肯德基家鄉雞 (KFC) (已結業)

差不多兩年無掂過家鄉既雞喇！一來唔就腳唔順路，二來卡路里含量極高呢，一件雞相等於一碗出前一丁啊！突然懷念狂野燒雞的肥美油潤黏黏 juicy, 但居然暫停，搞錯呀！我山長水遠黎到九龍灣，雖然只不過是去睇戲路啫。唯有失望地退而求其次，我要三件香辣脆雞上髀啦。收銀妹妹您要再培訓喎，何解兩件都雞胸呢？還是您專登架？真心有點火，只食髀的我，就算燒味飯都只食雞髀鵝髀鴨髀！香辣脆雞胸，雞胸鞋烚烚乾爭爭，半點肉汁也沒有，雞皮晒到硬掘掘又刮口，靠自己的口水嘴嚼柴皮般的雞肉。最終都最成任務將兩件雞胸消滅，但一路食一路黑臉一路講粗口囉！剩餘唯一的雞上髀贈與朋友仔享用，無緊要。蜜糖燒雞全翼，無焦香的燒雞翼，明顯半烤半焗。發育不良的雞翼，不肥美而皮包骨，眼測已降低食慾，敷衍地塞入口中。皮比肉還多，雞皮焗到紙皮般的嚥韌，十分有趣，真係食到笑出黎。雞肉還微嫩的，莫非是創新的紙包雞？只食肉不食皮？微溫輕送淡淡蜜糖甜味，陰沉混濁沒有生命，唉。

很少吃肯德基，女孩子嘛，貪美！最忌「熱氣」，最怕「出豆豆」可是，向來愛甜食的我竟然發現肯德基最近推出了新產品：藍莓葡撻。正所謂心動不如行動，不斷說服自己葡撻也不算甚麼「熱氣」食物吧……葡撻依舊外脆內軟，溫度剛好，蛋汁亦甜而嫩滑可惜超市牌的藍莓果漿filling毀了出色的葡撻不論質感和酸甜的味道與原味葡撻都不相配總結，不會再買

一月五日 (星期日)是情義結又好，是由細吃到大都好，Billy就是喜歡吃KFC近幾年，KFC的炸雞，除了原味，還不斷推出多款新口味每款也會去試，不過，碰壁居多...最近，KFC又推新味 - 黃金雞，就買了兩隻雞胸回家當宵夜聽名，就是黃金蝦的朋友吧眼看，應是炸雞上加上蛋黃粉皮，炸得香脆沒腍，也的確有一陣類似蛋黃的香不過，就只是限於脆皮，肉，就跟原味沒大分別...幸好，啖啖肉，而這分店做得不錯，炸得不算油膩Gimmick來的，還是原味最親切~

近年我已甚少到KFC用膳，除了因為熱氣外，更因為家鄉雞的那股雞“隨”，這股味道在原味上校雞中尤甚。 但KFC不時會推出新口味，貪新鮮的我又會被引了回去。 這次的餌是壼物火鳥套餐及奶油豬仔包早餐。我選擇了將咖喱飯轉反斗薯，約四十元。 壼物火鳥無非是在炸雞上塗上一層日式醬油，味道還不錯，雞上脾的肉仍很滑很多汁，吃不到那股雞“隨”。 問題反而在反斗薯上，它其實只是薯格和其他形狀的炸薯組成，而且還是凍的！ 炸薯要新鮮才惹味，凍了便是廢物，是用來虐待食客的，店方請改善。

星期日同左女友同一個細路去左呢間店到食晏,我就叫左個厚燒雞腿包加磨姑飯連野飲,佢個飯一般啦,同以前冇咩分別,唔難食就真既,但佢個厚燒雞腿包就幾好wo,d味都幾夾,雞腿再加煙肉既味道既好既特別,而且好多汁,加埋佢d醬酸酸甜甜咁,幾好,好似依家賣緊$30到,都可以接受既.佢果度成個場得一個人執枱,好多時都執唔切,呢點要改改.

大伙十幾人食了幾個桶餐。現在其實kfc的雞，可以話有三種口味。家鄉雞（辣），家鄉雞（唔辣），新的燒雞（flava）。三款食過其實覺得flava最好，有少少的辣香，雞幾入燒汁味。其次是家鄉雞（唔辣），但係已退步啦，小塊了，味道普通，不太濃郁。辣雞最麻麻，好像食炸粉多過雞。葡撻就要揀啦，有d係幾乎無蛋漿的！薯格唔錯，如果鮮炸出來都係正野。飯就真係好hea，把汁林上去就玩事。幾抵食就係真ge，一人三十幾都幾滿足！

Tried the roasted chicken, however the taste was more like grilled chicken with the oil grilled tasted, other than that it was ok, the rices were clumpy and coarse as usual, but the chicken ala king tasted good, reminded me of school dinners.In comparision the new Flava roasted chicken dosnt taste as good as the roasted chicken wings.The egg-tart was totally burnt, had to peel off the black skin on top of the tart.

最近知道KFC連下午茶都推出了幾款至醒盤，所以今天特登去了買來一試！我買了的是燒雞腿芝士包至醒盤，連一杯汽水，$15。入面的燒雞扒其實就是那個厚燒雞腿包入面的雞扒來，這個包除了有燒雞扒和芝士外，入面還有少量茄汁的，味道是OK的，雞扒都幾厚身，只是整體配搭好像有點怪。

近來KFC又推出了新產品，叫芝士脆雞，今天就去了買來試試。我買的是最新Update的至爆套餐，食物包括蘑菇飯、巴辣香雞翼兩隻、墨西哥脆脆、一件雞和汽水。原來所謂的芝士脆雞，只是普通的炸雞，其實只是叫我們點那個芝士醬，就會變成芝士脆雞，果然讓我有少許失望，本來還以為雞入面釀了芝士的，原來也只是普通的雞，要我們點那個墨西哥脆脆的芝士醬，不過點起來吃的味道也OK，只是沒有了驚喜。其餘的食物也跟平常一樣咁好味，今天的磨菇飯還特別多汁添！

朝早唔想點行見到肯德基有位一於在這處食了.上次食過雞卷,今次唔食啦!就係13號餐有腸仔一條和滑蛋再加一個香蜜鬆餅.由於肯德基的飲品唔啱心水,最後加了3元轉盒裝橙汁 首先講滑蛋,我覺得一d都唔滑,蛋邊硬到死,又煮得鞋口.最攞命係凍的.至於條腸仔煎過都頗香口.只是同一毛病有點凍,係咪一早煎定晒放係到等人買呢 鬆餅一向麻麻,這兒鬆餅都唔錯的,有牛油香,如果熱多少少更加好了 依這個價錢來說個早餐絕對唔合格,看來下次還是不要這麼懶惰好了

KFC近來特別多抵食野，又出至醒盤，又有coupon，今天買了至醒盤來吃。至醒盤真是超抵吃啊！有鴛鴦飯、粟米、一件雞和汽水都只賣$19.8，這個價錢有咁多樣野食真是超值啊，如果逐樣野散叫應該都要三十蚊啊！鴛鴦飯可以一次過吃到雞皇飯同蘑菇飯兩個味道，雖然賣咁平預左上面既料唔會好多，不過起碼都唔會上面冇雞肉同蘑菇先啦，香辣脆雞依然好味，炸得非常香脆可口，又唔會太辣，炸粉又唔會太多，正！

今日同fd過左黎食~~~2個人食左一個格格脆~2個萄tart~1隻蜜蜜燒~2件雞~1個汽水~1個蘑姑飯~~~~~~~~~~~~好味呀~~d格格脆都仲好脆~~~德福果間就唔會啦~~~~葡tart都好味德福果間無萄tart ga~~~><""之後雞都ok。無話有咩特別。。蘑姑飯~~~~~d 飯就一舊舊@@唔太ok~~~~

早上吃完KFC的早餐後，令我上了癮，加上在KFC的網站看見又推出了新產品，所以就繼續支持KFC了！今次的新產品是厚燒雞腿包，單看圖就立即聯想起麥當勞的板燒雞腿包。至爆套餐$26.8有雞包、薯塊同汽水，但另外又有一個叫至尊套餐，比至爆套餐多兩隻巴辣香雞翼，賣$31.8，所以我最後選擇了這一個。這個雖然稱為厚燒雞腿包，但我又不覺得它厚，雞扒有少許蜜糖味，都算合格，不過以芥末醬陪搭好像不太襯，加上入面夾著一塊薯餅真的很怪，真想知道為何會有這樣的配搭，總括而言，還是麥當勞的板燒雞腿包好吃得多！

我一直都挺愛吃Fast Food的，對於兩大快餐店麥當勞和KFC，我一向都較愛麥當勞，KFC只是一般而己。不過近年自從吃過KFC的早餐後，就從而對KFC的興趣大大增加，因為KFC的早餐真是很捧！處於會考途中的我，今天剛好沒有試要考，在KFC的網站又找到早餐的coupon，所以早上就去了買KFC的早餐回家吃。我所點的是雞扒+香腸+鬆餅、蕃茄通粉及特濃熱朱古力，KFC的家鄉雞經常都會出現不入味的問題，但是早餐的雞扒，我從來未試過遇到這個問題。雞扒非常入味，而且炸得剛剛好，捧！鬆餅很鬆化又飽肚，通粉也不差啊！只是熱朱古力的份量比較少，味道也算合格。整體而言，KFC的早餐真是不錯，無論是我今天吃的這一個，還是雞扒芝士包、雞烤卷等等都值得一吃啊！

肯德基出左個新既午餐，兩隻雞全翼加薯格及磨菇飯仲有甜品送都係27蚊，見到當然唔執輸啦﹗雞翼是最抵讚的，平日買一隻都成七八蚊﹗而家一個餐有兩隻，雞皮帶蜜汁香，雞肉嫩滑很岩我呢0的鍾意食雞翼既人一試再試呢﹗薯格味道好像差了，沒有薯仔味，唔知搞咩﹗食埋個香噴噴既磨菇飯其實已經飽哂﹗不嗜甜品的我試左個咩朱古力批，咬下去盡是朱古力漿及cream，甜得很，吃了一口棄之﹗