肥仔海南雞專門店 (順豐大廈)

營業中

休息中

路過既時候見到呢間新開既海南雞， 決定入去試下。 佢做緊試業， 所以只係28蚊碗海南雞飯， 一坐低， 有張好似車仔面既紙比你填可以加飯，加雞，加雞翼etc etc 我問佢可唔可以要淨雞腿， 佢話每一份都有一d 雞腿同胸， 無得簡我叫左個飯， 加左個碟豆花薏米水$15 個飯黎到， 其實真係唔錯， 係有d 油， 但係個味好好 D 肉好淋， 睇落好似好少但係揭開原來有兩層~ 唯一唔好係佢啲枱好細如果係陌生人兩個人面對面食就覺得太近， 好似個頭會掂到對方咁當日我坐嗰張枱又搖搖下,所以環境真係麻麻地下次會選擇叫外賣返屋企慢慢嘆

今日行過見到西式餐廳換上咗另一間新家坡菜於是入去試下，佢個menu好簡單，得A,B,C,D揀，主打海南雞，甘梗係叫個A餐嗱，仲有D都好吸引，所以叫咗A+D點知setD係無嘅，最後唯有叫咗C即係A：海南雞飯+C：咖哩牛腩飯講咗個海南雞飯先飯👉油飯：干身，❌油淋淋，鹹淡適中，爽口雞👉：有雞味，滑，❌雪味加埋汁醬食更香致於咖哩牛腩飯，咖哩同飯分開上， 裝咖哩嗰隻碗就係裝海南雞飯個仔碗， 白飯分開上，飯量大概屋企碗1碗飯度（ 一個大食啲嘅女孩子都未必飽），份量同價錢唔成正比仲有汁同料頭（香茅，辣椒……)，個d牛腩5隻手指都數得哂， 畀四十幾蚊食個咁嘅牛腩飯我寧願去其他茶記畀多十零蚊食個好d， 至少啲牛腩都多啲最後兩樣嘢都好多味精，食完都好口干總括嚟講呢間嘢除咗海南雞飯抵食，個咖哩牛腩飯都有待改善

今日經過見到有新食店開，一於去試下，舖面細細，只有幾張枱，點餐都係一張紙，只有5個餐，我地點左至尊無骨海南雞飯，菜心同薏米水。至尊無骨海南雞飯的確唔錯，件雞無骨易入口，重點係唔會有骨碎係碗飯到，要一粒一粒挑返出黎，加上雞夠滑，好味呀我仲額外加左雞腎呢碗額外加雞同加雞腎，份糧大D，男人食都夠菜心，普普通通啦，無渣蝶豆花薏米水係店長推介，特別就係藍色既，但飲落都平時飲個D味一樣的整體黎講，雞滑又抵食，值得一次