肯德基家鄉雞 (KFC)

營業中

休息中

以前返番學年代日日同班friend 係kfc食早餐，一定食呢個雞扒包。分開包一層層嚟食嘅朋友會知，佢面有芝士底有沙律醬，無一層淨乾包咁dry。中間炸雞扒並非下午或夜晚會serve 的，曾經岀過雙層雞包至有用過。不是太脆但夠juicy，唔可以話好好食，但加埋回憶就合格了。當單買一杯奶茶都$14.5時，呢個包餐只係$22都難免要食返個…

其實我本來是想，光顧一間位於上環的中式粥店，可惜我在上環輾輾轉轉尋找了很久，等到我終於找到那粥店的時候，粥店卻已經關門休息了，因為那粥店營業時間偏早，未到下午六點已經關門休息。結果失望地離開上環，徒步回到中環「德輔道中」的時候，天色已經完全變黑，時間都已經到達晚上七點正，是時候開始食晚飯了。結果我為了在坐車返回西貢之前，找間食店食晚飯，結果我只能「馬死落地行」，在中環找上位於「德輔道中」的「肯德基家鄉雞」，食我的晚飯。「肯德基家鄉雞」大部分餐牌裡頭的套餐，都一早已經被我試食過，甚至曾經寫過食評，所以上環「肯德基家鄉雞」剩下可以講係只有限定的套餐。例如「肯德基家鄉雞」現在正在限定推出的「五層大盛巨盒」，就是我當前一刻，唯一一可以在「德輔道中」「肯德基家鄉雞」裡面選擇和購買的限定套餐。不過話時話，其實「肯德基家鄉雞」早在大約上年的時候，已經推出過「五層大盛巨盒」。或許「五層大盛巨盒」對「肯德基家鄉雞」來說，就好像「麥X勞」有「滋味分享盒」或者「雞翼套餐」一樣，沒什麼好值得稀奇。就算「肯德基家鄉雞」已經在「五層大盛巨盒」的配搭款式組合上，試圖加上少少心思，但是「萬變不離其宗」，「肯德基家鄉雞

還記得中學果時食家鄉雞，覺得係幾矜貴架，細個印象中蘑菇飯同埋家鄉雞皇飯嘅餸同汁都好多架但到近幾年，啲雞縮左啲啲水都算了，但覺得啲飯做得差左好多，求其咁樣淋啲啲汁就算，蘑菇飯上面嘅蘑菇加埋都唔知有冇四粒，雞皇飯就連雞粒都唔多見。對上果次食KFC都大半年前，近日試番次，覺得改善左少少我今次叫左近期推介響脆黑椒雞餐KFC依家做得好左啲既係可以加錢轉鮮檸檬茶或奶茶，但衰既係連熱飲都要加錢不過佢地杯嘢飲以美式快餐黎計係ok既，同茶餐廳差唔多。今次食蘑菇飯，覺得啲蘑菇多左啲，就咁睇都叫有十粒咁上下，叫過關啦都知道係唔會做到好似佢幅圖咁足料咁靚架啦。至於今期推介既響脆黑椒雞，味道算可以啦，其實佢黑椒味唔濃，當普通家鄉雞咁食就可以了。留意到佢個葡撻個撻底好似轉左少少，味道就依舊啦。其實，KFC唯一無咩點大變動過既，就係葡撻一樣而已

下列為俾kfc嘅email, 已sent喂！我今日4月14返工，今日係紅日，你舖頭一眼見哂6個員工，收銀係做埋執野食，即係1+1個樓面，3個喺廚房，1個抹緊玻璃，我前面得一個人等，但我等左5分鐘……，咁我叫左個9號早餐，執哂啲野我俾我，望一望代早餐，我問返收銀，我話小左啲野喎，佢個樣話俾我知，佢好似咩都唔知咁，即係點?我冇食你兩個月早餐，個通粉個盒直徑小左一半，容量當然冇好多啦，我6啖就食哂成個通粉，個大盒得一塊雞扒仔，連一塊蕃茄都冇，你個早餐駛唔駛精緻到咁，仲有你個早餐咁精緻，就唔駛用個25.5x18cm嘅盒擺一塊約10×7cm嘅雞扒咁唔環保啦下話，請睇下我夾俾你嘅attachment，睇下我今日份9號餐同之前嘅幾大對比! 仲有，廚房又有野出唔切，前面嗰個落完order等左10分鐘都未囉到，唔該檢討下你地啲工作分配，好飽了~一肚氣

是日筆者放工前有點肚餓, 來到KFC點選了葡撻(HK$7). 賣相方面, 一點也不討好, 平時的葡撻皮應是金黃色的, 但筆者手上的葡撻皮呈暗淡的淺啡色. 試一口, 葡撻皮很淋身, 沒有酥脆的效果, 而且非常油膩. 幸好內裏的蛋香是有的. 很明顯失準了.

KFC 終於係中環有分店啦！五洗去到上環信德中心~今早就去左坐下，嘆返個早餐先返工~叫左個S2餐都只不過係$12: 多士走牛油 + 熱咖啡之前我去過何文田KFC, 多士竟然係無得走油....呢間就可以啦~太好了~多士個味道似嘉頓白方包，正正常常，不過焊得五夠耐，五太脆，有點失望。環境幾好，都幾寬趟~ 而畢竟係新裝修，加上用木台木凳，所以感覺乾淨整齊，五似其他KFC。服務方面，可能因爲店員好多都係新人（個經理不斷教距地），所以做野慢同不知所措，問距要杯熱水都蒙蒙地，五知我講咩gum。希望遲d會有改善。