肥仔記麵食

營業中

休息中

去荃灣有急事搞，又就快到 lunch time，快快趣搵嘢填肚。牛腩牛筋幼麵（$33）牛腩大件，偏瘦但唔太嚡。牛筋煮得腍，入味，唔錯。幼麵帶有鹼水，但可接受。湯底稀咸好在之後唔口渴。豆漿唔太甜但沒有豆香味。價格親民，啱哂速食填肚。12:00前，凡惠顧雙拼粉麵，即獲豆漿一杯（12:00後，加$1）。

相信喺香港🇭🇰食一碗雲吞麵🍜可以有好多選擇，但係可以食到咁平嘅雲吞麵真係好少何。今日慕名而來，就係想食到佢嘅平價🫶🏻招牌雲吞麵，盛惠$27。希望可以食到又平又正嘅雲吞麵✨除咗粉面之外，都有飯🍚食。多款選擇，走過路過，不要錯過✌️【食後感】📝✔️麵條吃起來口感很紮實，又有彈性🫰✔️🍲湯係濃郁，而且好清✔️雲吞大而飽滿有蝦子味🦐✔️雲吞皮又薄又滑👍✔️蝦肉比例均勻🐷✔️環境唔錯，食飽就走🙏✨全日粉麵$27，真係要推介

之前睇咗網評幾好 就去試食呢間麵店，入到去叫咗一個牛腩雲吞米粉，叫完之後想叫多個炸魚皮，叫阿姐加單 點知即刻畀阿姐用好惡嘅態度照顧，好惡咁問點解唔一齊嗌，我心諗如果我係之前想食我都會一齊叫，但係突然間想再另加咁未分開叫囉，其實食肆追加都係好正常既事，唔明點解個阿姐要咁惡，話完我之後拎個牛腩雲吞米過嚟無人認頭，我問係咪我的佢又堅持唔係我 (惡劣態度中)，要等到第二個職員問都係冇人認先肯畀我，其實叫嘢再另加餸都好平常，但阿姐嘅態度係好惡劣，我好似得罪咗佢，唔知係咪新香港人嘅關係定間食肆問題，所以要受呢種服務，係度食食到一肚氣。另外呢間麵店好多味精, 啲嘢好鹹 + 牛腩好韌 + 炸魚皮唔好食. 咁多公公婆婆去食，我諗係因為佢有一蚊杯豆漿。

逆市期間經濟唔好～仲有堂食$25一碗一餸粉真係好抵～仲要份量多～唔係下午茶份量正餐之選有雲吞、牛腩、牛筋、炸魚皮之類款式好多自由配搭叫兩餸加$1有杯豆漿～本來想試炸魚皮聽講好脆好好味～可惜最近有D上火都係等下次先試啦～今次揀咗牛腩、牛筋鹵得好入味～賣相吸引～夾起仲大大嚿～唔似出面切到細細粒街好多上海鋪豆漿都超甜勁多糖～依杯凍豆漿偏淡又幾健康喎街坊店仔坐得唔舒服～但係買少見少～小店大家都可以試吓性價比高

經過荃灣，有點肚餓，好想食麵，看見這間店舖，儘管一試，灼菜、煮麵、炆牛腩，全部由老板娘包辦，好本事又夠刻苦，仍替她辛苦(天氣炎熱還要對火爐），發揮獅子山精神，心感佩服。點了雙拼，柱候牛腩和鮮味牛肉米，不用多説，牛腩炆得又軟又彈牙，入晒味道，很好食。另外，牛肉煮得爽滑鮮味，湯底很鮮甜。最后，米粉渌得爽滑，没有瓊一大塊，一條條通明，没有碎麵，所以整体是合格。地方不算太整潔，環境雖然一般，但是勝在夠地道，又很抵食。

肥仔開業多年，雖然地方一般大，但有三個人手包雲吞，可見人流不少。叫了一碗云吞河，有四粒雲吞，河粉份量也不少，不過$22，這個價和粉量在同很難找到。雲吞也大粒和彈牙，吃完滿足離開。

「肥仔記粉麵」是一家傳統的香港粉麵檔，沒有堂皇的裝潢、沒有軟墊的座椅，有的是懷舊、有的是傳統味道、有的是人情味！相信曾經光顧的客人相信也不是衝著環境而來，反之，是來感受舊香港的情懷，以及經濟效率高的麵食。一碗雙拼粉麵才港幣26元，有牛腩、牛根、雲吞、水餃、魚片、自家制春卷、各式丸類等等，加1元還可加配自家制豆漿，一碗單拼粉麵甚至只需港幣21元，是現今少有的經濟之選。今天我跟太太再次光臨，點了一碗雲吞牛根河及一碗牛腩春卷河，牛腩入味、雲吞足料，可以推薦給大家嘗嘗。

晚上要上課, 晚飯時間只有約半小時, 只好到附近找家小店速戰速決。當晚人不多不用等位, 一坐下便點了魚片雲吞河。粉面雙拼$26, 另外雙拼可加$1送豆漿, 價錢相當經濟。下單後不消五分鐘魚片雲吞河已送上, 雲吞雖然只有兩隻, 但非常大隻, 每隻都填塞了滿滿的餡料, 感覺跟外面吃到的傳統雲吞有點分別, 但別有風味, 雲吞也很鮮味。魚片也爽口新鮮, 雖然豆漿只要$1, 但豆味濃, 絕無偷工減料。朋友點的雲吞面也有四隻雲吞, 份量十足。$27的晚餐的確物超所值。

依間粉麵食左好耐，每次都覺得好好食，佢雲吞大粒，牛筋都好好味，起碼個量真係多👍🏻比起隔離棠記，真係差得遠！一間粉麵鋪好無食，叫碗雲吞麵就知，棠記雲吞麵唔係雲吞麵黎，似車仔麵個種，但肥仔記就係雲吞麵，所以即使佢姐姐態度極差，都會去幫襯，講起姐姐，每次都好勞氣，唔明佢次次咁勞嘈，不如唔好做啦！人地唔岩，我覺得發火尚可接受，但好多時係佢有問題，都對客人當頭棒喝，個刻好想鬧佢，如果女仔黎食，個量都夠，男既就可能唔夠食，或要雙餸先得，願個個姐姐收下火啦，先攪清楚係佢自己問題定個客錯啦，如果唔係因為肥仔記好食，真係以後唔會幫襯呀😞⋯⋯

聽朋友介紹 就來試下 如果唔係 早去回平常去的隔離那間麵店了 卻換來這结果 真活該 唔聽人介紹😔第一次來光顧 卻就给了我不好感覺 食物無問題 員工態度極惡劣 入去食嘢活受氣 聽錯客人Order還粗聲粗氣 叫客人下次啦！(意思係 叫你下次來食過 無得換) 其他食客都話咁態度都有嘅 真係哈哈哈！🤔 要客人忍不住不再客氣才肯換 但態度卻依然差😤 開放式煮食卻怕客人觀賞 簡直有名無實 只係做個樣😒隔離同級麵當好過此間棠記多多聲 食物同樣级數 但人家服務態度良好呢！👍一句講哂 此間食店請我都唔嚟呀！😤😤😤注：真正的唔憂做 其態度不會是咁的

幫襯了這間肥仔記麵食很耐，一直以來都覺得他價錢很平，很抵食，在沒有要求之下，都可以勉勉強強做一餐，今日行過又想食他的雲吞麵，誰不知，沒有牛筋同沒有水餃，我唯有叫了一碗牛肚雲吞河粉

係荃灣早左放工…見有D餓，啱啱行到沙咀道見到有間$18雲吞麵！心諗最緊要平就貢左入去！望住幅牆上個餐牌，諗緊食乜！都係叫番雲吞麵好似穩陣D.碗麵到左，個樣正常！先飲啖湯，冇乜味！加醋加辣椒油調下味！再試下個麵，唔知係麵本身問題定係淥麵嗰師父問題，個麵好淋同好漿口！最後試下D雲吞，有4粒同有好大隻蝦係入面，雖然都爽口，不過就成隻野都好似冇乜味咁！雖然唔可以話收你$18蚊你仲想點！其實可以做好小小！咁上下價位既權記就做得唔錯！謝謝…題外話…姐姐個樣幾惡！同對有D客唔禮貌！不過當你有禮貌地叫野！佢地都會禮貌回應！

住開二陂坊，呢間肥仔都叫得上平價美食。今日收工心唸去吃個淨雲吞油菜豆腐醫下肚。三樣加埋都只係29蚊。真心好味又抵。 但埋單時我就出事喇，丫妹我今日冇㩒錢，身上剛好29元，一張20，一個5蚊，一個一蚊，6個5毫子。心唸剛剛好，好彩姐。 點知俾錢走人時，個丫叔一收到我d錢，就喂一聲。嚇到我個心離一離，心唸咩事。個卷毛馬面哨牙丫姐就開聲，唔收5毫子wo。ok，我以家先知你唔收，咁我就坐反底翻轉個袋咁希望搵到3蚊俾佢。可惜既係我搵唔到。我就同個丫姐講，我冇3蚊丫，我住後面二陂坊，一係你收住先，我反去拎俾你丫？我用我貓主子發誓我當時係好聲好氣，話曬大家街坊鄰里，我仲想來吃架大佬，又係哀人當然好態度d。 點知，點知，個丫姐來完全冇唸過呢回事，呢度唔收5毫丫，你冇錢咪學人嗌咁多，你嗌咩豆漿，仲搞到咁！你俾錢我唱，我找俾你！我已經不爽。 丫姐？丫姐頭先有聽到我講嘢嘛？我字正腔圓地表達左我冇錢係身wor？仲點俾你唱？係！我冇錢！但起碼我都有俾足29俾你丫！就算我唔知你唔收5毫，我之後都話我反上去拎反3蚊俾你。我唔係冇錢俾w

星期日返外家前例牌同車爸爸去食lunch攞住好多嘢落車冇幾遠有間粉麵檔肥仔記便求其食D嘢啦點知.......價錢親民得過份~ 雲吞河一碗有4粒雲吞味道都可以架可惜D河粉用上炒河好難食最後食淨了成碗河粉罪過~ 牛筋河真係食橡筋一樣炆得唔入味還幸咬得下~要講講D阿姐態度勁差事原我想食魚肉春卷我兩碗麵到時便跟阿姐說想要碗春卷或者我講得唔清楚佢以為我想加餸便一句"得"埋嚟出咗囉喎便轉身走咗,我唯有又叫番佢落單其實好小事啫幫襯多D理應好事為何要這樣對待客人呢??btw呢個魚肉春卷同雄記冇得揮下次都係行遠D去食吧!!不過價位真係冇得輸嘅呢餐$6X埋單,如要求不高平平哋已可溫飽了

這已經是暑期的事了，而來荃灣的原因，是因為帶了阿仔去上一個似有用而又好似浪費時間的暑期班，就在他上學的短短一小時時間裡，我同媽子決定吃碗麵，而我們一轉出人多車多的沙咀道，就有一間叫《肥仔記麵食》的小店，求簡單求快，食麵，的確是好比生命的幻變.....我點了一個雙併麵，牛腩加雲吞，一吃，味道是可以令人滿足的，再吃，你會發現牛腩是未夠腍的，三吃，雲吞是很香口的，我的一碗仔麵，被牛腩的質素影響了少許。媽子要了一個雲吞麵，這是一個很像樣的雲吞麵，雲吞香口，有大地魚的香味，皮滑，亦夠大粒，再者他們亦在麵湯底加了腩汁，味道不單調，感覺不錯。很經濟亦夠味道的雲吞麵店，不過他們的人流也是太多了，而且是傳統地大叫落單，弄得我們叫了的油菜，一直到我們食飽都未黎，而且姐仔一見人食完，好似趕客咁....服務上絕對是不歡，但食物上，是OK的。