肥姐小食店

營業中

休息中

相信大家對呢間小食店都唔陌生🙈因為好多遊客捧場而經常大排長龍😝不過排一下都好快到我地🍴皇牌Combo $29由於唔知揀咩好，直接揀左一個套餐有細生腸，墨魚同火雞腎🤩最推薦墨魚，夠爽口帶有少少滷水味，配埋自製嘅豉油，甜醬同黃芥辣😍確實好惹味，不過黃芥辣有時會太攻鼻😂會辣到喊！而生腸都有咬口火雞腎就偏淋，所以都係墨魚最好食😚

成日都掛住既旺角小食😋每次去行街都忍唔住要過去食返兩串墨魚先開心既咁啱今日行過竟然唔使排隊梗係唔會放過呢個機會🤤仲有套餐 等你唔使諗食乜嘢🤣淨係睇相都好想再食🤣

今日行去油麻地/旺角區域 行下街， 4-5點左右，感覺有小小餓，想食小小野，咁啱又路過肥姐，於是就想食串生腸。見到間鋪頭唔使排隊心諗，咦咁着數嘅？之後行過去諗住叫串細生腸，點知原來已經係唔可以就咁叫一串細生腸，如果就咁叫一串細生腸要13蚊。簡單啲來講就係最低消費$13。之前6-7蚊一串， 家下最低消費$13。唔怪得知冇人排隊啦。原諒我係一個窮人。Sorry以後肥姐都係不了，因為我係社會中食物鍊嘅最低層。

因为去到旺角已经快晚饭时间，某平时下午甘多人，所以唔使等好耐，大概五分钟左右。皇牌套餐好抵食。果然无论系咩野食，酱汁都系灵魂。每次睇tvb都好想食哩滴街头小食，大肠，鸡肾同墨鱼哩d。推荐推荐推荐。

油麻地登打士街個面多小食就係人都知，雖然種類咁多，但肥姐次次去食都大排長龍🤦🏻‍♀️🤦🏻‍♀️🤦🏻‍♀️，但食上癮嘅我就算等幾耐都得🤤🤤🤤女仔一個人食細皇牌就啱晒啦！$29會有雞腎，生腸同埋墨魚🦑有d人會怕食內臟，覺得好大陣味，但肥姐嘅雞腎同生腸一d都唔會有異味👍🏻👍🏻👍🏻食落去好爽而且個醬油同埋甜醬又唔會搶味👍🏻👍🏻 鍾意食辣嘅可以加埋芥辣，不過最好食嘅都係墨魚🤤🤤🤤，墨魚肉好爽脆而且好厚肉👍🏻

去開旺角廣華醫院附近又點可以唔去食肥姐小食店🤤🤤大皇牌有墨魚+大生腸+火雞腎我另外再要左豬頸肉+豬耳+紅腸同豬脷😆😆😆其實望見橙色嘅滷水串已經好吸引，好想食🤤再加埋紅色嘅甜醬同黃色嘅芥末醬，顏色更吸引，味道更正肥姐嘅滷水汁做得好好，鹹甜適中，配埋濃濃嘅甜醬同好有剌激感嘅黃芥末😍😍真係唔講得笑，黃芥末絕對係劃龍點睛之處呢🥰凍鎮的串串，真的很適合現在的天氣食，冰冰涼涼，特別開胃、醒晨

雖然幾乎每個星期都會出旺角，但係咁出名嘅『肥姐』就一次都未食過😓因為次次經過都見到排曬長龍，見到都驚左😨😨今日出到去，未到食飯時間，但係又餓餓地，經過『肥姐』竟然無乜人排隊😱😱😱即刻走去排😆😆（咁難得嘅機會唔可以錯過😈）雖然成日排長龍，但原來條隊流動得好快👍🏼👍🏼啲員工做野勁快手，好快排完有得食了🤗💕生腸好爽口、無怪味。💕腎片大塊、肉厚。💕墨魚好大舊、軟身容易食。

每次經過旺角呢條街，就算周圍開咗好多新嘅小食，每次都見到好多人係肥姐門口排隊！今日見有時間都排下隊，幫襯下肥姐小食，食佢嘅大王牌套餐，有大墨魚，大生腸，同埋火雞腎！我一定要加甜醬同芥末，因為本身就係得滷水味，加左甜醬芥末會更好味！大墨魚同生腸好爽口，火雞神就好有滷水味！呢個真係旺角街頭必食嘅小食！

肥姐真係滷味店的王者，每次去到都一定要大排長龍！我好鍾意食呢到既墨魚，所以每次黎都一定要叫大墨魚。加上豉油和甜醬，真係無得頂！墨魚爽口彈牙，真係一流！今次難得有細生腸，同墨魚一樣好好食呢！

無論係滷味定係佢d 芥辣都係超正食左好年都仲係食唔厭，就算排隊都好，我每次經過都係忍唔住食我最鍾意既三寶生腸唔腥唔臭，超級爽口腎口感超正，撈埋d 芥辣真係一流八爪魚又係必試總括而言，口感加佢既醬汁全勝

我自己都諗唔明點解每次一經過旺角都一定要過黎買串肥姐個雞腎。而且幾乎每次過黎都好多人排緊隊，不過都排得好快，所以建議大家諗好食咩先過黎排隊。因為排到你個陣你諗多一秒都會影響後面排隊既人 ❤️火雞腎$8+細腸$8真係好好食，個火雞腎食落係唔會軟都唔會硬，又入味！加埋甜醬真係冇得頂❤️不過我個人唔推細腸，都係有少少味同埋難咬行到埋去要即刻點餐 如果埋去先諗就會影響到後面排隊既人喇

香港係美食之都，係美食天堂，世界知名，全世界都知，而當中有一間店，雖然冇裝修，冇招呼，甚至乎冇位坐，仲要衹係賣小食，都真係飛星國際，大部分嘅旅遊雜誌都介紹過，就連尼泊爾皇室事務廳，職員餐飲部侍郎都幫襯過嘅，就係 (肥姐小食) 。我呢啲師奶仔當然都鍾意食呢啲小食， 我最鍾意就係食， 鹵水墨魚、鹵水生腸。鹵水墨魚嘅味道超級正，唔會太鹹，墨魚味道好鮮，咬落去又彈牙但係又容易咬，又唔會好硬，加少少甜醬就更加好味。鹵水生腸真係爽口又彈牙，食落去個味道 甜甜地咁樣，好得意好有咬口感，真係爽口。不愧為香港嘅名牌。

我夠膽講肥姐係全香港最好食嘅滷味 食咗咁多年都係冇變過 一樣咁好食 雖然每次嚟到都要大排長龍 排到肥姐隔離啲鋪頭都要痴張紙出嚟叫人唔好過界 但長長嘅人龍都比唔上我食肥姐嘅決心 今日去到 條人龍雖然長 但排咗10分鐘到就已經買到 所以大家唔好俾佢條人龍嚇親而錯失左一啲咁有水準嘅食物我每次去到都係食細大生腸同墨魚 其實食呢啲內臟最緊要都係乾淨企理唔好有異 繼而最重要嘅就係個醬汁 一定多同埋濃 所以Wasabi同埋甜醬都係要多 食起上嚟要攻鼻但係又要有口感 同埋$10 $8一串係邊度搵 其實我哋應該多多支持呢一啲嘅小食店 呢啲咁嘅店舖先係香港嘅傳統文化希望我哋真係會好好珍惜多多支持呢一啲小店

全旺角最好吃的小吃必点皇牌套餐墨魚，細生腸，火雞腎不知道為什麼這間店的小食會吃上癮的，一段時間你又會想起他，就會很想回去再試一下。生腸和雞腎很爽口，花椒八角味好香，這種味道就是別家店做不到的，配上芥辣，好滋味。這間店長期都有人在排隊的，不過速度都算快。

每次經過旺角都忍唔住去食肥姐！佢d滷味真係無人能及！特別係大生腸同大墨魚！生腸非常爽口！墨魚又好彈牙！再加埋甜醬同芥辣，真係無得輸！唔怪得長期出現人龍啦！下次要試下其他滷味先！