肯德基家鄉雞 (KFC) (已結業)

11日24日晚同Friend黎e度食Dinner叫左個2號餐同2件辣雞可能遲去,辣雞無得擇,得雞背同雞翼查實間間都差唔多,環境同衛生都唔錯la

其實間間都差唔多....不過serve 我的果個小姐好似新尼....最起碼連d 雞要辣定唔辣都唔問我....兩個人去食....兩個餐....加兩個葡撻....不過最重要都係講下呢間kfc 係可以睇溜冰....咁都抵番丫

星期六傍晚致電外賣速遞,店員表示要45分鐘至1小時送到結果1小時5分鐘才送到雞不止唔脆,巴辣雞翼仲要超細隻比堂食或自己外賣差很多!!!

今早本想在KFC吃早餐，沒料到那裡的人態度如此差劣。我與朋友在10:45前已到達counter排隊，幾個counter只得一個人收錢，其他人響counter後面行來行去唔知做乜。我地前面只得一個客，收銀果個唔知係咪未瞓醒，黑口黑面，攞嘢又慢。這時我靠著收銀機望著上面個餐牌，由於字細，我塊臉都靠得幾近，正考慮轉邊種飲品之際，果個穿藍恤衫嘅不知是否經理還是其他較高級的職員突然快速提起那塊紙板餐牌，也真嚇我一跳。他目無表情的看一看我，就走去遠處繼續收餐牌。我細聲問我朋友，他是否看到我正在看餐牌。我朋友說yes。我說他這樣做對客人來說不太禮貌。之後，終於輪到我們買野。個女仔就話十一點無早餐，所有排隊的人都起哄。我看錶，10:56am。一、未到11am，二、都唔知點解前面個客只係買左兩份早餐都搞咁耐。跟住d人都嘈，話掛隊時都未到11am。個女仔就幾惡咁話總之無晒雞蛋、腸之類嘅野買。我地問究竟早餐剩番d乜，佢話只有包。後面d人鬧「有無搞錯」，我地都走人，去麥記無咁嬲。唔知後來d人點嘈落去，不過我起決定以後都唔去呢間KFC食早餐。比起呢間KFC，又一城麥記嘅態度就像天堂與地獄我地過到去已經過11am

要左一舊黑椒上脾+辣雞翼~黑椒上脾好熱, 應該arm arm 炸起, 好好味~但係辣雞翼唔係咁熱, 無咁好食~近期黑椒脆雞好hit, 因為真係好香好好食, 建議揀呢款好D, 因為通常都會新鮮炸起, 好味D!!!

本來諗住食板前架. 不過爸爸遲左,, 之後又趕時間喎,, 就去左KFC喇.爸爸買左個咖哩扒飯.媽媽食左早餐唔太肚餓,, 諗住唔食野不過爸爸就買左雞翼俾佢食.唔知係咪因為星期6既關係.所以好嘈呀＠,＠

帶住個細路出街，所以特選KFC，等佢可以睇人溜冰唔洗咁悶。2個大人，叫咗兩個餐。家鄉燒雞+ 蘑菇飯+salad+soup ($32): 燒雞幾好味，味道調得唔錯，又燒得幾脆。蘑菇飯都係咁啦，nothing special.soup 唔錯，好多雜菜，不過好似有d味精。吉列咖哩雞扒飯+ coke ($29): 份量比較少，有幾片椰菜，一大件吉列雞扒。雞扒好食，好脆，好嫩; 咖哩雖然唔辣，但好香，送飯一流。環境唔錯，無mud 人，除jor 溜冰場d音樂比較嘈之後，都無mud 噪音！

22 November 2006 (Wed) - 下午茶同家姐黎食下午茶，記得細個時最愛食KFC既薯蓉，好耐冇食，黎品嚐一下！叫咗個薯蓉，蘑菇飯，五隻巴辣香雞翼，正！樣樣我哋都鍾意食，呢間啲蘑菇飯既汁夠多，有啲KFC會好少，唔夠撈飯，呢度好正！反而雞翼好似稍乾，不過都可以，有辣味嘛！！

有晚八點幾去食，淨係叫個布甸，出左一排想試好耐架喇!價錢唔平架! 成10皮! 又細兜!食落口.........嘩~~~~ 冇o野下話~~又甜到死，吉士粉味重到爆!! 面頭個皮又"un" ，又唔夠熱!!好似擺左好耐咁!!! 俾10皮你俾d咁野我!!!???我唔好加多少少錢去"滿記"食果個"芋茸焗布甸"!!人地果個就真係絕頂正! 人地值99分! 你地比1分都嫌多呀!! 以為自己有錢不斷整靚d 裝修就掂拿!!??食品質素都好重要架!! 唔該檢討下la !!!!你地質素下降就人所共知!!! KFC以前＋年前就正!依家..........不知所謂!!!!

有次同個fd行又一城,行完都差唔多十一點,同個fd走上上面美食廣場,諗住食埋野返屋企,周圍D鋪頭都差唔多收哂,見到有間KFC,無選擇之下走左入去,點知入左去之後真係後悔囉...肯德基...簡直係不知所謂......係我有生以黎所見過最差既食市......首先D野食咁少份量既野黎講真係好貴,一D都唔抵,成廿八蚊先得果兩件雞,一兜格格薯加杯汽水......真係食麥當奴都無咁嬲,(起碼無咁呃稱)講返D雞,真係好"雞"囉,先講肉質,乾爭爭,(仲衰過煲完湯既瘦肉),韌到爆,油就大把!!味道好差毫無雞味,雪味超重,好咸同好勁黑椒味,想掩飾雪味都掩飾唔到,反而越搞越禍,D炸粉成塊甩出黎,直頭係翻炸,果兜咁既格格薯最呃稱,得果五塊,得一個字咸!!果隻咩鬼燒雞翼,居然同我講要成七蚊一隻,十三蚊兩隻,我又即管睇下你有幾好食,一食落去...無野喇...同街邊走鬼檔D燒雞翼無咩分別,唔同就係,人地十蚊有三隻......街邊果D仲好食,D服務仲差到無人有,前所未見!!叫同一個餐要講兩次先聽到,話左要杯百事走雪,我已經講左兩次,佢都係聽唔到,硬係要我講多次,1跟住佢居然同我講係唔係唔要汽水......問佢有無濕紙

下午茶時間,散左左隻蜜糖燒雞翼+香蜜鬆餅隻雞翼好似比以前乾身左好多...而個鬆餅就真係唔錯,但係d蜜糖spread 得唔勻,食到底先有好多,係我個食法錯左定係點就唔知...

心血來潮…牙痕難當…買個A 餐頂住先。我鍾意食唔辣的原味，就最憎食辣味…又會成日唔記得要減肥，最鍾意食晒塊皮。如果情況許可，買筒10件雞番歸慢慢嘆就最好，可惜無得淨買汁點雞，否則就係完美生活。一諗起D雞味…我又…心血來潮…牙痕難當…買個A餐頂住先。我鍾意食唔辣的原味，就最憎食辣味…又會成日唔記得要減肥，最鍾意食晒塊皮。…………………

新推出的燒雞飯還是不敵久違了的北京雞卷*北京雞卷的等一擊: 醬汁唔夠，卷亦唔夠熱。唔夠喉添，一於再來一個。*北京雞卷的等二擊: 特別要求多蔥和汁另上，隨了汁的份量可以自已調教外，還能保證即叫即造，夠哂新鮮！*燒雞飯: 燒雞汁幾香，雞的肉質唔算’鞋’*布甸: 失望

放學後覺得肚子空虛, 專程往商場去走了一圈, 大部份食店巳關門, 仍在戰鬥中的, 還包括美食廣場內的檔子, 在場巡視了兩回, 仍然找不著對胃口的"美食", 正想要打道回府之際, 轉身一看, 又發現此間肯德雞..., 原只想吃個葡撻給肚子作個交代便算, 最後又變成雞翼拼紅豆布甸餐, 雞翼外表燒(烘)得香脆, 而肉可說上沒什味道, 跟骨有點離體, 盛著布甸的錫紙兜, 呎碼如蛋撻的差不多, 只是較為高身吧了, 布甸入口也可吃到一點點香味, 當然又不能與車品品的作比較, 餡內的紅豆子反而焗得出味, 不過失分在過甜了。

size比想像中細好多,淡而無味, 中間既豆沙餡好少...散叫要$10一個完全唔值,叫套餐加$5要一個亦無謂~