯先上， 打開蓋 ，已聞到好濃烈的藥材味，
老火湯呈現啡色 ，湯渣有我至愛的雞腳和魚頭 ，令人垂涎三尺 。
芝士焗蝦球好大碟，芝士過多，非常黐口，
麵太林， 蝦味被芝士奪去。
推介的花錦鱔王， 肉質似脆肉鯇魚， 反而唔覺有鱔的滑口感， 用麵豉醬爆焗，非常惹味。
肇順三太寶 - 釀青椒 釀藕片 炸鯪魚球， 肇順名菜， 青椒不辣 ， 魚膠新鮮彈牙， 必食。
翡翠鮮百合炒遼參，遼參爽口，甜豆鮮美。
煎焗頭腩，薑蔥味非常濃郁， 灑上紹興酒， 香氣撲鼻 ，個個都為之醒神百倍，但味道稍為鹹咗啲。
翡翠炒球， 魚塊有半寸厚， 用翠玉瓜炒，比用西芹好， 既食到魚鮮味又有瓜的清新，非常合配。
食物份量夠， 菜未上齊， 都已經飽了。 隨後的飯和雞都要打包攞走。
最後送上香滑豆腐花，煙韌遍地黃金糕。
這個全包宴老闆開心，員工滿意！
張貼
