肥仔號

營業中

休息中

今日同大少小妹特登去九龍城，去公園玩完，食完飯 ，就到今日嘅重頭戲，去買大閘蟹。我哋選擇咗去肥仔號買大閘蟹，去到已經見到有幾個人買緊。嗰度嘅大閘蟹的外殼顏色呈現鴨屎綠色，且有光澤。蟹爪肥大，蟹腳結實，整體看上去十分誘人。我哋買咗三公三乸！嗰度重埋紫蘇葉同薑茶包，好貼心！返屋企，清蒸左啲大閘蟹食。大閘蟹的肉質鮮嫩細膩，口感豐潤。蟹黃部分好多，爆曬膏出嚟，食落去擁濃郁的蟹味和滑順的口感。蟹肉則鮮美彈牙，具有獨特的甜味。我哋每人兩隻，食得好滿足！

突然想食大閘蟹即去九龍城今晚突然好想食大閘蟹😍即叫老公揸車去買，去到九龍城行咗陣但有好多間都關咗門，其實個陣只係晚上7點就決定食返之前食過嘅肥仔號上年叫過一羅送貨去屋企同成班朋友一齊食，味道都唔錯但未至於爆膏做緊買二送一就買咗三隻試吓職員話白膏要下星期先會多啲我就照買嚟試吓一隻$168 五兩平均一隻都百幾蚊，唔算平即晚就蒸嚟食，唔算爆膏，但算甜有送薑茶同紫素葉肥仔號 (九龍城)九龍城侯王道73號地舖

九月十月又到了食大閘蟹的季節，上網睇完到九龍城買大閘蟹，主要係新三陽同肥仔號。兩間都有唔錯評價，行完兩間店，見新三陽D 4-4.5兩蟹要 $1XX/隻，肥仔號就有75折 (約$8x/隻)，肥仔號就好多人選蟹，所以就自己選買左兩隻母蟹公蟹返家同另一半分享，另外會送一小袋紫蘇葉，香醋同即沖薑茶。跟買蟹姐姐指示蒸左17分鐘就食得，蒸好出嚟嘅蟹色澤深橙，母蟹超多膏，甘甜香軟，公蟹白膏濃厚，蟹肉原多但鮮甜。下次都會再買來食。大閘蟹季節完結在即，只到11月底，還未吃大閘蟹的朋友門，快到出外試試吧。人均: $100 - $200抵食: 💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀環境: 😉😉😉😉

我以前沒有寫過食評，不過他們真的令我很失望憤怒，所以想告訴大家！朋友是他們的熟客，推薦我們試試，所以這次沒有選擇新三陽，選擇了肥仔號。我們買28隻7兩半的大閘蟹，一開始店員很熱心的幫我們選，選了差不多有十幾隻了， 突然老闆娘走過來俏俏在她耳邊說話，然後就過來幫我們選，看到她拿著一隻很明顯斷腳的蟹，我在旁邊看著，我心想她會不會把斷腳的放在我們的籃子裡，果然真的她就放了然後我就跟她說是斷腳的，不用她選了..因為之前店員已經幫我們選了一大籃了，還有他們是朋友介紹的，蟹的品質應該會不錯，所以雖然老闆娘這麼奸詐，行為令我們憤怒，我們都算了，繼續讓店員幫我們選！最後我們還買了水果和酒，總共用了差不多$9000。回去食的時候真的是失望極了！有3隻是臭的，4隻是沒有膏沒有肉的！之後朋友打給老闆娘跟他說這個情況，老闆娘卻推搪說蟹是我們自己選的，還罵我們痴線！我想知道他們只是想做一次生意嗎，就把店鋪關門嗎？沒有想過客人會回頭幫他們買的嗎？所以真心的跟你們講，千萬不要幫他們買了！

九圓十尖，未到農曆十月，都係食蟹乸穩陣， 因為未到蟹公爆膏時，網上咁多廣告聲稱蟹公已爆膏，我怕係荷爾蒙谷出黎，雖然食大閘蟹，已經係同膽固醇大戰，但都要健康返少少，堅持食蟹乸 👊🏻自由意志既我又係唔預訂，難得九龍城仲係有開左多年既地舖，咁就睇左幾間啦，包括新三陽、永富、上海鴻福號。剪完個髮先行過黎買，新三陽七點就收左喇，咁肥仔號有最平 100蚊3隻，咁就買返去啦。雖然，咁平價我梗係無自己揀啦，三隻入面一隻有比較稀既膏，另外兩隻都唔錯，細細隻D腳食唔食都無所謂啦。

趁住蟹季前來買大閘蟹，因為想食膏所以選了蟹乸，有買三送一優惠，所以買左四隻，仲附送左紫蘇葉同醋。店員拎入袋見到非常新鮮生猛，返到屋企蒸熟後打開蟹蓋，蟹膏豐富金黃色，味道鲜甜，下次會再光顧。

突然想食大閘蟹，之前朋友買試過肥仔號唔錯，專登老遠都揸架車去！有買三送一，正！服務員態度很好，耐心講解！仲有優惠！(大閘蟹)是今晚宵夜，真的不錯好多膏，最緊要啲高仲係香嘅，白膏黃膏各佔一半，性價比高！會再來！😋😋

又到食大閘蟹的季節， 專程揸車到九龍城買大閘蟹， 以前多數到銅鑼灣買的， 網上見到好多人介紹肥仔號， 所以我又想試下。 去到九龍城其實都有很多店舖賣大閘蟹， 逛了一圈之後最多人的鋪頭都是肥仔號， 買了七隻五両$118公， 第一次在這裏買大閘蟹非常期待！ 店員教放上紫蘇葉與大閘蟹一起蒸17分鐘， 很快就蒸好了， 果然沒有令我失望， 超級多金黃色的蟹膏 ， 又香又肥美， 每一隻的膏都非常平均， 蒸氣的時候已經聞到香噴噴的大閘蟹味， 肥仔號絕對可以再encore！

As well as fresh fruit, they also sell smoothies strangely packed in ready to drink pouches.Got three flavours: coconut, mangosteen and pea and sesame pudding.They all turned out like delicious baby food as it was like puree.The only one I didn't like was mangosteen because it was sour and the taste was weird.It tasted nothing like the real fruit whereas the coconut one was natrual and pleasant.

我咁多年都有食肥仔號，叫係一直支持佢地口嘅忠實fans, 10月頭時買左9隻蟹番黎6隻係苦。我諗住可能未係時候唔怪得佢地。。但係今日再試，買左6-7兩最大隻嘅蟹番黎，成400幾$一斤！一開竟然係無膏！！d 膏嘅份量仲少過3，4兩個d!!!! d膏仲有一陣奇怪草青味，完全唔掂！仲要買左3隻！3隻d膏都好奇怪！！唔好食！好嬲！我以後以後以後都唔會再幫襯肥仔號！

秋天到了 當然要吃大閘蟹餐廳吃大閘蟹太貴了 所以決定自己動手九龍城有好幾間都好有名但預算有限 所以選擇了當中較便宜的那一間肥仔號太湖大閘蟹$95/隻 5両一共買了六隻都說有圖有真相！！！天呀！隻隻都好多膏$95隻有這個效果 可謂相當不錯呀

又到大閘蟹日子喇～「九月尖十月圓」但如果雌蟹同雄蟹比較，我個人就中意雄蟹多啲喇。雌蟹「母」，蟹膏就比較實啲，如果中意食蛋黃嘅朋友，揀雌蟹就啱口味多啲，口感差啱多，有啲嚼嘅口感。雄蟹「公」膏就比較流質多，流心口感。由於啱啱喺九龍城食完晚餐，路經「肥仔號」⋯大閘蟹便成為飯后甜品喇！揀大閘蟹我都係初哥仔，公就尖掩，母就圓掩。眼仔夠唔夠精靈，要輕敲眼邊殼位，眼仔會眨下眨，代表隻蟹未死。撩一撩佢啲腳，反彈得愈勁即愈生猛！蟹腳要實淨，肉質先夠實。爪毛要呈金啡色，蟹身要青綠/軍綠，有光澤，蟹身要夠白淨。暫時淨係識咁多大閘蟹知識，我諗都已經足夠呱！？買大閘蟹會跟送一支鎮江醋、一舊姜、幾片紫酥葉、一小袋糖。醋、姜、糖係用嚟調製醬汁，配大閘蟹食用，酸酸甜甜會特別開胃，更可中和大閘蟹本身嘅寒。都係視乎個人口味啦，點唔點個汁，大閘蟹本身已經好好味！先準備一鍋水煲滾，將蟹反轉，將蟹掩向上，鋪上紫蘇葉，或將紫蘇葉放碟底都可以，水滾放入鍋中蒸二十分鐘！食得！開動喇～大閘蟹好新鮮，蟹鰓好乾淨，蟹膏呈蛋黃色！好靚！食起上嚟好香，好滑，仲有粘口感，好正呀！蟹腳肉亦算實，清香味甜。$178兩隻，唔錯唔錯！下次可以試埋其他價

肥仔號 , 揀呢間係因為 openrice 睇過 , 九龍城區最多好評係呢間門面好大 , 大閘蟹以斤兩計算 , 不知是好是壞 , 但對我地呢 d 買少少o既客人呢間甚有名氣o既專賣店 , 店員聽到 " 可唔可以秤兩隻 ? " 面色己經有所驟變而我地先問過 , $ 188 斤o既 , 大約幾錢 ... 佢答我地 $ 50 一隻 , 然後秤左 $ 103我地隨口發揮師奶本色 , 問一問 $ 100 可以嗎 ? 我地仲話 , 最多唔好枝醋啦店員還是很強硬的拒絕 , 說話欠友善 , 老實講o個 $ 3 減唔減無所謂 , 致係講下之嘛~ 隨蟹物 : 1. 紫蘇葉 : 白色小袋裝好 , 數片算幾完整 , 都幾乾淨2. 醋 : 也是原枝裝同順興香醋 , 我地話唔要 , 相係用之前o個枝黎影o既3. 薑 : 肉眼睇己經見到有 d 泥巴 , 拎上手乾爭爭 , 洗完都仲唔係幾想用4. 黃糖 : 啡黃色透明糖粒 , 比較幼細 , 甜度都比較輕~ $ 103 兩隻大閘蟹公 :蟹身唔算細 , 蟹殼偏深色 , 蒸出黎卻偏暗橙色 , 唔夠艷亮 , 蟹腳亦較幼細揭開蟹蓋 , 嚇左一跳 , 一隻好多水 , 一隻係奶黃色

大閘蟹季當道, 當然唔可以放過肥美可口既大閘蟹啦! 一向食大閘蟹都係去開幾間老字號, 真係唔敢試其他古靈精怪大閘蟹...而位於九龍城大閘蟹三王之一的肥仔號就絕對信得過, 今次少少地幫襯左4隻, 隻隻粉量十足, 金黃爆膏, 回味無窮, 加D特製黑醋令蟹的鮮味更強烈地滲出o黎

有日行街見到個小巴站廣告，令我口水長流，因為上年佗BB要介口而無得食蟹，今年當然要盡情食番多d。早排去九龍城肥仔號買左３隻大閘蟹試一試，估唔到隻隻蟹都好多膏，d膏仲好香，「正」！