肥仔海南雞專門店 (順豐大廈)

營業中

休息中

海南雞之夜星期日晚想出街食飯，但又怕元朗多人，本來打算外賣海南雞飯返屋企食，剛好又見到舖頭有位，放是決定轉堂食。餐廳內座位唔多，最多只可坐十幾人，所以主要都做外賣生意，如果係繁忙時間黎食就要注意啦。我地大約八點幾到，雞腎同油菜都已經賣完，所以只係叫左招牌既肥仔海南雞飯。（溫馨提示: 如果係夜晚黎食，又想加全雞既可以先打電話黎預訂）本身海南雞會跟油飯，配酸辣醬及薑茸。但我略嫌油飯欠缺雞油同魚露味道，比正宗油飯差少少。而海南雞雞肉質感不錯，入口亦算滑嫩。整體而言，海南雞飯雖然未算驚人地好食，但以性價比計，$30海南雞飯有如此質素確實抵食！下次黎會考慮再試豬手飯同咖哩汁，希望有驚喜

元朗雞地而家愈黎愈多餐廳，其中尼間主打海南雞。雖然鋪面細細地大約容納到24人，有室內外，但上菜速度快，客流量多，而且好多人會選擇外賣。叫左至尊無骨海南雞飯($30)，加雞($15)，馬拉肉骨茶配白飯($50)。海南雞飯既雞件好滑，而且雞皮爽口，我本身唔鍾意食雞皮，但食海南雞唔食d皮有d怪，所以試一試。唔油膩之餘，d雞仲keep住有肉汁。油飯唔會過於油，已經幫你落左豉油，亦附送清甜既冬瓜湯。望落細細碗，但其實有好多飯。馬拉肉骨茶既湯底有濃濃既藥材味，入口先係藥材味，之後飲到甜甜地，因為前幾年係馬來西亞飲過之後，就再冇試過肉骨茶，所以我唔清楚正宗既做法。但尼個湯甜甜地甘甘地，而且飲完唔會口渴，值得一讚。肉骨選擇既係平時京都骨個個部位，d肉好容易就可以咬出黎，煮得好"林"，而且吸哂d湯既味，有3-4件肉骨。另外，湯料仲有冬菇，豆卜，花生，原粒蒜。有支裝自家製飲品薏米水，有碟豆花，見到有人叫，不過當日冇試到。

今日約左朋友在肥仔食海南雞飯因為都八點鐘 驚D海南雞飯賣晒都問左一句 肯定有先入去😍地方比較細 可能因為前身是coffee shop黎😂$30 一個海南雞再加$15加雞我本人是食肉獸 所以就加左雞了雞肉就無骨 我好欣賞 因為平時食好多間都骨多過肉配埋個油飯真係正👍🏿👍🏿👍🏿然後見到後面張台叫左個鹵水豬手 價錢唔算平但都幾好食 好入味 夠晒「林」個豬皮 肉又軟身！同埋都飲左個蝶豆花薏米水唔記得左影相 有少少甜 美中不足總括而言 可以當做街坊食堂🤤會再返兜黎食！雖然環境上就麻麻地架啦 比較細 可以容納到大約20-30人左右

肥仔海南雞係元朗都開左一段時間，不過之前嗌過外賣就覺得麻麻地今日見無人行入去堂食，叫左個海南雞飯，加一杯蝶豆花薏米水。今次食佢既海南雞飯有所改觀佢既油飯比我上次食外賣更香，本身加左少少豉油都幾好味。元朗好多海南雞飯都係用黃薑飯，喱到食到油飯真係唔錯不過就略嫌啲雞斬得太細件，好似好多咁，但其實係一般份量，如果大件啲會好啲。至於杯蝶豆花薏米水係甜甜地，幾好味，藍色望落好特別，如果餐牌有圖應該幾吸引。價錢方面，海南雞飯$30，可以$15加雞；薏米水就$15。喱個價錢都合理既，可以encore

本來聽到$30海南雞飯都冇預佢會好好食，好大碗。雖然入到去鋪頭細細、位子比較少。不過到食物上台，我地都好驚訝。賣相比預期好，雞南雞飯仲跟一個湯。飯量就應該足夠一個女仔食飽飽！男仔可能吾夠，所以可以食豬手飯，都吾錯豬手整得吾錯個外皮肥肉⋯平時我系吾食，但今次真系⋯忍吾到口。蝶豆花薏米水，，甜甜地吾錯！剛好遇到有長者黎買海南雞飯，出示長者卡有優惠⋯$30已經好抵，再更平比長者，真系估吾到值得一贊希望佢可以繼續做落去一樣水準！

想試肥仔好耐喇，打羽毛球前同朋友嚟食個飯先大約8點去到，未入門口，店員已經講左話海南雞飯賣哂，有啲失望😞反正未試過又約左朋友呢度食，咁就試下其他啦！室內座位比較逼，一大班朋友嘅話唔太適合嚟呢間食野喇。坐低後，店員送上冬瓜湯（免費）我地叫左秘制鹵水豬手飯 $50個皮一啲都唔油膩，入味又軟腍，正！娘惹咖哩牛根腩飯 $50個汁甜甜好好味啊牛根軟滑，牛腩肥瘦適中斑蘭薏米水 $15一入口有陣斑蘭味，清熱祛濕真係要飲下好想試蝶豆花薏米水，可惜又係賣哂下次要早啲去試佢個海南雞飯，希望業主唔好咁快加租啦，呢個舖位前後開左唔少平靚正食肆，但時間都唔長

我真係幾鐘意食海南雞飯😄bookmark咗肥仔一段時間了，知道佢幾抵食之餘，大家對佢評價又都唔錯。.30蚊一碗海南雞飯，雖然雞嘅份量唔多，但油飯絕對係大大碗，整體都係抵食嘅。同行朋友本身以為一碗正常30蚊嘅海南雞飯嘅飯量應該不多(其實本來我都咁以為)，所以叫咗多飯(+$5)。但原來本身正常嘅一碗都已經有唔少飯，所以多飯嘅一嚟到真係超大碗😂😂.油飯望落油亮，食落都有雞油味，而且仲保持粒粒分明，所以唔錯😋海南雞都ok，雞肉嫩。但略嫌份量太少，所以即使普通食量嘅人加$10要多雞其實都唔過分。雞腎就正正常常，當初純粹驚唔夠飽而加的🤣

上星期六約了一班好朋友到元朗做掃街茂，其實已不是第一次這樣瘋狂！在2015年元朗大食遊中狂掃8間店已可見一斑！吃罷一頓稱心如意的早餐後行過對面是肥仔海南雞，尤記得主場甜魔媽媽大讚這間的海南雞飯很抵吃！就算飽C荷蘭豆都要試啦！ 一看餐牌真的眼仔也突了！至尊無骨海南雞飯盛為＄30，這價位在我家樓下基本吃不了一頓午飯！ 見有馬拉肉骨茶配白飯＄48也來一客品嚐一番，一大湯碗份量也不少，湯頭顏色深味道偏甜藥材味不會太濃，內有三枝一字骨吃下頗有彈性，內裡還有索味豆腐卜算交足功課！ 至尊無骨海南雞飯一碗內有油飯、去骨雞肉，黑醬油已放在飯內，另有薑蓉和辣汁，三色醬齊備，跟飯有碗蘿蔔清湯，純蘿蔔味道冇涼添加！海南雞肉地沒鞋口，油飯口感算軟熟，是CP值不錯的選擇呢！

以前不喜歡吃雞肉的我，自從開始持續運動後，飲食方面改變不少，也習慣吃可以增肌且富蛋白質的雞肉. 知道雞地附近新開了這間肥仔海南雞，其實都開了好幾個月，堂食就未試過，見到坐位不太好坐且有點迫，就外帶回家吃. 這夜家人來到肥仔海南雞買了全隻去骨海南雞回家加餸~全隻去骨海南雞 ($138)以小盒盛載，貌似份量不多，不過可能去骨的關係，其實3個人也吃不完. 我想足夠4-6人享用啦~附上3款醬汁，個人最喜歡甜醬油，夠濃稠的醬油用來拌飯吃最好. 雞肉都幾嫩滑，至於切成如一塊翼的雞肉，放在整盒雞上面，賣相都幾吸引的. 我們一家於3星期內買了2次外賣海南雞，相信要隔一段時間再買來吃la~P.S. 因為怕肥的關係，我當然是不會吃雞皮的呢!

Happy Friday，分享一連串元朗親子食記，由這間肥仔海南雞開始。由於早前囝囝考試後放了個多星期半晏，所以出場密度大大增加；他最愛吃海南雞飯，所以來了這裡，也是回味一下曼谷的雞飯～ 小店前身是 Dessert Gallery，所以格局很 Cafe，座位也不多，我們家已前後幫襯了3-4次外賣，非常寒冷的月初，放學後首次來了堂食。 有留意食評／報導的，應該知道這裡$25超低價的 海南雞飯；真的沒花沒假，油雞連雞連湯也是只$25，雖然雞肉不多（可以加錢加雞），但油飯相當有口感，薑蓉又香，令人驚喜！如果那湯可以減鹹，同時辣醬可以勁一點，就完美了～ 除了海南雞飯，我也愛這 泰式豬手飯 ($45)：份量比雞飯多約1/3，滷汁影響下白飯帶微甜，不是我愛的口味；但豬手皮薄軟糯、底下脂肪不多，調味又剛好非常好吃，所以會推介！ 此外這裡的肉骨茶不鹹也不淡，也是非常合意，不過小孩當然不會欣賞。照片貼到「食在元朗」，有網友驚訝問道：「細佬吃得完嗎？」哼，大家太小看肥仔的實力了，這頓有碗半飯都落在他肚子內呢！豬手及雞則是媽媽吃得較多。總的來道，以此價格縱然不是至尊美味，但也抵食得太過。值得推介啊！

很少會寫食評，引發今次寫食評，不是海南雞，雞不是十分出色，一入店坐下，由點菜到離開，光顧後感受最出色的應該是樓面兩位小姐，招牌黑面？東西再好食也不用輕視/不專重客人，我用不著比錢去睇黑面而普通的海南雞。

該店剛好在停車場旁邊，地點10分方便。新開業還有優惠價錢，我二話不說點了一份無骨海南雞飯加雞，斑蘭意米水。無骨海南雞飯：雞肉幼嫩，但若嫌雞味不重。加雞後份量剛好，一位女士午飯不多不少。隨飯附送冬瓜湯：清清地，冇咩味精，算係不過不失。斑蘭意米水：有驚喜，估唔到有又幾好飲。

元朗經常有新餐廳已不出為奇，但南洋菜相對上少，而且價錢十分廉宜！HK$28 無骨海南雞飯配例湯 我個人不喜歡挑骨頭的，無骨真不錯，不過雞的份量比較少，不夠的話加$10 也是很相廉。 我們一行四人另外點了肉骨茶老實說，這是我頭一次在香港喝肉骨茶，雖說四人份量，但每人可以喝到4-5碗⋯我們最後都捧著肚子走出來。

元朗最近開左一間以海南雞既餐廳, 又近近地所以就去試一試主打無骨海南雞飯, 方便唔洗咬骨,岩晒懶人, 雞肉唔肥,肉質唔錯, 薑蓉一般,但酸辣醬味道唔夠辣。加五蚊可以加雞腎,抵,可惜口感欠奉,差少少。海南雞飯自主度較高, 可自選加飯,加雞,加腎,加雞全翼($5)。肉骨茶配白飯($48)湯味濃, 味道一般不錯, 排骨不硬,炆得夠稔但唔算太出色。希望日後可以加下前菜小食,店內既選擇暫時都係偏少。總括海南雞慢最抵食,外賣只需$25

本身想試匡樂冰室 但已經full house 就黎試試呢間新開既餐廳啦 但真係不可一 不可再店子座落前Dessert Gallery/ First Step Coffee那裡 格局基本上源用前設置 顯得狹窄並格調不符 甫進店 油煙味不少 在開房式廚房的廚師及女樓面露出一個黑口黑面的樣子 不發一言附上筆和點餐紙便步走⋯想拿餐具 發覺桌上的塑膠餐具盒被重重的湯匙淹沒 想拿筷子先要突破湯匙山 而且 湯匙一拿出來 是髒的⋯馬拉肉骨茶配白飯 $48 OK味道不像地道的肉骨茶 嗅上去像薑醋 但喝下去有杞子紅棗芫茜等的味道 感覺像是例湯配白飯⋯至尊無骨海南雞飯$28 加腎$5 加全翼$5賣相：不合格 雞 飯合體 沒有青瓜陪伴醬汁：薑蓉不香 另外那汁沒味道味道：湯淡而無味 看不出是雞全翼 充其量就是幾舊翼尖 有碎骨 雞毛無清好而密集 以為翼尖下有乾坤 卻是一些手撕雞碎 雪藏雞沒嚼口亦沒味道 雞腎很硬 差點嚼不動 飯不是油飯 而是豉油飯⋯⋯⋯整個就是不折不扣的不OK期間另一剛上班的店員開啟音樂 音響卻時大時細 並非常沙聲 很吵耳 絡繹不絕的人群該因為其是新餐廳 而且新張外賣海南雞飯才$25吧⋯但是次體驗